Ads
呢個就係缺乏自制力嘅人, 將感性壓過理性去做野嘅現象我覺得你唔能夠將逼達哥表態同逼你朋友表態混為一談嘅。因為達哥係代表咗一種公眾嘅社會價值。即係你朋友出軌嘅話,唔駛好似許志安咁開記者會道歉㗎嘛。其實好難咁分割。首先, 我唔明點解要用fans黎定義觀眾群, 觀眾同fans係兩回事
如果你只係喜歡睇達哥打機,咁談唔上係一個fans,你最多可以話自己喜歡睇達哥嘅stream ,係佢節目嘅fans。
如果你話你係達哥fans,咁你必然係喜歡佢所代表嘅野。Fans之所以鍾意一個celebrity,係因為佢代表咗某種社會型象同聲音,繼而形成咗一個community。
Streaming通常吸引人嘅,唔係個節目本身,而係個streamer嘅personality。即係睇真人show,你投入去睇嘅,係啲參賽者,而唔係個節目。
所以當你嘅personality轉咗嘅時候,例如你個型象係走本土路線、為年輕人發聲嘅,然後當年輕人受壓嘅時候採取唔表態嘅態度,大家就會覺得你變咗,咁好自然有部分觀眾就會離棄你。
其實唔係一樣咁崇高理念嘅野,只係一種商場作業。即係你食開星州炒米,而家碟星州炒米煮法唔同咗,唔啱咀型,咁你咪唔食呢樣或者去過第二間食。
而節目嘅fans呢個定義就有啲搞笑, 請問一個節目嘅fans所信奉嘅係咩呢?
同埋fans點解一定要喜歡「偶像」所代表嘅野, 果啲叫fans? 我認為果啲叫失去自己判斷力嘅人
我只係一個鐘意睇人打機嘅觀眾, 我仲有睇唔同嘅人, 基本上任何節目俾到娛樂我, 我就睇同like
好啦, 我由頭都尾都無自稱係達哥嘅fans, 亦多謝你睇得出我唔係佢嘅fans
即使我唔係fans, 我應該都有資格講我唔認同追擊達哥嘅行為, 呢點的的確確令我呢個唔係fans嘅人覺得反感, 就係咁簡單
若果話「唔係fans憑咩出黎幫佢講好說話」,我只能夠講對於一個帶過娛樂俾我嘅人, 多少都有啲感情, 我好「同情」佢今日嘅境況
------
其實類似嘅事都有發生係其他人身上, 唔只達哥, 不時都有post批鬥政治冷感嘅人, 但請問真係有必要咩?
我都睇到自己有啲朋友好熱心投入反送中, 有啲仲掛住飲飲食食甚至北上消費, 仲有人係做警察添
我要鬧佢地仲掛住玩樂? 無必要
我要鬧有做警察? 無必要
我鬧佢地, 對反送中呢件事有咩幫助? 大家只係立場唔同, 若果任由憤怒同情緒去主導自己嘅行為, 同失去理智果班黑警係無分別
-------
PS: 家下反達班人, 佢地唔係因為呢間星州炒米轉左做法唔啱口味而唔食或者轉第二間, 佢地係企係廚房門口係咁鬧個廚師
基本上我係支持轉過第二間同唔食果類人, 但我就反感入去鬧個廚師
講返fans同唔fans嘅分別,你係一個brand嘅fans,你買緊係除咗係件貨,仲有佢嘅characteristic,如果你只係享受緊嗰件商品,咁你只係消費緊一件商品。
唔同嘅係,後者只係消費性質,嚴格嚟講冇感情嘅,當商品變質嘅時候你可以輕易棄用佢同佢講byebye。例如你因為有特價所以去開惠康買野,當佢冇特價,你可以去百佳、759。一個好簡單嘅決定。
而前者,就複雜好多,你可以理解為Apple Fanboy,明明啲野有問題,但都邊屌邊用。點解呢? 因為你對呢樣野有attachment,當佢變質嘅時候,你會希望佢可以回復返以前嘅水準,你唔會拍吓籮柚就走。當然呢種「希望」嘅表達形式,可以係正面,亦都可以係負面。達哥好明顯就係屬於呢個範籌。
我覺得大家屌個廚房呢件事完全可以理解,都係惠康百佳個道理喇,冇真感情嘅,大家一早無眼屎乾淨盲算喇。
佢地感性上唔接受轉變, 自己亦唔想跟住佢轉變, 就要逼人地轉變到啱佢地心意
呢種情感綁架, 正確咩? 我反感, 就係覺得佢地缺乏對他人嘅基本尊重
好多人將公眾人物、公眾形象等等嘅理由, 將自己嘅價值觀投放左去名人身上, 覺得佢地「應該做乜、應該講乜、應該諗乜」
名人本質都係一個「人」, 佢係有影響力, 但佢並非「必需要」配合公眾嘅諗法
你話許志安要開記者會道歉, 不過係公關手段啫, 都係想儘快平息事件
講番商品, 理性上果件商品/品牌唔再適合你嘅需要, 你應該以行動去話俾製造商知你唔會再用佢, 當巿面上明明仲有其他代替品, 但係再不滿佢個品牌嘅轉變, 仍然去買, 然後用住黎屌, 想屌到佢改 (咁天真?)
呢個情況唔再係製造商漠視用家意見, 而係用家將自己放係唔平等嘅天秤之上, 以圖用忠誠度同情感去主導人地公司嘅發展方向, 咁樣首先就係對自己不利, 呢種出於「恨鐵不成鋼」嘅情感主導行為, 十分愚蠢同無價值
就算達哥今日跪低/認錯, 去前線衝, 請問各位就滿意咩? 會接受咩? 我敢講一定唔會。
以我所睇, 佢地家下求嘅唔係想達哥企係佢地果邊, 而係純粹想睇佢仆街啫, 我唔覺得鬧左佢成個幾月, 今時今日反達果班仲有當佢係人。
其實你你會唔會以為我唔明佢地點解有咁嘅行為?
其實我好理解, 因為當我望到自己仍然玩樂中嘅朋友動態, 都有過一剎那嘅憤怒, 覺得「有無搞錯」
但我俾自己冷靜一下, 我唔會去鬧佢地, 亦唔會去逼問佢地表態
我理解反達果班人嘅情感同憤慨, 唔代表要認同佢地嘅行為
你覺得佢地出於情感而去逼迫達哥嘅行為合理、以身為fans之名而發起嘅「動之以情」行動正確嗎?
-----
你可以唔洗答我, 但我嘅答案都係, 佢地令我覺得反感
Ads
Ads