被打中 2020-1-10 11:17:44 但男主博咁多次命黎救好似真係得carey
有啲女直情犧牲無救

:^(

呂靜宜老公 2020-1-10 12:11:56 你都岩 所以對carey最有感情

:^(

唔捨得佢退場

久利生公平 2020-1-11 03:11:52 睇左三年仲未完
樓豬都好持久

:^(

:^(

六毛 2020-1-13 07:07:27 我呢幾日先開始睇

睇到第200集，進攻馬鞍山警署

往後果400幾集，主角仲係不斷屌新女？

六毛 2020-1-14 01:42:12 建議樓主對於描寫女性樣貌性格，應該更加細緻，否則分唔出邊個打邊個。

對於描寫男人，樓主好似反而更掂。

傻豬黎既 2020-1-14 08:21:05 屌女，走難，有貴人救，女嬲佢，氹番，再屌女咁loop

被打中 2020-1-14 19:02:04 應該係屌女再唔見女再搵？

Joel.Matip 2020-1-16 19:48:50 樓主

:^(

今朝JJ痕 2020-1-16 23:35:50 等左好耐了

被打中 2020-1-17 18:44:58 樓主平安嗎

逃•人 2020-1-19 13:27:39 Chapter 649 - 再往外闖

「喂！咁妳點呀？」我向泫雅追問。

「哼！根本冇人撐我...」泫雅十分不滿，「不過我死都唔會出去㗎喇！」

還好，至少有她充當 Carey 的接應。

但在這之前，必先解決另一問題。

「解藥！」我向巧兒說道，「如果冇解藥嘅話，咪洗旨意出去！」

「吖...」巧兒的表情好像有點尷尬，「其實... 我頭先只係諗住... 嚇吓你...」

「根本就冇乜嘢喪屍病毒...」她低著頭答道。

「喂！妳唔好扮嘢喇喎！」我被她觸怒，「頭先講到似層層咁，妳一定知道啲嘢喎，咪諗住呃我哋！」

「我... 其實真係...」看來，巧兒仍是選擇狡辯。

「我唔得閒同妳慢慢玩呀！」我忍不住怒吼道，「妳再同我玩嘢，我就全部殺曬妳哋！」

「其實我根本冇落過毒...」巧兒解釋道，「我只係想嚇吓你...」

「妳當我儍㗎！頭先講到似層層，而家又話冇？」她的話並沒有令我信納，「我話妳知，車匙我已經到手，就算殺曬妳哋再走，我都冇損失！」

「我講真㗎！我真係冇落毒...」可巧兒仍矢口否認，「如果我真係有落毒嘅話，佢又點可以冇事冇幹喺度？」

她說得有點道理，從巧兒消毒到現在，已經過了一段時間。

但泫雅確實沒有任何異樣。

不過，這又帶出了一個新的問題。

「點解妳會咁清楚㗎？」我迫近巧兒質問道，「妳究竟係咩人？」

「唔好再諗住呃我吓！」再她回答之前，我已經快一步作出警告。

「吖... 你有冇聽過，異生教？」巧兒向我反問道。

異生教...

為何，所有事情都好像跟它有關連？

為何，它好像不斷在我身旁縈繞不去？

「妳講啦！唔好再喺度兜圈！」我有點兒不耐煩。

「啊～」巧兒好像被我嚇到，「你... 你知道異... 異生教... 嘅話...」

「你... 唔通係佢哋嘅人？」她向我反問道。

「呢樣嘢唔關妳事！答咗我個問題先！」我不想回答。

「哦... 阿賢佢... 係異生教嘅人...」巧兒終於肯認真回答，「所以知道病毒嘅事...」

原來如此...

「咁妳哋點知病毒有咩解藥㗎？」我想確認一下，她們掌握到哪層面的消息。

「呢個... 我哋都唔知...」巧兒羞愧地答道，「我哋原本諗住嚇吓你哋啫～」

一時間，我也不知道該怎麼反應...

「妳繼續講...」我只好叫她續說。

「我哋淨係知道，佢哋有本事用病毒令人感染，同有藥解喪屍病毒...」她答道。

「咁阿賢係咩人？係咪神使？」我追問。

「呃... 佢... 佢只不過係一個普通嘅教眾...」巧兒答道。

「嘿嘿！咁妳哋匿埋喺度，係咪有咩任務？」我再追問。

「冇... 冇呀！」巧兒慌張地答道，「我哋只不過，係逃兵嚟...」

「哦？睇嚟成件事唔係咁簡單喎～」我見她的眼神閃縮，看來是有著些不可告人的事。

「吖...」巧兒好像有口難言...

「好啦！我諗我哋都係出發咗先...」我不想再耽誤時間，「到時你再慢慢解釋俾我聽...」

於是，我們一班人便準備出發。

依照剛才的協定，Carey 會跟隨我和巧兒出外，泫雅卻依舊留在這裏。

我在二樓探頭觀看，發現外面那漆黑的夜空中，聚集在村屋附近的喪屍，好像比之前來得少。

可是，由於視線不佳，我亦不排除它們都隱藏在暗處。

但無論如何，行動已是刻不容緩。

跟 Vicky 已經失散一段時間，再等下去恐怕她會有什麼危險。

「巧兒，架貨車喺邊？」我先要確認一下目標的位置。

「就喺嗰度...」她向停泊在不遠處的一輛貨車指去。

確認目標後，我便帶領著二人，走到地下的大門後準備出發...

