[人性魔幻] [結局]《職 業 魔 法 師:駐急症室解咒師與女助手》【三】
上一頁
第 33 頁
下一頁
轉圈轉圈哈姆共你
2019-5-20 08:19:06
一星期停一日幾好呀,作者都有自己嘅嘢要做㗎嘛,抖夠諗夠再繼續出文
:^(
Ads
白鞋油
2019-5-20 12:01:01
停一日其實都好擔心你
:^(
:^(
慢工出細貨!
加油!
VantaBlack
2019-5-21 01:32:18
:^(
小龍蝦湯(味精)
2019-5-21 02:43:23
慢慢嚟啦樓主 等唔係問題 最緊要有好文睇
:^(
:^(
:^(
VantaBlack
2019-5-21 03:01:34
溫可柔與其他職員調動堪天室中的機器, 她坐到其中一個象限的座位上操作電腦, 一連串看不懂的圖表與數據飛閃而過, 屏幕上的光影倒映在她的眼鏡上, 接著她道:「的確係來自熊會長既求救信號, 發出地點係荔枝角附近既九巴車廠, 但係點解..點解佢會度?」
「可能提前黎左香港? 始終一星期後就係就職典禮, 你知架啦, 見下中聯辦, 政府高官之類..」Jean道。
「...附近觀察到瑪那波動, 而之前既日子瑪那值平穩得好唔尋常, 連正常因天文現象既起伏都冇, 附近可能有黑曜石..係用黎限制佢施法?定根本無魔法活動定咩?」
「去左睇就知。」副台長道, 因為台長又不知跑到那兒去了。
「好啊, 大家加油, 我同千雪去休息啦, 拜~」我牽起千雪的手道。
「沈醫生, 呢個係機會黎。」副台長道, 「敵人...只有一個。」
在外面不方便提起施子雄的真面目嗎?
「一個..咁又點?」
「佢唔可能同時出現係天壇大佛同車廠, 如果我地兩邊都去既話, 其中一邊一定會有收獲。」
「...咁另一邊呢?」
「避免交戰就好。」
她卻說得沒錯, 簡單, 卻正確無比。
Jean自告奮勇:「我去大佛個邊。」
「咁...我同阿然..」千雪試探式道。
我心中暗罵一句粗口, 要不是剛剛姓康那老婆奴說要去, 我打死也不去! 先別說那是中華魔法聯會的人, 我寧願給別的國家當總幹事也不希望是他! 只要不是他或是施子雄, 誰也沒所謂, 現在卻要去救他?!
「唉。」我輕握千雪的手, 「去啦去啦, 一見到阿邊個就閃架啦我。」
「嗯, 佢唔會落手, 如果依加佢有D咩事, 佢的確會係最可疑, 所以姓熊個肥佬應該唔會死。」
「千雪, 著返你件斗篷, 唔好俾人認到你。」我掏出黑色口罩掛到臉上, 「我地依加都算係逃犯。」
「係。」千雪手一揮, 斗篷從遠處飛來投到她身上, 「支援就靠你啦, 可柔。」
可柔先是一呆, 然後嫣然一笑:「交俾我地啦!」
夏富那小子, 還真幸運。
不過, 不及我。
「千雪, 我地行!」
獵戶座天文台以防有危險, 派出了魔偶駕駛車子送我們穿過藍巴勒海峽去車廠, 我問過為甚麼魔偶可以駕車但千雪不行, 副台長說那魔偶師有車牌但千雪沒就是這樣簡單, 好像有點奇怪的邏輯但我又沒法反駁, 所以還是乖乖跳到車上。
魔偶在我們下車後還比出一個OK的手勢, 然後把車子泊在附近的暗角中, 於車中化成一堆爛泥等待我們, 如果被人看到鐵定嚇到魂飛魄散吧。
晚上的車廠靜悄悄的了無人煙, 在黑夜中本來更難認的巴士看似更一模一樣, 我真是不明白那些巴士迷如何分辦不同巴士的分別, 不過也正如他們沒法分辦印尼降頭與泰國降頭的分別吧。一架又一架的巴士在黑夜中矗立著, 求救信號就是在這兒發出, 但之後便再沒有信號, 會不會是陷阱?
