只是留名 2019-4-26 13:40:35 會唔會係醫生 個cfu

長髮麻倉憂 2019-4-26 14:42:20 hi

天選的匹夫 2019-4-26 17:06:34 會唔會有申公豹

:^(

VantaBlack 2019-4-26 21:37:31 封印是甚麼相信不用太多解釋, 就與眾多小說, 電影, 遊戲相同的概念, 把不能毀滅之物以魔法封印起來避免作惡, 封印有很多種, 以符咒, 以結界....總之, 儀式後對象無法使用所有魔法能力,一切魔法都沒法生效, 有魔法師是由專精於這種封印術, 工作內容類似於解咒師, 但他們不是以解除詛咒為主, 而是於世界各地封印受詛咒的物件為職業, 名為封魔師。

世界上最著名的封魔師是那對夫婦, 除了封魔師外他們還是靈媒, 解咒師,算是當代最著名的魔法師, 連不會魔法的人都識得他們, 其他們的博物館更封印著包括是世界上最邪惡的鬼娃娃與其他邪惡物件, 就是那隻被改篇成同電影的鬼娃娃。

不過, 如果是普通的封印術的話, 很多魔法師都做到, 始終不是扭曲物理的魔法, 而是層次較低的扭曲無形之物,一時間要在香港找出奏被封印的地點......不太可能吧。

始終, 他有可能被封於任何地方, 說不定在樓上單位也有可能。

「郭融, 你有冇辦法搵出奏被人封印係邊。」

電話另一邊的她頓了一頓:「難D, 因為封印既話, 如果被外界咁易搵到就無意思, 特別係物品既原主人。」

就是Jean吧。

「呀...咁就麻煩...」我拉開房門一小條縫, 可以看到Jean還與千雪在一起聊著。

「但魂俱既話, 都唔係話完全無希望既。」

「點做?!」

「你好緊張Jean wor, 沈醫生....」郭融知道我有求於她就囂張起來, 「你唔係對千雪唔住下嘩。」

「你都痴線。」我說, 「Jean只係我..朋友。」

「嘁嘁嘁....好啦, 你知獵戶座天文台開發左一種叫瑪那鑑證術既技術?」

就是那種確認施法者身分的技術。

「知道, 關咩事?」

「魂俱使同魂俱, 會散發出特徵相同既魔力, 封印術雖然令魔法無法生效, 但係...魔力都係會散發出黎, 個個鬼公仔你聽過?」

「睇過啦, 套戲....」

「我話真個個, 康洲既靈魂博物館呀。」

「聽過, 咁又點。」

「博物館入面有無數被封印既邪物, 自從前排女主人都過埋身後, 理應已經無晒魔法活動, 你等等我Cap張圖....好, 你睇下張圖。」

我用電腦版打開加密通訊軟件, 郭融傳給了我一張又是那種如熱能圖一樣的瑪那分佈圖, 地點是...康洲, 靈異博物館附近!?

「呢張係美野全視眼聯合瑪那觀察中心既瑪那分佈圖, 係女主人過身後, 瑪那反應下降左少少, 但係因為博物館中有太多被封印物件, 附近魔力濃度都係比正常高。」

「所以...只搵到帶有Jean特徵既魔力, 個附近就可能會係奏被封印既地方。但係, 我諗要時間都唔短。」

我道:「唔緊要, 只要佢振作得返就可以。」

「你真係無對千雪唔住?」

「無呀頂你。」

「哼哼, 好啦, 總之你要搵既人係獵戶座天文台, 祝你好運啦。仲有, 小心D。」

「...我會, 下次請你食飯。」

把電話掛斷後, 我繼續瞪住電腦上的瑪那圖....所以我們又要去獵戶座了呢。

唉, 可能史醫生說得對, 這是個多事之秋。

阿Jean一直都悶悶不樂, 千雪心情雖也不好但還是在努力逗她開心, 至於我, 還是老樣子吧。吃過飯後我看準了Jean去洗澡的時間我與千雪交代了一下子剛剛的事。

「對唔住, 千雪。」我道, 「....依加已經太遲..」

絕對會生氣吧?!始終在未得她同意下把她的性命也用來一起做賭注。

「傻醫生。」千雪把我抱入芬香的懷中, 「使咩道歉啫。」

被兩團肉球埋住的我道:「但係..如果我死左既話..」

「沈醫生, 你死左既話我就會死咋嘛。」

「咋嘛?」

「如果你死左既話, 我都唔會想做人架。」千雪輕梳我背後的髮絲, 「而且, 我咪講過, 我既一切都係你既, 所以你用我黎做賭注, 都只係用自己既野。」

「千雪, 我一路都覺得你就係你...」

「沈醫生俾我既, 早就超過具具一條命。」

「有咩?」

「有呀。」

「.....」我沒有回應, 只是沉溺於千雪的溫柔中。

「再者。」千雪把我的頭抬起, 與我額貼著額, 「沈醫生一定會保護我架嘛。」

我笑道:「一路以黎都係你保護我多D。」

「嘻嘻。」千雪幸福的笑著, 輕輕吻到我唇上。

每次要去獵戶座天文台, 魔法師都理應先打電話去預約, 但我不喜歡聽電話那些人, 所以我都是直接拜託溫可柔。溫可柔現在放學後都會去獵戶座那邊工作, 如果是星期六日或長假期的話便直接在那邊過夜, 又聰明又勤力還有魔法天分的她在獵戶座中表現得不錯, 也很得同事與前輩們的愛戴。

