【史詩】【同人】《周公Online》
第 1 頁
下一頁
奧比旺
2019-7-29 21:34:05
歡迎各位玩家來到周公online－這一個曠古絕今的夢幻戰場。
每個人的心中都有一個願望，但現實之中沒有機會實現？如今就有一個機會－加入周公Online！用你的努力去實現你的心中願望吧！ 不論你是什麼年代、背景都可以參加！只要你願意！
以下為報名表格：
姓名：
性別：
年齡：
時代：
種族：（除神族者）
性格：
能力：（如為神級人物請自重）
背景：
願望：
陣營：（紅軍／黑軍 ）
以下是遊戲玩法和規則，請各位玩家注意：
1.遊戲將會分成紅、黑兩大陣營對抗，紅、黑兩軍各有一位主帥／將軍。
2.雙方的主帥／將軍都可以命令自己的部下，並帶領自己的部下迎向勝利。而雙方的玩家都要服從己方的主帥／將軍。
3.雙方玩家只要互相擊殺對方的主帥／將軍（即將軍無棋）就視為勝利。
4.雙方玩家一定要保護己方的主帥／將軍，若己方的主帥／將軍被對方玩家擊殺則為戰敗。
5.在本遊戲中，各種傷害都可以經由食物來治療。治療的程度視乎食物的等級而定。而精神力／體力則可以由飲品補充，補充程度亦要視乎飲品的等級而定。
6.本遊戲設有TK（隊友傷害）模式。
遊戲正式開始！祝各位帶著自己的願望而來的玩家們武運昌隆！
Ads
奧比旺
2019-7-29 21:36:23
紅軍篇
Ch.1
瑞克感覺到迎面而來的風是清涼的，陽光是溫暖的。
「原來係真㗎....」
剛清醒過來的瑞克爬起身來，環顧四周，發現自己正身處在一間房內，房內有。
「黑、黑軍....！？」瑞克即刻將手放在右腰腰間的槍套上。
「Hey sir calm down！We are not black army！we are Hong Kong people！」瑞克發現一名高瘦的男子早已站在轉向身後。
「Please，wear the mask！」瑞克從男子的手上收下口罩後便按照男子的吩咐去做。
「香、香港人？咁呢度係－」
「呢度咪係灣仔嘅『煲底』囉－咦？你識講廣東話㗎？」
「『煲底』？廣東話？」瑞克一臉懵然。
「『煲底』姐係立法會大樓外嘅示威區囉，廣東話咪就你宜家講緊語言囉！」
「吓....？」
「嗱，總之你宜家同我一齊組隊啦，一齊行有個照應啊。」
「點解嘅？你哋喺度做緊啲咩啊？」
「我哋宜家反對『逃犯條例』啊嘛！喂！你好似咩都唔知咁嘅？」
「我叫瑞克.格箂姆斯，係一個美國人，我參加咗一個叫做《周公Online》嘅遊戲之後，一教訓醒就嚟到呢度喇。仲有啊，系統分派咗我做紅軍嘅主帥，請問你哋係咩人啊？」
那男子用雙眼上下打量瑞克後，說：「咁跟我嚟啦，我知你應該去邊喇。」
瑞克便跟著那男子，在路上他看見有很多人都帶著黃色的工作帽、帶著眼罩和口罩、手裡還拿著簡陋的自製盾，他們霸佔整條大馬路、附近的天橋以及行人路，似乎在準備進行某些行動－憑著從警多年的經驗，他意識到自己已經身處在一個示威現場。
男子把瑞克帶到去一個坐滿人的帳篷前，說：「呢度需要社工幫手！」
有一名胸前掛著證件的妙齡少女走出帳篷迎接二人，男子在她耳邊輕輕說了幾句後，少女就走到瑞克面前說：「你好啊先生，我叫做Kitty啊，我哋係註冊社工，我係嚟幫你㗎。」
「我想問吓妳有無見到紅軍嘅人啊？」
「紅軍？咩嚟㗎？可唔可以講俾我聽啊？」
「話說我參加咗一個叫做－」突如其來的起哄聲中止了對話，本來坐在地上休息的人們紛紛站起來跑往同一個方往－立法會大樓外的夏愨道馬路。
