(親情/社會)我個仔被老屈藏有炸藥
上一頁
第 12 頁
下一頁
葉開葉開
2019-9-18 09:26:21
:^(
Ads
唔明人地點諗
2019-9-18 10:25:05
本基本法等閒就話改下 仲點會有法治 本身制度又無野可以制衡到 投考警隊標準又低 質素點會高
葉開葉開
2019-9-18 13:14:01
係
揸槍呢班,隨時係讀書果陣最垃圾果班
質素差撚到
葉開葉開
2019-9-18 21:32:20
二十七
鍾官退庭後,法庭內既人漸漸散去。
臨走既時候,肯德基伯伯梁華大律師拍一拍Jason既膊頭:「後生仔,你已經做得好好。意外既野…好難講,希望你個證人冇乜大礙喇。」
歐陽大狀都行埋過黎,向Jason道:「Jason仔,我仲以為你淨係識得撩女仔,但你今次成個審訊既表現真係令我刮目相看…」
…
其他大律師都陸續經過黎我地,順便講一啲安慰既說話。
…
Jason完全冇回答,只係露出苦笑。
我望住班辯方大律師離開,其中幾個屬於大狀黨既大律師見到黎自英美既大使、議員,即刻上前巴結,傾到口沫橫飛。
…
然仔呢個時候都走埋我地身邊,冇出聲,只係默默咁企響度陪住我地。
「走喇世侄。」我都拍一拍Jason膊頭:「至少,我地要趕去醫院睇下保安哥哥而家乜野情況先。」
Jason苦笑咁點一點頭:「嗯…」
然仔都好憤慨,用力道:「一定唔係意外!有乜理由要做到呢個地步…」
冇錯,我都唔相信保安哥哥咁「巧合」落去煲煙,然後又咁「巧合」咁比車撞到重傷。
「放火都做得出,佢地有乜野係做唔出?」我諗起我果間燒左一半既公司,淡淡地道:「但係而家每一秒鐘都好寶貴,我地唔好再浪費時間喇。然仔,你可唔可以返公司睇住個檔口先?」
「冇問題!」雖然係有啲唔情願,但係然仔為左公司,唯有提早徹退。
「行喇,世侄!」我再拍下Jason膊頭:「唔好灰心!」
Jason抬頭笑一笑:「放心,劉Uncle,我冇野喎!預左佢地會出奸招架喇!」
Jason呢個笑容…其實只係好勉強咁擠出黎…
我諗Jason唔係冇諗過對方會出陰毒招數,但我估佢冇諗過對手真係要攞人命。
就算果次放火燒我公司,佢地都揀冇人既午餐時間放。
今次真係對住個人黎撞。
今次對Jason既打擊,可能比想像中大…
可能佢覺得我地連累左一個無辜既局外人,所以感到好內疚。
事實上,我都係。
但而家唔係頹廢既時候。
「咁我地起行喇。」我向Jason道。
*
Jason揸車話咁快就去到瑪○醫院。
但係由於我地唔係病人家屬,所以醫院職員唔肯話比我地知保安哥哥響邊。
正當我想坐低諗辦法既時候,Jason話:「等我試下。」
佢拎左個電話出黎打,過左半响個電話應該接通左:「喂,Kate?
「係呀!冇見妳咁耐梗係掛住妳喇!
「唔講咁多住,有樣急野想搵妳幫下手,妳而家係咪返緊工?
「太好喇,我想麻煩妳幫我搵個病人既資料。應該係今朝響高等法院樓下撞車,個名叫…陳志良…係。
「唔會既…最多我忙完呢排單官司之後同妳上山頂燭光晚餐…
「唔該晒~妳真係抵錫既啫!」Jason講完呢句之後唔出聲等待緊。
雖然佢把聲既語氣同平時撩Mary既時候一樣,但其實佢既表情係幾焦急既,不過或者係因為佢唔想比電話既另一端既Kate知道,所以儘量用平時既語氣去傾電話。
對面既Kate應該響度摷緊資料。
再隔左陣,Jason終於出聲,面上多左幾分擔憂:「下…嗯…唔該晒…咁我都過去望望先喇。」
Jason之後沉默左陣。
「放心,我冇事喎,總之真係唔該晒妳喇!」Jason續道:「唔…好,拜拜。」
Jason放低個電話,臉上有點頹然。
「咩事?搵到保安哥哥未?」好似有啲唔妥,但係事態緊急,我都只好照直問一問事態既發展。
「知道左。」Jason嘆一嘆口氣:「我啱啱搵左個響呢間醫院做野既好朋友,佢幫手查到保安哥哥而家既情況…只係…只係…」
…
唔係…
救唔返下嘛!?
