【金庸世界大戰】究竟玄鐵劍法定獨孤九劍勁啲？

程琛心雨朦朧 2019-4-23 21:14:46 小龍女雙手使玉女素心劍法又係快到肉眼都睇唔到

講速度應該有得同東方不敗揮

:^(

笑鋒（sold9） 2019-4-23 21:16:01 此回覆已被刪除

鳩硬冇親戚 2019-4-23 21:17:56 佢學左玄鐵劍，冇學九劍理解唔到無劍勝有劍呢一樣野，楊過自創招式，係走錯路。

但當佢學左破招，佢就知黯然銷魂掌其實係垃圾

鳩硬冇親戚 2019-4-23 21:23:50 獨孤九劍，出手就係破人，
對手愈妙, 自己破得越妙。
對手愈廢自己越廢。

一事無成死廢青 2019-4-23 21:24:32 你不如問有無劍法同獨孤九劍打

:^(

講撚到明9招破X式仲可以點贏呢個bug

山無陵 2019-4-23 21:25:00 如此練劍數日，楊過提著重劍時手上已不如先前沉重，擊刺揮掠，漸感得心應手。同時越來越覺以前所學劍術變化太繁，花巧太多，想到獨孤求敗在青石上所留「重劍無鋒，大巧不工」八字，其中境界，遠勝世上諸般最巧妙的劍招。他一面和神雕搏擊，一面凝思劍招的去勢回路，但覺越是平平無奇的劍招，對方越難抗禦。比如挺劍直刺，只要勁力強猛，威力遠比玉女劍法等變幻奇妙的劍招更大。

當晚他竟不安睡，在水中悟得了許多順刺、逆擊、橫削、倒劈的劍理，到這時方始大悟，以此使劍，真是無堅不摧，劍上何必有鋒？但若非這一柄比平常長劍重了數十倍的重劍，這門劍法也施展不出，尋常利劍只須會在手□輕輕一抖，勁力未發，劍刃便早斷了。
　　其時大雨初歇，晴空一碧，新月的銀光灑在林木溪水上。楊過瞧著山洪奔騰而下，心通其理，手精甚術，知道重劍的劍法已盡於此，不必再練，便是劍魔復生，所能傳授的劍術也不過如此而已。

就算劍魔復生都係有招

路向前走 2019-4-23 21:28:22 風清揚口中既渾然係招式之間重保持形態
並唔係真正渾然天成，簡單啲黎講就係招與招變換之中去尋找軌跡，招式變換中始終都有連接痕跡
但真正渾然係類似太極拳咁，重意不重招式
招式與招式變換有100種唔同方法
就算九劍都好，你攻擊人果刻舉劍向對方刺出就已經係一招，差就差在點去演練一下招

噴火龍X 2019-4-23 21:29:49 第一，玄鐵劍招式簡單，更接近無招境界。
第二，玄鐵劍更講求內功修為，更接近無劍境界。

所以玄劍更勝九劍。

法蘭克·西多 2019-4-23 21:31:08 我覺得都係木劍階段主要係佢未用重劍之前
已經可以同群雄爭鋒
如果佢係用紫薇軟劍時期創九劍
點會咁易傷到自己唔想傷嘅人

山無陵 2019-4-23 21:33:19 1 接近即係有啦，九劍寫明要無，係「無」

2 破氣式講明要有內功輔助，而且唔係瀑布咁簡單

鳩硬冇親戚 2019-4-23 21:34:12 係，明明就係BUG，內力一樣，用劍法點贏九劍

:^(

恥笑兒 2019-4-23 21:34:53 此回覆已被刪除

終於結束的起點 2019-4-23 21:35:32 金庸好似有暗示過，獨孤九劍有兩部分，外功同內功。外功就係令狐沖既獨孤九劍，內功就係玄鐵劍法。因為流傳得唔完整，所以後人學到既只係唔完整既獨孤九劍。

山無陵 2019-4-23 21:35:32 軟劍時仲有招
點會由無招走返有招呀？
Make唔make sense 呀？

迷迷糊糊 2019-4-23 21:35:33 九劍只攻不守
就係九劍先容易誤傷人

:^(

路向前走 2019-4-23 21:35:50 你攻擊得人點會真係無招
就算九劍對敵，你刺向對方都已經係一招
所謂九劍唔係真係無招

鳩硬冇親戚 2019-4-23 21:36:52 獨孤九劍係見你點郁，就用乜嘢破綻反打你。
好似包剪揼咁樣，
你出包佢就出剪
你出剪佢就出揼

法蘭克·西多 2019-4-23 21:36:56 好簡單姐令9劍冇曬內力
病到死死下都勁過練左幾十年氣功嘅君子劍
你要話內力硬碰當大家都冇內力下 9劍已經嬴你
番去大家都有內力果時點會變左重劍嬴

:^(

法蘭克·西多 2019-4-23 21:38:14 所以咪話紫薇軟劍時期創九劍唔係一個合理推斷

程琛心雨朦朧 2019-4-23 21:38:32 用玉女素心劍法就可以打贏獨孤九劍

套劍法一開始就講明冇破綻

:^(

一人身上的破綻全為另一人補去

到小龍女自己用兩把劍果陣就左手劍補右手劍既破綻右手劍補返左手劍無限loop

既然冇破綻又點用獨孤九劍去破

:^(

法蘭克·西多 2019-4-23 21:40:43

九劍只攻不守
就係九劍先容易誤傷人
:^(

咁我渣木劍打到你只守攻唔到一樣合理wo
你都可以話木劍一劈就爛一定要有內力先得
都係果句邊個話9劍係用黎互格
你可以睇到人地破綻果時仲洗乜同人格劍
玩都玩到對面冇氣啦
好似葉問打金山找咁幾時有搵條滕條頂刀先

路向前走 2019-4-23 21:41:47 個問題係你要夠人快同埋對方招與招之間你清楚佢既軌跡連跡
但已經練到隨心所欲，根本唔知下一招點出咁點破
所以九劍蝦啲高手之下就得，同一流高手好似東方不敗咁根本無用

法蘭克·西多 2019-4-23 21:41:59 破綻唔一定指你嘅劍式有冇破綻
而係我令你出唔到劍招你都已經會有破綻

五等分的花嫁 2019-4-23 21:43:34 玄鐵劍法本質係練內力
九劍本質係一種思考方式
兩者夾埋就係獨孤求敗既最強劍法

話玄鐵劍贏果d人有冇諗過玄鐵劍靠內力推動，唔通練一年玄鐵劍就夠內力可以贏到九劍？
要贏九劍就要練十幾年，仲要對手係呢十幾年內力冇咩長進wor
如果用九劍既人內力係呢十幾年同樣大幅提升，咁佢已經接近獨孤求敗既最終階段，玄鐵劍點打？

鳩硬冇親戚 2019-4-23 21:44:29 不嬲都有講
對手招越妙自己破得愈妙
對手愈廢自己愈渣

九劍要睇對手。
九劍在你未晒出手就俾人打中。
郁一郁就俾人還擊，果一下令你不得不守。