[高中][純愛] 《如陽光伴我》 有關我和兩個女孩一隻貓的故事
上一頁
第 11 頁
下一頁
師奶銀針粉
2019-5-27 20:59:42
推推推
:^(
Ads
找一個樂天的少艾
2019-5-27 21:57:18
樓主呢
:^(
:^(
:^(
:^(
:^(
:^(
:^(
尋羊冒險記
2019-5-27 23:04:54
二十七,螺絲粉與羅詩晴
說了就要做。為了守承諾,我真的每天都開始跟晴對話。
至於為甚麼要答應她,這個問題我自己也答不了。
「你想知咩?😓」
「你決定啦🤤咩都得,等你以後無得懶神秘啦!」她在WhatsApp說。
「唔知有咩好講...」
「講下屋企人?見你一個人住好寂寞咁☹。」她提議。
我向她講了有關自己的家庭背景,主要也是圍繞母親和後父,還有一些不太有聯繫的母系家人。
「唔怪之得你自己住啦...」她說。
「其實我覺得冇乜特別,家家有本難念的經。就好似你屋企咁,父母離婚、唔一齊其實好平常。」
「好多人覺得唔一齊係兩個人嘅事,但係小朋友係第三個人!」她認真地說:「咁其他屋企人呢?」
「其他...我記得細個既時候有一個表哥,係一個阿姨既仔。」我說。
「而家又無左?☹」
「都勉強叫有,不過無聯絡好多年。」
「你同佢好啱玩?」
「算係屋企惟一既朋友...不過佢成日整蠱我。🌚」
「例如呢😂😂」
「例如佢屋企有枝滕條...😨」
「跟住呢跟住呢?佢用嚟打你?」
我把一條Econ的長題目傳給她,說:「你做完呢條先講俾你知。」
「喂啊你好奸矛😤」
「😌」
過了十五分鐘,她把手寫的答案傳回給我。
全對。
「有進步喎。」
「你!快!啲!講!埋!佢!」
「咁佢都係住村,屋企門口成日會有幾隻流浪狗,佢同我講,每粒天上既星星其實就係地上狗仔既一部分。佢叫我用枝滕條打佢地屁股粒星星,打一次天上既星星就會閃一下。」
「...你信?」
「...我當時得五歲...之後幾年,幾隻狗見我一次咬一獲。」
「😂😂😂😂😂😂原來你係弱智!」
「近得你多。」
「你五歲既時候我好似未出世喎阿叔☺」
「垃圾00後。」
「你就垃圾!」
「抖陰係唔係你精神食糧?」
「我唔玩嫁!不過...」
「不過你全班都玩。😂」
「你年齡歧視!😤」
尋羊冒險記
2019-5-27 23:05:40
sorry!今日比較少文
:^(
謙謙君子
2019-5-27 23:12:14
推一推
:^(
高過高雅志
2019-5-27 23:39:03
pish
尋羊冒險記
2019-5-28 00:19:17
之後她說星期六補習之前要見家長。
「嫲嫲最近身體唔係咁好,我唔想佢騰出騰入。」她說。
「有無其他人可以去?你媽媽?」
「我同媽媽其實好耐無見,佢咩都唔知既...」
「咁都幾惡搞,不如直接同班主任講?」
「唔啦,唔想講。」她有點失落。
「我幫到你?」
「有個方法😛」她說:「你做我家長!🤤」
「我?我老還老,做唔到你爸爸掛...」
「阿哥囉!長兄為父!🤞🏻」
「...」
「你唔會見死不救掛!☹」
「呢個算唔算係你第二個願望?」
「唔算啦緊係!我問你喳,無逼你嫁,如果你想睇住我無家長,喊住咁俾老師鬧,咁就算啦,我都明既...😞」她說。
「激將法對我無用。」我說。
「我唔係激你,我講事實!如果你唔想由得我一個人去面對就10點將軍澳地鐵站C出口等啦!如果你唔想去就算啦☹早抖!」說罷便下線了。
她這女孩真是亂來的...我想。
橙懶洋洋的搖着尾,等我關燈睡覺。
星期六的早晨下着傾盆大雨,正常的時候,這種天氣我是絕對不可能會出門。不過正常的時候又是何時?好久沒有在其他人意義下正常過。
我和晴的距離是錦上路和將軍澳的距離,58分鐘、19個地鐵站的距離。到底平常她是怎樣有閑情逸致坐車過來找我補習?我想不通。
我到將軍澳的時候是9時59分,她已經在出口等我。她穿上純白色的校裙,裙上掛上一個小領呔。
「我就知道你會嚟!」她說。
「...」
「因為你係世界上最靚仔嘅補習阿Sir!仲係我羅詩晴今日既哥哥!」
「咁我係咪螺絲粉?」我沖口而出的突然很想說這個笑話。