「班狗出咗黑旗喇！！！大家快啲帶眼罩啊！！！」一名男子手提著一大袋的眼罩到處派給沒有眼罩的人。
「狗？」
「即係警察。」Kitty答道。
「Sir，take it！」
收下眼罩的瑞克第一時間就把它交給Kitty。
「你呢？你自己都要㗎！」
「催淚彈姐，我有辦法應付！」
接著瑞克走向帳篷對著裡面的人說：「大家冷靜啲！我以前係美國金郡嘅代理警長！防暴招數我知得一清二楚！大家跟住我所講嘅嘢去做！」
「你係警察？」
「美國嘅，所以大家可以放心。首先，用少少水整濕自己個口罩、眼罩邊，啲煙就唔會攻入眼同喉嚨！唔好慌、唔好亂、唔好聽其他人亂講！怕嘅、體弱嘅、無裝備嘅就一定要走先！唔好俾自己拖累到隊友！如果大家怕俾一啲上晒頭嘅隊友鬧嘅話就靜靜雞叫啲人走或者自己走先！」
所有註冊社工馬上照瑞克的說法去做，開始四出勸一些殘疾以及沒有任何裝備的示威者盡快撤離現場。
「咁你呢？」Kitty問道。
「我要搵番自己嘅部下！」說罷，便離開Kitty。
「喂！你自己一個好危險㗎！喂－」
此時，Kitty似乎發現了瑞克掛在腰間的槍，她的臉色蒼白起來並且追著瑞克。
「唔好亂嚟啊！你會連累到大家㗎！」
「妳放心啦！我嘅敵人係黑軍！唔係香港警察！」
「你俾佢哋發現到你枝槍嘅話會好危險㗎！你－」
突然，現場響起連番隆隆巨響，大家望向聲音的源頭－警方原來已經在龍匯道展開攻勢，並在同一時間向龍匯道的示威人群發射數枚催淚彈！被攻其無備的示威者們頓時窒息起來，淚水亦如雨傾瀉。
瑞克見狀，便馬上回頭對Kitty說：「唔好理我！顧掂自己先！」
「但係－」
「Hello小姐！我係佢個friend，將佢交俾我啦！」
突然有一名身穿泥黃色厚背心、紅灰間條T-shirt、深藍色牛仔褲的男子一手搭著瑞克的肩膀並將他帶走。
「你想點....？」
男子從自己的褲袋拿出一塊紅色的玉牌：「你好主帥大人，我叫常為義，係你嘅部下。」
待續
奧比旺
2019-7-30 22:47:15
:^(
我識條春
2019-7-30 23:06:06
你又黎呀？
:^(
究竟人生可以睇到幾多次你個開頭
奧比旺
2019-7-31 10:32:08
Ch.2
「其他人呢？」
「應該嚟緊，所以我哋兩個宜家要一齊行，唔好單拖....話說宜家情況有啲危，不如我哋即刻離開呢度，搵一躂安全嘅地方先。」
「其實你點解會咁快搵到我㗎？」
為義嘴角上揚：「因為呢塊玉牌係會持有者感應到自己領袖嘅位置，所以我咪話佢哋嚟緊囉....」
「好，宜家確保班防暴警察有無封鎖晒呢個區域，事關我當差當咗咁多年，鎮壓示威者嗰陣通常都會玩圍剿。」
「好在你係個鬼佬，如果唔係－」
警方再次發射多枚催淚彈，濃厚的催淚氣體包圍所有示威者、瑞克二人。
「屌那星！班狗又發癲了....大人，跟我嚟！」
為義帶著瑞克在慌亂的人群中左穿右插，去到通往海富中心的天橋。
「你所指嘅安地方係邊度？」
「聖約翰座堂。」
「去祈禱？」
「唔係，係一個安全到連警察都入唔嚟嘅地方。」
在慌亂的人群中緊隨著為義的瑞克，難免有點吃力，不過沒有任何意外發生並且順利抵達目的地。
「神父，我帶咗我個朋友嚟喇！係一位識講廣東話嘅美國人。」
神父拖著老邁的身軀為二人打開教堂的大門。
「快啲入嚟啦，喺天主嘅殿裡面無人可以行凶！」
二人安頓好後，瑞克不禁回想剛才的畫面：「雖然佢哋係示威者，但佢哋嘅紀律居然好過我所見過嘅任何一位警察....」
