VantaBlack 2019-5-17 02:04:37 其實我今日放假先諗住出到2倍, 但已經兩點幾....

所以我建議大家睇今晚既文兩次

:^(

有拖無欠

:^(

VantaBlack 2019-5-17 02:05:09 香港..

:^(

..

:^(

愛麗絲Alice 2019-5-17 02:06:02 不如同施子雄deal下 阿然佢哋幫施子雄手諗辦法可以點做總幹事 但係要施子雄立契約唔可以開殺戒之類

:^(

:^(

連登郭奉孝 2019-5-17 02:07:24 以前都會大大話
盡力頂 捱得幾耐得幾耐 始終唔想走

但家下

:^(

陷家都計劃準備移民了

連登郭奉孝 2019-5-17 02:07:46 大大聲話*

IT狗等投胎 2019-5-17 02:08:13 但施子雄已經殺左古sir呀

:^(

愛麗絲Alice 2019-5-17 02:09:23 係 但係阻止佢再殺都好呀

:^(

仲有正太同jean㗎

:^(

冠位畫圖師 2019-5-17 10:59:57

:^(

輸劍因愁鹿 2019-5-17 12:34:33 重質

:^(

:^(

:^(

冇人話唔重量

愛德華．艾力克 2019-5-17 12:36:42 全篇重睇一次了

:^(

.我夢見你夢見我 2019-5-17 12:46:00 唔明點解要阻止施子雄

:^(

已經唔使佢哋出手
施子雄自己一個承受晒㗎啦喎
如果話佢殺左古sir 咁古sir都死咗啦 咁不如死得有意義啲

:^(

同埋最後如果真係捉到施子雄 古太知道真相一定崩潰

輸劍因愁鹿 2019-5-17 13:33:03 咁奏呢？飛機場呢？

我反而諗 其實隊冧第二個大粒野都得啫

點解要隊古Sir

:^(

.我夢見你夢見我 2019-5-17 13:34:39 佢哋都未死
唔係因為古sir係最先發現㗎咩
雖然我覺得純粹係劇情需要佢先會死

:^(

.我夢見你夢見我 2019-5-17 13:35:14 如果唔係古sir死 主角連唯一一個反對理由都冇埋

左日右月 2019-5-17 17:29:13 搵侵侵幫手，吸曬小熊瑪那
引小熊背後班人出手，再叫殺天生殺曬佢地

:^(

VantaBlack 2019-5-17 22:18:07

:^(

黑椒牛丸河 2019-5-17 22:25:41

:^(

:^(

:^(

:^(

黑椒牛丸河 2019-5-17 22:31:04 窮則獨善其身 達則兼濟天下
強身健心
唉 返工返到好灰 係故台先可以放鬆半刻...

VantaBlack 2019-5-18 00:15:25 打左成篇又冇晒唔想出

:^(

:^(

黑椒牛丸河 2019-5-18 00:18:45 歪？死機？

:^(

喺咪呀哈姆太郎 2019-5-18 00:44:00 點解唔喺google drive打完先copy過嚟呀

VantaBlack 2019-5-18 02:31:16 因為我們來到英國時身無分文, 所以離去的時候也沒甚麼好帶的, 多了的東西也只有千雪那件斗篷, 康台長親手製作的法器實在算是稀世奇寶, 我當然著千雪穿著。

「好啦, 歷史題, 香港既起源係點樣?」穿回乾濕褸與紳士帽, 提著公事包的康台長與我們走到花園中。

「下?」

「呃..」

抱歉, 我與千雪也答不出。

康台長一臉鄙視的說:「1841年, 穿鼻草約割讓港島...講真你兩個中學冇讀中史?」

我攤手道:「唔記得晒。」

千雪苦笑道:「我中史堂用黎訓教...」

康台長喃喃自語:「依加D 80後90後...自己地方歷史都唔清楚...總之! 香港開埠始於港島割讓,英國人建立維多利亞城, 而維多利亞城就係香港既起源, 代表住香港正式誕生。」

話說我們為甚麼要在花園中上歷史課?

「而個時用黎畫定維多利亞城範圍既法器, 就係呢樣....來也!」

「呼--咚! 砰!」

一條石柱從天而降, 我張開魔盾為千雪擋下飛濺的泥土, 花園中被石柱擊出一個小坑, 塵土散去後能看到這是一根花崗岩四方石柱, 四邊匯聚成尖頂,柱身上寫刻寫著CITY BOUNDARY 1903...

維多利亞城界石?!