「你竟然搞爛gag,實在係...嘆為觀止...」她掩口恥笑我。
雨勢完全沒有要減弱的意思,我們各自打開傘,她領着我前去她的學校。
「有咩要注意?」我問。
「唔好穿煲,唔好提我屋企嘅嘢...仲有...未諗到。」她顯得有一點焦躁不安。
「放心啦,我講大話好在行。」我拍心口。
學校內面有點嘈吵,一群避雨的家長和學生擠在學校大門與大閘中間的的避雨處,很多年沒有進過中學了。
師奶銀針粉
2019-5-28 00:44:08
:^(
:^(
:^(
live
尋羊冒險記
2019-5-28 01:12:21
學校內面有點嘈吵,一群避雨的家長和學生擠在學校大門與大閘中間的的避雨處,很多年沒有進過中學了。
她的班房在5樓,我們坐升降機到該層,就在5A班前的等候椅坐下。
「點解見家長就係唔可以晏少少?」我打着呵欠着。
「因為我姓羅,13號。」她說。
「我知,我同你同一個姓。」
「辛苦你啦絲粉!」她在緊張的心情之下強顏歡笑。
晴的班主任是一個中年的胖女人,手上的戒指代表她已經結婚,那麼她的身形應該可以理解為已經誕下了好幾個小孩。
「早晨Miss。」我說。
「你好呀羅爸爸,我係Miss Tang。」胖女人托了托自己的眼鏡,好像有一點疑惑般說。
「實不相瞞,其實我係佢哥哥,已經大學畢業左一段時間,真係唔好意思,其他屋企人都冇時間出席佢嘅家長日。但係我真係好關心呢個細妹,Miss可唔可以同我講下阿晴平時係學校嘅情況?」
我說了一大堆廢話,不容許她有懷疑的空間。
「其實詩晴佢都算好乖,統測嘅成績反映,佢最近都好似進步左唔少。睇返唔同老師嘅評價...佢要有全4應該暫時冇問題。」
「我都知佢乖。」我笑著說,然後看看晴,聽到老師的讚美,她好像沒有特別的高興。
「不過呢...」胖女人有點吞吞吐吐的說。
「不過?」
「不過佢喺學校好似唔係好受歡迎咁,平時佢喺屋企係咪都係比較孤僻?」她問。
「以我所知就唔係。」我望向在我右手邊的詩晴,她不知所措的把玩著桌子上的原子筆。
我說:「你話佢唔受歡迎係咩意思?」
「好多同學都同我投訴話佢個人好似有少少...奇怪,比較孤僻,從來都唔會參加同學嘅聚會,而且對其他人帶有攻擊性。」她應該把那些學生的用詞收斂的表達出來。
不參加聚會也不奇怪吧,晴要照顧嫲嫲,就算補習這種學術活動,她每次也是匆匆的來匆匆的去。至於攻擊性...
「例如佢揸刀?」我問。
「例如佢會用啲比較粗俗嘅字眼去鬧同學,又或者排斥其他同學咁樣,有唔少同學都同我反映過呢啲欺凌問題。」
「點會咁呢?佢平時係一個好乖既女仔。」我不明白。
找一個樂天的少艾
2019-5-28 02:01:24
凌晨一推
:^(
:^(
:^(
尋羊冒險記
2019-5-28 06:13:57
「羅生,其實坦白講我都唔知,係唔係你地平時唔夠關心佢呢?」她反問我。
「喂老師,其實學校係點我地點會知呢?你地做老師係唔係有少少責任幫手留意下?」對住這麼蠢的老師,我有點煩躁,想起以前自己的班主任也是差不多。
「我明白,我明白,但係老師都有佢忙既地方。有時真係分身不可。」
「我純粹係唔明,你話佢冇朋友,咁佢係一個人排斥其他同學?」我稍為提高聲線質問。
「羅生你冷靜啲,其實我都有問詩晴,佢咩都唔肯講。我有曾經想同佢嘅父母溝通,但係無論點都聯絡唔到。」胖女人說。我望向晴,她把臉別向另一面,我看不到她的表情。
「我好冷靜。我只係覺得呢啲說話有明顯唔合理嘅地方。或者你講得冇錯,真係有欺凌嘅問題,但到底邊一個先係受害者呢?我希望你可以嘗試向唔同人了解真正既事情到底係點。」我說。
「有時啲嘢,唔係多人講就代表係事實。」
氣氛有點僵持,再說下去也沒有甚麼意思,現在這種情況與我想像的見家長有點不同。我禮貌的向老師道歉以及道謝就離開了班房。晴仍然是一言不發,只是默默的跟著我。
晴突然急步穿過擠擁在校門的一群,沒有開傘就直接走了出學校。我連忙跟上,伸手捉着她的手臂,把她拉回我的傘下,她輕抹眼角的淚花。
「佢哋話我無爺生無乸教,係臭雞,我先鬧返佢地。」良久之後,她說。
真無聊,16歲的時候,所有人也是這樣嗎?