「哼嗯...值得一讚嘅....真係估唔到美國嘅鄉下警察居然仲有腦過香港嗰啲....雖然間唔中會發吓神經、射吓黑人，但都ok嘅....」
「至少我嗰度嗰啲唔會咁，最多吞下pop姐。」
「果然啊，來生要做美國人啊....」
此時，教堂門外傳來拍門聲，神父上前觀察，頓時臉色都變了。
「快啲走啊！佢哋嚟喇！」
有一隊人馬踢開教堂的大門，無視神父的勸阻直接闖入堂內－他們正是防暴部隊裡的精銳，「速龍」小隊。
一名「速龍」用警棍指著瑞克和為義說：「捉住呢兩個外國勢力、自由閪！」
「What the！？」
為義連將瑞克拉起身，二人拔腿就跑！
「有後門啊！跟我嚟啊！」
正當二人從後門走出教堂時，發現兩名「速龍」早已「恭候」二人。
「你老板啊－」為義俯身衝向兩名「速龍」！將他們撲倒在地！
「快啲走啊主帥大人！我自有辦法㗎喇！！」
瑞克頓時陷入猶豫不決的局面。
「走啊！！！我就嚟頂唔住喇！！！」
瑞克咬緊牙關，邁出狠心的步伐離開此地。他打開了小鐵閘，回到大馬路時，又有三名軍裝警員突然殺出！前、中、後包圍瑞克！
「麻煩先生你我哋合作！我保證唔會傷到你！」
警員們逐漸收窄包圍圈。
「唔準搞我哋嘅主帥大人！」
一名高大強壯的男人衝向警員們！警員們馬上拿出警棍攻向他，怎料警棍就如枯枝打在岩石上，那男人三拳兩腳就把所有警員打暈在地。
「參見大人，在下史佛貴！係你嘅部將之一！」
「咁其他人呢？」
「跟我嚟！」瑞克即刻緊隨史佛貴的步伐。
「主帥大人你又見唔見到其他同伴啊？」
「有就有，只係佢已經....」
「豈有此理！大人放心，我一定會幫佢報仇！」
二人來到一座唐樓前，史佛貴在瑞克耳邊輕聲地說：「密碼係4670，大家就喺2樓咋，趁無人見到快入去啦！」
「你呢？」
「我因為....」那狹窄的出入口實在容不下史佛貴那巨大的身軀。
「咁你自己保重喇，記得小心啲！一定要搵齊所有隊友！」
「遵命！」
瑞克打開閘門後直奔上二樓，發現一道被鐵鍊鎖上的鐵閘，正當瑞克伸手去按門鈴，鐵閘後的木門便打開了。
「主帥大人！」是一把幼嫩的女聲。
「我叫源靜香，係你嘅部下。」
「呢條鐵鍊....？」
「請大人稍等，我叫愛德華哥哥過嚟開－愛德華哥哥！主帥大人嚟咗喇！」
「係－」
兩秒過後，一名金髮的少年便走到鐵閘前，他先是雙掌合十，然後雙掌拍向鐵閘，鐵閘就突然發出一陣藍光的電光！鎖就就自動解開了！
「嘩....犀利....」
「主帥大人，愛德華哥哥係一位好犀利嘅鍊金術師嚟！有佢喺度我哋就唔駛驚㗎喇！」
「睇得出....睇得出....」瑞克打量著愛德華的身高以及他那鋼製的右手義肢。
「啊！係喇！大雄佢哋仲未出嚟，等我入去叫埋佢哋出嚟啊！」
「啊....麻煩大人你快啲入嚟啊....我仲要鎖番安全室道門去㗎....」
「噢，唔好意思。」
瑞克走進安全室內，發現室內有電視、沙發、雪櫃等等的家居設備。他走到沙發前重重坐下去，好好地整理一下混亂的思緒。
待續
奧比旺
2019-7-31 10:32:21
:^(
元氣蛋蛋
2019-7-31 10:59:00
屌你咩又出爛尾故 媽啦希兒
奧比旺
2019-7-31 12:39:01
:^(
:^(
奧比旺
2019-7-31 15:42:40
:^(
奧比旺
2019-7-31 16:19:08
:^(
:^(
奧比旺
2019-7-31 17:36:51
歡迎各位巴絲參與遊戲
Ads
奧比旺
2019-7-31 19:15:33