「沈醫生, 千雪, 現場暫時觀察唔到有魔法活動, 瑪那值平穩。」
「大佛個邊呢?」
「Jean未到。」
也是, 這時間去大佛可不是一件易事...特別當你是北斗會館的逃犯時。
「阿然, 個邊!」
千雪指著遠方, 一條人影在巴士之間一下子閃過了!
隔開吧, 視線; 隔開吧, 低語; 概念強化:盲點!凍結於此, 閉路電視與一切視物之器!
我們上!
千雪強化自身躍過鐵絲網, 我弱化腳下重力輕輕浮起, 從鐵絲網頂以站姿滑向車場中。即使沒法完全飛行, 但在空中的確可以的到有幾個人影在巴士之間閃動, 鬼鬼崇崇地不知在做甚麼--
哼。
「千雪, 等我一陣。」
雖說我是個解咒師, 但在沒有解咒師這正式職業前, 我的職業是被歸類為咒術師, 雖說沒有曉兒, 施子雄那麼強, 但簡單的咒術我還是能用。
被注入魔力的摺紙被我摺成紙鶴, 隨風拍動雙翼飛去。
馬上--
「哎呀呀呀.!!」被我惡作劇或簡單偵查用的紙鶴襲擊, 兩個人從巴士之間走出--
「定身!」
千雪手一指, 二人全身沒法動彈, 呆站原地。
「郁唔到!! 死啦! 死啦!」
「救命呀!呀呀!」
甚麼人?
還好這兒被隔音的魔法阻斷聲音, 二人無論如何叫也不會引起外面的注意。
「喂, 你兩個。」
被我們從後叫住的二人回身一看:「唔好食我呀! 我唔好味架!」
「要食食佢啦! 我唔好味架!!」
「你兩個, Up乜鳩呀!」我怒道, 「收聲!」
二人對望一下, 馬上閉嘴。
食人的東西?
「名?」
「呃...」
「無名架咩你兩條友?」
一個肥的傢伙道:「我..我係油麻地拓也哥。」
旁邊的高佬道:「我叫OoKennyKingoO。」
「嗄?」我一頭霧水, 這樣的名字也能申請身份證?
「唔係叫你地講網名呀!」千雪差著腰罵道, 但油麻地拓也哥好像有點高興的樣子?然後我馬上發現到他的視線望向千雪白紗長裙內及膝裙子沒蓋住約隱約現的小腿, 再向上掃視---
「萬咒目錄。」我手上湧出腥風。
「阿然! 唔好!」
「No, 無得傾, 絕對要殺左佢。」他明明看了! 這傢伙, 仆你個街我的千雪是可以這樣給你掃視?!
「呀呀呀呀唔好! 大佬! 對唔住! 我唔望! 我唔望!」他抬頭望天。
「你再望佢半眼, 我就令你屎忽生味蕾。」
「係! 明白! 唔望。」
旁邊高一點的傢伙似乎是正常人, 他道:「你兩個, 係咩人?」
「醫生。」
「醫生...」他眼中充滿懷疑。
「你兩個夜晚係度搞咩, 屌死氣喉呀?」
「想黎..影相啫, 請唔好因為一小撮人而誤會所有巴士迷!」
「半夜入黎, 我唔報警算係咁。」
「....」他無言以對。
「你地避緊D咩?」
OoKennyKingoO..也就是那高佬說:「我地本身係七個人入黎。」
「七個?」我戒備起來。
「係..然後..其中有五個撞左邪咁咬人, 我地咪用巴士做掩護..」
「....我送你地出去先。以後唔準再夜晚偷入黎巴士廠。」
「...」二人沒回應, 根本就想再來吧?!
但是突然, 前面幾光柱射來。
不是一道, 而是幾道由巴士亮起的光柱--
「嗚..」強光照射, 我與千雪舉手擋著強光, 同時解開二人身上的定身咒, 以免二人盲掉。
「追巴士我試得多。」希望自己猜錯的我道, 「但係我唔太想俾巴士追!」
「隆~!」
巴士引擎發動, 五架巴士向我們撞來, 這果然是陷阱!!
然後, 我看到車上五人的樣子, 馬上知道這不是邪靈附體, 而是詛咒!