日日上高登 2020-1-19 13:32:56

:^(

Joel.Matip 2020-1-19 13:45:03 vicky

:^(

屌爆芝麻人 2020-1-19 15:25:28

:^(

傻豬黎既 2020-1-19 16:12:44

:^(

:^(

:^(

野比大熊貓 2020-1-19 21:55:40

:^(

唔識上連登 2020-1-20 03:27:40 舊讀者回歸留名，樓主加油

:^(

熱血跑狗 2020-1-20 09:40:26 Lm

兼職奴才 2020-1-20 12:52:16 啲女除左個名有咩唔同

逃•人 2020-1-21 08:55:00 Chapter 650 - 貨車作戰

「嗱！一陣我衝前引開啲喪屍...」我向她們示意道，「妳哋就嗱嗱臨走去部貨車度，上車等我。」

「嗯...」聽到二人輕輕的回應後，我便著她們拿好剛剛分配好的武器，準備再往外闖。

「嘰～」我慢慢的把鐵門推去，生怕它的聲音會引來恐怖的獵食者。

待三人都離開以後，我亦只是把門輕掩，好讓我們隨時也能退回屋中。

外面只有微弱的月光映照著，故在一些暗角位置，我只能冒險以電筒照射，好讓我確定前路是否安全。

當然，每一次都會引起一點騷動。

但幸好，這並沒有為我們帶來太大的麻煩。

我們一直放輕腳步，終於也走到貨車的附近。

可不知怎的，貨車四周卻徘徊著不少的喪屍。

沒有辦法，我只好先把它們引開。

我示意她們留下，然後走到離二人遠一點的角落。

我把電筒亮起再關上，好樣我將喪屍們引到身邊。

「吼～」怪物們受到刺激，亦毫不猶豫的向我衝來。

遠處有兩個高速移動的身影，看來 Carey 她們已經開始行動。

我亦立刻拔出軍刀，打算跟它們正面交鋒。

「吼～」喪屍們張牙舞爪地，狠狠的向我撲來。

我隨即提起左臂上的小盾擋格，然後以右手上的軍刀，往敵人的頭顱插去。

不知道是怪物的反應快，還是自己的反應變慢，在利刃插進它頭顱的同時，另一頭喪屍已經把魔爪，狠狠地往我的手臂抓去。

幸好，手臂上的盔甲保護了我。

我亦不敢怠慢，順勢把襲擊我的喪屍踢開，然後趨前向它攻擊。

「啪...」喪屍的頭顱依然脆弱，軍刀輕易便能插進它們的頭內，使它們瞬間失去活動能力。

可是，打鬥的聲響吸引更多的喪屍到來；一隻喪屍倒下，轉眼便有另一頭喪屍補上。

雖然身體有盔甲的保護，令自己不易受傷；但面對源源不絕的敵人，體力上仍是有點吃不消。

我急忙回看貨車那邊的情況，發現它的車尾燈正亮著。

看來，她們已經成功控制貨車。

只是，燈光同時亦吸引了怪物們的注意力。

喪屍們開始把貨車包圍... 可幸的是它的車身比較高，喪屍們一時未能攀到貨車上，對她們施以襲擊。

但我必須盡快跟她們會合。

我竭力往貨車的方向推進，但沿路的喪屍實在太多，我完全是舉步為艱。

我需要另想方法...

「砰、砰...」我收起軍刀，改以手槍向它們轟擊。

雖然方法比較有效率，但這同時也驚醒更多的怪物，往我身處的地方撲過來。

但我已經別無選擇，只能出此下策以打開往前的道路。

「砰、砰... 咔嚓...」子彈不斷地轟出，终於也用盡見底。

可眼前仍有數頭喪屍擋住。

「吼～」我知道沒有時間猶豫；四周殺聲震天，我已經再沒有退路。

我再次拔出軍刀，準備最後的血戰。

「砵～～～」就在我預備往前衝之際，貨車突然作出了一下低沈但響亮的號聲。

眼前的喪屍好像被響聲的刺激，顯得有點不知所措。

「咇、咇、咇...」而貨車亦亮起了白色的倒車指示燈，和響起了倒車的提示聲。

我大概知道她們的意圖，所以立刻避往一旁。

而一切亦如我所料，貨車快速地往後退，把不知就裡的喪屍們，一一輾在輪下。

「阿 Roy～ 快啲上嚟呀～」Carey 從車窗探頭出來叫道。

「嘰嘰～」豈料，不遠處傳來熟悉的怪物叫聲，一對令人心寒的紅眼，和人猿般的身影，正高速的向貨車衝去。

「Carey，入返去呀～」強烈的不安感襲來；直覺告訴我，Carey 將會是這頭怪物的目標。

「哇～」但說時遲那時快，人猿怪已經凌空躍起，伸出利爪作出攻擊的姿勢。

傻豬黎既 2020-1-21 23:09:23 又要比人猿怪強姦

日日上高登 2020-1-21 23:46:07

:^(

新手初心者 2020-1-22 11:01:13 樓主力量何時回來呢？

熱血跑狗 2020-1-22 11:56:34 Carey 應該死啦瓜

呂靜宜老公 2020-1-22 13:55:38 carey唔好有事

:^(