【懸疑】《珍珠奶茶殺人事件》
上一頁
第 6 頁
下一頁
奶茶哥基
2019-4-23 22:51:12
「鈴鈴鈴......」
此時電話忽然響起，截破了當前的悶局。
Ads
奶茶哥基
2019-4-23 22:51:23
繼續感謝
:^(
邊緣肥仔
2019-4-23 22:53:52
:^(
小心交友
2019-4-23 23:14:52
推推推
陽光低低b
2019-4-23 23:50:36
好睇呀巴打
:^(
睇到好想飲珍珠奶茶
:^(
奶茶哥基
2019-4-24 00:06:08
:^(
奶茶哥基
2019-4-24 00:06:21
:^(
:^(
:^(
奶茶哥基
2019-4-24 00:06:57
我果陣就係飲完珍珠奶茶突然想寫
:^(
奶茶哥基
2019-4-24 12:00:38
來電顯示是未知的電話號碼，我沉凝半刻，接聽了電話。
「喂？」
「喂，係咪Paddy啊～？」
單憑腔調，我已經知道她是誰了。
「做咩？」
「有冇興趣合作查案？」
「完全無。」
「但我有啲關乎呢件案既重要資料喺手喎。」
「咩資料？」
「嘻嘻，今晚半島酒店606號房等，你嚟我就話你知。」
「下？呢度講咪得囉。」
「不見不散喲～」
還未等我答允，她便中斷了線，我結果迷惘的握著手機。
搞什麼鬼...?
奶茶哥基
2019-4-24 12:00:48
——第十二章：妖女——
其實我早已猜想到，除了阿邪和喪堅當初揚言會查出真相外，妖女和眼鏡娘或許也會作出行動，掘出要把我們一一殺掉的那人。
不過，我依然對他們幾人抱著懷疑的心態，不會因為他們表面上是「受害者」而鬆懈。
始終今次殺手案上，每個人皆有殺人動機。
只是，妖女忽然找我合作是怎樣了...？
晚上，我按照她的意願，來到充滿巴洛克風情的這間古雅酒店。踱步而至，華麗的大堂盛載了各式各樣的上等人士。
上了六樓，沿著高貴的路去到606號房門前，我按了按門鈴，等待回應。
奶茶哥基
2019-4-24 12:01:01
咔——
「唔？」
門鎖開了，卻沒有人開門。
過了兩三秒，我見依然無動靜，便逕自推開門，進去看個究竟。
環視裡頭一切後，只見妖女坐在豪華的雙人床上握著手機，正在進行網上直播。
她頭髮濡濕地撥放下來，身上只是包著一條酒店浴巾，幼嫩的肌膚和浮凸的身材盡現。
性感尤物就在眼前，而且身處酒店這種空間，正常雄性動物此時一定血脈沸騰。
而我也是個正常男人，所以心坎砰砰的響動。但對於妖女一系列的舉動，總覺得有點不安。
「今日直播就到呢度先，大家記得Like同Share我既新IG Post啊，拜拜～」
妖女然後把手機拋開一邊，然後綻放著星眸注視著我。
「過嚟啦，企喺度做咩啵。」
「喺度傾得架喇。」我盡量有所防範。
「喔...好啦。」
Ads
奶茶哥基
2019-4-24 12:01:20
「你平時都係沖住涼開直播？」
「點解咁講？」
我指進旁邊浴室裡的浴缸：「缸入面既水未完全放哂，而且從你個頭既濕度，應該連頭都未吹。」
「嘿嘿，比你發現添。」妖女吐舌一笑：「無計啦，啲觀眾中意睇呢啲野嘛。拿，但係我要強調，我無露三點架～」
「言歸正轉先，你查到乜野資料？」
「唉喲～唔好咁性急要入戲肉先啦，前戲都跳過哂。」
「下...？」
「你應該一步一步嚟，問左我點解會搵你合作，而唔搵其他人先嘛。」
「...咁到底點解呢？」
「因為...」
妖女嫵媚的走過來，以銷魂勾人的眼神直視著我，我心感不妙，連忙退後幾步背靠大門。
奶茶哥基
2019-4-24 12:01:37
「因為你比起其餘幾個殺手更有魅力，值得同我合作。眼鏡娘雖然聰明但太黑人憎，喪堅同阿邪兩個更加係弱智組合，所以我揀左你。」
她把話說完後，已經近近的把驕人身軀貼緊著我，把我的去路封死。
「你願唔願意同我合作？」她在我耳邊輕輕一吹。
我整個人霍地打個冷顫。
「如果我唔肯呢？」
「咁你就無得好好享受我......查到既資料喇。」
救命啊。
奶茶哥基
2019-4-24 21:19:21
我最怕便是遇到桃色事故，眼前的妖女，仿佛想把我吃掉一樣。
但我只是想查案罷了......
