Ads
作者facebook
https://www.facebook.com/wongghost
紙言板面
https://www.shikoto.com/author/18415/e¯cŽ‹a-.html
第92回 - 打到黎呀啦
『油麻地發生恐怖襲擊事件，一名香港青年被炸死...警方正追查炸彈來源。據報是次襲擊係由ISIS香港分部策動，暫時未有組織承認責任...』
「嘩，今次真係打到黎喎。」我食緊Alice bb整既雲吞面。估你唔撚到呢，日本妹識整雲吞麵。 :^(
「好危險呀，你唔好出去啦。」Alice bb好擔心。 :^(
「危險都要吸血架喎...」我笑住咁話。 :^(
「飲我d咪得囉！我好多血架！」Alice 2號隊左隻手去我面前。 :^(
「飲單一種生物既血唔夠營養架。我要出去搵下d毒男呀，呀婆呀，TB，小朋友，乜血都吸下先健康。」我話。 :^(
「係呀，」好耐無出場既Dio都出聲了。「而家11點幾，你食埋碗面我地就出去，唔洗等我地架啦訓先啦。」
「等埋，等埋。」大仙又閃左出黎，佢都想跟我地出去吸血，因為以地球既分類學黎講，佢係接近水蛭果類既生物黎。
「你會唔會拖慢我地架？」Dio有點質疑外星人既能力。
「唔會，我唔用人類形態就行得好快。」大仙話。行咩呀行，佢係爬唔係行。佢將個人身體變左做四條觸手扭下扭下咁行係行得好撚快架。
「今日帶咩武器出黎呀？有無上次果支瞬間變柒頭器？我想用黎射班殭屍喎。」我話。 :^(
「無呀，今次唔帶呀！你上次亂咁射人搞到我差d比人類發現。」大仙好似好嬲咁。因為上次一射中個人類我即刻霧化左掉底大仙 :^(
「喂咁你支野係要用黎射人架啦，留係度都無用啦！」我話。 :^(
「唔帶呀，唔帶！」大仙話。
---食完雲吞麵之後---
「小心d呀！Alice 7號今晚看門口等你地返黎！」Alice 話。我已經分唔到幾多號打幾多號了。 :^(
當你地班仆街覺得Alice無啦啦自己分左7個分身，一定係好撚爽啦7條女同我扑野？Sorry啦，我淨係買餸錢都比多左幾倍。都仲未撚計Alice要買衫買Bra！你地都唔係唔知我都要打工架啦。Dio唔撚打工，大仙外星人又唔返工，玻璃佬個樣當然就唔返得工啦。唉不如今晚殺死幾個Alice喇，養唔到咁多呀。 :^(
「你控制下Alice好喎。」Dio話。
「咩呀..食物養住先，第時饑荒都有得食嘛。」我狡辯。不過其實捉兩個Alice去返工咪得囉如夢初醒獸！！ :^(今晚同Alice傾下先。 :^(
我同Dio著住吸血鬼專用既斗逢，變成一堆蝙蝠。
「點解唔用霧化，用蝙蝠形態？」我問Dio。
「霧化唔係亂用架，你諗下人類見到堆黑霧會點？」Dio話。
「...覺得有鬼掛。」我話。
「之後D人類覺得係班鬼做既，又會請d道士返黎做大龍鳳，班鬼比人霸左地盤，又入我地數架喇。」Dio話。「地盤做好自己，唔好搞到其它妖怪就最好。」 :^(
「係喇係喇..」我話。Dio都算係我師傅，成日都會教我野。
「咪住先...你話..鬼？？」
「係呀，鬼呀。Ghost！」Dio話。
「等陣先等陣先...你講過果d鬼，即係幽靈，應該唔怕道士作法架喎...」我開始打冷震。
「唔怕道士作法係外國d鬼，驚作法果d係香港鬼。拿，餓鬼你見過啦，上次果班矮人嘛！香港最多就係遊魂野鬼囉。香港地膽呀你唔可以唔識架。」Dio話。