「沈醫生, 我地呢邊觀察到魔力波動!」
躍空避過巴士的我道:「我都觀察到!千雪!」
千雪一躍撞穿擋風玻璃, 一看到巴士受到破壞的巴士迷馬上發狂抓向從擋風玻璃穿進車內的千雪, 我連忙鼓動魔力控制巴士避免無人駕駛下失控! 但是旁邊的車卻直向千雪與那人所在的巴士撞去, 這樣下去可就是擠罐頭了! 我使用反瑪那解咒就不能分神, 更不可能同時控制五架巴士, 真麻煩!
「...而且, 魔力波動既特徵, 同當時我得到幻人能力, 同小玉得到法力可以變人時既特徵一模一樣!」
甚麼?!那五人, 難道...
VantaBlack
2019-5-21 03:01:58
多謝大家
:^(
VantaBlack
2019-5-21 03:02:16
又三點了
:^(
VantaBlack
2019-5-21 03:02:27
巴打有心
:^(
:^(
VantaBlack
2019-5-21 03:02:51
寫唔到就唔夾硬寫
:^(
:^(
長髮麻倉憂
2019-5-21 07:52:14
:^(
btw千雪唔係有車牌咩
轉圈轉圈哈姆共你
2019-5-21 08:10:48
用魔力變啲人做喪屍
:^(
Ads
冚家摌泥齊種樹
2019-5-21 08:36:32
施子雄set既陷阱
:^(
鹵水雞翼
2019-5-21 14:43:12
如果世界修正力可以將界石以內嘅野拉入去 咁點解唔會將歐亞大陸中間嘅野拉哂去香港
即使淨係將屬於香港嘅拉返香港 咁即係中間嘅香港人/香港魔法師都會拉哂返去?
冠位畫圖師
2019-5-21 17:49:09
:^(
小和尚
2019-5-21 21:38:33
e個故真心高汁
:^(
:^(
用香港議題係寫魔幻故
:^(
btw, 主角完美體現左咩叫自私左膠
開口埋口話要報仇,其實全部都係私人感情, 古sir, 可柔,Jean, 千雪,獵巫fd, 個個都係主角既fd
一講到話邊個做apac 總幹事就話:只要唔係xxx 或者 xxx 我就冇所謂!
完全係港女d討厭政治 tone
基本上主角咁勁咁醒,但就冇考慮過如果中華take over左北斗會點,對香港魔法師同香港人會有幾大幾深遠既影響,仲要有引渡條例,分分鐘隨時改規則用傳送魔法捉人都得,用風水陣搶香港既瑪那返大陸又得
到時會死既點止上面嗰幾個既人,仲要魔法本身可以話係屈機既軍事力量
而主角就死攬住個道德光環,
同時自己講一套做一套,施子雄為求目的不擇手段,咁主角之前為左搵黑手而出萬咒目錄虐待人又好符合佢既道德觀???
:^(
:^(
:^(
自己救條女同報仇就得,其他唔識既人命就當係屎
屌如果我係北斗d人,見到自己地頭就黎玩完,見到個有勇有謀有實力既革命烈士企出黎,我都實幫拖
小和尚
2019-5-21 21:40:42
sor 我認真左
:^(
:^(
施子雄係衰喺策略唔夠完善,但見到主角真係燥左
:^(
:^(
有人有心沒有人
2019-5-21 23:55:45
我都覺
:^(
殺生天尊呢啲大事都唔主動幫手 淨係掛住同條女瘋狂扑野
:^(
完美體現各家自掃門前雪 事不關己 理鬼得你嘅港豬心態
VantaBlack
2019-5-22 02:34:25
竟然會在這兒再次回想起這問題嗎!
「千雪! 小心佢地臨時用到魔法! 你解咒, 我截住D巴士!」
千雪在巴士內與那傢伙扭打成一團, 因為巴士空間窄狹, 平日她大開大合的招式使不出來, 但靠著強化魔法她還是在佔上風! 她百忙中點點頭, 馬上以她為中心反瑪那湧出, 五人身上的所有魔法效果被解除, 但同時巴士馬上失控!
「嘿..啊...」我運起魔力, 巴士下的重力上升, 失去動力的車子馬上巨大的擠壓聲, 車體變形, 速度也慢了下來!
「無啦無啦架46!」後面的其中一人叫道, 即使看到魔法也是最關心巴士嗎?
巴士發出怪聲, 整個區域中的重力上升, 但因為巴士的質量與動量都相當大, 而且通通在移動, 還要避免影響車中的人, 一時間剎停五架巴士真的需要點時間!