結果我推開了她，一臉正經地說：「合作唔係唔得，不過唔好咁多身體接觸喇，我有女朋友架。」
「果然係好男人喎。」妖女雙眼笑成一線，然後回到床上：「但我當你應承架喇，既然你同意合作，我就講一講我查到啲咩啦。」
我嘆了口氣，跟了過去，在床邊的沙發椅坐下。
「我喺老王死左之後，重點調查過殺手界中間人既背景，發現左啲奇怪既位。」
「奇怪位？」
「嗯。」她伸手向床頭的手機，打開了一個圖表給我瞧瞧：「你望下。」
奶茶哥基
2019-4-24 21:19:33
圖表列出了極詳細的殺手中間人資料整合：中間人能力排行、佣金比例、成功比例、殺手人選、委託人、委託任務......一應俱全。
「嘩...」我大感驚嘆：「點解你能夠搵到咁詳細既資料？」
「靠我開直播既粉絲，同埋取悅唔少行內人先得架。你知唔知啊，為左呢個表我同唔同男人上左好多次床......」
我瞬即反反白眼：「唔想知。」
「不過為左避免神秘兇手對我地出手，咁樣都無可厚非嘅～」
「但係你呢個表，同呢單案又有咩關係呢？」
「你望下先啦。」
她把圖表最高一隅放大，那一列正是老王的數據。
我湊近觀察一番，不久便宛如發現新大陸般，訝異的望向妖女。
「委託任務，點解有十之八九都係針對李氐家族既？」
奶茶哥基
2019-4-24 21:19:54
「係咪估佢唔到呢～」妖女把身子擱在我的右膊：「你睇埋委託人記錄先，包你仲驚訝。」
我急忙滑動圖表至委託人一欄，金睛火眼的觀察，嘴唇愈張愈大。
事實驚為天人......
委託人，竟然全是同一人——何雄心。
「何雄心，何氐家族既中心人物，每次委託都會針對李氐出手，而且必定係搵老王作為中間人。」
「老王同何氏既關係原來咁密切。」
「係...以前從來無聽過佢地有來往。」
我沉思一會，把各種線索的碎片組成一團：「我有個大膽既推理。」
奶茶哥基
2019-4-24 21:20:14
「啊？」
「老王應該係收左何雄心既天價委託，然後搵我地殺左超蓮。但事件搞得太大，何雄心擔心李氏查得出係佢作主謀，會影響Freeyon同佢既枱底交易，甚至有性命之危。所以佢決定滅我地口，以除後患。」
相比起之前懷疑過的人，現在何雄心有最直接的殺機，甚至比阿邪還更可疑。
他肯定是那神秘委託人！
「照你咁講。」妖女面有難色：「如果我地既對手係何雄心，咁既話好棘手啵......」
「唯有係早佢一步，向佢落手。」
「落手？有冇咁易呀...」
我的眼神變得銳利：「可能要搵一搵支援。」
奶茶哥基
2019-4-25 09:16:27
:^(
在愛情中迷失的人
2019-4-25 13:37:28
加速
:^(
奶茶哥基
2019-4-25 18:00:43
:^(
得到用失去來換
2019-4-25 18:38:01
push
:^(
Ads
奶茶哥基
2019-4-25 20:13:58
——第十二章：綁架（一）——
儘管妖女有萬般不願意，
我還是說服了她，叫了眼鏡娘過來。
始終多個聰明人，比較好辦事。
「夜媽媽咁急叫我上房有咩事？」
