靚仔男神哥哥 2017-2-28 22:23:03 熱浪真係有種魔力，明知唔辣，又少，但偏偏好想買

球文字D 2017-2-28 22:34:51

英文來源真係好雜

:^(

有凱爾特語
有由日耳曼人遷徙而黎既古西日耳曼語言
有丹麥/維京人帶黎既北日耳曼語言
有落曼入侵帶黎既法語
仲有拉丁文都對英文有影響 做成今日英文讀音對應唔到文字

講起凱爾特語區，其實得高地蘇格蘭既語言先係凱爾特語族，蘇格蘭語其實都係日耳曼語言，而愛爾蘭復興愛爾蘭語都唔係好成功

:^(

:^(

得威爾斯語先有人識講識寫，連BBC 都有威爾斯語channel

威爾斯10個都唔個有冇1個識威爾斯文

:^(

:^(

威爾斯文係當地係必修科黎

開心樂園 2017-2-28 22:37:48 留名

白狼飛電 2017-2-28 22:53:17 留名學野

毛豆腐 2017-2-28 23:05:08 二、北境之強盜

上回講到，英國版齊國－－默西亞王國基本上統一咗英格蘭。小弟用齊國比照默西亞王國，係因為佢唔係英格蘭嘅真命天子，英格蘭嘅秦國另有其國，就係韋塞赫斯王國，韋塞赫斯國王埃格伯特（Egbert ）喺829年擊敗默西亞，搶走不列顛統治者嘅寶座，依個時候嘅英格蘭得返韋塞赫斯、默西亞同諾桑比亞一大兩小勢力。但係好景不長，依個時候嘅英格蘭又一次遭受外族入侵。


埃格伯特的領土

今次嘅挑戰者唔係北方嘅塞爾特人，亦唔係海峽以南，法蘭克人查理曼大帝（Charlemagne）嘅卡洛林帝國（Carolingian Empire），而係東北對岸，隔著個北海嘅蠻族中之蠻族－－維京人。

只要唔係白痴，應該都聽過維京人嘅大名。依班嚟自北歐嘅蠻族自八世紀開始，紛紛離鄉別井，憑著佢哋嘅赤腳，坐著佢哋嘅洗頭艇，周圍燒殺搶掠，佢哋嘅足跡遍佈成個歐洲，從地中海西部殺到去俄羅斯嘅內陸。Fun fact，俄羅斯嘅前身基輔羅斯,都係由維京人嘅後代統治。佢地仲俾哥倫布早一步踏上美洲，喺格陵蘭甚至係加拿大魁北克定居。依段黑暗日子持續咗三百年，史稱維京時代（Vikings Age）。

維京人大肆擴張嘅動機眾說紛紜，包括向基督教嘅入侵報復，人口壓力導致糧食短缺，性慾壓力導致女人短缺，航海技術嘅進步令維京人可以擴張海外等。總之當時歐洲海岸線，基本上係維京人嘅天下。


維京人與他們的長戰船（Longboat)

其實維京人嘅頭盔係冇角嘅，同埋好少會留鬚。。。

維京人的侵略與探險

一講到海岸線，醒目嘅你哋應該會聯想到不列顛群島，當時成個不列顛群島都係維京侵略嘅重災區，而英格蘭更加係災難黑洞。歷史記載第一次大規模侵掠事件，發生喺793年，維京人蹂躪諾桑比亞王國嘅一個小島，燒咗當地嘅教堂，開啟英國嘅維京時代。由於事態突然，英格蘭各國只能倉猝應對，加上維京人戰鬥力爆燈，佢地無法阻止維京戰士嘅入侵。當時嘅英格蘭人好興將家產例如金幣珠寶等，擺落寶箱入面，再埋落地下，費事俾維京人搶走，但係財寶嘅主人好多都冇命攞返，反而益咗後世嘅尋寶者。

麥豆腐 2017-2-28 23:06:44 豆腐

:^(

赤之三倍速 2017-2-28 23:09:59 留名

:^(

:^(

:^(

:^(

毛豆腐 2017-2-28 23:24:10

豆腐

:^(

:^(

無敵家 2017-2-28 23:25:39 樓主出快少少

:^(

:^(

:^(

Stone 2017-2-28 23:28:05 留名支持

:^(

呢啲波都冇 2017-2-28 23:29:30 live 左
早排睇左本講英國各殖民地自古嘅殖民手段嘅書
資料豐富到我睇到好亂

安達垣愛姫 2017-2-28 23:31:55 由你德國post 追到依家

:^(

樓主係咪之後都主出歐洲國家既歷史?

