Ads
621現場固然係士氣高漲,戰術上都係大勝,呢種模式既抗爭喺戰略上已經差唔多去到邊際效益既極限,中間派的確係有動搖。而且616到今日只係過咗一個禮拜,大部分人都未有時間sit back好好消化呢幾日發生既事,聽日再圍政府而冇成果只會變成另類既消耗民氣。
倒不如呢兩日大家做翻好文宣同地上戰,一齊儲氣力谷626集會,621勇武接626和理非reset翻個loop,保持議題喺連登同溫層外既熱度,確保勇武派既民意後盾仍然健在。
就算各位聽日真係要岀去,都唔好重覆打同樣既目標,上次圍咗驚總、税務,今次就應該圍翻禮賓、政總。我諗大家都唔會預聽日圍完林奠就會接受訴求,咁就要接受我哋打既係長期戰!
長期戰就係要同時顧好晒前中後,前線中堅後防,要齊上齊落,前線唔可以一味衝,中堅要負責帶領後防守住所有戰線。我哋既戰場唔止得街上,仲有地區同網絡民意,希望大家諗過再做,三思而行。
Ads
Ads