「關於單案......」
我未把話說好，眼鏡娘已經兩眼發亮：
「搵翻啲錢？而家分錢環節？」
「發你既夢啦。」妖女打斷了我和眼鏡娘的對話：「如果真係搵翻錢，我地會唔會係比翻你呀？」
眼鏡娘頓時一臉不悦目望妖女：「咁你叫我上嚟做乜先，唔係特登聊交鬧下話？」
奶茶哥基
2019-4-25 20:14:09
「我先無你咁得閒～」
「得閒？我律師樓工作知唔知幾忙呀？似你剩係識對住啲麻甩佬開淫亂直播咩。」
「乜野淫亂直播呀？你個四眼雞丁唔好含血噴人喎！」
「乜野四眼雞丁啊？你個含腸小妖！」
「含腸小妖！！？」
「一人小句啦......」
對著氣冲冲的二人，我開始有點後悔了，眼鏡娘和妖女根本是水溝油，要合作可不容易。
「Paddy，你好快啲話我知有咩事，我唔想貿然再對住呢個女人多一秒。」
「我地需要你幫忙。」我把妖女手機上的圖表展現於她：「我地可能發現左追殺我地，以及唔肯比錢果個委託人。」
眼鏡娘一聽，面色立即大變，從我手上取過手機，仔細觀察。
我和妖女見到眼鏡娘凝重的樣子，面面相覷。
「何雄心...」眼鏡娘喃道。
奶茶哥基
2019-4-25 20:14:22
「係。」我站起來踱至窗邊，眺望維港的五光十色：「只有搵到佢，謎團先會解開。但係單靠我同妖女，未必可以對付到佢，所以需要你。」
「無問題，我加入。」眼鏡娘答：「反正呢件事都關乎到我本人既性命安危，始於要解決。」
「只不過，我地應該要點做？跟蹤佢？恐嚇佢？」妖女納悶。
我靈機一觸，毅然回頭咧嘴笑說：
「喬裝打扮，令佢認唔出我地，然後綁架佢。」
她們頓時吞了吞口水。
「比人發現身份死硬架喎。」眼鏡娘著慌。
「雖然我地最後都會比人暗殺而死啫。」妖女苦笑。
「妖女講得無錯，橫掂都要死，咁點解唔搏下？」我說。
「都係既...好啦。」
眼鏡娘苦思良久，最後也說：「死就死啦。」
「非常好。」
結果我們幾人再一次「玩命」。
經詳細調查後，我們發現何雄心長期受著保護，二十四小時全天候有幾個保鏢在旁。
無孔不入的狀況下，唯獨在一種情況會被打破。
傾生意。
奶茶哥基
2019-4-25 20:14:48
每當有大生意需要與客人洽談，他必定會把保鏢叫走，與客人好好喝酒聊個痛快。
我們三人商議後，決定裝作內地有名的茶店「喜喜茶」的負責人，並要求與何雄心合作，聲稱在香港開二十間分店，希望他們集資。
眼鏡娘先駭入茶店的公司電郵，再以他們名義寄出合作邀請，卻把聯絡方式留成我們新設的電郵，並留下我們新開的電話號碼。
電郵寫明，我們非常期待與何雄心親自洽談。
翌日，何氏家族便有回覆：非常樂意。
「情況十分順利。」妖女揚起笑靨：「約左聽晚喺佢大宅。」
「到時我地三個一齊扮客人，乘機綁架佢！」眼鏡娘磨拳擦掌。
「今次一定無之前咁容易。」我有點擔憂：「而且有個警察睇得我好實，行動極唔方便。」
「如果可以同時解決佢地就好喇。」妖女也是無奈。
怎料眼鏡娘倏地說：「好簡單啫，有個一石二鳥既方法。」
上一頁
第 6 頁
下一頁
此時電話忽然響起，截破了當前的悶局。