尋羊冒險記 2019-6-2 22:46:21 //
豪：

新年快樂。仲有補祝你聖誕快樂。

總算捱過左2012年，原來世界末日真係假嫁，我都終於17歲啦。17歲嘅感覺好奇怪，好似即將要踏入夢寐以求嘅成年階段，但係諗返轉頭又覺得一切來得太快，好似仲未準備好咁，我比你遲咗九個月先明白呢種感受。

喂！點解我係「豪乳邦民林俊傑」入面惟一一個要改讀音，而且係改埋個核突名嘅人啊？唔公平啊！

不過呢，聽到一個二個既好消息真係太值得開心啦。一早估到琳同俊會喺埋一齊啦！雖然好似馬後炮咁，但佢地一直都有眉來眼去！我見到。估唔到傑個怕醜仔竟然有拖拍，佢開心返就好啦。仲有希望雯同邦可以長長久久啦...雖然佢地睇落完全唔夾，但唔經唔覺都就一年啦。

你啊，聽到你有返心機準備考試，我就放心啦。唔使俾咁大壓力自己嫁，俾心機就得。我相信以你嘅聰明才智，只要你平常心面對，入大學絕對輕鬆無難度！我估你應該好輕易就可以有25分以上，中大等緊你！

隔咗咁耐先覆，真係好抱歉。因為要準備考試，所以過去兩個月基本上都好忙。記得平安夜，宿舍有一大班non-local一齊慶祝，不過基本上都無辨法搵到方法可以融入佢哋。或者咁講，我從來都好少搵到方法融入任何人...甚至係我嘅屋企人。

聖誕節哥哥揸車嚟咗接我返屋企過幾日，其實我真係好唔想返去，好驚好驚佢地。我甚至好討厭佢地所有人，但係我永遠都無方法可以離開。媽媽叫我記住，佢地叫我做既事，我都一定要照做，因為我擁有既野都係佢地俾我，我一定要感激。但有時我真係做唔到…

哥哥喺香港執業，無跟我哋移民過嚟，只係聖誕節之後有幾日假期。哥哥由細到大都好叻，係佢地眼中最完美嘅結晶品，成績、性格、外表、體格，叻既野多到數唔曬，運動、音樂。哥哥從來都冇令過佢地失望過，連揀女朋友都一樣，由小學去到大學畢業都係傳統名校，同女朋友一樣係英國名牌大學一級榮譽畢業。

但我就一次又一次令人失望。升中面試前我開始發育，第一次感受到嗰一種下半身劇痛的感覺。派位入唔到最頂級既學校，媽媽覺得好羞恥，甚至唔願意同其他朋友講我喺邊度讀書。有一段好長嘅時間，我連返學都唔想，我知道咁諗好唔啱，但係連我自己都覺得好醜。

每晚要瞓覺嘅時候，我都好驚好驚，所有聲音都唔想聽到，覺得好恐怖。醫生話咁樣係一種病，有好多藥要食，血清素（姐係朱古力有既野！你教我既！）、鎮靜藥、安眠藥，血清素初期食完會好想作嘔，但已經係副作用最少嫁啦…其他藥食完會頭暈暈、無精神，個人好似無曬力咁...

識到你地成班，係我經歷過最幸福既事，16歲既我好似有返人生既希望。我搵到屬於自己既目標同理想，但17歲既我就俾人捉返入去籠入面，永遠上鎖。

對唔住啊...封信好似有少少長。我知道你應該都唔好受，好快就要考文憑試，聽到咁負面既嘢，希望唔會影響你太多...因為除左你，我唔知同邊個講好，好想對住個海大聲咁樣叫，好似一個癲婆咁大叫。

離開左一個城市之後，原來我只係去左另一個更討厭既城市。

Study Leave就快到，你記住答應左我唔可以偷懶嫁，一日玩一鋪LOL好啦。我會堅強，你都要答應我，你一定會堅強落去。我知道要自己留係香港面對各樣既壓力都唔係一件容易既事，但我相信你一定做到。

係啊，你一定做到嫁！

因為你係我黎心如見過最有理想同拚勁既人。

祝 生活愉快。

如
2013年2月27日
//

師奶銀針粉 2019-6-2 23:02:02

:^(

心如.......................