「佢哋知你屋企嘅嘢?」
「我有同前男友講過,以為佢係信得過嘅人。」她說。
「可能自己性格太奇怪,放學又成日要留喺屋企,喺呢間學校我本來就冇咩太多朋友,有班衰人亂講既野一傳十十傳百,最後就係而家咁。」
不是你奇怪,只是你比身邊的人都要成熟好幾年。我想說。
雨勢很大,滴答滴答的聲音不停的響在雨傘上,還有一段路才能夠回到地鐵站,我盡量把雨傘靠在她的那邊,讓雨點直接打在我的右半身上。
「你鬧返佢地啲咩?」
「八婆。」
「唉,咁你就唔啱啦...」
「我知...但係我...」她欲言又止般,被我打斷。
「呢啲咁嘅人,你應該捉佢入廁所打,起勢咁打,出力咁打,然後喊住咁樣跑去教員室,同老師講你個拳頭比佢哋塊面整親。」我說。
Ads
尋羊冒險記
2019-5-28 06:31:51
二十七章仲有一篇仔先到返雙數如
:^(
唔好意思啊 最近唔算多文。
故事已經貼左85000字,其實進度已經剛剛過左50%。
接下來既50%進度同節奏都會同先前比較唔同,
兩邊既劇情都會進入轉捩點。
一開始主線進度唔快,係因為我好喜歡寫對呢個世界、社會既感覺,
我對一切既感受同感受既變化。
小說入面好多既對話、人物其實都係確實係現實出現過既真人真事。
再加上我好認真咁樣鋪陳左好多好多唔同既伏筆,
所以節奏會比較慢。
好希望大家會係故事既推進入面,同我一樣愈來愈喜歡呢兩個女仔同橙,亦都好希望大家會愈來愈喜歡呢個故事。
多謝你地
:^(
:^(
喜歡既可以留個comment
:^(
,或者揮下手
:^(
空手擋刀點撚擋呀
2019-5-28 06:37:28
此回覆已被刪除
找一個樂天的少艾
2019-5-28 07:02:56
:^(
:^(
早晨
飛𨋢(歐陸)
2019-5-28 07:52:02
:^(
:^(
:^(
春嬌與春嬌
2019-5-28 09:07:07
好好睇
:^(
傷春悲秋的豬
2019-5-28 09:13:08
真點好睇!
被打壓嘅可憐蟲
2019-5-28 11:59:05
加油,樓主
:^(
:^(
:^(
凍檸茶走冰
2019-5-28 12:36:33
留名再加速!!!!!!!!!!!!!!!!!!
找一個樂天的少艾
2019-5-28 13:13:00
推
:^(
尋羊冒險記
2019-5-28 14:08:10
「嘻,咁樣點會有人信喎?」她破涕為笑。
「你個肥婆班主任,連你一夫當關一人排斥全班都信啦,我睇佢都應該真係坐住左個腦。」
「你唔好咁話佢啦!其實佢係好老師。佢都有問過我,可能我咩都冇講啦。」
「咁點解你唔講?」
「唔知,唔想講。覺得呢個世界都無人信得過。老竇冇口齒,男朋友冇口齒,嫲嫲都甩晒啲牙啦!」
「喂,至少還有我。」我說出似曾相識的一句說話。
「你頭先做咩捉住我?」她問。
「因為大雨會淋病,淋病係一個好大既問題,而且白色校裙會好透。」我想了想說。
「原來你真係變態㗎喎。咁留意人哋個套校服!」她續說:「定係你緊張我啊?」
「你好可愛。」我沖口而出,也不知道為甚麼會這樣說。
「多謝!係你第一次讚我個樣!」她滿足地笑。
「真係第一次咩?」我問。
「俾首歌你聽!係我好愛好愛既一首歌。係愛,唔只係鐘意!」她拿出裙袋中iPhone,插上耳機,把其中一面的聽筒遞給我。「拎住啦!」
我帶上一邊聽筒,她帶上另一邊,我們並肩的走著。
In my place, in my place
Were lines that I couldn't change
I was lost, oh yeah
在你的心底內。
這一刻除了雨聲和音樂,我還聽得到心跳聲。誰的心跳聲。
Ads
尋羊冒險記
2019-5-28 14:40:30
https://www.youtube.com/watch?v=SINCw_nocJE
I was scared, I was scared
Tired and under prepared
But I wait for it
If you go, if you go
Leave me down here on my own
Then I'll wait for you
(第二十七章 螺絲粉與羅詩晴 完)
師奶銀針粉
2019-5-28 15:18:32
推一推,意境好正
:^(
:^(
尋羊冒險記
2019-5-28 16:01:28
6點放工有文
:^(
第二十八章 主角和永遠的配角
高中心如篇
:^(
今章會有特別嘉賓
高過高雅志
2019-5-28 17:22:26
pish
等收工
:^(
上一頁
第 11 頁
下一頁