毛豆腐 2017-2-26 21:57:41

有啲人錯誤認為，羅馬統治為英語帶嚟唔少影響，因為英語字詞入面，有近三成都係嚟自拉丁文。其實依啲源自拉丁文嘅字詞，大部分都係嚟自之後入侵不列顛嘅日耳曼族群自己語言入面，從拉丁文抄考得嚟嘅詞語。實際上，來自羅馬征服者嘅影響，喺英文入面實在少之又少。主要原因係不列顛之後經歷無數次外族入侵，即使羅馬人有影響到古英語，佢嘅影響都被啲外族語言沖淡晒。

其實羅馬時代都未有古英語

:^(

啲人仲係講緊Celtic languages

日耳曼應該要到七世紀先登場
而嗰陣都唔算好多拉丁字
係法國佬入侵之後先多

Anglo saxons 同 normans 混合

:^(

維京話都混合左唔小

日耳曼人六世紀都已經出現

班日耳曼人既遷徙真係好癲

:^(

連北非都有

Vandals

:^(

由波蘭遷到北非

:^(

基斯普抱司機 2017-2-26 22:02:23 留名

田北宋 2017-2-26 22:05:59

有啲人錯誤認為，羅馬統治為英語帶嚟唔少影響，因為英語字詞入面，有近三成都係嚟自拉丁文。其實依啲源自拉丁文嘅字詞，大部分都係嚟自之後入侵不列顛嘅日耳曼族群自己語言入面，從拉丁文抄考得嚟嘅詞語。實際上，來自羅馬征服者嘅影響，喺英文入面實在少之又少。主要原因係不列顛之後經歷無數次外族入侵，即使羅馬人有影響到古英語，佢嘅影響都被啲外族語言沖淡晒。

其實羅馬時代都未有古英語

:^(

啲人仲係講緊Celtic languages

日耳曼應該要到七世紀先登場
而嗰陣都唔算好多拉丁字
係法國佬入侵之後先多

Anglo saxons 同 normans 混合

:^(

維京話都混合左唔小

日耳曼人六世紀都已經出現

班日耳曼人既遷徙真係好癲

:^(

連北非都有

Vandals

:^(

由波蘭遷到北非

:^(

全世界都係德國人

:^(

Brig 2017-2-26 22:20:47 Lm

我最愛小寶寶 2017-2-26 22:32:22 留名

:^(

帝國海軍總司令 2017-2-26 22:34:41 lm

毒步天下 2017-2-26 22:38:17 Lm

西佰利亞人 2017-2-26 22:41:52 Lm

靚仔男神哥哥 2017-2-26 22:44:29 屌你咁快183個回應

嫪毐 2017-2-26 22:45:30 大不列顛

:^(

Hiro 2017-2-26 22:46:02 留名

火燒後尾枕 2017-2-26 22:46:31 普魯士完左就冇追 post
諗住儲下先睇



竟然live左

:^(

汪汪真鳩喂 2017-2-26 22:49:52 好想同樓主瘋狂做愛

:^(

瑞鳳蛋捲 2017-2-26 22:51:08 lm

性慾強女子中學 2017-2-26 22:57:59 live咗

:^(

bb

花鳥風月 2017-2-26 22:59:09 留名

:^(

岩岩煲完vikings,期待樓主版本既七國時期,維京人仲有諾曼第公爵既入侵

毛豆腐 2017-2-26 23:11:20

好想同樓主瘋狂做愛

:^(

做愛做的事情？

毛豆腐 2017-2-26 23:20:11 羅馬人統治不列顛近四百年，由羅馬帝國統治到去東西分裂後嘅西羅馬帝國，令不列顛喺文化同商業上同歐洲文明接軌，同時促進咗經濟及社會發展。當時除咗奴隸之外，大部分不列顛人都成為羅馬公民，雖然佢哋失去統治權，但係受惠於經濟發展，都生活得唔錯，令到不列顛尼亞成為少數喺羅馬風雨飄搖時，仍然忠心於帝國嘅行省之一。

去到四世紀後半葉，不列顛乃至成個羅馬帝國都爆發起義，起義者唔係當地土著，就係羅馬軍閥。自383年開始，羅馬駐軍為咗應付本土嘅內戰，開始逐步退出不列顛。407年，不列顛嘅羅馬駐軍，喺動亂中擁立君士坦丁三世（Constantine III），依位君士坦丁三世之後竟然從不列顛一路殺到意大利，逼使皇帝康諾留（Honorius）承認佢都係皇帝之一（Co-Emperor），不列顛喺羅馬統治嘅最後歲月入面，唔覺意就成為咗造皇者。君士坦丁三世帶走埋剩餘嘅羅馬駐軍，到咗410年，蘇格蘭嘅皮克特人南侵，不列顛人向羅馬皇帝求救，差唔多退晒場嘅皇帝叫佢哋食自己，拒絕提供援助，羅馬統治自此結束，不列顛分裂成眾多塞爾特人統治嘅小國，進入後羅馬時代（Sub-Roman Britain）。