Ch.3
元朗，是香港圍村人聚居的地方；亦是一個充滿鄉情的地方。這裡的特色小食吸引了不少慕名而，一嘗鄉情的中外遊客以及香港人。
然而這裡的居民們都熱情友善，甚至願意招待任何人。
「慢慢食，小心熱啊。」一位老婆婆將一碗熱湯放在一位身咖啡色、背部有一對翅膀圖案的外套的外國年輕人面前。
「多謝妳啊婆婆，等我我哋去到主帥大人嗰度之後再俾報酬妳！」
「哎呀！唔好啊、唔好啊！你哋年輕人為我哋香港出咗咁多力，呢啲係應該㗎！啊....瓔珞啊，妳快啲出嚟啊，淨低嘅交俾妳婆婆就得㗎喇！」
「已經煮好㗎喇！我拎緊出嚟喇！」
瓔珞那一身潔白的清代宮女服以及那傳統的宮廷禮儀，令人覺得她就是如假包換的清廷宮女。
「好，大家起筷。」
「艾倫，我攞咗叉同匙羹俾你啊。」
「唔該晒你啊瓔珞。」
「咦？你哋兩個拍緊拖啊？」
「拍拖？」艾倫一臉疑惑。
「即係－」
老婆婆語音未落，門外就傳來拍門聲。
「恕婆，係咪有兩個著到好騎呢嘅後生仔女入咗嚟你屋企啊！？」
「你哋唔好出聲，等我嚟....無啊！我呢度平時連鬼影都無隻啊！點會有後生仔女姐呢！？」
「吓？但點解你屋企門口會突然多咗多道腳印嘅－恕婆！精嘅就快啲交呢班反中亂港嘅人出嚟！如果唔係老人家都無面俾！！！」
「哎呀！弊家伙喇！佢哋嚟咗喇！」老婆婆連忙放下筷子，拉著艾倫和瓔珞的手走上樓上。
「可惡！咁都俾佢哋追到嚟！」艾倫甩開老婆婆的手，走到樓下。
「艾倫！危險啊！」瓔珞拉不住艾倫。
艾倫將飯桌的碗、碟都放在一旁後就拿起飯桌堵住門口。
「你哋快啲走啊！呢度有我頂住！！！」
奧比旺
2019-7-31 19:30:19
Sorry大家，我急病在身
:^(
Ch.3嘅下半part聽日補番
:^(
哈哈笑死我
2019-7-31 22:19:31
係咪讀者可以報名嗰啲？
奧比旺
2019-7-31 22:21:13
係
:^(
奧比旺
2019-8-1 10:32:26
正在努力中
:^(
:^(
:^(
奧比旺
2019-8-1 15:20:54
:^(
:^(
哈哈笑死我
2019-8-1 16:07:49
姓名： 笑
性別： 無性別/超越性別
年齡： 963歲
時代：中世紀-現代
種族：吸血鬼
性格： 亦正亦邪，咸濕（中意吸妙齡少女血）
能力：速度快（快過火車），吸血長生不老，好有錢（住城堡）
背景： 中世紀皇室貴族，因城堡被吸血鬼族入侵，在機緣巧合下成為吸血鬼，一直生存至現代
願望： 吸盡天下美貌少女既血，恢復皇室
陣營： 紅軍
哈哈笑死我
2019-8-1 16:13:29
巴打依家得我一個玩家，我係咪可以稱霸online
:^(
奧比旺
2019-8-1 20:22:01
門外的村民不斷衝撞大門，艾倫開始感到吃力。
「夠膽恰啊婆啦喇！！」此時，遠方傳來一把男聲喝斥正在破門的人，接著門外開始傳出激烈的打鬥聲。
「入面嘅人無事啊嘛？」
「無啊！你係－」
「艾倫！」
「佢係嚟幫我哋㗎，要開門俾佢入嚟。」
艾倫移開飯桌，打開大門，除了看到打倒在地的村民之外，還有一位約二十歲的青年男子，他的腰間掛著一塊紅色的玉牌。
「你都係紅軍？」
「你又知嘅？唔通你都係－我叫做龍，請以後多多指教！」
「仲有我....」有一位少女在龍的身後走到艾倫的面前。「我叫做米詠。」
「咁就好喇，我哋宜家四個人，點都安全過兩個人！」
「咁你哋仲食唔食飯啊？」
四人八目交投，說不出話來。