「隆---」終於--在五架巴士互相把對方撞成廢鐵與把車中的人壓成肉醬前, 巴士停下, 但已經是體無完膚, 扭成廢鐵, 連一塊完整的玻璃也看不見。
「千雪!」我叫喚她的名字。
她一手拖著其中一人, 一手如撕包裝一樣輕易的撕掉巴士的門下車道:「好在! 好在我壓得住佢地身上既魔力!」
千雪已經能使用這樣強力的反瑪那了呢。
「做得好。」我手一揮, 其餘失去知覺的四人飛向我們, 輕輕飄落地上:「佢地恐怕被強化左魔法能力。」
「有冇咁既可能..?」
我搖頭道:「無聽過, 但強化魔法可以強化肌肉, 如果係竅既話, 唔係絕無可能....」
竅就是魔法理論上的一個人體器官, 我們可以使用魔法就是靠竅, 而竅也能成為通道使靈魂出入, 不過你叫我們解剖屍體拿出「竅」給你看看也沒人做到, 所以才說是理論上存在的一個器官, 即使是魔法師也不是無所不知的, 我們還在研究這世界, 與科學家一樣。
但現在有一個更大的問題。
這東西無疑是施子雄搞出來的, 但是他也應該深知這程度的攻擊沒可能殺得死我與千雪, 為甚麼他要這樣做?
一想到他的城府與深謀, 我就不禁不斷猜想他的動機。
熊會長真的在這兒?恐怕..只是陷阱。
而陷阱內容, 自然不可能只是用巴士輾過來這樣簡單, 這程度恐怕連溫可柔也殺不死。
「千雪, 警戒附近, 張開魔盾, 靠晒你。....好, 至於你地幾條友, 聽住。」
交換吧, 夢境。
我把七人的現實與夢鏡交換掉, 使他們認為這兒發生的事認為只是一場怪夢, 而我就在夢中道:「依加即刻離開呢度, 有宗教信仰既就Keep住念經, 你手上呢條手環唔係我俾你, 而係你一直帶住, 自己上IG Shop買既。」
我一邊說一邊為七人套上黑曜石手環, 一邊叮嚀道, 這算是...外診服務吧。
那五人醒來, 接著七個都中了交換現實的魔法而神智不清, 但還是乖乖的離開現場,那麼接下來就是魔法師的事--
「施子雄!!」我對著空氣吼道, 「出黎!!」
「出黎--出..黎..出.....黎.....出..........」回音在空曠的車廠中回響, 但阻隔聲音的魔法邊陲是在辦公大樓那兒, 整個車場中還是能互相聽見。
不理他在玩甚麼, 直接進正題, 別再給我裝神弄鬼!
「...佢唔係度。」巴士的玻璃碎浮起, 凝聚成人形, 接著開口說話, 「今日係呢度搞事既, 係殺生天尊。」
「車...」那傢伙在附近吧, 他的魔偶是近距離控制的類型。
「定係..蒙面獅子俠會好D?」玻璃碎變形, 接著變色, 低象素版面的蒙面獅子俠活現眼前,「阿然..點解你唔幫我, 明明你都覺得我係岩。定係你覺得姓熊個肥佬做總幹事會好過我? 大家都知道佢背後係咩人操縱緊佢。」
我白眼一翻:「反正你同佢都唔係好人選。」
「咁你點? 含淚支持? 定兩害取其輕呀!!」玻璃碎的低清施子雄喝道。
「....我..」但我還是沒法認同他這種斷六親, 弒友殺人的手法!
