亞力辛華啤 2019-7-15 18:09:52 咁有創意

:^(

那些花兒 2019-7-15 18:12:19 有通風口

:^(

那些花兒 2019-7-15 22:52:42 Day 34 康定

今日嘅目標係先踩去康定，到時再睇程况決定去唔去折多塘。由於路程唔算太遠，我哋唔急住出發， 先去食個早餐，再去睇瀘定橋





瀘定橋係一個比較出名嘅紅色景點， 條橋嘅牌坊仲係用緊繁體字，睇落順眼好多，印象中冇記錯我細個喺親戚屋企係睇過類似嘅電影。 講點樣横渡鐵索過江奪橋， 本身只有鐵索橫江，要奪橋只有照靠人海鋪橋板同埋岸上跑火掩護， 今日親身嚟到呢度覺得當時嘅爭奪戰，應該都真係好激烈









睇完我哋就返旅館執埋啲嘢， 踩去康定。 講喺康定呢個地方最新名嘅就係康定情歌， 呢首歌應該每個人都聽過，就算唔記得個名都好大機會聽過

踩咗冇耐，路上嘅景已經開始越嚟越靚，亦開始見到有啲推車嘅騎友，呢啲小隊裏面通常都係有女， 但前段就咁推法， 至少兩日先到康定




由於以為今日好凍著曬長褲外套， 點知妈好太陽， 踩踩下真係頂唔緊停低除衫


之後嘅路基本上都係啲緩和嘅長上坡，幾好踩嘅
， 個人認為比二郎山輕鬆。 路上嘅景亦都好靚 ，求其影都靚，留影一張






踩到咁上下小休一下， 一遇到另外兩個騎友



自從出咗阿安之後基本上，飯店嘅小菜價錢都開始貴咗， 而家兩餸一湯，圍番開每人都要30蚊， 但味道係保持住水準



唔係講笑，康定爬嘅坡，真係好鬼多。 雖然 keep住唔使用細盤， 中盤已經可以解決曬呢段所有坡， 要多謝貴州嘅鍛鍊， 但都踩到都有啲心力交瘁

踩踩下仲要落雨，大嗰隻， 成個人濕曬，凍到雪條咁， 但離康定亦不遠， 我哋點都捱埋佢

差唔多到市中心嘅時候，我哋決定唔到折多塘， 喺呢度留宿一晚。 喺搵旅館嘅時候我哋出現都少少分歧， 阿靖想搵間80蚊左右嘅旅館， 但附近嘅基本上都係一百蚊， 不過我明白嘅，始終學生出嚟踩資金一定唔會話十分充裕， 同埋佢係一個好有原則嘅人， 即使我話你淨係出40蚊其餘有多嘅我幫你畀埋，佢都堅決唔肯。 由於真係搵唔到 ，佢最後都畀我說服咗住一間一舊水

入到康定市中心嘅時候，真係踩到腳都有啲軟。 仲經過見到有個情歌公園




去到旅店老闆落嚟接我哋， 同我哋講話停電，但整緊好快搞掂， 咁我哋唯有上去擺低啲嘢先， 間房張床真係盞鬼，仲有兩支玫瑰




由於冇電有冇得沖涼住，咁啱老闆佢哋食緊飯 我講咗句好香，老闆就叫我地一齊食， 我都係第一次摸黑食飯


呢間旅館係老闆承包返嚟嘅，業主係香港人， 我覺得呢種家庭式旅館其實都幾溫馨

食完飯冇耐就有返電，我沖涼啦， 由於本身已經全濕，除咗件雨衣已經覺得好撚凍， 於是我做咗人生第一次做嘅嘢， 應該係第一次， 著住衫沖涼， 邊充邊除

:^(

之後阿靖去咗網吧打機， 我就匿喺個被竇度出post， 呢邊個氣溫真係幾低，我已經著曬長衫長褲都覺得有少少凍

黑暗中的兔子 2019-7-16 09:42:15 留名支持!!
羨慕師兄可以去完成自己既夢想。遺憾當我都有呢個諗法時, 身邊已經"有牽掛"不能說走就走...只能夠睇師兄既日記嚟頂住條隱
加油!!

