紅愁 2019-4-11 08:08:55
https://beyblade.takaratomy.co.jp/products
香港人製作既情報同部件網站

:^(

http://beyblade.vocarevoproject.com/parts/

有冇巴打有儲今代陀螺

:^(

對比起以前 今代特色係可以撞爆人個陀螺(Burst Finish)
唔再係防禦/持久屈機 因為俾人撞爆就直接輸

:^(

依家岩岩出到Burst世代既第四代陀螺：
Gen1 - 漫畫版

Gen2 - 第一季動畫版

Gen3 - 第二季動畫版(神系列)

Gen4 - 第三季動畫版(超Z系列)

Gen5 - 第四季動畫版(GT系列)

超Z系列陀螺Layer上加左鐵 更加重更加有爆發力 仲有繼承至神系列既超Z能力
亦加入高度既概念 改造既時候要考慮既野比之前更多 更好玩

:^(

例如今代新主角機Z勇士攻擊環上有盾有劍 而個底仲可以手動改變高度

:^(

去到最後幾隻有超Z覺醒系統，當發射力量達到覺醒水平
就會展開覺醒翼，令到鐵會被頂住無咁易被Burst(我地叫防爆)



GT系列陀螺加入部件互換既玩法，就好似Starter既皇牌神龍咁
一盒入面包三個Layer，包括攻擊型皇牌，防禦型岩守以及持久型格蘭
而且有其他GT陀螺既GT Chip及鐵可以互換，玩法再增加一個層次






仲有好多好型棍既陀螺同各種唔同既發射器





一般Q&A
Q:今代點分勝負？
A:今代分勝負主要有衝擊勝利(撞走)，持久勝利以及擊爆勝利
由於擊爆有兩分所以有機會一發逆轉

Q:發射器選擇？
A:有基本插拉力條B-112左右輕便$49以及B-119左右旋風發射器$65

仲有電子劍型發射器$199(伏品唔好買)

當然你都可以用只左轉及只右轉既旋風或輕便啦
只係左右轉較方便?
當然因人而異，你覺得邊個岩自己就用果個啦
買B-88旋風發射器時請留意後面右下角有個Code
I1318為新版，比較冇咁伏，藍色好似都係伏黎，買就買紅色啦！


新手建議買超Z勇士附送既長左右旋風或皇牌神龍既左右輕便

因為發射器勾已修正過，基本上正常使用冇咩問題

Q:Qr Code及計分器用處係？
A:每盒陀螺既Qr Code係拎黎係TOMY陀螺App儲分，儲夠3000可以抽一次Rare陀螺
不過機率係1%都無咁上下，計分器可以連接個App
主要作用係儲分/拉既次數/最大力量值以及日本打街機用
如非必要可以慳返唔好買

Q:邊到多款買？
A:一般黎計公價係有奇趣/千色/Logon/反斗城/一田/Sogo之類
其次就係深水步，灣仔太源街

:^(

屯天元唔太熟，只識榮興美奇？
不過大家唔好做心急L啊，有D鋪頭返新貨會貴幾十蚊
可能爭幾日百貨公司返到貨原價發售架啦！

Q:如果預算唔多可以點買法?
A:(如果無盤)建議先買盤Set，B136 GT對戰Set有特別色斬擊武神同皇牌神龍$349

再買隻B-88或B-119旋風發射器已夠玩
假如只買陀螺的話可選擇神代鎮魂巨神
Z代可買B121或B128改造Set都OK，然後再補幾盒RB補充下



Q:咩叫RB?
A:RB指Random Booster，一盒共有8款而入面有隨機1款
有特別顏色既攻擊環同唔同部件，新玩有預算既巴打可以抽幾盒補充下零件
以下為其中一款


Q:左右輕便發射器打空炮點搞？
A:可參考小弟既教學
https://www.youtube.com/watch?v=ei3RDzaROF0

有玩開/想玩既一齊討論下

:^(

紅愁 2019-4-11 08:10:11 超Z系列(個人認為)既Ranking表作參考
2018年8月26日暫時評價
我只講面同底，鐵就唔講啦(大部分人用返神代鐵)

