那些花兒 2019-7-4 01:37:10 按錯

見到一入南岸區，離解放碑也不遠了


踏上呢條過江大橋，就真真正正進入重慶



講返張衛生巾，經過一日實測，係有用嘅，踩咗一日都冇痛，居家旅行必備

呢間青旅，各方面其實都唔錯，但太大，大家冇咩交流。不及小青旅咁温馨，似一間訓床位嘅酒店







找唔到人一齊食，所自己行下，去週圍睇下有咩食，見到解放碑附近都幾多人拍片，直播，而且遊客亦好多





買咗杯黎試下，味道幾好



之後行到較場口夜市，買咗份薯仔同湯丸，一個人行夜市，眼闊肚窄，食唔到啲咩








行返青旅嘅路上，我突然覺得好孤獨，係一條人來人往嘅街上，自己好似格格不入一樣

:^(

唔知點解會湧現呢種情緒，可能人總有失落嘅時候吧

聽日停踩一日，去市區嘅景點行下

Guruguru 2019-7-4 01:58:50 巴打加油
你應該唔慣入番大城市啫

:^(

不過長期旅行係好容易迷失既
之前我係北京兩個月最後都有類似感覺

:^(

地球既未來 2019-7-4 03:00:58 巴打加油，希望你可以堅持落去

:^(

費達拿老婆 2019-7-4 10:01:57 重慶d酸辣粉真心好食, 會食上癮!

亞力辛華啤 2019-7-4 16:29:57 lm

:^(

巴打有無帶backpack for之後用?係咪可以放係馬鞍袋上面?

入境處陳展鵬 2019-7-4 17:00:00 想問下咁多位巴打 如果我來樓主一更新就收到通知 我要點set 利申番 係iPhone 連登app黎

:^(

那些花兒 2019-7-5 00:19:36 Day 23 重慶市區遊

今日係冇計劃過點行，邊行邊諗下一站去邊。落到樓下，經過見到間野幾多人食，我就叫咗碗豆花麵，幾好食，可以再回頭，唔怪得咁多人



跟住行咗過去近近地嘅洪崖洞，呢種建築風格幾特別，真係千與千尋嘅感覺






睇完就飛的去咗李子壩站，趁下熱鬧。全部都係影地鐵到站



都黎到，梗係要試下重嘅地鐵啦，估唔到地鐵站有展館。 坐去嘅目的地係磁器口





重慶嘅地鐵真係好多人， 同香港有得比



到咗。 喺入口處，求咗支簽。 上平，馬到功成，好似唔錯




有多阿伯賣春捲，好多人排隊，買咗件嚟試，但係好撚油，食咗一半都頂唔緊掉咗，不了



唔係講笑真係人山人海， 淨係試食都食到飽， 尤其係啲餅呀什麼麻花嗰啲， 大大嚿畀你拎嚟食





賣乞衣雞，好似幾吸引。但係一個人食唔曬，所以冇試


之後經過見到一檔係即織辮子頭，問咗個價錢都唔貴，百零蚊。 於是我就嘗試一下， 頂唔順先將佢拆返， 阿姐話呢種應該keep到一個禮拜



跟住去咗呢個兩路口站嘅皇冠大扶梯度睇， 由於冇散紙問咗個後生仔借咗兩蚊， 話微信轉返畀佢， 可惜個位收唔到 ， 我就叫佢畀個收款碼我，我影低

但最後因為佢畀錯咗個QR code我，我畀唔返嗰兩蚊佢， 好似呃咗佢兩蚊咁

:^(

經過宋慶齡嘅故居入咗去睇咗睇，作為讀過下近代史嘅人， 對呢啲嘢都有少少興趣






而前面不遠處，就係電影 火鍋英雄 嘅取景點，開係係防空洞入面嘅火鍋店。搵唔人食唔係問題，自己一個照食，小小難題點會難到我，埋單都只係百五蚊，性價比唔錯





打完邊爐出去嘅時候，外面已經排滿晒人，好彩早去


之後就去坐下索道，體驗一下，點知要排隊，等指定時間再嚟




於是我就週圍行下先，銅鑼灣嘅感覺



夠鐘去返索道度， 都係要排一陣先上到纜車， 大家都霸定個靚位影相， 佢哋影相，我就影佢哋啦







落咗纜車我就坐咗架電單車上南山一夥樹嘅景點， 呢度可以一覽重慶嘅夜景。 一如過往咁多人， 但都有唔少靚女





之後我坐返纜車走啦， 老實講真係體驗一次就夠囉， 排隊時間仲耐過搭配時間， 我相信好多試過一次嘅都唔會再坐

返到青旅，見有啲肚餓，嗌咗個炒飯食


聽日報咗個一日團去武隆嘅天坑，係變形金剛 同埋 滿城盡帶黃金甲嘅取景點， 唔知會遇到啲咩團友呢

那些花兒 2019-7-5 00:20:34 冇帶，去到西藏求其買個背囊仔算

:^(

那些花兒 2019-7-5 00:21:12 我反而覺得啲小面會食上癮

:^(

Guruguru 2019-7-5 02:55:15 巴打你都食幾多野仲食得幾辣

:^(

:^(

成鍋辣椒痴撚線

:^(

:^(

:^(

:^(

新興仔 2019-7-5 04:44:11 小鹿有冇得只科一個月,幾$?