找一個樂天的少艾 2019-6-2 23:29:30 推

傷春悲秋的豬 2019-6-2 23:53:58

:^(

找一個樂天的少艾 2019-6-3 00:33:44

:^(

:^(

:^(

:^(

飛𨋢(歐陸) 2019-6-3 00:44:04 心如呢啲完全係悲劇

:^(

尋羊冒險記 2019-6-3 01:14:42 她的信說明了很多有關自己的事，有關她失落的來源，這是我始料不及的。

就算我沒辦法解決她的痛苦根源，我很想讓她知道，我會一直的守護著她，希望她一切安好。只要她願意，就算要長距離戀愛，就算要我想辦法搬去歐洲，我都在所不惜。我可以為她做任何事，只要她變得快樂就可以。即使心如來至一個沒有光的星球，我可以給她最大的亮度和熱度。

我決定要向她表明我的心意。

尋羊冒險記 2019-6-3 01:23:54 //
如：

收到你封信之後，我有衝動想即刻打比你。不過我諗，可能打左比你都唔知講咩好，我唔識講咩安慰既說話，好驚會講錯野，令你更加難受。作為朋友，我都好想可以喺呢段時間喺你身邊陪住你...不過我想你知道，就算唔喺同一個時區，我都係會無條件咁樣支持你。

我唔敢話自己可以明白你嘅感受。因為我根本無咩屋企人。我爸爸媽媽喺我未出世之前就嚟咗婚，我對父親嘅印象係零，同母親嘅關係亦都唔好。

但而家諗返起，可能都唔係一件壞事。我知道好難去脫離屋企人嘅陰影，不過真係好想好想話比你知，你喺我心目中係好好好好既一個女仔。就算你覺得自己幾差，屋企人覺得你幾差，喺我心目中你都係最好，無論點都唔可以改變呢個事實。

啊…我唔知應該要講咩好。所以惟有同你分享啲有趣嘢（或者得我覺得有趣）！邦個鹹濕仔每次去到屏山自修室，都話要坐喺指定中間，望住圖書館落地玻璃嘅位，佢話嗰度好多嘢睇喎。

嗰個位可以直接望入去圖書館，見到好多靚女坐喺長凳度睇書春光乍洩。根本佢就淨係想𥄫女，但係就死口唔認！佢話，呢個係生活嘅調劑、文憑試減壓良方。

都唔知個衰仔幾時先會正經啲！佢叫我唔好理佢，如果文憑試中文作文考試題目係《圖書館眾生相》既話，到時我就會後悔喎。

有人話自修室係溝女勝地，我覺得簡直係天方夜譚。每次去到自修室，感覺都好似上刑場咁，日日困住係個密室由晏晝12點去到夜晚10點，唯一可以抖下氣就係去廁所幾分鐘、或者食飯嗰一個鐘頭。

除此之外就只係不停咁樣做past paper，日做夜做，由05年CE做到上年DSE，練習卷模擬試卷，做到而家可以背書咁背，但係始終都係好冇安全感。不過我冇偷懶㗎！呢兩個月莫講話LOL，我連電腦都冇開過。

仲有就係…Last Day嗰一日，阿俊個傻仔居然企左喺到喊，好似生離死別咁，又話唔會再見，又話會好珍惜我地幾個，佢仲話估唔到中學生涯居然可以識到我呢個好大佬，我懷疑佢真係好鐘意比人話鬧同埋笑，先會咁鐘意同我地混埋一齊。

