觀塘美欺 2019-10-1 00:23:36 推

:^(

葉開葉開 2019-10-2 19:06:10 美欺巴

:^(

葉開葉開 2019-10-2 19:12:01 各位讀者大家好，如無意外下一集係結局，而且字數會比之前多，所以今晚未必update到，但如無意外應該呢個星期可以出埋佢。

另一個update得慢既原因，係因為我同大部分既香港人一樣，經歷左呢個十一國殤，心情低落。

另外，樓主身邊有人被捕，被控暴動，今朝響西九提堂。唔係冇預計過呢個情況，但當真係發生左既時候，果種難過根本冇辦法形容。

大家加油，我地一定要好好打贏呢場仗

呢鋪大檸樂 2019-10-3 01:50:26

:^(

加油，攰就唞下先再出文啦

自由hi一號 2019-10-3 01:51:24 樓主加油 全香港人都加油

:^(

金鐘連登仔 2019-10-3 03:07:20 樓主我地一齊加油，我都有朋友被告暴動
今日聽咗半日審，大家都攰
休息完再出發

葉開葉開 2019-10-3 09:26:20 多謝大檸樂巴

:^(

葉開葉開 2019-10-3 09:26:49 冇錯，我地一定要打贏呢場仗

葉開葉開 2019-10-3 09:28:11 果種感覺真係好難受…
佢地既犧牲實在太大…

隨遇而安的人 2019-10-3 12:00:11 「TaiwanWarmPower」今晚（15日）在臉書發文，呼籲民眾一同連署「德國聯邦議會第95643號請願書」 ，支持「請求德國與中華民國（台灣）建立外交關係」，內文中指出迫害人權的中共不應代表民主自由的台灣。小編表示，可參考連署教學影片，2分鐘左右的時間就能完成簽署，如能在10月9日前達成5萬人連署，就有機會將此議題送進德國國會。

#AntiChinazi

Source: https://m.ltn.com.tw/news/world/breakingnews/2916703

連署教學from TW:
https://www.facebook.com/allen.taiwangermany/videos/pcb.2942668175748064/2942643702417178/?type=3&theater

連署link:
https://epetitionen.bundestag.de/petitionen/_2019/_05/_31/Petition_95643.mitzeichnen.html

大家幫下手, 聯台灣抗邪惡強国

仲爭800咋

觀塘美欺 2019-10-3 15:49:50

:^(

:^(

大波淫底小妹妹 2019-10-3 16:57:01 點解唔可以苦中作樂
故中情節好大機會
已經係事實係現實生活中發生
樓主都係想鼓勵下手足
你唔中意睇可以唔睇
希望你尊重返樓主

金鐘連登仔 2019-10-3 20:41:23 唯有多啲陪下佢地 等佢地知道有人支持佢

Guti.Haz 2019-10-4 00:34:50 樓豬振作

:^(

葉開葉開 2019-10-4 09:22:21 呢幾日個人都好撚灰
不過我明既，休息過後再上路
和理非都有佢既用處

葉開葉開 2019-10-4 09:22:43 多謝絲打

:^(

葉開葉開 2019-10-4 09:24:17 一定要
不過感覺到佢地都好灰…

:^(

葉開葉開 2019-10-4 09:25:52 放心，我ok
我擔心我朋友多啲

Intern16強出局 2019-10-4 09:27:15 此回覆已被刪除

葉開葉開 2019-10-4 13:08:39 之前幾單工廈拉人都係類似

葉開葉開 2019-10-5 21:45:54 三十五

徐穎雯抹一抹眼淚，繼續回憶道：「我收到Order返去之後，就好似扮晒冇野繼續同佢地開下會食下野…同時繼續留意住大家既動向。」

其實我聽到呢度真係好嬲。

妳個心係要有幾黑先至會明知班後生仔係無辜，都仲會服從上司無理既命令？

真係打份工大晒？

不過我今次強忍怒氣，廢事次次都忍唔住做個燥狂阿伯。

我一路諗緊野既時候，徐穎雯並冇停落黎：「…我其實一路都心不在焉，同伴們有啲都有走過黎關心下我，問下我有冇事…」

唉…徐穎雯，如果妳一早良心發現，響呢個時候叫佢地走，阿禮佢地就唔會慘受折磨…

「如是者應該唔係過左好耐，突然有一大班警察破門而入！即使我係一早知道會有警察行動，但咁既規模我都嚇左一跳！然後我自然望住班警察搜屋，佢地好快就搵到Madam比我放響單位入面既物資，然後聽得出佢地好興奮咁大叫：『搵到喇！佢地收埋左啲炸藥響呢度！』

