新興仔 2019-7-7 01:23:25 話時話,樓豬竟然成都附近留2-3日

:^(

成個四川好好多,睇境睇文化都好豐富,由其川西
不過你得果2-3日,市內都用晒,去下個大熊貓基地,早D去,幾撚正,好多熊貓同panda BB,同埋有時間去人民公園坐下採下耳,飲下茶食下瓜子,好撚有LOCAL FEEL

Guruguru 2019-7-7 01:37:01 性價比好高 睇落又乾淨 啲裝修又幾新
平時呢個價係外國買到hostel一個床位咋

:^(

新興仔 2019-7-7 01:48:29

:^(

情也是真摯偉 2019-7-7 03:48:26 未睇先LM，正評是我給的！
兩年前去過西藏旅遊，發現西藏實在地大脈博，幾乎全部景點都係靠司機大佬點到點車送，之後坐飛機回程時同隔離位中國後生仔傾開先知佢係單車遊，仲show左個time schedule 同好多青年旅捨俾我睇。原來佢係純粹被frd感染見幾好玩，覺得鐘意，就做！結果佢又係祼辭買單車，毫無運動底子，都依然完成到是次旅行，仲話要將部出生入死既戰車送返屋企留念，成程機聽到我津津有味，即刻有股衝動熱血好想再次親身去西藏探險，用自己雙腿去踏足呢個地方！
相約過同行好友在不久之後要到西藏黎過瘋狂單車環島，亦都好想先到台灣環島遊訓練一下，呢個願望暫時未實現，亦都唔知道會否實現，但見到樓主咁有勇氣，真係敬佩萬分！
加油，我會一直追post ，同你同你部戰車打氣，你就係單車新人王！！！

那些花兒 2019-7-7 08:54:11 因為我以前係成都玩過一排，所以先唔留咁耐， 想留多啲時間係西藏嗰邊玩

熊貓基地識咗兩個韓妹玩咗日，咩錦里，寬窄巷子，杜甫草堂 嗰啲市區景點都去過曬， 但我覺得市區景點對比於外圍真係麻麻

:^(

青城山，峨眉山， 樂山呢啲真係幾正， 峨眉金頂簡直係冇得輸， 我嗰陣時係接近冬天嗰陣時去， 成個山啲樹掛滿曬霖， 好有個仙境feel

川西去畢鵬溝， 喺阿壩藏族羌族自治州，嗰度啲風景真係原生態，靚到不得了，而且仲識到兩個成都女仔，我今次到成都都會探佢



我去你嗰段時間在，九寨溝因為地震封咗冇去到
， 有啲想今次去返

另外稻城亞丁都想搵次機會抽時間去

春有百花秋有月 2019-7-7 08:55:50 巴打好勁

:^(

:^(

:^(

可唔可以記錄埋你大小腿D肌肉有乜改變？

那些花兒 2019-7-7 08:56:58 呢樣真，最花錢都係門票

:^(

那些花兒 2019-7-7 08:57:34 多謝巴打， 希望你都可以早日實現願望

:^(

那些花兒 2019-7-7 08:59:07 只要唔係9月25都有機會

:^(

那些花兒 2019-7-7 08:59:49 詳盡嘅解答

:^(

那些花兒 2019-7-7 09:20:46 順帶一提嘅係要去四川睇樂山大佛， 要去真係而家好去，尤其係有睇風雲嘅， 因為我上兩年去， 已經要起返寺廟包返著個大佛， 重現歷史原貌

:^(

但我心諗加建咗嘅已經冇曬味道， 但大陸真係好興將歷史建築復修到新嘅一樣， 咁我去嚟仲有咩意思

:^(

到時火燒凌雲窟嘅樂山大佛已經不復在

:^(

Iamyellow 2019-7-7 09:48:45 巴打 你有無用單車褲 姐係有個假patpat咁係條褲度，我個時踩 好用過m巾 淘寶有得買！又平

倫仔 2019-7-7 11:27:27

:^(

:^(

:^(

那些花兒 2019-7-7 13:15:12 一路都有著單車褲 唔知係咪著得耐已經有少少毛粒 影響咗個舒適度 所以而家係單車褲再加m巾

:^(

林鄭收皮啦 2019-7-7 13:33:42 此回覆已被刪除

那些花兒 2019-7-7 23:05:16 個人瘦咗，但大小腿好似冇咩改變

又到星期五 2019-7-7 23:09:18 終於出現

:^(

那些花兒 2019-7-7 23:53:48 Day 26 樂至

成日諗住早啲起身踩， 但次次都成九點先起身。 食完個自助早餐就拿拿聲出發， 唔想耽誤太多時間， 因為今日踩一百五十公里



出發咗冇耐就喺路上遇到重慶出發四人眾， 發現大家個目的地都係樂至， 所以就一齊踩。
佢哋四個都係十八廿二， 有兩個係高考完， 有兩個係大學生，年青真好。


我哋喺路上亦遇到徒步去西藏， 我哋搜咗佢個抖音，有三十幾萬粉絲

:^(

之後我就一直同四人眾踩， 我發現自己踩得認真咗， 可能平時自己一個推動力係爭咁啲



同佢哋四個速度上都幾夾得嚟， 我喺前面做呢個領航員，佢哋一直跟住我。 要保持一定嘅速度又唔可以呢佢哋太遠， 又可以鞭策到佢哋 。 我哋一直踩到去安岳先停低食啲嘢， 嗰時距離樂至仲有三十幾公里