不列顛羅馬軍對抗叛軍

羅馬時代倫敦港口

位於巴斯（Bath）的羅馬澡堂遺址

當大便亦成為聯誼

不列顛人係羅馬人嘅統治（姦淫）下，變得相當羅馬化，但係佢哋唔係就咁就演變成宜家嘅Britain。塞爾特不列顛人，唔係，不是，並非等於而家嘅英國人。I now recap in English：[Error：English not found]。英國人係歐洲出晒名嘅混血民族，羅馬人走咗之後，不列顛又遭受一次又一次嘅外族入侵，英國民族最後混到同原本塞爾特不列顛人差天共地，而第一波入侵，就係嚟自東面嘅日耳曼人。

亞克路 2017-2-26 23:25:46 文呀

:^(

Hog_Rider 2017-2-26 23:27:24

快d飛去文藝復興個到開始講就好
對近代史有興趣d

:^(

講下蘇格蘭同愛爾蘭點解成日咁百厭

毛豆腐 2017-2-26 23:27:46 當時日耳曼人居住喺現今德國境內，佢哋係德國人嘅祖先。依個故事嘅主角係其中兩個日耳曼部落：盎格魯人（Angles）同埋撒克遜人（Saxons），統稱盎格魯－撒克遜人（Anglo-Saxons）。佢哋原居於德國北部古薩克森地區（Old Saxony）以及現今丹麥本土日德蘭半島（Jutland Peninsula）一帶。題外話，撒克遜人其實就係小弟上一篇普魯士歷史嘅小配角，薩克森（Saxony）嘅前身，不過又唔知經歷幾多次混血，先成為日後嘅薩克森人。


日耳曼人遷徙至不列顛


盎格魯－撒克遜人

早喺羅馬統治時代，佢哋就已經作為僱傭兵登陸不列顛，適逢當時嘅歐洲處於大遷徙時代（Migration Period），日耳曼人成個歐洲周街走。羅馬人喺五世紀初離開不列顛之後，面對大舉入侵既皮克特人，不列顛軍閥霍提根（Vortigern）邀請盎格魯－撒克遜人首領亨杰斯（Hengist）同埋荷撒（Horsa），帶領佢地既子民移民不列顛，幫手保衛家園。就係咁，仲喺大陸嘅盎格魯－撒克遜人，連同日德蘭半島嘅朱特人（Jutes），開始大規模向不列顛移民。盎格魯－撒克遜人作為戰鬥民族德國人既祖先之一，同樣蹺勇善戰，好輕鬆就擊退入侵者。但係贓都未分，盎格魯－撒克遜人就即刻反客為主，同不列顛人爭奪土地，一爭就爭咗差唔多二百年。


霍提根引狼入室

田北宋 2017-2-26 23:38:28 J緊你啲文

:^(

保礦力佳得樂 2017-2-26 23:41:47 原來琴日已開波, 留名聽朝返工睇

:^(

巴打好波

:^(

毛豆腐 2017-2-26 23:48:46 就係依場漫長嘅種族紛爭，誕生咗種種英國傳說。第一個傳說就發生喺霍提根身上，話說佢引狼入室，俾盎格魯－撒克遜人反咬一啖，逼使佢著草去威爾斯，同時佢又密密興建堡壘防禦，但係每次一入夜，地下就係咁震，搞到日頭起好嘅部份倒塌晒。苦無對策嘅佢遇上年輕嘅梅林，冇錯，就係遊戲入面成日見到嘅魔法師梅林（Merlin）。梅林同佢講，原來城堡嘅地底住咗兩條龍，一條紅一條白，紅嘅代表不列顛，而白嘅代表撒克遜，兩條龍每晚都大打出手，導致城堡地基不穩。佢仲命人掘開地表，果然發現兩條龍喺度打交，證明佢唔係競選承諾--噏得就噏。而嗰條紅龍，就係現今威爾斯國旗嗰條龍。至於白龍嘅事，有人想知，我都講唔出。


梅林揭示紅龍與白龍


霍提根最後被燒死於城堡之中


紅龍

白龍

另一個傳說就更加出名，就係亞瑟王（King Arthur）傳說。據說亞瑟王喺羅馬統治結束後，統一不列顛，之後率兵對抗盎格魯－撒克遜人嘅入侵。話說佢有一日同班手下痴痴呆呆坐埋一枱玩Boardgame，繼而成立圓桌騎士團（Knights of the Round Table），佢帶領圓桌騎士團，加上出過場嘅梅林嘅幫助，屢次擊退入侵者，成為不列顛人嘅英雄。亞瑟王重情重義，愛江山亦愛美人，係千百年嚟唔少英國少女嘅FF對象。但係佢嘅故事實在長過輪候公屋條隊，小弟就費事講啦，畢竟歷史學家一直都質疑亞瑟王嘅存在，普遍認為亞瑟王傳說只不過係一堆無名英雄嘅故事所集合而成。


大法師鄧不利多梅林

亞瑟王與他的圓桌騎士團