「好呀。」溫可柔聲音聽起來沒精打采, 「你地隨時過黎呀, 呢幾日學校仲係假期我係呢邊。」

「可柔, 你有冇事?」

「嗯嗯, 無事, 古Sir佢..既事啫, 你地過一兩日過黎, 我俾埋份驗屍報告你。」

會驗屍的天文台..

「辛苦晒你啦, 可柔。」

「應份既。古太佢點?」

「我無聯絡, 驚打搞到佢兩母女。不過出殯會係下星期三。」

「好..我會到。」

「可柔。」

「係?」

「唔好俾太大壓力自己。」

「..多謝你, 沈醫生。」

約好了後, 我與Jean和千雪說了一下行程和郭融的說法, Jean在得知有可能找回奏後眼神卻閃過了一下異樣。

「Jean,係咪有咩事。」

「我....」她欲言又止。

「Jean, 醫生佢係幫你架。」

「我..我知..但係, 我有D怕見返奏。」

玩呀?! 我差點就沖口而出了這句。

「..點解? 你唔係想見返佢咩..」

Jean好像個漏氣的汽球一樣頹然坐於沙發上:「如果..如果佢知道我之前咁既話, 佢一定會好失望。」

「無計, 鬼叫你一唔開心一係就暴飲, 我地唔俾你飲就狂訓教逃避現實咩。」

「醫生?!」千雪卻喝我道,我做個鬼臉閉上嘴。

「點都好啦, 奏一定想見返你, 而且佢都係緊張你先會咁架嘛。」千雪連忙安撫她。

「同埋...」Jean愈說愈小聲, 「我怕..佢唔會再承認我, 唔再俾我用佢。」

這樣的話, 失去了奏比失去了奏的認可更可怕嗎。

「有咩都係搵返佢再講啦, 奏係一大戰力, 再者我唔覺得佢會唔俾你用佢。」

「點..點解?」

「因為係人都會有脆弱既一面, 奏一早就知道, 你唔使太驚。」

我那句好像使Jean安心了不少, 感覺情緒一直不穩的她都是在這崩塌邊緣間盤踞, 我對她是沒意思, 但是作為朋友, 如果使她好過點的話我是很樂意。

第二天報到的時候我被曉兒罵了一頓, 說我們那天沒來差點害她前功盡廢, 還說我有關鍵證據卻通街唱是否有病, 連伐魔隊也來問東問西的, 當然為了確保兇手只可以來找我麻煩, 我甚麼也沒說, 反而繼續利用他們散播只有我手上握有關鍵證據的消息。

離開了北斗會館, 下一站又是獵戶座天文台。

會議室中的冷氣隆隆作響, 副台長, 溫可柔與幾個沒見過的瑪那研究者都在, 聽我講述以瑪那鑑證術尋找奏的計劃, 聽畢後我拿起水喝一口才道:「就係咁, 你覺得有冇可能?」

「...的確我地冇觀察到魂具被破壞既波動。」溫可柔道, 「但係...」

「可柔, 你可以放膽講。」副台長鼓勵她道。

「因..因為特殊情況下, 魂俱破壞產生既波動, 係觀察唔到, 例如係海底同岩洞入面, 爆炸產生既瑪那波動被地形同海水緩沖, 瑪那值既上升會好平穩, 到佢被釋放到大氣後, 特徵已經消失得七七八八, 同樣地如果封印地點係呢兩種地方, 結果都係一樣....我覺得唔樂觀。」

Jean馬上垂頭喪氣。

「咁只可以賭佢唔係呢D地方。」

「嗯...如果Jean用唔到魂俱對我地黎講的確係大麻煩。」副台長轉動輪椅面向Jean, 「放心, 我地會盡力而為。」

而且這次成功的話, 代表著獵戶座天文台擁有樣本的情況下可以隨時得知在香港任何地方誰人用了魔法, 無疑是強力的監測。

「多謝副台長..」

「但係花既時間唔短, 亦唔一定會成功, 唔單止封印地點唔可以係岩洞或者海底, 唔可以係西貢結界內, 附近亦唔可以係靈點, 靈點濃度高既瑪那都會沖散, 封印物既瑪那本來就已經好弱。」

溫可柔聞言馬上抄下筆記, 不虧是她呢。

瑪那研究者把那試管交到Jean手上, Jean注入魔力到結晶魔法陣, 試管中馬上結出水晶, 接著就是研究者們把從香港不同地點取得瑪那樣本使其結晶, 再對比有沒有Jean的特徵, 一步步收縮範圍了。

