那些花兒 2019-8-7 22:50:01 Day 56 江孜第三天

食完早餐就過隔離南尼乡嘅南尼寺參觀，呢幾日都好好天，和暖嘅太陽加上柔柔嘅風，真係好寫意






一如既往，我哋係去啲唔使畀門票嘅寺廟。 南尼寺比我想像中大， 但睇嘅嘢唔算好多， 遠遠比唔上內陸啲佛教寺廟咁香火鼎盛。 少咗啲人煙嘅味道，多咗份簡樸












睇完我又圍住個佛塔將啲轉輪轉咗圈，入鄉隨俗嘛。 之後就揸返去食晏， 途中遇到啲交警嘅臨時檢查點， 咁啱嗰陣時我哋以為唔使停就諗住喺側邊過， 點知就就被交警截停咗。 佢問我哋知唔知要停車，一個戴住副超著住短袖， 一個就揸住支金箍棒係，咪以為去取西經就唔使檢查。 之後叫我哋下次唔好就放行

:^(

食完晏，我地抖咗陣就出去。我想買名信片同佢地啲藏民孭起背脊嗰款手織羊毛斜孭袋， 可惜嘅係兜咗成日都搵唔到， 後來見到一個孭住成身袋嘅藏民大叔， 佢仲唔係賣袋嘅， 我問咗問價錢佢話百五蚊， 雖然我覺得有啲鬼但個質量係好嘅， 可惜個花紋唔啱心水， 我聽日再影畀大家睇嗰啲袋係咩樣



話說阿靖今晚就會抵達拉薩， 我哋諗住後日係呢個日客則會合， 一切報團去呢個珠峰大本營， 阿曦話冇錢所以唔去。 話說報團嘅話費用都唔平，去珠峰大本營兩日一晚就成千銀。經過客運站嘅時候我問咗問去日客則嘅客車班次同埋車費， 36蚊，坐一個半鐘



另外我亦都去咗公安局問有冇得搞邊防證， 佢哋話呢度冇，最近要去日客則

我哋漫遊英雄城嘅途中突然有個不速之客， 上咗你架車，係隻拉布拉多。 大概一個街口之後佢就落咗車

:^(

只有我哋諗住返屋企嘅時候見到一對喺街度截順風車藏民父女， 佢哋孭住一式一樣嘅斜孭袋，個花紋幾靚，於是我就問佢哋喺邊度買，佢地話自家製嘅，可惜啊。 咁啱我哋有順路就兜埋佢哋， 幫人嘅感覺其實真係好開心

之後返到去食完飯，因為出面落雨， 所以就留咗喺屋企睇電視， 開咗套電影岡仁波齊黎睇，拍得好寫實，加上自己一路入藏，啲情景好有代入感。他們地嗰份對信賴既虔誠同毅力真係好值得尊敬。 每個人做事都唔需要別人嘅理解， 只要走自己認為啱嘅路就可以了


本身計劃大概15號到就會離開西藏，坐火車經青藏鐵路入西寧再轉去新疆。 但如果南北疆大環線咁玩， 時間同旅費都未必夠， 因為我預計九月中之前就會返香港。 所以可能唔入新疆，去青海玩幾日， 過甘肅去敦煌睇石窟，之後就回程

但計劃歸計劃， 我不嬲係一個唔鍾意緊跟計劃行嘅人，而且人算不如天算。 到時隨機應變啦， 能走多遠走多遠

另外有幾個friend都問，旅程上識唔識到女， 我都笑而不語。 基本上除咗慧慧， 路上都冇乜同女交流過。路上踩車嘅女本身就少，我遇到嘅後生女五隻手數得晒，合眼緣嘅湖南妹，亦輪唔到我，而且之後再冇遇到過。嗰時阿靖仲笑住話，呢種資質係重慶一街都係，重慶冇野多，係靚女多。 跟住我同阿靖講，到時如果我一直搵唔到女朋友嘅你介紹個比我

