由我 2019-5-12 14:06:36 已經開到第8個post啦，多謝大家支持，歡迎大家繼續發問。

未追個post既話建議從最近往前追番post，先了解一下再根據自身情況留言問問題，太general/basic既問題係對本人回左成年快2年post既一個唔尊重。

亦都歡迎已上岸既巴絲留言分享。

覺得呢個系列有幫到你既話，可以留個

:^(

鼓勵一下小弟。

利申：澳洲註冊移民代理，LLB在讀。

由我 2019-5-12 14:08:05 General Q&A：

Q：你係邊個城市？你係乜水？有無牌？
A：我係澳洲正式注冊移民中介，公司名就唔公開啦。因為我依家係澳洲墨爾本既關係，我無牌係唔可以立亂俾移民簽證建議。海外中介無呢個法例綑綁所以好多海外無牌中介（尤其大陸）立亂建議客戶投資或者雇主擔保移過黎澳洲。其實都係違法既。另外我唔做新西蘭。

Q：我係XXX（某職業），有無機搵到工？
A：我係移民中介，唔係人力資源，所以就算我話你有機都係呃你既。我唔係戈行真係唔確定戈行缺唔缺人。不過以我同HR朋友傾開計，佢都話你遞CV時無PR無Local Experience無英文溝通基本上都唔會考慮，話之你係李嘉誠D Friend。所以問我既巴絲要考慮清楚自己既目標係為身份先定係為工先，我可以話你聽無PR真係無人會考慮，大把Local Grad都會優先過你。

Q：移民難唔難？
A：呢個唔應該係一個困難定唔困難既問題，係有無心開始一段新生活既問題。香港依家咩情況可能每個人都有唔同睇法，但係既然有考慮移民既話就一定要做好心理準備成個過程唔會容易。

做人就肯定困難架啦，唔通就唔做人咩。但係既然有機會選擇既話，為何唔比個機會自己比個機會下一代？

Q：點樣移民澳洲？
A：一般4條路 – 技術移民，雇主擔保，家庭擔保，投資移民。

Q：點樣可以技術移民？
A：依家澳洲政府行緊打分制，基本要求65分，45歲以下，通過職業技術評估 (Skills Assessment)，最少雅思4個6。

技術移民分獨立同埋親屬/州擔保兩類：
獨立技術移民 (subclass 189) 首要條件係你既學歷背景要係所謂MLTSSL，上面要親屬/州擔保類技術移民首要條件係你既學歷背景要係所謂STSOL（親屬擔保）或者該州（州擔保）既清單上。

程序係先交一個 Expression of Interest (EOI)，紀錄你既個人情況並且係系統上會自動幫你打分，每一個月一輪邀請，收到邀請就可以遞交永久居留權（Permanent Residency，PR）申請。不過依家既情況係熱門職業（包括會計/IT/工程）都講緊最少80分以上先可以獨立技術移民。

如果走擔保類移民既話再細分兩種，如果申請人本身有55分，親屬/州擔保成功可以俾你10分，滿足65分申請一個 subclass 489臨時居留簽證（Temporary Residency, TR），擔保一批就可以馬上收到簽證申請邀請而唔係跟移民局發放邀請。黎到之後係該州住滿2年並且全職工作一年就可以轉PR。PS 11月之後就變成491，具體要求差唔多但係轉PR既要求變左係該州居住同工作3年。

如果申請人本身有60分，州擔保可以俾多5分你申一個 subclass 190既永久簽證PR，條件係你拎PR後要係該州住2年。

每個州對唔同職位有唔同要求，需要refer番各自州及偏遠地區既要求，佢地會因應各自既需要有一套職業需求清單同審核要求。

Q：我夠唔夠分技術移民？
A：請上官網 https://immi.homeaffairs.gov.au/visas/getting-a-visa/visa-listing/skilled-independent-189/points-table，如果睇唔明既你都唔好考慮移民了。

Q：我係Engineer，可否移民？
A：工程背景既巴打首先第一一定要有個Bachelor，然後呢個Bachelor最好係Washington Accord。如果係WA既話恭喜你，你只要考到雅思4個6就可以通過職業評估。如果唔係既話，就要寫三篇Career Demonstration Report（CDR），主要係你既職業生涯其中3個projects寫你既擔任職務同點樣應用你既學識係專業上。過左先可以下一步湊夠分黎遞交EOI等邀請。