腦而bug 2019-7-16 12:41:09 留名推post

:^(

樓主小心身體

:^(

小賭JJ 2019-7-16 13:00:39 Lm 加油啊

:^(

篠野翔 2019-7-16 13:24:59 支持樓主, 一路追緊你post, 加油
其實講真反而去到中國, 仲會撞到好人, 唔明點解嚟親香港嘅都係垃圾

隱形小鳩 2019-7-16 18:47:47 好好奇樓主帶幾多錢出門

:^(

同埋點解好似好多野都好順理咁

:^(

:^(

:^(

祝樓主安全到達目的地！！！
利申都係車友嚟

:^(

:^(

:^(

斌周行 2019-7-16 20:47:05 加油

:^(

那些花兒 2019-7-16 22:46:19 冇budget，要用就用，洗完返黎搵返就係

睇post可能覺得好順利，但當中有好多沮喪嘅位

那些花兒 2019-7-16 22:47:17 高反係今日出現了

:^(

痛眼屎 2019-7-16 22:55:00 Take care

:^(

夢夢夢 2019-7-17 00:51:55 休息下，習慣個高度先再出發

:^(

那些花兒 2019-7-17 12:19:21 尋日住嗰度，停電停網，完全冇訊號，今日一次過post

那些花兒 2019-7-17 12:21:03 我過4000海拔就開始高反，但一落返3千幾又冇野

:^(

Kobech 2019-7-17 13:52:34 我前幾日先係稻城坐大巴返成都， 沿途見好多單車友爬坡爬到死死下， 好佩服你地，我坐大巴時係到諗點踩呀又多彎又全部都係上上落落既坡，過左康定有到叫咩十八拐條路好痴線，不過川藏線風景真係好鬼靚，加油呀師兄！

kc62019 2019-7-17 16:22:49 首要是保暖！再加休息先可以抵抗高反！
可以飲力保健補充！有氣既汽水都會感覺有改善。

馬林福特 2019-7-17 19:23:26 過四千踩慢啲會唔會好啲

:^(

:^(

唔係嘅話點搞

那些花兒 2019-7-17 20:50:12 Day 35 塘泥壩

由於我哋今日唔係好急所以九點幾先起身， 老闆個仔仔自我哋起咗身攞咗隻鴨仔入嚟畀我哋睇， 呢個細路仔真係幾得意。之後再慢慢落咗去行咗陣同埋食早餐





由於我哋住嘅嗰個位要入番318， 一係就調返頭一係就走小路， 我哋梗係走小路啦。 不過走得少囉都預咗係要推車嘅爛路， 但風景亦都係相當唔錯





入番318之後我哋就開始踩返， 個難度唔算好高嘅只係不斷咁緩上坡， 大約踩10公里就到折多塘呢個海拔3200嘅地方，仲隱約望到玉林雪山





開始爬呢個折多山， 呢個山真係好迂迴曲折， 我哋一路爬爬到上去三千幾都冇乜事， 但過咗四先之後就開始頭痛同埋有少少暈， 之後我哋就飲咗啲口服液食咗啲頭痛藥， 好咗少少嘅



在爬咗陣個山開始起霧， 能見度開始越嚟越低。 當個海拔越嚟越高嘅時候，我亦開始踩唔到， 只要我踩大概有200米我就開始覺得個頭好痛同埋好似有啲呼吸唔暢順，只能夠推， 每推一陣都要停一陣，抖一陣




阿靖個高反冇我咁嚴重，佢仲勉強踩到，但係為咗等埋我佢都推車。 當時我哋嚟山頂最高點， 仲有大概8公里， 我哋推咗成兩三粒鐘， 當推到 就嚟絕望嘅時候，我遇到有個停喺路邊嘅車， 我問咗問司機仲有幾耐先落坡， 佢話仲有一公里， 我當時就諗我咁辛苦都推到上嚟，都唔爭在呢一公里，我點都捱埋佢

