血債票償 2019-6-22 12:19:13 前言：
要守住香港，最根本有效嘅方法始終係過半立法會議席。就算過唔到半都好，今次鄺神、AY佢地嘅表現都應該證明到，多一個議員，示威者就多一分安全。直選點配票太複雜交返比班政黨自己協調，小弟不才，想請大家睇下幾個非建制可以搶嘅功能組別議席。可能你覺得功能組別唔關你事，但係希望最少大家都可以用幾分鐘睇左勞工界議席，因為只要你係打緊工，你有個老闆出糧比你，你就可以組工會同選勞工界。

知道好多人都會話咪又比人DQ。但係其實DQ完一次，班議員都知道宣誓唔可以加料，你睇下鄭松泰同朱凱迪仲坐緊係度就知其實政府都仲未敢太過份。同埋，搶到一半議席嘅話，立法會主席就係我地嘅人。

以下討論主要基於選舉委員會公布嘅選民數字同選民資格。

https://www.voterregistration.gov.hk/chi/statistic20183.html
https://www.reo.gov.hk/ch/voter/FCSS.htm

申請轉至功能組別表格
https://www.reo.gov.hk/pdf/form/REO-41(C).pdf

目錄：
一樓：勞工界
二樓：飲食界、工程界、建築、測量、都市規劃及園境界

勞工界：

勞工界有三席，全票制，簡單黎講啫係所有投票人一人三票。而家三席都係分別係勞聯一席，工聯會兩席，總之都係建制。依個界別已經連續N年自動當選，上一次需要投票已經係2004年。當時4個都係建制派嘅候選人內戰，而大家熟悉嘅黃國興前議員就係嗰陣第一次當選立法會議員。

當年其實最高票都係大約三百票，而今時今日勞工界法定選民有671個團體（工會），其中好令人相信絕大部份係建制控制嘅。

所以咁多位連登仔靠大家申請工會黎做合資格選民，你話做比泛民都係咁話，相信如果夠選民嘅話到時唔會無人參選。
「你的團體如符合下列條件，便符合資格登記:
(a) 你的職工會是根據《職工會條例》(第 332 章)登記且其所有有表決權的會員均屬僱員，
及
(b) 你的職工會須在緊接提出登記申請前的 12 個月內一直維持運作。 」

《職工會條例》(第 332 章)登記：
「任何組合，如根據其規則的主要宗旨是為規管僱員與僱主間、僱員與僱員間或僱主與僱主間的關係而成立者，均為職工會。

申請登記職工會
職工會須於成立後30 天內依照《職工會條例》的規定，向職工會登記局局長申請登記。
• 名稱
o 職工會須有一個獨特的名稱，該名稱不得與任何現存或已停止存在的職工會所用和曾用的名稱相同或相似。
• 規則
o 職工會須制定一份規則，其中須包括《職工會條例》附表二所列的所有事項。各規則不得互相矛盾，模糊不確，難於理解或與《職工會條例》的規定不符。
• 發起人
o 職工會登記的申請，須由該職工會不少於7 名有表決權會員簽署。
• 會員
o 職工會會員須經常在香港居住，及正從事或受僱於與該職工會有直接關係的行業、工業或職業。
職工會的發起人可聯絡職工會登記局。職工會登記局會就登記程序事宜，例如職工會的擬議的名稱、草擬規則等提供意見，以供發起人參考。辦理職工會登記手續毋須繳交任何費用。」

大家都應該見到其實申請個工會唔算難，只要有
1. 不少於7 名經常在香港居住，及正從事或受僱於與該職工會有直接關係的行業、工業或職業的有表決權會員簽署；
2. 職工會須制定一份規則，其中須包括《職工會條例》附表二所列的所有事項；

之後運作一年就可以登記做勞工界選民。而家距離登記下屆立法會啱啱仲有一年多少少，如果咁多位手足手腳快其實有機會做得到（佢講明係運作滿一年，而成立三十日內要登記，所以仲有一個月做野嘅），我知有d強人所難，但係就算今次唔得，最少再下屆（如果仲有）我地都要搶返依三席。

Fyi 有d憲章嘅範本
http://www.cuhk.edu.hk/cuegu/revamp/constitution.html
http://www.hkreu.org.hk/html/union.pdf

血債票償 2019-6-22 12:21:27 飲食界：
上屆立法會選舉自由黨張宇人（廿蚊張）以2,438票，近八成票數擊敗泛民背景，得票647的伍永德（唔知邊個？唔緊要，我都唔知。）而飲食界選民嘅申請資格係「根據《公眾衞生及市政條例》(第 132 章)發出的食物業牌照的持有人。 」根據食環數字 ，香港現時有27,108個食物業牌照，包括普通食肆、小食食肆、水上食肆、烘製麵包餅食店、凍房、工廠食堂、食物製造廠、新鮮糧食店、冰凍甜點製造廠、奶品廠、燒味及鹵味店同埋綜合食物店，而其中飲食界只有4,685個選民。
簡單黎講，就係得唔夠兩成嘅餐廳老闆註冊左做飲食界選民，入面有過半投左票比廿蚊張。大家身邊有冇開餐廳、酒吧、麵包店、燒味檔，總之係賣野食嘅朋友嘅朋友，快d叫佢地登記！唔使擔心佢地唔知合唔合資格，如果佢真係賣緊熟食又無比食環趕就肯定合資格。