「當年既結界就係靠佢地..算係文物?」

我突然想起:「好似話有一塊界石唔見左, 莫非..」我望向康台長。

「痴線! 我無偷界石! 我係救啦, 而且..呃..總之界石定義左香港既範圍, 就好似強化十字架既守護概念一樣, 強化界石既邊界概念, 定義出香港既範圍就係...好, 方向係呢邊, 企過黎企過黎。」

康台長拿著指南針, 確認我們站的方位背面是香港, 然後---

「概念強化!」康台長, 我, 千雪舉手注入魔力到界石中, 古典不列顛魔法儀式發動, 界石重新定義出香港的範圍, 我們在英國步入了香港的邊境, 接著--

「賴地小心D啦~」抱著迪迪在揮手的摩根太太向我們揮手--

「我地個邊戰場見啦!」康台長發動界石的權能--

「蓬--」

界石重新定義香港的範圍, 我們背後幾千公里外是香港, 前面是維多利亞界石, 在強化概念下我們被界石包圍, 身處於被界石定義的香港之內。但是香港的範圍絕不可能橫越整個歐亞大陸, 世界的修正力馬上會向我們這現象襲來, 將這邊的「異常」吞併到正常的香港中---

「砰!」

我差點又摔到地上, 千雪眼明手快, 千鈞一髮地捉住了我以防我的傷口破裂, 天旋地轉, 頭暈轉向, 一時間我連上下左右又分不清, 接著污濁的空氣湧入鼻中, 吵鬧的引擎聲傳入耳中, 然後隨之而來的是親切感與熟悉感, 即使沒有歐洲的風光, 卻是這醉人的都市..

「歡迎返黎香港呀, 兩位。」 康台長瀟灑地以雨傘撐地, 然後轉了一圈卸掉著地的力道, 再順勢開傘, 「呃....我其實無戰鬥能力, 所以呢度交俾兩位, 我地老地方見。」

「嘔....」他說甚麼?

「阿然, 你點呀。」千雪揮動手印把我的穢物通通扔到垃圾箱中, 還不忘為我擋下雨水。

戰鬥?

「你地就係沈醫生同佢既女助手?」

我現在才抬頭看看四周, 康台長似乎為剛剛的傳送附加上了合理化咒語, 所以即使我們三人與界石這樣出現在公園與巴士站之間也沒人覺得有甚麼神奇。界石停止了冒出白煙, 鑲到混凝土斜坡上, 我坐在一角剛剛吐完, 千雪就是站在我身邊, 而她身後卻多了一群...魔法師。

「唔係。」我道, 千雪身上穿著康台長的斗篷能阻止樣子被認出, 我也帶著黑色口罩掩蓋傷疤,他們應該不能認出我們, 「冇聽過呢兩個人。」

心領神會的千雪馬上點點頭。

「咁你地點樣得到佢地兩個既七星陀錶?」

為首一人打了一個響指, 我與千雪身上幫對方保管的七星陀錶馬上發出嗡嗡的聲音, 組成北斗七星的七個光點閃爍, 完全是斷正!!

「我地係自己友, 聽我地講, 一星期後既就職典禮會有危險, 施子雄會破壞一切, 殺死所有人, 我地要阻止佢!」

如果是伐魔隊一起上的話, 也許能爭取到一點兒時間。

「....」但他卻沒有說話。

不對勁, 他們是....!!

「千雪!!」我把拖住她往後猛躍, 千雪眼前銀光一閃, 幾根頭髮的瀏海被突然出現的刀削斷!

「我地唔係要破壞一切, 而係要守護一切!!」

看來他們不但知道施子雄的計劃, 而且還支持他這樣做!

附近的樹葉恍動, 葉子的邊緣閃爍寒光接著怪風吹動, 萬千刀片向我們飛來! 千雪馬上帶回斗蓬, 雙手飛舞結出手印低語:「魔盾!」, 接著前後雙重魔盾展開, 飛葉在魔盾上粉碎, 正當我要還擊時--

痛--!!!

「嗚...」

...我還真是個沒中用的解咒師..

「阿然?! 阿然!」

難道康台長已經預見到這點了嗎?

「千雪, 今次要你黎。」

起舞吧, 反瑪那!

反瑪那四溢, 罩向整個公園, 怪風停止, 葉刃落下, 但魂俱只會弱化--

「砰!」

「裂..」

魂俱砸到魔盾上, 魔盾發出破碎的聲音!

「唔緊要, 阿然。」千雪身上閃動強化的光芒, 「只要你需要我, 我永遠都會幫你!」

「砰!」鐵拳轟出, 魂俱與強化了的千雪對撼, 被弱化的魂俱匕首和千雪不分伯仲, 馬上千雪變招錯開, 用力過猛的魂俱使向前倒, 千雪看準時機一肘砸向他手腕, 匕首飛出--

糟了!!

「魔罩!」

「噹!」馬上飛回的匕首被千雪以全包圍式的魔罩格下, 輕輕浮起的她腳下被魔罩壓凹了一個小坑, 沒想到她已發現到那不是匕首, 而是飛刀!