「之後幾個警察走埋去搬走啲所謂既『炸藥』，而其他警察就各自幾個人㩒住其他學生，又用警棍打頭，有啲甚至乎用枝槍指住佢地…

「佢地應該係為左唔好令其他人起疑，都有對住我拳打腳踢，但力度明顯輕好多，而且都避開晒啲要害…

「但我完完全全嚇呆左…我冇諗過所謂既行動係咁既規模、所謂既罪證係咁樣得返黎…

「當下我已經意識到自己係做左一件幾咁愚蠢、幾咁邪惡既事…

「佢地將所有既學生押左去五、六架唔同既警車，唯獨係將我單獨押去另一架警車度…不過混亂中，我相信冇人見到…

「一上到架警車既時候，Madam已經響架車上面等緊我，佢一見到我，即刻笑容滿面咁同我講：『做得好！妳一出學堂就已經立左大功，妳份report我識點寫架喇！』

「『Thank you Madam！』我其實迷迷糊糊咁根本唔知自己聽左啲乜野、講左啲乜野…升職？我根本冇諗過…我要既其實好簡單，我只係想穩穩定定咁有糧出…

「但原來現實唔係咁架。由佢地揀中左我做卧底潛入班學生入面既果一刻開始，我已經冇可能簡簡單單咁就可以心安理得咁逗糧…

「或者咁講…響件事發生左之後，我係冇可能唔受良心責備…係我…令到佢地比警察捉住…係我…令到佢地比人嚴刑逼供…係我…係我令到佢地冇晒前途…」

或者係徐穎雯都壓抑得太耐，佢今次唔再係流小小眼淚，而係雙手掩面嚎啕大哭。

但，有用咩？

「妳知唔知…我地響拘留所見到阿禮既時候，佢仲好關心妳。」我決定響徐穎雯既罪惡感上面補多刀：「佢仲為妳成功走得甩而高興。係真情流露果一種高興。」

徐穎雯喊得更加犀利，斷斷續續咁道：「對唔住…我冇諗過…係咁架…」

Jason向我打個眼色，示意我唔好再講落去。

我係特登同徐穎雯咁講野既。

我要佢知道，有啲過錯係冇可能彌補到。

即使妳之後良心發覺，但有啲過錯犯左就係犯左，受左傷害就係受左傷害。

妳就算幾悔恨、幾內疚都冇用。

「或者…妳慢慢冷靜下先喇。」Jason採取同我相反既策略：「妳肯企出黎幫我地做證，證明妳仲係一個有良心既人，係咪？冇錯，妳係犯左錯，但趁而家仲有得補救，咁就儘力去補救喇，啱唔啱？」

之後大家都冇再出聲，靜左好一陣。

徐穎雯緩緩地索一索鼻，再道：「對唔住，我可以繼續喇。」

我同Jason點一點頭。

「我地架車跟埋其他人一齊返左葵涌警署。

「老實講，自從班警察破門而入，再制服學生們開始，我已經好心神恍惚，我響警署入面做過啲乜野，印象已經好模糊…Madam好似同我一路行一路講左好多野…但究竟講左乜野呢…？

「但我記得既係…佢地落口供間房…響落口供間房入面傳出既慘叫聲…好似環迴立體聲咁…

「我果晚返到屋企，但我完全唔敢抬頭望自己屋企人。佢地本身都好支持我考警察，覺得人工對於我黎講好高，但最近佢地開始思考究竟警察對示威者既做法係咪有問題。

「我唔夠膽講我點樣以卧底既身份，令到一班無辜既年輕人比警察拉晒…

「我果晚完全訓唔著覺，一路望住天花板眼光光，一面回憶起呢一年以黎同阿禮佢地一齊相處既時光…

「我起左身，第一件事就係寫左封辭職信即時離職，之後返去遞比Madam。

「『妳真係諗清楚？』Madam接信既時候問我：『今次妳好大機會升職，呢個機會好多伙記做左廿年都恨唔到。』

「我冇猶豫。我根本唔係想升職…再講，咁樣升職，我自己都過唔到自己果關…

「…我辭職之後，我嘗試去由唔同既角度去調查單案件…但我發現…無論出街又好響屋企又好，都有人監視緊我。

「出街既時候更加明顯，出親街一定有啲平頭裝既大陸人響我附近出現。最初都唔覺，但當響一啲理應只有街坊出現既地方，就算得一個平頭大陸人出現都好顯眼。

「佢地係輪住換唔同既人黎跟踪我、監視我，但佢地既特徵實在太明顯，我假假地都係前警察，點會留意唔到？

「我雖然日日比人監視，但又冇乜野特別發生響我身上，於是我唯有靜觀其變。

「呢個情況去到件案差唔多開審，突然有啲匿名電話打黎比我，用唔係咁純正口音既廣東話同我講：『徐小姐，我知妳最近好關注單炸藥案既新聞，周圍去打聽同上網睇消息。不過，妳既然唔係警察，我勸妳最好唔理咁多喇，對妳冇好處。』跟住又一口氣咁將我既家人資料講晒出黎。

「我冇屈服。我既良心叫我唔好屈服，我要贖罪。不過，我真係搵唔到啲咩特別資料，係對你地有幫助既。

「直至到案件開審，法官落左命令唔比傳媒報導單案件，我唯有每日都去旁聽。我好驚比阿禮佢地認出我，所以每次去旁聽都會喬裝一下，而每日既審訊，法官處事既不公…都令我越黎越憤怒…越黎越內疚、後悔…

「然後呢個時候，我爸爸突然比人響街襲擊，之後…我收到個匿名電話…似乎係之前既果個人打黎，叫我唔好再咁多事，如果唔係我屋企人下次唔止受傷咁簡單。

「我好嬲，但再次，我既良心話我知，我係唔可以屈服。我用晒所有積蓄，安排屋企人去歐洲唔同既地方旅行。佢地見我好認真咁安排呢件事，都接受左。

「之後，我都離開左自己屋企，換埋電話，擺脫左果班跟踪我既人之後，就開始四圍住既生活。

「我依然每日到庭旁聽，見審訊已經到左最後階段，而阿禮佢地既情況已經極度惡劣，我響調查唔到任何野既情況之下，唯有親自黎搵你地。

「我，願意親自出庭指證警察。」

（待續）

Guti.Haz 2019-10-6 00:43:00 會唔會到時被消失

:^(

葉開葉開 2019-10-6 00:56:39 下集應該真係堅。結局，到時就知架喇

:^(

Guymeow 2019-10-6 01:16:46 師兄，我一直有追你既故仔
我想問大結局前你可唔可以update其他人物既樣？
比如劉uncle同劉學禮之前你都有貼圖比大家代入
我好想知道Jason個樣呀

:^(

葉開葉開 2019-10-6 08:45:27 好呀！
不過比小小時間我

:^(