【懸疑】《珍珠奶茶殺人事件》
上一頁
第 12 頁
下一頁
奶茶哥基
2019-5-4 18:31:15
「Freeyon?」我問。
吳Sir聳聳肩:「架車係佢既,但係喺車行落嚟既人就包到實一實,唔肯定係咪佢本人。」
「咁即刻捉佢問話啦!」
「阿Sir做野唔駛你教!」他警告我一句,續說:「我地已經問左,不過佢話自己係比人偷車,唔認自己係相中人。」
「唉,不過佢比人陷害都唔奇。」我歎息,因為我也被陷害了。
「Paddy。」吳Sir忽然語重心長喊我一聲:「我可以比個翻身既機會你。」
「翻身機會?」我以為聽錯了。
吳Sir卻不像是開玩笑。
「同警方合作,一齊查出真兇,事成既話可以免你於罪。」
Ads
奶茶哥基
2019-5-4 18:31:27
我眼睛也幾乎掉出來了:「但係我唔明...你係兵,我係賊,點解你會信我?」
「經我跟蹤你一排後,我可以肯定你係無辜既,而且我知道你有心想搵出真兇,所以想比個機會你......放心,我地會廿四小時全天候派人跟住你,你唔可能逃走得到。」
看來他很想我加入他們。
只不過,我應不應該應承吳Sir呢?......始終我有份陷害超蓮的,但他好像懵然不知,若果之後被他發現......
不管了,反正我也想挖出那個神秘兇手。
「一言為定。」我伸出右手。
他伸手緊握住我手。
奶茶哥基
2019-5-4 18:31:39
——第十九章:誘餌(一)——
我獨自走出警局,慢步街上,太陽猛烈得令人窒息,地面幾乎要溶化了。
既然要與警方合作,我亦有義務向他們提供一些資訊,包括告訴了他們阿邪很大機會涉案。
「其實,我將會係兇手下個目標。」那時我跟吳Sir說。
我沒有太過詳細解釋原由,只是說出了分屍現場時奶茶拼成的文字,所指的人是我——因為一解釋下去,我和妖女、喪堅等人暗殺超蓮的事便會爆出來。
他與其他同僚商討過後,覺得可以把我放出去,叫我照樣過著平常生活,但暗中當成「誘餌」。
他們相信,兇手若果見警方放了我出來,一定會心急如焚,盤踞在我身邊準備隨時殺掉我。
奶茶哥基
2019-5-4 18:31:50
因此,現在我在街上瞧向隔壁的街道,總會有一兩個刑警緊盯著我。
「哈...」我苦笑一聲,感覺自己好像變了白老鼠。
踏踏踏踏......
走著走著,去到九龍灣淘大商場附近的行人道路時,我瞥了某間食店的反光鏡面,忽然感覺背後有人緊緊跟隨我。
誰?
我猛然轉身。
有三四個路人納悶的看一看我,但沒有可疑人物。
錯覺嗎?
奶茶哥基
2019-5-4 18:32:22
我繼續直行,回想剛剛的一剎感覺,頗能肯定有人跟隨著我,而那人絕不是警察。
為釋疑團,我轉進了某個無人的暗巷子裡,貼著牆上默默等待。
隔了不久,果然有腳步聲靠近,我觀察著外頭地面上愈來愈大的黑影,屏息不語。
是兇手嗎...?我緊張的嚥一嚥口水。
然後,那人轉進來的時候,我不假思索馬上捉住她,推她到牆角上。
「你做咩跟住我!」我大喝,但迅即愕然過來。
跟著我的人,是眼鏡娘。
「嘩,好鬼大力啊你,傻左咩?」她抱怨。
「我......」
「出左咩事?」兩個刑警隨即從不知何方轉了過來,問個究竟。
眼鏡娘看到刑警後疑惑的張開了口,我逐即放開她,跟兩個刑警說:「無事,朋友嚟,一場誤會。」
他們哦了一聲,打量了眼鏡娘一番,回身離開。
「咩事啊,點解會有兩個警察架?」眼鏡娘問:「仲有呢兩日點解唔見你既?」
「我...」我本想如實作答,但又暫住了口。
因為現在的我,幾乎不能信任任何人。
羅莾360
2019-5-5 10:03:44
好睇
在愛情中迷失的人
2019-5-5 11:41:46
加速
:^(
:^(
奶茶哥基
2019-5-5 12:12:10
謝謝
:^(
奶茶哥基
2019-5-5 12:12:25
今晚
:^(
there
2019-5-5 19:47:52
好好睇 快啲出
:^(
奶茶哥基
2019-5-5 20:42:28
:^(
Ads
奶茶哥基
2019-5-5 20:43:19
「我無啊...咁啱大病左兩日,所以無出現囉。至於果兩個警察,白撞既,唔駛理。」
「唉啊你病還病,講聲都好吖!」眼鏡娘痛苦的掩掩眼:「我上次返去車房既時候,警方已經封鎖左果度,何雄心據聞放左出嚟,之後仲傳出左李加鼎個仔Freeyon係連環殺人兇手既消息啊!」
「哦......係咩......」
「哦?!」她抓住我的衣領,火冒三丈:「唔好講到唔關你事咁啊,我收到風,Freeyon為左證明自己清白,同佢老豆爆哂我地既名,講左我地就係殺超蓮既真兇啊!」
「唔係掛!」我終於意識到事態的不妙了:「咁搞法,李加鼎肯定會搵人做低我地喎。」
「無錯。」眼鏡娘手心抖顫:「加上何雄心放左出嚟,佢肯定會報復我地啦。即係話,而家神秘連環殺人狂、李氏家族、何氏家族都想我地死,我地插翼都難飛。」