B-104 不敗武神 B 售價$109內
不敗武神係屬攻擊型，Z代將攻擊環標誌性既三翼添加左金屬
重量由天帝約9.幾g>進化至19.5g左右，係神代既兩倍
亦都係Z代系列既System(含金屬)，雖然攻擊力好高
但因為重量分佈唔太對稱，即使裝左LevelChip都會唔平衡
Z System除左金屬之外都有高低差既玩法，Vl底屬於高身底盤
Vl就可以H底咁識自由回轉，因為大平底既關係就會貼盤邊狂走
甚至會走得太快插盤邊時再插中間擊爆對手
但因為唔對稱既原因佢持久力都好低，所以只限全攻型使用
(感覺上有小小高手控)
＊RB10既綠黑色武神係大約重多0.8g左右，即係突破20g

B-105 阿基里斯(Z勇士) B 售價$109內
阿基里斯係今代主角屬平衡型，外型設計為兩邊金屬劍同金屬盾
第一次以平衡型做主角，而且底盤係可以調教高度(有小小似鋼魂巨蟹)
高度係屬於正常同高身之間，底盤就似初代F底/小小白虎既感覺
中間凸起一點，會企到中間之餘亦都可以受攻擊而暴走
配上LevelChip轉起上黎都算唔錯，三尖八角既外型令佢似攻擊多過似平衡型
不過小弟都幾鍾意用，因為拎黎硬攻幾好玩

B-106 帝王鮫鯊 B- 售價$70內
鮫鯊係防禦型陀螺，外型設計係類似波浪型且含金屬去化解對手攻擊
雖然外觀上係完全對稱，但轉起上黎係『發』得好緊要
即使裝左Chip都係咁，本身配上最重既0鐵，所以重量方面都唔差
常見改裝都係配上O底或者At底，大賽同活動都有唔少朋友會用
可惜小弟對佢無愛，大家有興趣可以開發下

B-110 血腥聖槍 B+ 售價$109內
聖槍係屬攻擊型，黎到第三代終於由迷失兩條鐵龍
惡夢四條鐵龍，進化到血腥有五條鐵龍！*中間金色係膠黎唔係金色鐵
鐵既分佈都係靠外邊，而且今次攻擊環起左四隻角
(個人認為係攻略鎮巨Br既好幫手)
底盤係屬於底重心既Sp底橡膠版(有小小似銀河天馬R2F底)
移動速度比以前快左，當然斜Shoot斬中間既持久型易Burst對手啦
但收到玩家意見話Z槍好似冇以前咁勁，但我用落其實未至於咁差
當然都有唔少聖槍Fans啦，個人認為都值得入手既！

B-111 衝擊末日(RB 10) B 售價$69
末日係屬於持久型，今次係由細佬亂次郎使用
概念同神代相約，改為金屬持久翼(高速時展開，低速時收返埋)
可惜就係個Lock同神代差天共地，冇左神代開始末日有廚既感覺
配上新R Frame，三邊高三邊低既設計用落都唔差
底盤就係神代三叉既Wd底
RB10入面亦都有值得抽既野，就係藍色鎮魂巨神
其次就係紅色聖劍，因為有黑B Frame同常用既At底
再之後就有重小小既黑綠武神同湖水綠既阿基里斯
大家有興趣不妨抽下

B-113 地獄蠑螈 A+ 售價$70內
地獄蠑螈係屬於左回轉既平衡型，攻擊環有轉Mode既設計
有聚集一齊既五刃攻擊Mode，或者係十刃既防禦Mode
左轉之餘仲要攻擊環都有成21g！
而且鐵既分佈係外圍，轉起上黎都幾直
配上Op底，一個不可動球體既防禦Mode，或者底盤偏差既攻擊Mode
(有小小似鋼魂烈風山羊)但實用底卻唔太大
建議都係O/At底半守半攻幾好打
遇上左轉鎮巨Br的話都可以削死佢
情況就好似混沌打神鷹一樣(玩開既朋友會明白)

B-115 天弓力士 B+ 售價$70內
天弓力士係屬於右回轉既持久型，攻擊環會係高轉時因離心力而令兩把弓撐開
低速時會收返埋增加防禦力(似獅王神能力)，外觀比較對稱轉起上黎都幾直
配上Et底，外觀上似始源末日既R底盤，不過今次個兜就用上低摩擦素材
加上係低重心，持久力都唔錯
如果要玩既話可以好簡單配上0.Et已經幾好打