「咁我想問我係咪同鬼好近...」我指住我後面。因為我越飛越重。 :^(
「hello。」Dio竟然同我後面隻野講野。「Nice to meet you。」
「嗚嗚嗚~~~」我後面有把聲咁...環迴立體聲咁響法。 :^(
「哇屌！！！」我嚇到由500米高空墮落地面。
Ads
第93回 - 鬼
背後靈。專門跟隨住人類既靈體。通常係同果位人類有相當大既緣份先會同人類產生連結。而每一個人都有背後靈，但唔係每個人類都發現到。甚至好多人一生之中，都無察覺到有背後靈既存在。
「喂你唔係咁渣下話，鬼你都驚？」Dio話。 :^(
「但我覺得唔撚洗匿埋嚇我既...」我發現撞瘀左個手臂，屌。
「鬼，同我地吸血鬼係fd黎架喎，習慣下啦」Dio扶起我。「聽下kaman佢想講咩。」
講就咁講啦，我做人果時其實最撚驚睇鬼片老子什麼鬼都怕！！ :^(
「嗚嗚嗚~~」隻女鬼又飄出黎！！
「哇屌！！！...你喊乜春！！」始終香港人怕香港鬼係好應該的。 :^(
「哇屌！」我又叫左聲。因為黑媽媽又有隻野爬左出黎！！原來係大仙，佢追到我地了。「喂你出黎之前敲下門好嘛？ :^(」 :^(
救命呀，差d嚇死！而家乜春都驚，睇黎我唔可以再玩過山車了，爆血管。
「你地係度做咩？」大仙問。因為佢睇唔到鬼的。外星人無所謂陰陽平衝，所以佢睇唔到陰氣重既鬼魂。
「殊！咪嘈！」我話。
「嗚嗚嗚~~」女鬼發出恐怖既聲音。 :^(
「咪喊呀，冤有頭債有主，你唔搞我我唔搞你！」我話。 :^(
「咪玩野啦。」Dio睥住我。佢以為我玩緊，其實我無玩
「我..我個主人...死左...」女鬼話。 :^(
「死好小事姐，唔洗擔心。一切總有命數。」Dio安慰隻女鬼。
「但..我睇過生死冊...佢應該仲有40年陽壽」女鬼話。 :^(
「下？咩事死於非命呀？」Dio問。雖然生死冊寫好哂，不過呢家野都只係 for reference即係警員指引，參考架姐。 :^(
女鬼：「比班恐怖份子殺左」 :^(
Dio望住我。
「你想點呀？唔關我事喎呢單野！」我話。 :^(
「我去吸血，打包埋比你。」Dio話。「你去望下現場。」
「嘩，你先係應該做野保護人類社會果個喎，吸血鬼將軍！」我話。Dio已經得到吸血鬼總部加勳成為將軍真係好撚有制度呀屌你老味...不過由於我係第一隻香港吸血鬼，所以無登記到。不過換句話講，我係睇住成個香港既吸血鬼！！ :^(
「我而家委任你做隊長。Go！」Dio推我出去大街。
屌，香港吸血鬼小隊，咪即係得我一個
Ads
好多野想寫，不過時間總是殘酷的，盡量寫啦。廢話不多講了，繼續去故。
《吸血鬼係香港搵食真係好撚艱難》故事簡介：
吸血鬼？係鬼佬文化中既「洋垃圾」？
撐本土，就應該叫做殭屍？
非也，非也。我就係香港一年零一個吸血鬼。
站係人類既頂峰之後，我睇到既並唔係人類有幾弱智有幾得意，而係「天外有天，人外有人」。
係我之上有無窮咁多種「存在」，我連叫佢地做「生物」都覺得太扁底佢地了。動漫入面鐘意叫佢地做「超生物」。以廣東話講，就叫佢地做「妖怪」。
本來，我都想做一個天煞孤星鄭伊健咁獨來獨往下下who既型棍吸血鬼，殺人不斬眼，姦人不留名。不過人（鬼）生不如意事十常八九。
溝著條女比人改造左做不死身、
行行下街又遇到外星人、
返返下工都要封印靈魂，
天使唔係叫我悔改係叫我幫佢殺人...
當你去到另一個階段，奇怪既事就會接踵而來………
而我只係想默默地搵餐晏仔姐。