「佢…情況如何?」我問。
我唔敢問佢保安哥哥係咪有啲乜野不測…
政治係好污糟,我明白的。
但我唔希望污糟到有無辜既人死於非命…
「佢…響手術室…做緊手術…」Jason回答,語氣中冇佢一貫既自信。
鬆左一口氣。
至少,佢仍然活著。
但照咁睇,佢聽日唔會上到庭。
「世侄,冇事喎。」我拍拍Jason膊頭:「吉人自有天相,好人一生平安,保安哥哥做完個手術轉頭就冇事架喇!」
Jason點點頭:「冇錯,佢一定冇事既!」
「打起精神呀世侄,呢個世界冇可能所有事都儘如人意既。而保安哥哥做緊手術,即係至少佢仲保住左條命,算係不幸中之大幸。」我道:「我地去睇下咩情況先喇!係呢,你識路過去手術室?」
Jason再點點頭:「跟我黎。」
然後,我地兩個就出發了。
(待續)
伊布拉希莫維奇
2019-9-18 22:28:29
:^(
呢鋪大檸樂
2019-9-19 02:48:59
好耐冇見
:^(
希望保安哥哥同所有好人都會平安啦
:^(
葉開葉開
2019-9-19 09:09:28
:^(
葉開葉開
2019-9-19 09:10:08
大檸樂巴
:^(
好人一生平安
:^(
CL9528
2019-9-19 09:14:06
睇咗差唔多一半先知「我」係老豆
:^(
葉開葉開
2019-9-19 09:18:37
:^(
你件死辣殺
2019-9-19 09:21:50
:^(
Ads
CL9528
2019-9-19 09:28:22
去到阿禮拍檯嗰度先有一句提到爸爸,前面完全冇提過,我以為係老母呀
:^(
葉開葉開
2019-9-19 09:42:00
我get錯左,睇到成個故既一半
:^(
葉開葉開
2019-9-19 09:43:08
以為睇到成個故既一半
葉開葉開
2019-9-19 09:44:59
自膠
:^(
CL9528
2019-9-19 09:46:25
Sorry,係 #1 嘅一半
:^(
法蘭西貢使
2019-9-19 10:05:50
推
你件死辣殺
2019-9-19 10:59:13
唔係你問題
葉開葉開
2019-9-19 13:58:03
:^(
葉開葉開
2019-9-19 13:58:29
多謝法蘭巴
:^(
葉開葉開
2019-9-19 13:58:54
係好易誤會
:^(
Ads
太skr了
2019-9-19 14:00:31
此回覆已被刪除
葉開葉開
2019-9-19 14:30:12
多謝巴打你既意見先。
我絕對明白你既意思,而事實上出故之前其實我都有諗過呢個問題。
我想講既係,真正開始令我啟蒙既係一套叫逆權大狀既電影,至到今日,我都會話佢影響得我好深,我睇既時候仲未有雨傘運動,政治同社會環境都單純好多。
唔敢講如果冇呢套電影既話,我而家既心態會係點,畢竟香港人都經歷左好多好多,但係無可否認既係呢套真人真事改編既電影啟發左我好多。
或者我只有寫下野仲叫做有人睇下,所以而家呢套小說,可能係垃圾,但我儘量將社會上面發生緊既事放入去,作為另類既記錄又好,希望都有人會受到影響。
文字對人既影響,我覺得都可以好大。
當下社會局勢,可能已經好多人覺醒左,但我希望將來既時候,都仲可以有人受呢部垃圾小說既啟發。
再一次,多謝巴打既意見。
印度支那
2019-9-19 15:19:36
好耐冇睇 一次過睇番 冇諗過 其實呢d劇情已經發生緊
唔明人地點諗
2019-9-19 15:50:29
唔好on9呢個環境仲唱歌仔
上一頁
第 12 頁
下一頁