嗯，我諗，到你再回信俾我嘅時候，我已經考完DSE，到時你等我好消息啦。

好想快啲考完試！我會搵暑期工，努力儲錢。暑假後就可以去旅行，如果我去歐遊嘅話，你會接濟我架可？雖然你口中嘅英國唔係咁吸引，不過硬係有啲殖民地情意結。（仲有我鍾意嘅足球隊阿仙奴係喺倫敦㗎！）如果有機會嘅話，同你一齊搵個海邊大叫又點話，唔使多謝我，我會保守秘密。

希望你可以快啲無事，唔開心就喊出嚟，或者寫多啲信俾我，只要可以令你舒服嘅嘢，放膽去做啦！無論點我都會支持你。我知道未來一定會天晴。

其實...仲有一件事…

你仲記唔記得迪士尼個一晚，煙花既主題曲A whole new world啊？

我按原曲改寫左半首新既歌詞，係用首歌原本嘅歌詞改篇而成。呢啲歌詞全部係我好想同你講既野…希望你會明…

這段新的旅程 結伴分享這風景
你在天空 願否接受我 無限的愛情

這像詩的旅程 抱著欣賞每顆星
卸下艱辛共苦澀 為了凝望這眼睛

共我一起 讓你心驚奇拒絕乏味
沒法可撇低你 如那麼美
置身於似夢世紀

坐上魔毯 在半空穿雲似幻漸現
伴我重新開始 能再開始
目睹這美好 新的世界


我好清楚我只係想同你一齊，亦只係要同你一齊，
我地可以穿梭無垠無涯既銀河系，走遍每一個萬紫千紅好似萬花筒一樣既城市。

我知道呢個世界，有數百萬種可能，但係我既世界每一個可能內，我都必須要同你聯繫住。
因為我既整個靈魂都只可以留係你既身邊。我願意用我一生有限既時間，同你去換取無限可能既幸福。
因為所謂幸福都係為妳我而存在，就好似我係為你而存在一樣。

我會等你既答覆，係你答我之前，我會努力去完成DSE。我唔會令你失望，而家唔會，將來都唔會。

祝你 生活愉快

豪
2013年3月17日
//

尋羊冒險記 2019-6-3 01:30:32 我把信寄出。

大概直至現在的這刻，我也不知道這個決定是否正確，也不知道是否因為我這樣做，才會出現之後的那些事。

但我肯定那是我最想做的事。
由那刻直至現在都沒有改變過。

總要信，總要相信。


https://www.youtube.com/watch?v=atc8RAtl-Ms

（第三十四章 抱著欣賞每顆星 完）

師奶銀針粉 2019-6-3 01:37:25

:^(

:^(

:^(

:^(

:^(

終9於

找一個樂天的少艾 2019-6-3 02:03:13

:^(

咁樣睇落去好似唔係咁樂觀

尋羊冒險記 2019-6-3 03:03:10 自推

:^(

春嬌與春嬌 2019-6-3 05:26:40 幫推

:^(

:^(

:^(

尋羊冒險記 2019-6-3 06:17:51 唔該曬大家幫推

:^(

:^(

大家即管留言

我愛大家

:^(

多謝支持！愈多人睇／留言／正評都係好好既鼓勵，就可以出愈快愈好

:^(

下集 同晴夜遊渋谷！

:^(

:^(

晴（35）>如（36）>晴（37）之後，就會總入超長心如結局篇！

一切快將知曉。

找一個樂天的少艾 2019-6-3 06:37:07 起身一推

:^(

:^(

春嬌與春嬌 2019-6-3 08:40:42 只要肯講，無論結果係點，最小自己曾經試過，唔會後悔

:^(

傷春悲秋的豬 2019-6-3 12:15:27 推咗先

:^(

凍檸茶走冰 2019-6-3 12:22:10 推呀!!!!!!!

飛𨋢(歐陸) 2019-6-3 12:44:50 推

:^(

找一個樂天的少艾 2019-6-3 12:47:26 推

師奶銀針粉 2019-6-3 15:41:47 PISHHH!!!!!!!!