金鐘的夏愨道上，正進行清場的防暴警察與佔領馬路的示威者展開激烈的攻防戰，就算對方在裝備以及武力上勝於己方，示威者們卻毫無退意。
「恰手無寸鐵嘅人啦喇！」史佛貴將一把雨傘當作標槍擲向一名防暴警察的長盾上，可惜塑膠製的雨傘頭非但止傷不了長盾，反而碎了。
「豈有此理啊！喂！你哋有無一啲大殺傷力啲嘅嘢啊！」
「我哋喺嚟和平集會嚟㗎！！！唔係嚟殺人㗎！！！！」
「我係啊嘛！屌！」‵
「呢位先生冷靜啲先！」有一名金髮藍眼、戴著口罩的少女搭著史佛貴的肩膀，史佛貴頓時感到冰涼透心，心裡的憤火亦漸漸平息下來。
「我叫做愛莎，」愛莎將藏在運動褲袋裡的紅色玉牌展示給史佛貴看。「我都係紅軍嘅人。」
「無錯，我哋未搵到主帥大人之前千祈唔好輕舉莽動！」又一名戴著圓框眼鏡、額前有一道閃電疤痕的少年上前勸阻。
「你又咩料啊？」
「我都係紅軍嘅，我叫哈利.波特。」少年拿出紅色玉牌後，史佛貴才放心下來。
「咁你哋點知道我係你哋隊友啊？」
愛莎和哈利對望一眼後，異口同聲地回答道：「因為你塊牌跌咗出嚟囉。」
史佛貴登時陷入尷尬之中。
「Sor大家....我柒咗....」史佛貴拾回自己的玉牌。
「總之而家我哋唔好再留喺呢度，呢度唔係我哋嘅戰場，要快啲去同主帥大人會合先！」愛莎搭著史佛貴和哈利的肩膀。
「但呢度可能仲有其他同伴！我哋點都要搵多陣先！」哈利指著正與防暴警察們正面交鋒的示威者們。
「不過－」
在警方防線後方的防暴警察們開始不斷施放催淚彈以援助前線的同袍，在濃烈的催淚煙下，示威者們不得不退。
「可惡！」
「走啦！如果唔係趕唔切㗎喇！」
史佛貴無奈地跟著愛莎和哈利離去。
待續
奧比旺
2019-8-1 20:22:45
你話呢？
:^(
Ads
奧比旺
2019-8-1 20:45:42
:^(
:^(
:^(
:^(
:^(
奧比旺
2019-8-2 04:08:06
:^(
奧比旺
2019-8-2 21:36:23
Ch.4
瑞克一直在沙發休息之餘，心裡亦仔細地打量著自己的部下們－一個會使用神奇力量的殘疾少年、五個小孩子....
「主帥大人，飲杯橙汁先啊。」靜香將一杯加了冰塊的橙汁放到瑞克面前。
「唔該。」
瑞克起玻璃杯品嚐著冰涼的橙汁，欣賞著愛德華與大雄等人之間的小打小鬧。
「好喇喎你哋！我最憎就係人哋屈我係矮仔啊！」
「咁你真係矮啊嘛！矮之鍊金術師！」
「哎呀！你隻死人肥老虎啊！你信唔信我將你鍊成一條肥肉腸啦喇！？」
大雄、小夫、出木衫在胖虎身後偷笑著。
「咩話你死個矮仔啊！你睇吓我－」
「夠喇！玩還玩，但唔好郁手郁腳！」
在瑞克的命令下，愛德華和胖虎即時剎停自己。
「不如我哋宜家玩一個叫做『傾吓計』嘅遊戲－諗吓我哋點樣先可以喺安全嘅情況搵晒所有嘅隊友？好無啊？」
眾人馬上走近瑞克，全都坐在地板上。
「唔駛咁嗰啵，想坐沙發咪坐上嚟囉。」
「你係大人，我哋係部下，點同呢？」出木衫答道。
「但唔代表你哋要坐地板、而我自己就霸晒成張沙發，ok？」
「大人講得啱，大家都係人，只係身份上唔同，唔代表基本權利嘅唔同。」愛德華走向沙發，重重地坐下去。
「好喇，如果我無估錯嘅話，史佛貴應該係你哋最先見嘅隊友，係咪？」
「無錯，佢由一開始就已經喺安全室嘅樓下。」愛德華一邊回答瑞克，一邊檢查自己右手的機械鎧。
「史佛貴佢負責四出搵人，你哋就喺度等佢帶人之後就照顧佢，係咪？」
「無錯。」
「咁嘅話....」瑞克望向愛德華，續道：「我宜家想你同我一齊出去搵人，咁會快好多。」