:^(

毛豆腐 2017-2-28 23:58:43 起初維京人剩係當英格蘭係ATM，搶完就走，但係自九世紀中葉開始，維京人轉而視不列顛為殖民地，認真經營（姦淫）。865年，丹麥嘅維京領袖，一哥豬扒個friend，無骨艾華（Ivar the Boneless）組建異教徒大軍（Great Heathen Army），大舉進攻英格蘭。題外話，依個無骨艾華嘅暱稱，據聞係嚟自佢所患上嘅脆骨症，但佢一啲都唔軟弱，征服咗半個英格蘭咁滯。


異教徒大軍的侵略

維京人攻陷諾桑比亞，生擒國王，然後對佢使用維京人既招牌酷刑--血之鷹（Blood Eagle）。具體做法係劏開受刑人既胸膛，將肋骨分成左右兩半。跟住請大家停一停，痛定先。之後將肋骨架揭開，一嘢屈向背脊後面，好似對翼咁，而個肺同心就裸露喺佈滿細菌既空氣中，任由獵鷹啄食。維京人既殘暴可想而知。


維京人的血之鷹

此時英格蘭人嘅統治岌岌可危，喺依個時候，一個英雄上線啦，佢網名叫Alfert仔。

Alferd仔係韋塞赫斯國王，佢有個好聽啲嘅名，叫做Alfred the Great。佢係英國歷史上唯二被冠以「Great」嘅國王，仲係唯一「Great」嘅真。英國人國王。佢叫得Great嘅原因，就係因為佢帶領英格蘭人打敗丹麥入侵者。

佢喺871年，異教徒大軍勢如破竹嘅時候登基，一嚟就要面對丹麥人嘅入侵，韋塞赫斯軍隊大敗於異教徒大軍，韋塞赫斯被蹂躪，Alfred只好急急腳同丹麥人議和，暫時穩住局面。但係僅僅五年之後，丹麥人喺新領袖古夫林（Guthurm）既領導下，再次入侵韋塞赫斯，Alfred又利用賠款，得以將侵略拖延。878年一月，古夫林趁班英國佬舉行某天主教慶典，喺度飲飽食醉之際，夜襲Alfred駐地，差唔多殺晒所有人。咁英雄Alfred當然走得甩啦，佢自己一個人逃去西南森麻實（Somerset）一帶嘅沼澤避難。依一年係盎格魯-撒克遜歷史嘅低谷，除咗韋塞赫斯之外，其他王國都已經淪陷，連英格蘭人既唯一希望Alfred，都落難到荒蕪之地。


阿爾法大帝

死剩一人的Alfred

毛豆腐 2017-2-28 23:59:21

live 左
早排睇左本講英國各殖民地自古嘅殖民手段嘅書
資料豐富到我睇到好亂

開心share下邊本書

:^(

:^(

你對Ada唔好咩？ 2017-3-1 00:01:42 留名

:^(

:^(

睇到好想讀history

:^(

樓主遲d會唔會講美國歷史？

umbanana🍌 2017-3-1 00:39:55 留名

悠閒國王子 2017-3-1 00:56:10 留名。如果香港教育局寫歷史syllabus寫到好似毛大咁正，咁啲學生就無咁慘。

朴joy 2017-3-1 01:00:26 blood eagle 好撚痴線

:^(

亞克路 2017-3-1 02:16:38 aoc真係好寫實

:^(

戰船同狂戰士都好似
唯一唔同就係aoc狂戰士係垃圾

:^(

火燒後尾枕 2017-3-1 02:18:43

blood eagle 好撚痴線

:^(

酷刑黎講唔算好痴線架啦
大把酷刑癲過呢個
其實 isis 已經仁慈好多中古時期嘅國家

名已經唔重要 2017-3-1 03:13:56 lm

嬌嬌女 2017-3-1 05:16:13 好撚好睇

24601 2017-3-1 08:29:06 留名

旅行安家必備良藥 2017-3-1 08:45:38 好希望巴打可以出書，俾多d人覺得歷史可以咁有趣咁易入口

:^(