之後的, 是古Sir的驗屍報告, 報告同時會交給古太與伐魔隊, 天文台觀測到戰鬥發生的地點是在荒山野嶺, 看樣子就感到這是陷阱, 如果不是說有Jean消息的話他絕不會去吧。

「等陣先, 咁你地唔可以用瑪那鑑證術黎搵邊個係兇手?」

「如果我地有樣本對比就係, 你揭去第七頁。」副台長道。

我把報告揭到第七頁, 是一張結晶在顯微鏡下的圖片, 還有紅圈, 箭咀甚麼的指明要看的地方, 反正我看不懂就是。

「呃...」

「呢個係用現場殘留魔力施展結晶魔法既結晶紋路, 排除左古Sir之外, 應該係屬於兇手。」

「咁仲唔拉人?!」

「我地無樣本比對。」

「嘁...」忘了是要現場魔力與某個疑犯的魔力才能對比。

「放鬆D啦, 沈醫生, Jean。」 副台長告訴我們二人, 「總有辦法, 古Sir都唔想你地咁樣。」已經被她「觀念」到我們的情緒了嗎。

本來我們都是這樣處於傷心和悲痛, 卻沒有崩潰的情況之中, 最多只是大家都到了崩潰的邊緣, 可是直到那天, 我們終於---不, 是一切都開始往最壞的方向發展。

那天,是古Sir出殯下葬的日子。

黑椒牛丸河 2019-4-26 21:47:30 早左

:^(

:^(

:^(

壞孩子 2019-4-26 21:54:10 早左出文
不如今日出多小小呀

:^(

黑椒牛丸河 2019-4-26 21:55:37

:^(

:^(

:^(

輸劍因愁鹿 2019-4-26 22:02:48 好得人驚

:^(

:^(

:^(

轉圈轉圈哈姆共你 2019-4-26 23:01:31 今日係咪出兩篇所以咁早有文

:^(

壞孩子 2019-4-26 23:12:24 樓主可以打緊文

壞孩子 2019-4-26 23:12:40 *能

VantaBlack 2019-4-26 23:31:40 唔係, 今晚有野做所以早D出

VantaBlack 2019-4-26 23:33:49 補充資料

華倫夫婦

艾德華·「艾德」·華倫·米尼（英語：Edward "Ed" Warren Miney，1926年9月7日－2006年8月23日）和羅琳·麗塔·華倫（原姓莫蘭，英語：Lorraine Rita Warren，1927年1月31日－2019年4月18日[1]），美國著名靈異現象調查者，前者17歲時進入美國海軍服役，曾經參與第二次世界大戰，退役後轉職警察，夫妻兩人在1952年成立新英格蘭靈異研究協會，是新英格蘭最早成立的捉鬼組織

安娜貝爾事件
1968年，美國康乃狄克州一位讀護理的學生唐娜，收到媽媽送的布娃娃，作為她的生日禮物，娃娃的名字叫「安娜貝爾」，但唐娜收到這隻布娃娃後，卻引發了一連串驚心動魄的靈異事件[8]。之後華倫夫婦帶走了安娜貝爾，送往靈異博物館安置在玻璃櫃中。此事件被拍成電影《安娜貝爾》（Annabelle，2014）、《安娜貝爾：造孽》（Annabelle Creation ，2017），並成為《厲陰宅》開場。

現在，安娜貝爾仍在康乃狄克州埃德和沃倫夫婦的靈異博物館裡，很多人對這個靈異博物館感興趣，也有很多人連進去都不敢。這間博物館以收藏各種有問題的物品出名。

https://zh.wikipedia.org/wiki/%E8%8F%AF%E5%80%AB%E5%A4%AB%E5%A9%A6
https://www.chinatimes.com/hottopic/20160222004475-260809?chdtv

VantaBlack 2019-4-26 23:37:56 「.....世界上最著名的封魔師是那對夫婦, 除了封魔師外他們還是靈媒, 解咒師,算是當代最著名的魔法師, 連不會魔法的人都識得他們, 其他們的博物館更封印著包括是世界上最邪惡的鬼娃娃與其他邪惡物件, 就是那隻被改篇成同電影的鬼娃娃.....」

VantaBlack 2019-4-27 00:00:00 Sorry

:^(

VantaBlack 2019-4-27 00:00:26 天文台已宣佈有儀式進行, 咩事都唔使理

VantaBlack 2019-4-27 00:00:36

:^(

:^(

:^(

VantaBlack 2019-4-27 00:00:48 希望啦

:^(

:^(

VantaBlack 2019-4-27 00:01:10 兇手自己出黎俾你攞樣本就係

:^(

VantaBlack 2019-4-27 00:01:20 唔知呢

:^(

VantaBlack 2019-4-27 00:01:34 打錯Sor

:^(

:^(

:^(

:^(

尋日好多錯字

:^(

:^(

:^(

VantaBlack 2019-4-27 00:01:44

:^(

VantaBlack 2019-4-27 00:01:57

:^(

:^(

:^(

:^(

VantaBlack 2019-4-27 00:02:12

:^(

:^(

:^(

VantaBlack 2019-4-27 00:02:27 唔知呢

:^(

:^(