「吓！主帥大人你親自出馬！！？」
「我相信喺呢隻遊戲裡面除非自己佈露身份，否則就只有所屬嘅部下先知道邊個係自己嘅主帥或將軍，所以只要我同愛德華唔自爆嘅話根本無人知道我哋嘅身份。」
「咁即係話....黑軍都係一樣。」
「無錯，所以我哋宜家都係擔心出面嘅示威同埋防暴警察仲好過啦....事關已經有一個自己友俾人搭咗返差館。」
眾人都陷入沉默之中。
「大家放心，我相信佢最多都只會俾人扣留一、兩日到就會放番出嚟。」
「如果警察裡面有黑軍咁點算啊？」
「你頭先有無聽主帥大人講嘢㗎！？」胖虎輕輕敲打小夫的天靈蓋一記。「唔好意思啊主帥大人！佢份人就係無咩記性㗎！大人不記小人過，願諒佢一次啦！」
「總之你哋五個就留喺安全室，我同愛德華會出去做『磁石』吸人，點都快過、安全過佢哋自己嚟呢度。」
說罷，瑞克便站起身來。
「靜香你哋聽住，除咗我把聲之外，任何人叫你哋開門都唔好應，明白啦嘛？」
「明白。」
「好，愛德華，我哋行！」
「收到。」
二人走到樓下，正好碰到史佛貴一行。
愛莎和哈利向瑞克行禮後，瑞克便將剛才說過的話重複一次。
「收到喇，我哋會全力配合大人你。」
「咁我哋宜家即刻出發啦，除咗搵齊其他人之外，仲要將附近嘅地形搞清楚去。」
「等陣先，防暴警察喺附近清緊場，我哋會唔會－」
「我哋遠離示威區就得，即刻行動。」
瑞克領著眾人走出街口時，防暴警察們卻將防線推到來自己面前！正當他們調轉方向時發現自己已經被防暴警察們前後包抄....
「前面嘅示威人仕請你哋立刻放低手上嘅武器並且投降！否則我哋會使用武力將你拘捕！」
「弊喇....」
「弊條撚咩四眼仔！嗱嗱淋殺出血路啦！」語音未落，史佛貴已經動身衝擊防暴警察的防線！
「小心後面－去去武器走！」哈利突然褲袋中抽出一根幼細的木條，指向身後的防暴警察們，一道紅光便木條的尖端疾射而出！
被紅光射中的防暴警察登時倒地不起，身上的裝備、武器、長盾亦在同一時被擊飛！
愛莎咬緊牙關，用雙掌噴出冰霜封住其他防暴警察的雙腳！
「走啊！！！我清咗條路出嚟喇！！！」
史佛貴已經將前方的防暴警察打倒在地，於是眾人趁機突圍！他們一口氣跑過了數條街口，確保附近沒有任何警察、只有普通市民才停下來。
待續
奧比旺
2019-8-2 21:36:43
:^(
:^(
:^(
:^(
第 1 頁
下一頁
每個人的心中都有一個願望，但現實之中沒有機會實現？如今就有一個機會－加入周公Online！用你的努力去實現你的心中願望吧！ 不論你是什麼年代、背景都可以參加！只要你願意！
以下為報名表格：
姓名：
性別：
年齡：
時代：
種族：（除神族者）
性格：
能力：（如為神級人物請自重）
背景：
願望：
陣營：（紅軍／黑軍 ）
以下是遊戲玩法和規則，請各位玩家注意：
1.遊戲將會分成紅、黑兩大陣營對抗，紅、黑兩軍各有一位主帥／將軍。
2.雙方的主帥／將軍都可以命令自己的部下，並帶領自己的部下迎向勝利。而雙方的玩家都要服從己方的主帥／將軍。
3.雙方玩家只要互相擊殺對方的主帥／將軍（即將軍無棋）就視為勝利。
4.雙方玩家一定要保護己方的主帥／將軍，若己方的主帥／將軍被對方玩家擊殺則為戰敗。
5.在本遊戲中，各種傷害都可以經由食物來治療。治療的程度視乎食物的等級而定。而精神力／體力則可以由飲品補充，補充程度亦要視乎飲品的等級而定。
6.本遊戲設有TK（隊友傷害）模式。
遊戲正式開始！祝各位帶著自己的願望而來的玩家們武運昌隆！