反瑪那纏著幾個魔法師, 沒法使上魔法的他們向千雪以物理方式攻來, 但都被能施法的千雪輕易的收拾, 另一方面纖出魔罩的千雪浮在半空, 她雙目如雷結出手印, 魔力沸騰, 同時掌握戰鬥,施法, 解咒的她在倒下的魔法師之間展現一夫當關, 萬夫莫開的霸氣--

「你地想一齊上?」 她雙手一揮, 魔罩消失, 寒風捲出化成風壓壓向所有魔法師, 冰冷的風將他們壓倒在地上, 千雪輕輕落下, 「定係想自己投降。」

「嗚..」

「咕...」

她成長了呢。

但是卻沒有發現了一點。

「咔喀。」路人拍照。

「嘩, 個姐姐識飛呀! 媽咪!!! 媽咪!!! 個姐姐識飛呀!!!」

「今次係咩咩奇俠? 依加D CG咁勁既?!」

那幫人根本沒下過逐人咒, 合理化咒語或是鏡迷宮!!

「呃..呃..我.我..」千雪不知所措, 馬上收起所有魔法!

機不可失-他們是這樣盤算吧!

「咪郁。」他冷冷的道, 直接捉住那個正在尖叫的男生, 「唔係佢就係會死係天尊手上。」

還是繼續把所有罪名推到天尊身上。

「你..唔好亂黎!」

「嘩嘩嘩!! 搞咩搞咩!」

「報警好Wor!!」

「喂拍戲定咩呀! 喂D血真架! D血真架!!」

眾人尖叫, 馬上雞飛狗走, 有人跑出馬路, 有車子為了避過跑出馬路的人直接撞到路肩上, 後面的車馬上急煞, 結果被後面的車追撞上去, 有人為了逃命連鞋子也甩掉, 只有一人沒有動--

那男生的母親。

「放開佢。」千雪道, 「唔係既話..我..我唔客氣架啦!」

我與千雪放出雙重反瑪那, 大氣魔力完全蒸發, 這群人看樣子也沒有無限魔存, 但即使魂俱連意識也失去, 那把刀還是足夠割斷那男生的喉嚨!

「我地唔會俾你地阻止到, 即使點都好, 我地都一定唔會放棄!」

「個細路係無辜既!」我喝道, 「即刻同我放左佢, 如果唔係我要你求我殺你條仆街一個痛快!!」

這才是威脅。

「嗚啊啊救命呀!! 唔好殺我呀呀呀!! 媽咪呀!!」

不, 這男生誤會了!

「小朋友, 唔好喊, 我地會救你。」強顏歡笑的千雪道,「姐姐..姐姐係魔法少女呀!」

「..嗄?」我, 那男生, 魂俱使都望向千雪。

「所以, 唔使驚架。」千雪道, 「喂, 你到底想點, 你以為仲走得甩?」

他的同黨掙掉自己身上的冰, 紛紛走到人質身邊戒備。

是知道我們還活著, 所以監測著所有界石的情況, 並派出人在附近看守吧, 這樣一來馬上其他界石附近的魔法師便會來增援, 現在這援兵之計是令我們沒法逃跑。不像我們要掩藏魔法神秘, 他們是施子雄的同黨, 在反擊前他需要的是混亂, 因為殺害無辜的行為或是令魔法文明曝光的行為他們才不會在意。

一但他們的增援到, 可就糟了。

不過, 也不是只有他們有增援。

一團黑霧無聲無色地顯現在人質背後, 我與千雪見狀馬上把反瑪那從那邊散開, 黑霧暴漲成象, 先是影子, 接著是邊緣, 然後成為人形, 幻人顯現--

「伏!」幻人以巨力折斷魔法師的刀, 我緊痛使出躍空飛奔過去拖走孩子, 千雪亦以更快的速度欺近, 對準他下巴--

「嘿.哈!」

「咔啦!」 那人口中噴出鮮血, 半條舌頭飛出血淋淋地扔到地上, 沒法呼救的他被幻人舉起, 接著幻人一手拉住他的頭, 一手拉住他的腳--

「夠啦!」溫可柔喝住幻人, 「唔使做到咁。」

幻人慚愧的點點頭, 將那人如垃圾一樣扔到一邊。

「可柔!」千雪與她一見如故, 二女相擁, 「多..謝你呀!」

溫可柔的幻人一腳把那人踹入草叢後向我們揮手然後消失, 身穿LAB袍與眼鏡的她笑道:「千雪你頭先好型呀。」

「嘻嘻..係咩..」

太可愛了, 我說千雪。

「魔..魔法少女..」男孩眼淚汪汪的看著二位。

突然覺得歲月催人老呢。

「嘛..你可以咁當我地係啦, 不過魔法少女都係留返係夢入面啦。」溫可柔舉起手指, 頂住他眉心, 接著又向那男孩的母親再做一遍, 「其他野, 善後隊會負責, 我諗你地都係離開先, 係呢, 陀錶俾我。」

溫可柔接過我們的七星陀錶, 以手掌掩著念念有詞:「好啦, 我停左追蹤機能, 依加你地去天文台, 台長會等你地。」

「可柔, 但係點解你會係度?」

「...因為我都睇唔過眼施隊長做既野。」

VantaBlack 2019-5-18 02:36:02 首先阿然唔會有咁大影響力
同埋施子雄先唔會同你咁傾

:^(

VantaBlack 2019-5-18 02:36:12

:^(

VantaBlack 2019-5-18 02:36:22 其一啦