:^(

大不列癲佬 2019-8-8 12:55:47 追到Live，樓主真係男人浪漫既極致

:^(

見到樓主炒車完成唔到有種失落感

:^(

但的確可能一段旅途要有遺憾先至值得回憶

樓主如果遲吓有興趣踩歐洲，可以一齊玩
利申：倫敦撚

咸濕強 2019-8-8 15:00:34 重慶囡囡

:^(

傳聞重慶多靚女係因為 以前國民黨軍官D情婦姨太太無帶過去台灣 留晒係重慶, 改嫁之後所生既仔女遺傳晒靚人基因

0987 2019-8-8 16:44:25 追到live 了

:^(

那些花兒 2019-8-8 17:30:52 唔知幾時先有機會踩歐洲， 之前睇完發夢王大冒險，好想踩冰島

:^(

那些花兒 2019-8-8 17:31:54 呢個推論又幾合理

:^(

居狗屋 2019-8-8 17:39:32 有冇比返住宿費阿曦個親戚？

:^(

企唔番起身 2019-8-8 18:06:27 我想睇下個手織羊毛斜孭袋係咩樣, 應該有見過, 不過太耐唔記得左

那些花兒 2019-8-8 18:49:33 冇

:^(

，我冇當呢到係旅館，我當咗係自己親戚

那些花兒 2019-8-8 18:50:51

曲屏好睇唔好用 2019-8-8 18:55:14 巴打 祝你早日康復
期待你下一個旅程

:^(

那些花兒 2019-8-9 00:22:25 Day 57 江孜第四天

是日早餐係炒飯，食完依舊出車週圍兜。去咗一個叫紫金寺嘅地方，好似好把炮咁，幾世藏王王宮







旁邊係紫金濕地




年楚河，唔知盡頭係邊，好長




之後去咗宗山古堡，拐下拐下上去，上面風景唔錯，可以一覽英雄城既風景。堡裡而有個博物館，展覽江孜城嘅歷史同演變













拐上去唔太難，落黎先辛苦，我要倒後落山，落到身水身汗。落到地下就揾間店食野，好耐冇食過pizza，覺得特別好食



食完野，諗唔到去邊好，突然醒起斬人台可以爬上去，我就同阿曦講，不如去睇下，佢話好啊。我地本身仲以為上面有骨有殘骸，但出奇地乾淨 ，亦都冇陰森嘅感覺，好正氣










落返黎就揸返去，等食晚飯，途中又順路兜咗個藏民。今晚係火鍋，吃完開咗兩套戲睇，什麼智取威虎山，當槍戰睇，另外睇咗破風，先知原來車隊係咁嘅



聽日應該離開江孜了，要遊既都差唔多遊完，係時候返拉薩，過到去再同阿靖會合。佢地有個女仔fd聽朝火車到拉薩，原本呢個女仔都係同佢約好地一齊踩川藏線，但佢老豆為左阻止佢踩，係佢地出發到用車直接撞到佢架單車變形，於是個女仔成個暑假出走週圍去，冇返屋企

:^(

我問阿曦個女仔靚唔靚，佢話清純，但隔咗陣改口，話係單純先啱，正常學生妹

:^(

阿靖13號就走，個女仔如果一直留係拉薩咪變咗我地做伴，唔通機會黎啦飛雲，不個未見到真人都係唔好FF咁多

:^(

另外，我亦有兩手準備，係窮遊網上見到有人話聽日到，問有冇拼車一齊玩，我加咗contact，至少有兩係女黎嘅，就聽日會一會佢地，睇下夾唔夾到

氵每綿寶寶 2019-8-9 02:21:42

:^(

Squall1985 2019-8-9 02:30:02

:^(

:^(

女

痛眼屎 2019-8-9 02:52:51 屌⋯⋯咪撚quote長文

:^(

:^(

:^(

Squall1985 2019-8-9 06:01:06 sorry

Squall1985 2019-8-9 06:02:06

:^(

那些花兒 2019-8-9 11:35:29 江孜開去拉薩嘅客運，話11點開車，等咗半個鐘都未開

:^(

戰利品 2019-8-9 11:48:56 追到LIVE, 成日覺得阿曦好似日本仔好瀟灑

另外劉明等睇單純重慶女女

:^(

:^(

馬林福特 2019-8-9 14:17:11 要同阿曦講

:^(

了？

:^(

梳起唔嫁 2019-8-9 17:42:02 追到live了

:^(

巴打真係好好養傷
返到香港再睇睇佢
記得日日敷冰

那些花兒 2019-8-9 20:44:26 比住個背影大家睇

:^(

居狗屋 2019-8-9 23:07:06 喂 背影唔差哦

:^(

居狗屋 2019-8-9 23:08:58 求正面

:^(

那些花兒 2019-8-10 01:56:19 Day 58 重返拉薩

今朝起身汁好野，食完早餐，就同阿曦孻姑同姑丈道別，離開前合影一張留念。之後阿曦車我出去車站



10點去到車站，佢等返最後一班11點去拉薩嘅車，110蚊。見時間仲早，阿曦帶我遊陣車河。終於見到有賣手工羊毛袋嘅，配色幾好，但開我320蚊，織得仲冇上次人地150蚊咁好，唔買

綠毛獅子第一次見


差唔多夠鐘就返車站，阿曦送完我上車就走。以為好快開車，點知等下等下成半個鐘仲未開。屌佢，係到等夠客先開，最終成12點先開。早知比多幾十坐車站出面拉客嘅私家車



車站嘅廁所，節省清潔，只開一格

:^(

經過檢查站有特警上車查身份證


之後就坐足幾粒鐘，有時會有停車比我地落車食野去廁所。途中經過羊湖，隔住玻璃窗都覺得靚





坐我旁邊係廣州來既，佢高反了



阿靖打比我問我個兩支氧氣仲係唔係到，個女仔高反，但我今日走之前見用唔着，比咗阿曦冇拎走，但仲有啲口服液啊，頭痛藥，可以比佢用

:^(

話說我有成10日冇沖涼，未炒車嗰幾日冇沖，炒咗車係醫院嗰幾日行動不便冇沖，係阿曦孻姑屋呢幾日見要用發熱線煲水，太麻煩冇沖。但人仲係好乾爽，阿靖話拉薩住嗰間靑旅硬件一流，真係要沖下先

坐到成六點，終於到拉薩。有個好心人幫我搬行里，去到青旅同房又幫我鋪床單，太友愛





之後去咗行八廓街，見到有專賣手工羊毛袋，屌，又翻一翻，六百

:^(

八廓街幾好行，呢啲建築風格幾靚，我經過大昭寺拜咗拜，許咗個願，靈嘅下次黎還願。之後終於同阿靖會合，佢見到我金箍棒都笑咗，確認係回頭率好高嘅










晚餐我哋去咗食藏餐，伏伏地，份量有啲少



唔夠飽去咗buger king買個安格斯漢堡食，點知撞到路上遇過嘅香港車友阿華，真係有緣，咁都撞得返。可惜佢聽日報咗個阿里南線八日拼車團，唔係嘅可以join一齊玩。更可惜嘅係，呢啲情節唔係發生係我同囡囡身上



食完包同阿華道別之後，同阿靖佢地行去布達拉宮睇夜景。介紹返，佢單純嘅fd叫歆緩，正面遲下先post





聽日去納木錯