(青春/甜)有人走,有人前來
上一頁
第 7 頁
下一頁
我不是地球人
2019-6-3 04:35:21
唔好意思啊,故事發展好似有啲突然咁,但之後會有獨白講返個原因嘅。
Ads
我不是地球人
2019-6-3 04:37:46
多謝新讀者支持!
我覺得我仲係探索緊嘅階段,好似仲未知自己需要/想要啲咩。
任意依戀
2019-6-3 22:15:09
推
八哥眼凸凸
2019-6-6 01:21:49
探索還探索 記住不要放棄任何事物 任何機會
:^(
我不是地球人
2019-6-6 05:02:20
推一推。
明天會有文!!
埃及文明牛
2019-6-6 05:52:32
推
咸魚廢青
2019-6-8 00:59:32
幾時會有文?
:^(
咪搞住我啦
2019-6-8 04:03:51
我都好期待
:^(
我不是地球人
2019-6-8 05:13:02
我呢排好忙啊,對唔住!!
唔係爛尾架。大家推一推post,好快有文。
我不是地球人
2019-6-8 08:12:43
我同阿其考嘅最後一科筆試都係bio。
我預先幾日message咗佢話想約佢考完試見面。一開始,我以為佢溫緊書,唔會咁快覆到我。點知,佢秒回我話好啊,仲話好耐無見我。
我心中暗忖,點解仲要對段關係咁有期望?唔通我呢個月所做嘅冷暴力行為未足以令佢意識到我有想分開嘅念頭?
終於完哂所有dse筆試,望住其他考生好似如釋重負咁同其他人講要去邊到玩,成個假期有咩活動。
我完全無呢個心情,因為我份人好奇怪,忙個時又會呻無時間休息,得閒個時又會覺得生活好苦悶。
畢竟由二月study break開始去到四月,呢兩個月時間我都只係溫書,突然有一日唔洗再溫書,點都有少少空虛嘅感覺。
更何況,我將要面對比dse更加難搞嘅問題。
我同阿其講,我考完試再返屋企梳洗下先再去搵佢。
我係到諗,我應該用咩心情語氣去同佢表達我心中所想。
被分手嗰方,永遠都會覺得事出突然,因為佢地係被知會嘅一個。
相反,講分手個方,其實一早已經有呢個念頭,就好似埋藏咗一個計時炸彈係彼此之間,佢最後點都會爆,只係爭在咩時間引爆。
我不是地球人
2019-6-8 08:16:54
可能外人會不解我想同阿其分開嘅原因。
的確,其他人眼中,佢係一個好好嘅男仔,外在條件十分好,文武兼備。
對我而言,佢對我都係無微不止,佢做咗好多關心我嘅行為,我打從心底係會感激佢。
但咁樣真係叫做愛咩?
係同阿其拍拖之前我係零愛戀經驗。雖然係咁,我對愛情嘅認知係覺得需要包含三個元素:親密,激情,承諾。
明顯地,我地之間缺乏了這些元素。
一直以來,我覺得同阿其都有一種距離感。其一,係我自卑嘅心態,我只係一個好平凡嘅中學生,同佢拍拖有少少高攀嘅感覺。
一直以來,我地嘅相處方式都係相敬如賓,如果要我形容我覺得我地似好朋友多啲。
第二,我地之間真係無咩共同興趣同埋話題。可能有啲人會鐘意對方盲目去付出,自己可以不勞而獲。
但我覺得咁樣唔係愛一個人嘅行為,你只係消耗人地嘅愛。
代入返自己,我又可唔可以對阿其做返相應嘅付出,我對佢嘅付出只限於畫生日卡,簡單嘅問候,沒有更多,而呢一切都係出於責任問題,並唔係愛。
我地之所以一起,係我想試下拍拖嘅感覺,想有人愛我,而佢愛上咗我。就係因為呢個原因。
我覺得對佢太唔公平,我都唔值得佢對我咁好。
所以我想同佢分開,我覺得以佢嘅條件,絕對可以搵到個比我好千倍,會珍惜佢嘅女仔。實在唔需要浪費時間係我身上。
晚飯後,我同佢沿著海邊散步。佢講咗句「今晚嘅月色好靚。」我心𥚃突然有酸澀嘅感覺,因為夏日漱石認為呢一句說話係我愛你嘅代句。
「阿其啊,我覺得我地分開會好啲。就來入大學啦,個世界好大架,你咩都試下啦。唔洗再對我咁好啦。多謝你呢段時間陪咗我咁耐。」我講呢番說話時,實在唔夠膽直視佢。只係凝視住眼前嘅海。
我只係聽到一把哽咽嘅聲音「嗯⋯⋯」
我唔想再留係呢個地方,我知我再留係到佢會出手挽留我,咁樣對我對佢都唔會係好結果,一定要有一個人擰轉身不再回頭,而個個人注定就係我。
我最後都無同佢講我真實諗法,因為我係傷害佢嘅人,無論我講啲咩係佢眼中都係冠冕堂皇嘅籍口。
與其係咁,不如做衰人做到底。起碼令到佢憎我好過對我仲有留戀。
我心入面同時係希望佢可以將溫柔留俾一個相愛嘅人,而佢可以同嗰個人分享咁靚嘅月色。
返到屋企後,我就block咗佢whatsapp,ig,facebook。我相信咁做,佢好快就會忘記我。
Ads
我不是地球人
2019-6-8 08:30:35
呢個chapter仲未完架,漫漫長路。
長氣都要講,好多謝睇到呢到嘅各位。
唔係有心拖文架。真係太多野想表達,呢幾日整理完思緒。
又要重新出發了,stay with me
:^(
我不是地球人
2019-6-8 14:28:50
推
:^(
任意依戀
2019-6-8 14:35:59
推
:^(
慢慢出,唔好爛尾就得
:^(
氏名無
2019-6-8 15:14:42
阿其
:^(
:^(
:^(
誰人
2019-6-8 15:22:14
:^(
推!
我京一講過
2019-6-8 17:24:36
:^(
隊長軒
2019-6-8 21:25:37
乜都唔講就話散 對佢都好唔公平
有個知字都好呀
:^(
日暮
2019-6-9 04:43:56
新讀者留名
:^(
主角性格都幾奇怪
We_survive
2019-6-9 05:07:50
深夜俾個甜字水左入黎
:^(
我不是地球人
2019-6-9 05:40:33
唔好意思,呃咗你入來。
甜位唔係無,但唔係我主要想講嘅野。
:^(
Ads
我不是地球人
2019-6-9 05:41:29
新讀者你好!!
可以講多啲點解你覺得主角奇怪喎。
:^(
我不是地球人
2019-6-9 05:42:47
同埋今日應該無文。
今日係6月9,希望會見到你地每一個都為香港發聲!!
天佑我城!!
:^(
日暮
2019-6-9 14:46:04
遊行完再講
:^(
任意依戀
2019-6-11 00:36:13
:^(
:^(
:^(
:^(
:^(
上一頁
第 7 頁
下一頁