Q：我係IT背景，可否移民？
A：IT背景既巴打，第一步請先參考ACS既職業評估要求https://www.acs.org.au/msa/information-for-applicants.html，一般黎講如果你有一個香港大學既Bachelor再加2年相關工作經驗先可以通過（兩年工作經驗唔可以加分用）。澳洲大學畢業既話就Bachelor加一年相關工作經驗（或者完成Professional Year）。然後就走正常湊分程序。溫馨提示，IT類基本可以guarantee收到邀請最少都要80-85了。

Q：我係香港做護士，可否移民？
A：香港RN可以先係AHPRA申請海外註冊（香港係列為likely直接認可既學歷地區：https://www.nursingmidwiferyboard.gov.au/Registration-and-Endorsement/International/Accreditation-requirements-of-the-qualification-assessment-model.aspx ）。然後同時可以申請NMAC既職業評估 （full skills assessment，https://www.anmac.org.au/skilled-migration-services/full-skills-assessment ）。仲要考到IELTS 4個7或者OET 4個B。有三年以上工作經驗就可以滿足維州既州擔保要求，得到州擔保後就可以申請190簽證了。

Q：偏遠地區可否加分？
A：假如你就讀既學校Campus係以下Postcode（https://immi.homeaffairs.gov.au/visas/getting-a-visa/visa-listing/skilled-regional-provisional-489/regional-postcodes），讀滿兩年可以額外加5分。地區包括Adelaide, Hobart, Darwin, Geelong等，唔包括的地方有Sydney, Melbourne, Brisbane, Gold Coast, Newcastle, Wollongong, Perth等。

Q：黎澳洲留學讀邊科容易移民？
A：我會建議 Nursing, Teaching (除左 Primary 因為唔係MLTSSL上), Social Worker, Quantity Surveying, Motor Mechanic, Carpentry。

綜合黎講最好就係去Hobart/Adelaide/Darwin讀Nursing/Teaching/Social Worker/Quantity Surveying/Motor Mechanic/Carpentry。

由我 2019-5-12 14:09:31 Q：如果本身做開XX，而家想轉行黎讀YY，是否可行？本身有既bachelor可否加分？
A：轉行唔係唔可以，但係要比到一個理由比移民局（You know what I mean），同埋年齡唔好太大（最好>30），有個bachelor就算同移民專業唔相關都可以加15分。

Q：紮鐵/地盤佬可否移民？
A：澳洲建築業係無紮鐵呢回事，所以你可以唔使考慮了。除非你願意黎澳洲再進修其他建築類技工（例如砌磚，Carpenter等）。當然英文一定要夠好。

Q：唔識英文可否移民？
A：唔係唔可以，一係你有個有身份既配偶，一係你可以做投資移民。三無（無英文無配偶無錢）我就愛莫能助了。 英文未考到雅思6分水平基本上可以免問，英文唔好可以練，但係如果連練好英文既心態都無既話，你都係留番係香港罷啦。

Q: 雅思好難考/考左好多次都考唔到4個7/8，有無辦法？
A：試下PTE，護理類畢業生可以考慮轉考OET。

Q：介唔介紹雇主做擔保？
A：唔介紹，因為係犯法。有人介紹俾你既話我建議你考慮清楚，俾人舉報俾我係報紙上見到你俾人踢出境就唔好睇啦。同埋風險認真唔細，萬一中途公司倒閉你簽證都無埋（除非你搵到新公司繼續擔保）。

Q：做擔保既雇主有咩要求？
A：生意同你既學歷背景相符 (即係例如會計師事務所請會計，修車場請整車，餐㕔請廚師)，營業額唔可以太低（無實際要求），唔可以虧損，財務上有足夠能力可以俾到你最少A$54000底薪。

Q：做雇主擔保既申請人有咩要求？
A：要有同該職位既基本學歷，技工類就最少Certificate IV至Diploma，專業人士最少Bachelor。雅思總分唔低於5。

Q：投資移民有咩要求？
A：澳洲投資移民分188(臨居)同888(永居), 細分5種 (A, B, C, P, E). 要係海外先攞188過黎(係一個臨時居留簽證4年), 中間滿足特定要求再遞888申請(永久居留簽證).