工程界：
工程界作為僅有兩個有大量個人票但由建制把持嘅功能組別（另一個係建築、測量、都市規劃及園境界，有d記性嘅巴絲都會記得姚教授贏過），上屆盧偉國以3,906 票，約五成半得票率當選；而工程界登記選民有9,454，工程師學會人數更加有超過三萬人。其實要搶返個議席只需要幾千票，快d叫你身邊攞左牌嘅engine仔去申請轉做功能組別選民。

選民資格：
(a) 根據《工程師註冊條例》(第 409 章)註冊的專業工程師;
(b) 有權在香港工程師學會的大會上表決的該會會員。

建築、測量、都市規劃及園境界:
大家都知當年姚教授曾經趁建制內戰，以43.44得票率（2,491票）贏左，今次如果有多少7%人投嘅話其實光明正大過半贏唔係無可能。上次補選謝偉銓有2,929票，你地估下200萬人入面有冇3000個建築、測量、都市規劃及園境界選民？
小弟只係一個啱啱大學畢業放緊假嘅學生，見到大家話登記做選民但係又無咩目標咁，所以希望大家可以試下去搶返有可能贏到嘅功能組別。如果有咩補充歡迎隨便插隨便評論。
如果搶到哂上文全部議席，非建制只需要直選再攞19席同保留上屆贏嘅全部功能組別，就可以有35席，啱啱好坐擁一半立法會議席。如果贏埋區議會，甚至可以過半。

補返D Reference
https://www.reo.gov.hk/pdf/gn/labr_c.pdf
https://www.labour.gov.hk/tc/labour/content3_1.htm
https://www.reo.gov.hk/pdf/gn/cat_c.pdf
https://www.fehd.gov.hk/tc_chi/statistics/pleasant_environment/statistienh_2015_2018.html

luxuria 2019-6-22 12:22:22 連登咁多人讀 engine 都可以係保皇

:^(

MnnnnnnnnnM 2019-6-22 12:24:46

:^(

在沉默中爆發 2019-6-22 12:25:06 推

高登玩撚完 2019-6-22 12:25:49 此回覆已被刪除

Fifa14 2019-6-22 12:28:37 到時會DQ

:^(

要過半數有3關

第一關 入閘
第二關 功能組別/建制鐵票 種票
第三關 當最後真係過到半 就睇番你過去言論DQ

所以立法會其實除左拖少少時間（無得拉布 無得拖長）

and 議員有公權力幫到市威者/市民外

對任何立法已經形同虛設

希望下次又DQ 終於會召集到人出黎

送禮送給獌 2019-6-22 12:33:22 Engine 公司會逐個員工叫入房，提佢地投票要票邊個。

我聽朋友講係咁

麻三斤🎭 2019-6-22 12:33:39 唔好幻想啦

:^(

配票機器黎

好奇水先生 2019-6-22 12:33:44 係,但只驚中共買票

:^(

閃光之辣殺胃 2019-6-22 12:34:37 首先屌撚爆你個名

:^(

之後睇完再講

華可可 2019-6-22 12:35:59 到時會做大量分化，內耗，
唔好想得太理想，
而且仲有一招DQ

靚女一名 2019-6-22 12:36:13 最大問題係功能組別

而當年其中有份推，就係泛民

史提芬工作多 2019-6-22 12:37:35 兄弟爬山，各自努力！

鳩more志 2019-6-22 12:38:28 推

閃光之辣殺胃 2019-6-22 12:39:11 血債票償嘅唔係兄弟呀！醒喇！

清楚講一次「不割不分」嘅定義
https://lih.kg/1244869

該號已被註銷 2019-6-22 12:39:13 加油

藥劑師 2019-6-22 12:39:18 呢個係長期既, 但咩都爭取唔到就算泛民有過半數咁又點? 咪又係拉下布, 拖下拖下, 唔鬼打鬼已經執到, 仲有功能組別, 20年既教訓仲未夠?

芷若迷情(壞左) 2019-6-22 12:40:07

:^(

血債票償 2019-6-22 12:44:46 兄弟爬山，各自努力！

對唔住我改名改得差我道歉🙇 但係我支持衝支持和理非支持圍警總只係想多一個可能性去繼續抗爭。

Fatso 2019-6-22 12:48:48 叫你就要投？投邊個有得認？

華可可 2019-6-22 12:53:20 讀engine唔識講大話...

你好呀 2019-6-22 12:53:23 Push

luxuria 2019-6-22 12:55:12 食窮建制
票投犯民

歌都有得唱啦

血債票償 2019-6-22 12:55:32 泛民過到半，直接否決左條例，唔使衝唔使百萬人遊行。

功能組別係有問題，但係無得選下我寧願佢地玩都好過由建制直接攞哂D議席。