:^(

新興仔 2019-7-5 04:47:41 呢個德江縣仔呢間城市便捷竟然受外賓

:^(

:^(

:^(

定偷雞唔理,好多縣仔唔理,因為冇人會受,受外賓既話佢地要REPORT比公安SYSTEM

新興仔 2019-7-5 05:01:59 睇咁多次踩西藏,樓豬算住最豪最撚刷得既一位

:^(

:^(

:^(

大陸D野一離開左廣東就冇撚晒興趣,又多油又辣,食多幾餐都肚屙,油撚到仆街,次次叫撚左少油仲要比佢地屌,話用同一隻獲無得少油,洗都唔撚洗

:^(

離開廣東食中餐我多數招蕃茄蛋,炒土豆絲,炒青菜,全撚部走油唔放辣椒

:^(

那些花兒 2019-7-5 07:10:09 可以每個月比，25蚊，好似係

那些花兒 2019-7-5 07:14:32 佢比住，我都唔理咁多

:^(

那些花兒 2019-7-5 07:16:17 中間好彩有個清湯中和下，如果唔係，我都收皮

:^(

那些花兒 2019-7-5 07:21:38

:^(

:^(

:^(

我食得辣還好，不過油多就堅嘅，有時叫碟妙蛋都油冧冧。 不過都係入鄉隨俗，踩到邊就食邊度啲地道嘢

Watchmen 2019-7-5 15:06:44 此回覆已被刪除

我愛團長 2019-7-5 15:58:10 巴打好犀利

:^(

加油！

丁丁漏水夜何長 2019-7-5 16:09:27 加油阿清 啲風景好靚


我冇野講

德傻 2019-7-5 22:58:04 正想講，住嘅地方好好...

:^(

德傻 2019-7-5 22:58:37 樓主豪遊

:^(

勾洋鎮華 2019-7-6 02:14:11 好好睇

:^(

難得見單車旅行post 既住宿咁靚

:^(

樓豬好食得辣？覺得單車旅行食哩d會驚驚地踩踩下想柯辣屎

:^(

那些花兒 2019-7-6 02:48:19 Day 24 武隆

朝早起身買咗兩個麵包吃，8點20分車就到樓下接，係一架七人車，我係第一個接嘅團友。我滿心期待剩低嘅團友係5個放假出黎旅遊嘅小姐姐。咁耐以黎，試過一次

:^(

可惜嘅係，剩低嘅團友都係叔叔阿姨，所以話，現實同理想係有差距嘅

:^(

之後就司機兼導遊嘅小李就揸咗好耐車帶我地去笫一站-烏江畫廊。唔知係咪路上睇得太多類似嘅，冇咩特别感覺





我的團友，佢哋來自新疆


係呢到睇完影完就去武隆先食過飯先，去咗一間吃豆花飯嘅平民飯堂。就係比碗無味豆花你，你自己裝飯同調料。但老實講，叫試過算，我就唔會再食，唔滑嘅豆花，已經唔配叫豆花。之後我叫多個蕃茄炒蛋食算



上返車就去天生三橋嘅景點，先去玻璃觀景台，其實呢到唔差，就係太多遊客，個free會大打折扣，建議淡季先黎。入去前要笠返對鞋套，可惜玻璃唔夠清，望落去唔夠爽







之後就排隊坐升降機落去，少不免排隊，排咗成45分鐘



呢個天坑好大，可以慢慢行，會見到黃金甲嘅場景







呢個叫神鹰天坑，翱翔天際嘅鷹


之後遊完就坐車出返景區，小李再車我地去飲下午茶食下餅，叔叔阿姨請咗我食冰粉




我哋傾傾下，傾到有關新疆嘅野，佢地係新疆嘅漢族，話而家嗰邊只要係少數民，進入任何公共場所/坐巴士都要安檢刷身份證，好嚴

但佢地經歷過前幾年各種事件嘅睇法係，以前對維族人政策太好，所以先令極端分子助大，加上以前南疆嗰面其本上係唔識聽普通話，所以有隔閡。同理維族人好懶，係打散幾日工就拎啲錢去食買玩。好似三和大神

我唔係當地人，唔係切身處地係嗰度生活，唔知大家之間嘅矛盾，亦唔方便評論啲咩。我只係知道，只要大家都安居樂業，簡簡咁過日子，就咩事都唔會發生，可惜現實係唔存在烏托邦

有壓迫，就有反抗

返市區，我地就解散。自己去咗一間青旅室友介紹嘅店食紙包魚，味道確係唔錯，值得再食



食完野去咗觀音橋嗰邊飲野，發生咗啲唔愉快事，詳情就唔講啦，我冇野講。總知大陸人啲套路真係好深，令我對重慶留低下咗個唔好嘅印象

我本來仲打算聽日去大足石刻睇下玩一日，但旺季太多遊客，於是打消呢個念頭。聽日就起程，繼續往成都，早啲到，探下朋友，收拾下，整理下，稍息兩三日，就向西藏進發

重慶係一個唔錯嘅城市，但黎玩都係避開啲節假日會玩得盡興啲

那些花兒 2019-7-6 02:49:36 試過踩踩下想柯辣屎

:^(