我哋入到市區， 差唔多八點， 見到喺廣場度有好多好多大媽喺度一路跳一路圍住轉圈， 唔通呢種就係愛的魔力轉轉圈


由於佢哋嘅旅費有限我哋揀咗間比較平嘅賓館， 佢哋四個人開咗間雙人房， 我就自己一個開咗間單人


梳洗完之後我哋就一齊出去食燒烤， 飲下啤酒傾下偈。 不過好多時佢哋啲重慶話，我都唔係幾聽得明，要佢哋用返普通話同我講


原來佢哋組織西藏之行嘅時候， 本來係有30個人， 但最後成行嘅只有佢哋四個， 而且佢哋嘅家人都係有反對， 不過亦都冇咗佢哋嘅決心

同埋佢哋都話遇到我係一種緣份， 如果唔係我帶住佢哋，佢哋未必踩到黎樂至， 可能喺前一個市鎮就停。 其實我嘅諗法都係同佢哋一樣， 見唔到佢哋可能我都冇動力一直踩到樂至

佢哋仲介紹咗啲內地嘅文化畀我， 例如社會人， 簡單啲嚟講即mk仔/ 而家嘅殺馬特，忘了愛啲fd

:^(

仲有原來佢哋平時返學， 老師上堂嘅時候都係用重慶話， 如果老師係用川普上堂嘅話，佢哋會笑鳩個老師。 反觀香港， 連粵語教中文都不復在， 細路平時喺學校交流都用普通話， 咁樣仲點會有一個好嘅承傳

:^(

但食完其實我都有啲唔夠飽， 唯有返賓館食個杯麵

:^(

我哋聽日會繼續一齊踩去成都， 到成都就要分道揚鑣， 佢哋留一日就會繼續出發， 我就會留幾日，可能再次見佢哋嘅時候就已經係拉薩了

FlyHigh 2019-7-8 00:12:48 超勁。。。。加油呀

共產黨打到黎 2019-7-8 09:15:18 請問國內5星有咩品牌？
返大陸玩通常住5星，但係唔知國內有咩5星品牌，多數係搵國際brand，比較貴咗少少

倫仔 2019-7-8 09:36:40 深圳馬哥孛羅好日子酒店（九龍倉旗下五星級酒店）深圳五洲賓館（各國政要開會入住嘅招待地方，達賴喇嘛住過

:^(

）北京國際飯店（六四坦克人就係從過度取嘅角度）

褔建炒蝦麵 2019-7-8 13:38:16 個gp 叫咩名，點解條link 睇唔到?

:^(

掘下掘下 2019-7-8 21:55:59 live左

:^(

加油巴打，好好睇

那些花兒 2019-7-9 02:06:44 Day 27 成都

朝早大家整理好，就一齊去咗對面街食早餐，大家件雨衣都唔同色，五色戰隊咁

:^(

之後就一路踩向成都，阿曦真係好鍾意隨衫踩


我哋踩到資陽就搵咗間餐館食個晏




之後開始往成都既路，途中我地買咗啲桃食





過埋條成簡快速，離市區淨返30公里左右，呢條隧道絕對係踩過最爽嘅，全程40碼下坡咁，有幾公里長




快樂嘅時光過得特別快。出咗隧道，我同佢地亦差唔多分別，一路上有傾有講，又夾到真係唔易，真係有啲唔捨得呢四子。不過我想信大家好快會重遇



旺仔教我擺post幫我影咗呢張相

:^(

我再沿著成龍大道，直踩入武侯區




今晚入住嘅係一間騎行青旅，你可以係到組隊，買裝備，老闆仲會開簡介會，教基本維修，路線攻略等等




我就隨緣，川藏路上從不缺人，唔係你撿人就係人撿你，有緣自然會遇上。人多唔一定好，嗰個要等下，呢個又話食啲野，你估咁易夾

有個室友係後日出發，佢地個隊伍組咗16個人，佢有句話我幾認同。而家只係一個團隊，可以一齊踩到拉薩嘅先係隊友

之後出咗去附近，行下揾野食




呢間餃子幾好食，叫咗個套餐加擔擔面





宵夜係冰粉，老闆介紹咗套電影比我睇，唔錯，講單車横越羌塘無人區，叫 七十七天




聽日報咗個樂山大佛一日團，上次坐船遊，今次要行上去大佛，六點集合

:^(

。夜晚約咗成都女仔fd食飯，順便拎之前寄比佢嘅補給

:^(

東南西北中發白 2019-7-9 02:18:37

踩高速公路?

:^(

:^(