:^(

:^(

尋羊冒險記 2019-6-3 16:01:44 放工前有

:^(

辛苦曬大家推post

千秋王子 2019-6-3 16:02:24

:^(

找一個樂天的少艾 2019-6-3 16:29:38

:^(

:^(

尋羊冒險記 2019-6-3 17:43:05 三十五，最簡單的心願

第二天我睡到很晚才起來。大約中午時分才慢慢的爬起來。

同樣是沒有特別行程的一天。梳洗過後，我在網上隨便做了一些蒐集，決定去目黑區待上幾個小時。昨晚坐山手線時看到池袋離目黑區不算很遠，回去新宿也很快。所以就決定去這裡。

相比起銀座、新宿、吉祥寺這些區域，目黑區並不算是東京的熱門旅遊景點。我會認識這個地方主要是因爲一首周國賢的歌，傑很喜歡哼著唱，中學的時候我足足聽了五年。不知道黃偉文在寫這首歌的時候，有沒有真的到過目黑區，但肯定他沒有想過會有人每天唱，然後不斷強姦好兄弟的耳朵。

從目黑站走大概十分鐘，就會有一間摩斯漢堡店。我隨便點了一個忘記了名字的餐，坐了在店內休閒的吃着。坐了一段時間，也沒有看到任何黑色眼睛，不，應該說相反，我沒有看到任何人不是黑色眼睛的。

店內有一個吸煙間，完全與非吸煙區隔開，雖然容許室內吸煙，但卻不會讓不想聞到氣味的人感到難受。多少有一點佩服日本人的智慧。以前在德國生活時，他們吸的煙都是亂噴的。這樣想起來，以發達國家來說，香港的煙民的確已經算是少之有少。

稍為吃過午餐，然後待上一會兒之後，我便決定四周看看。隨着人群很容易便會走到去著名的目黑川。只是七月盛夏裡這條沒有櫻花的河川，基本上與元朗的大坑渠本質上並沒有太大的分別。當然慕名而來的人群還是有一堆堆，其他道路的寬闊和清閑，更加顯得這裏的逼夾。

我純熟地從人群之中逃走，雖然這個小旅程好像沒有太多意義，不過本來就沒有抱太多的期望，單純只是為了看看那間遠近馳名的摩斯漢堡店，不來的話幾乎都沒有其他特別想做的事，所以也沒有太失落的感覺。

我看看Fossils手錶，換算起來，現在才下午三時多，距離接詩晴的時間還很長，本來想說要去渋谷那邊看看，只是晴嚷着要我等她一起，而且為了避開放工時間的人群，唯有先回新宿走走。

回到新宿後，我隨便找了一間玩彈珠機名叫Maruhan商店進去。到底叫柏青哥的這部機器如何運作、有甚麼實質意義，我完全一竅不通，對它最大的印象，來自《賭博默示錄》和《新宿事件》。

本來兌換了數千円的彈珠，只是玩了幾百円後感覺就不太好，還是決定離開。雖然有啲無稽，但《新宿事件》裏的吳彥祖、他的栗子車和《愛拼才會赢》三寶幾乎造成了我人生其中一個最大的童年陰影。一邊玩的時候我一邊擔心背後會突然殺出幾個山口組拍我的肩膀。

告別柏青哥，還是回到我最愛的大本營世嘉。我見還有一些時間，用了接近一千日圓夾公仔。雖然又是一個成本與回報不太可能成正比例的玩意（至少在我的技術下），但在夾公仔的過程還是有一點樂趣。前提是最後是成功。

我夾了一個穿藍色工人褲的Hello Kitty。不是UFO的那種，所以大小只有一個小孩手掌般大。

晴在WhatsApp說可以早一點溜走，我大約七時多就在酒店附近等待。本來有點衝動想吃一大口煙，只是想起上一次抽煙沒有甚麼好結果，而且萬一被發現與偷走的詩晴在一起，也不想被以為是甚麼不良少年或者暴力團成員。