188A (55歲以下, 于申請前持有30%股份連續管理一間公司至少2財年, 基本要求營業額50萬澳幣(前4財年其中任何2財年), 不少於80萬澳幣資產, 同有一個 points test 要草夠65分)
188B (55歲以下, 最少3年投資理財不少於1.5m澳幣經驗, 不少於2.25m澳幣資產, 同有一個 points test 要草夠65分, 承諾投1.5m澳幣(投資盈利)到州政府債卷年)
188C (承諾投5m澳幣到指定投資組合4年, 5m資產必須合法得來)
188P (承諾投15m澳幣到指定投資組合1年, 15m資產必須合法得來, 必須為成功商業人士)
188E (說服風投基金願意俾你200k運作你既商業計劃，並且得到州政府支持)

888A (以188A身份做滿2年生意, 有60萬澳幣資產, 最少30萬澳幣年營業額)
888B (投1.5m澳幣(投資盈利)到州政府債巻滿4年, 其中4年係澳洲住滿2年)
888C (投5m澳幣到指定投資組合滿4年, 其中4年係澳洲住滿160日或配偶其中4年係澳洲住滿2年)
888P (投15m澳幣到指定投資組合滿1年)
888E (商業計劃成功運作至少2年)

Q：男/女友有澳洲身份（國籍或者永居），但係唔想結婚，點樣移民？
A：唔結婚既一定要同居至少一年並且有證明材料，走De Facto Partner。

Q：阿哥有澳洲身份（國籍或者永居），點樣移民？
A：兄弟姐妹有身份同你係無關係既。你都係靠自己罷啦。

Q：PR 轉 Citizen 流程? （政府提出既入籍改革失敗後 as at Oct 2017）
A：1 獲得PR最少1年，2 最近4年係澳洲住滿3年 （含tr時期），3 最近12個月住滿9個月。滿足以上條件就可以申請交表，移民局審到你就叫你面試同個computer test，都通過就可以等行禮頒國籍。

不漏洞奶奶 2019-5-12 14:10:00 12月交190 application到依家都未叫補交資料, 應該繼續等定點?

由我 2019-5-12 14:10:18 #2 D weblink 亂晒添

:^(

由我 2019-5-12 14:11:23 當然係繼續等，都無咩其他野可以做。

唔使諗send email/打電話催移民局啦，唔會有咩用。

托你老毛 2019-5-12 14:18:00 此回覆已被刪除

由我 2019-5-12 14:40:22 仲可以。

讀商科都仲得，但係要有一個occupation，依家最直接都仲係讀Accounting。

DaddyFai 2019-5-12 15:22:49 我想問吓英文嗰part，係咪唔可以用combine result?

由我 2019-5-12 15:24:39 OET 可以，其他都唔得。

Justasking 2019-5-12 17:19:34 此回覆已被刪除

DaddyFai 2019-5-12 17:37:47 Yes, OET. But I checked the immigration website, it said in “one test”. I want to confirm if combine cert still can count that 10 point.

紅蘿蔔菇 2019-5-12 18:50:03 有個PTE雞精班兩個人一齊報名有九折，有無人有興趣？

水與鳩溶 2019-5-12 20:22:09 巴打，之前留過名但有野問，我本身係做開N展應該夠分攞到PR，但女友係咪同我先係香港結左婚再一齊過去，等我攞到citizen就佢都可以做埋citizen？

定係可以唔結住，好似你Q&A咁講過到去同居一年再走另一條路？但佢未必夠分，ielts最盡得4個6，但英語對答完全冇問題，會唔會有問題/影響？

唔好意思問到1999

:^(

:^(

不漏洞奶奶 2019-5-12 23:03:41 正常timeframe應該係點?

肥妹仔係我 2019-5-12 23:07:42 33歲香港做緊carpenter無工作証明，無bachelor，進修英文中，我呢個case有無可能？例如雅思4條7，去個邊讀技術學院？

冷靜. 2019-5-12 23:22:07 點解你咁熱心開呢啲post?

十年CD-ROM 2019-5-12 23:41:33 絲打有冇details睇睇

:^(

做隻狗做隻貓 2019-5-13 00:23:54 想問下 以加係Melbourne 讀 master of teaching or education (early childhood) 大約要幾多分。同我一直都吾係好明咩叫裸分

:^(

25歲（破產） 2019-5-13 02:42:33

:^(

想吃譚仔 2019-5-13 02:47:19 我打算下年學士畢業之後去南澳Flinders讀社工碩士
請問喺南澳做social worker易唔易申請到PR? Thanks!

:^(

由我 2019-5-13 07:58:56 唔難，但係到時應該唔可以一畢業就攞PR，要過渡3年先。

由我 2019-5-13 08:00:42

:^(

由我 2019-5-13 08:03:26 Early Childhood Teacher 行 189 最少80分。VIC州擔保190既話要最少畢業後2年相關工作經驗。

裸分即係你依家乜都唔做最基本定左既打分，一般包括年齡，學歷同工作經驗，考左既英文。

由我 2019-5-13 08:04:25 積福。

By the way 你係8個post以來第一個問。

:^(