「萬物皆有代價。」低清施子雄道, 「抗爭同魔法一樣, 如果我地咩都唔付出, 就咩都改變唔到。阿然, 我到依加都希望你可以加入我個邊。」
千雪沒說話, 她的表情相當複雜, 恐怕也在掙扎。
「我的確害死左好多人, 但係你反對我既理由, 全部都係私怨, 依加係北斗會館最有可能同北京抗衡既機會, 你既私怨同憤怒我明白, 但係你真係想為左私怨而成為千古罪人?」
施子雄是天生的領袖, 所以他的說話中總帶住說服力。
也是這樣, 更多人倒戈向他的一方, 即使知道他幹出了這麼多事, 知道是他計劃了這一切。
沒甚麼魔法比崇高的理想更可怕. 即使這理想有毒。
「我相信其他魔法師會阻止北斗會館沉淪, 我亦相信有除左大屠殺以外既解決方式, 施子雄, 你最好收手, 我唔想同你去到你死我亡既地步!」
「魔法師都係香港人...我唔覺得香港人會為左利益以外既野行動, 佢地見到人抗爭只會覺得收左錢, 因為佢地除左錢以外唔會有其他動機, 正義, 自由, 平等, 廉潔都唔成動機, 佢地都係職業魔法師, 魔法師對佢地黎講只係打份工, 只係職業!你相信呢班人?!」
「你今晚搞呢d野出黎, 只為黎同我上堂說教?」
低清施子雄一邊走動, 一邊掉下玻璃碎, 但又一邊吸收其他玻璃碎保持外形:「我只係想有人可以理解我, 而我最希望個個人....係你。」我從勉強成形的魔偶上卻感到了他的視線。
「我地唔會互相理解到, 你既理想係建築係鮮血同屍體之上, 我點理解!」
狗哥, 郭融, 古sir, 無數被波及受傷的人, 破碎的家庭, 現在的他更加不理會其他無辜, 為求目的而大開殺戒, 我怎可能理解!
「哼..如果唔沾染雙手, 就咩都唔會拯救到, 如果一定要有人做魔王先可以拯救北斗會館既滅亡, 咁樣我唔介意個個係我!」
「你只係係度合理化自己既行為!」
「權力可以使人腐敗, 但係權力亦可以令我拯救我成長既地方....我需要權力,而唔需要你口中既仁義道德!」
「你搞錯左一點, 施子雄。」我怒道, 「我唔係你口中既道德撚, 對住D仆街, 折磨個時我絕對唔會留手......對住你我都係。」
說穿了, 我與施子雄最大的差別在於相信。
他對這城市的魔法師...不, 這城市中的所有人感到失望, 故此他不惜滿手鮮血也要登上總幹事的寶座, 使北斗會館能拒絕中華魔法聯會的統戰。
而我, 相信當北斗會館的核心價值受到威脅和動搖時, 魔法師們都會拒絕來自他們的滲透, 抵抗入侵, 而不是只靠一個英雄, 一個烈士, 一個.....魔王。
「我以為你討厭人類, 又明白依加情況有幾嚴峻, 所以先覺得你會最易加入我呢邊。」
「討厭人類, 係因為我係急症室中見盡無數白痴, 即使犧牲一切, 身負無數詛咒, 痛楚, 連累晒身邊所有人, 都想滿足自己既貪欲...就同你一樣啊! 」
千雪點點頭支持我, 感覺吵這一架不會比和他打一架輕鬆。
「貪欲? 我先唔係!」低清施子雄激動地揮手, 玻璃碎分散一地, 「我只係...算啦, 同你講黎都無用, 你根本唔理解!!」
「唔理解既人--」我結出手印, 準備施法, 「--係你!!」
低清的施子雄消失, 更加碎片與灰塵吸過來, 慢慢地他變成了殺生天尊的樣子:「咁我唔需要你既理解。」
VantaBlack
2019-5-22 02:34:43
未攞
:^(
VantaBlack
2019-5-22 02:34:55
中一半
:^(
VantaBlack
2019-5-22 02:35:07
係陷阱, 定係....
:^(
Ads
VantaBlack
2019-5-22 02:36:54
你咁諗, 佢有瞬間移動能力係因為被強化出「界定香港範圍」呢個概念, 而本身佢只係一塊石頭, 所以有呢個能力係因為三人注入魔力去激活/啟動之類, 所以只作用係佢地三個身上
咁我都兜到
VantaBlack
2019-5-22 02:38:05
呢篇好想認真回覆下, 但係依加趕時間訓教, 聽日先覆, 多謝巴打咁認真睇先, 無野開心過讀者認真睇自己既故, 特別係有強烈世界觀既故
:^(
VantaBlack
2019-5-22 02:39:28
貼地既主角, 魅力四射既奸角, 同混沌既正邪觀係最近既寫作目標
:^(
VantaBlack
2019-5-22 02:40:51
人性魔幻
人性在前, 魔幻在後
:^(
各位晚安
上一頁
第 33 頁
下一頁