我徐徐望著眼鏡娘,從她的反應去看,真的不似是做戲,而是由心地感到害怕。
「總而言之,我地兩個同一陣線架喇。」她堅定的說。
「咁當然啦。」我瞄了大街一眼。
奶茶哥基
2019-5-5 20:43:33
「咦?咁不如叫埋阿邪傾下啦,佢同我地一樣有份殺超蓮,啲人都唔會放過佢啦。」
我先是皺眉,但想了想後,逐答:「都好。」
反正我在妖女死後,一直有個疑問在腦裡,若果我們三人相聚一堂,這個疑問有機會能打開。
我致電了給阿邪,叫他現在出來陶大商場的咖啡店等。
他馬上答允,語調依舊像個瘋子。
找了咖啡店一個內側的位置,我與眼鏡娘分別點了一杯黑咖啡和橙汁,默默坐等。
過十五分鐘後,阿邪出現。
奶茶哥基
2019-5-5 20:45:51
「嘻嘻......好耐無見......想咬下你地...」
又在扮傻子。
「坐啦,無時間同你講廢話。」我說。
阿邪拉出木椅坐下。
「阿邪,你應該知道妖女件事啦?」眼鏡娘開腔。
「知......仲知道何雄心比人綁左添......不過聽講捉左兇手喎,好似係李加鼎個仔freeyon?嘻嘻......」
「兇手未必係佢。」我答道。
「吓?......咁......咁事實係......」
「事實係,你扮完傻未呀?」
「?!」他頓時噤口不語。
眼鏡娘聽到我這樣說,萬般驚訝地看著他。
她還不知道阿邪一直是戴著假面罩吧。
我凝視阿邪的臉,他看起來有點心虧。
既然如此,我不妨開門見山了......
「其實你係咪兇手?」
奶茶哥基
2019-5-5 20:46:11
——第二十章:誘餌(二)——
「痴線!亂講!無證無據!」
阿邪立即喊冤,說話變得流暢多了,之前果然是裝出來的。
「你而家講野又講得咁順暢喎!點解要扮傻?用意係咩?」
「你理得我。」他眼睛碌得滾大:「原來你地叫我出嚟既目的就係咁……家陣我有份比人追殺架,你咁都質疑我。」
「你唔解釋左先,叫我地點信你?」我瞧向眼鏡娘,她也點點頭。
阿邪面有難色,思緒半响,最後屈服說:「好喇好喇,我講喇......呢個係懲罰嚟架。」
「懲罰?」
奶茶哥基
2019-5-5 20:46:36
「我其實曾經係白慄山莊者既成員,但當時為左錢,接過李氏家族既任務,將某間珍珠奶茶鋪既員工抹殺......但之後白慄山莊者知道左,覺得我幫左仇家,係反骨仔,結果趕我走,仲要我永遠扮傻仔先原諒我......」
他說完後,無奈的嘆息。
「所以你就一直扮傻?」
「係......無辦法啦,因為我想加入翻佢地。」他直言:「亦因為咁,我先參與今次殺超蓮既行動。」
「哼。」我不為所動:「咁你點解釋另一樣野?」
「另一樣野?」
我舉出了重要的證供:「妖女被殺後,喺現場既何雄心話佢曾經聽到有人講「好想奶你」喎。係咪你習慣左扮傻,唔小心爆左句出嚟呀?」
「嘩!」眼鏡娘遽時指向阿邪:「得你先會講呢啲野,肯定係你!肯定係你!」
「冤枉!」他急忙大呼,此時,整間咖啡店的人幾乎已經望著我們。
there
2019-5-5 20:59:40
:^(
:^(
:^(
奶茶哥基
2019-5-5 21:10:32
:^(
:^(
there
2019-5-5 22:31:02
幾時再出文 想忍一忍過多幾日先黎睇
:^(
奶茶哥基
2019-5-5 22:40:27
我每日夜晚都會定時出一篇
:^(
路過HI
2019-5-5 23:15:00
加速
:^(
:^(
:^(
Ads
在愛情中迷失的人
2019-5-5 23:16:33
推推推
:^(
:^(
奶茶哥基
2019-5-5 23:50:49
:^(
轉圈轉圈哈姆共你
2019-5-6 09:22:58
反而覺得未必係阿邪,因為兇手喺控制到妖女嘅情況下,應該唔會講「好想奶你」,真係想奶都可以直接奶
:^(
但係警方冇話啲屍體上搵到依啲痕跡
而且兇手冇殺咗何雄心,或者係嗰堆同伴其中一個,諗住講依句「好想奶你」嚟嫁禍俾阿邪?不過男聲女聲何雄心又冇講清楚
:^(
奶茶哥基
2019-5-6 10:16:14
分析得好詳細
:^(
:^(
但你又唔可以排除佢刻意咁講,可能另有目的
上一頁
第 12 頁
下一頁
吳Sir聳聳肩:「架車係佢既,但係喺車行落嚟既人就包到實一實,唔肯定係咪佢本人。」
「咁即刻捉佢問話啦!」
「阿Sir做野唔駛你教!」他警告我一句,續說:「我地已經問左,不過佢話自己係比人偷車,唔認自己係相中人。」
「唉,不過佢比人陷害都唔奇。」我歎息,因為我也被陷害了。
「Paddy。」吳Sir忽然語重心長喊我一聲:「我可以比個翻身既機會你。」
「翻身機會?」我以為聽錯了。
吳Sir卻不像是開玩笑。
「同警方合作,一齊查出真兇,事成既話可以免你於罪。」