終於到咗折多山觀雪台， 可惜呢度只有霧咩都睇唔到，仲開始落大雨。落山嗰段路嘅景好難形容，一種周圍環境係黑嘅但係就會見到日落嘅橙黃色，但真係好難忘

落山呢段路唔算好險，我哋好順利咁樣去到山腳， 嗰時已經八點三， 但我哋嚟新都橋仲有30公里， 所以我哋決定喺山腳嘅塘泥壩住




由於出現嘅高反唔沖得涼， 我哋唯有係喺旅館隔離嘅飯店圍爐取暖。 今朝買嗰對28蚊嘅毛毛鞋係好明志




老闆話呢度好容易停電，如果停電嘅話連信號都收唔到， 嗰然係十二點半就真係停咗啲， 手機都冇充到啲咩電， 所以我哋第二日咋喎去新都橋補給， 幫啲器材充電

:^(

那些花兒 2019-7-17 21:24:47 應該過兩日就適應

那些花兒 2019-7-18 00:14:31 Day 35 新都橋

起身嘅時候都仲未有電到，手機都關埋機，好彩尿袋仲有小小電

:^(

，我地求先食啲餅就出發踩去新都橋，只有30公里，去到可以休整一下

外面陽光普照，非常之好嘅開始


踩去新都橋嘅呢段路， 真係好似睇緊window xp個桌面咁， 我哋都好慶幸琴晚冇漏夜趕過去， 如果唔係一定會錯過咁靚嘅風景





喺去新都橋嘅呢段路上我係完全冇任何不適，反而阿靖呢就有少少頭暈， 停低抖幾次，高反呢樣嘢真係好難捉摸

好快我哋就去到新都橋，住嘅係一家藏民開嘅旅店。 老闆全家都好親切， 仲同我哋介紹咗一個幾公里外嘅網紅打卡點畀我哋， 於是我哋食完個晏就踩車過去





我哋去嗰個景點叫做香薰谷， 踩車過去的確好近， 唔係話唔靚，但係冇想像中咁靚






逗留咗一陣影咗啲相之後就返返去， 我覺得薰衣草同男真係唔係好夾， 呢啲景點都係等有女朋友嘅時候再一齊去比較有feel啲

返到旅店，我見冇嘢做就同老闆屋企嗰兩個小朋友玩， 叫佢哋教我藏語。 其實佢哋喺我度嘅時候已經好主動咁幫我攞啲袋，見佢哋咁乖， 我喺返嚟嘅路上經過士多都買咗嘢食嘢飲畀佢哋。 阿靖將啲嘢拎出嚟曬完之後就喺度恰細路







見到老闆娘喺度食緊啲不知名嘅物體， 我哋就問係咩嚟， 老闆娘話係深山嘅土壤， 難得嚟到梗係要試下啲地道嘢， 試咗一嚿， 又係第一次， 咁大個人第一次食泥， 原來係洗衣粉嘅味道

:^(

冇幾耐我哋見咗個車開埋你舖頭呢邊， 跟住落咗架單車同埋啲駄包， 跟住心諗拖都算啦連車都拖埋， 咁樣真係有意思咩


點知更誇張嘅嘢陸續有嚟，今次見到有部SUV， 後面綁住兩部單車， 原來係阿爸陪兩個仔踩車阿爸揸車喺後面護航， 睇怕係一踩唔掂直接車佢哋， 咁樣嘢未免太過呵護

:^(

晚飯我哋去咗食酸菜魚， 當我哋食完返鋪頭嘅時候老闆娘仲拎咗碟炒野生蘑菇畀我哋食， 係佢哋今日晏晝去摘嘅， 呢度嘅藏民好純樸好有愛

:^(

嗰兩個小朋友夜晚要溫書， 我睇一睇佢哋本藏文書， 完全睇唔明

:^(

聽日我哋預計都要踩好長嘅距離，所以都係要早啲起身穩陣啲

馬林福特 2019-7-18 09:27:50 當地人真係好好

:^(

kc62019 2019-7-18 12:02:39 過四千動作要變慢一點。
由五千落近去三千幾既時候又唔可快、要減慢速度去適應先、否則高反變嚴重會死人架！

光洙剝光豬 2019-7-18 13:43:46 西藏喲偏遠地區都會成日制電，幾個地區輪流地，而且喲電係四川有剩先傳過去

:^(

光洙剝光豬 2019-7-18 13:45:46

過四千踩慢啲會唔會好啲

:^(

:^(

唔係嘅話點搞

過四千動作要變慢一點。
由五千落近去三千幾既時候又唔可快、要減慢速度去適應先、否則高反變嚴重會死人架！

sorry 樓上位巴打 quote 錯人西藏喲偏遠地區都會成日制電，幾個地區輪流地，而且喲電係四川有剩先傳過去

:^(

sorry 樓上位巴打 quote 錯人