B-117 重生鳳凰 A+ 售價$119內
重生鳳凰係屬於右回轉既防禦型，攻擊環因為有兩層所以會要擊爆兩次！
即使第一段外框被擊爆，(飛行道具)繼續留係盤內到對戰完結，如果執起就係犯規
因為本身有兩層已經有一定既重量，所以除左衫之後攻擊環極圓
難以擊爆！而且配上10鐵，重量同0鐵有得匹敵，所以都係受歡迎既鐵之一
Fr底係接觸點(非自由回轉)低摩擦球型加外側係橡膠組成
官方解說大概係中間時因低摩比較襟轉，受到攻擊後用橡膠邊加速反擊(好似係)
常見組合都係配上O/At/Et底等等

B-118 猛噬獵豹 (RB 11) B 售價$69
猛噬獵豹係屬於右回轉既攻擊型，攻擊環會係對戰中升高(有小小似爆裂護靈機關)
可以咬住對手攻擊環作出強力既一擊！(講係咁講)個Lock都係三格高既
配上新外框L Frame，重量暫時比B環仲要高
特性係可以上下都裝到(重心一邊較高一邊較低)，不過低重心好易因暴走時磨地炒車
配上淺藍色Ds底盤，都係常用既部件之一
RB11仲有好多吸引既副產品
例如黑惡夢藍血腥紫三叉之外，仲有隻紅色版獵豹，雖然配置唔一樣
但個攻擊環都可以當次獎之一啦
最伏既副產品有:
黃巴哈(得個黃L Frame有用)
白武神(得個面有小小用)
綠鮫鯊(最撚伏，接近冇部件岩用)
都係果句，如果大家新玩又冇咩部件不妨抽下，始終都係特別色黎

B-120 破壞聖劍 A- 售價$109內
破壞聖劍係屬於右回轉既攻擊型，攻擊環有鎖實既普通型態以及解鎖既Buster型態
Buster型態係把大劍會伸出小小增強攻擊力！
可能好奇怪點解聖劍有A？因為今次隻聖劍轉起上黎係對稱唔會太『發』！
真係好感動，以往聖劍係以不對稱做噱頭
今次竟然轉得咁順暢，真係喜出望外！
配上1'(Dash)鐵，係1鐵既強化版之餘仲增重左小小
即使1'鐵唔對稱都唔會令聖劍轉得『發』，所以係3on3選擇部件時又唔洗頭痕啦
新底盤Sw，係Ir既強化版而且係屬於高重心
底盤兩側亦配上金屬小型劍！底盤重量又再提升
鍾意攻擊型既朋友真係好錯過

B-121 超Z三陀螺改造Set 絕對值得入手 售價$199
點解咁講呢？首先配上初代玩家一定識既飛狼銀白！
而且有超Z魔犬，岩岩先係日本扭蛋機出無耐就普通商品化啦！
仲有隻橙色阿基利斯(今次有閃貼架！)
而且阿基利斯內含D Frame，其實係配比破壞聖劍專用！
底盤又包含常用既紅Ds，綠At，仲有小朋友好鍾意用既Br
以前Br得神改Set先有而且賣299，今次199已經可以入手啦~
所以岩岩新玩既朋友可以買左呢套先啊！

B-122 亡靈魔龍 A+? 售價$109內
亡靈魔龍係屬於左回轉既持久型，能力同上代一樣有橡膠係攻擊環
作用係遇上右回轉對手可以低速Shoot而吸收對手既力量轉化為自己轉速
橡膠翼會因高速時要保存回轉力而收起，低速時會展開吸收對手
底盤Ab底有設計同Nt一樣有彈弓，接地時因壓力而收起
甚至會變成平腳，貼盤邊暴走，而且尖腳範圍有隻碟
同R/Et底相約，逆回轉時最後有機會跣贏對手
但對住同轉向時有機會因為Lock唔夠硬而比較難打
整體都係值得入手

B-123 右回轉長繩發射器Set 售價$149內
內附長繩版右回轉發射器，手柄及柄把，而且有阿基里斯Xt底強化部件
Xt+ 可以有三個Mode切換(攻擊防禦持久)
有愛既朋友可以買黎一試

B-124 左回轉長繩發射器Set 售價$149內
內附長繩版左回轉發射器，行山扣及重量穩定器，而且有亡靈魔龍外框強化部件
P Frame，作用係令陀螺臨跌地時因比較圓而比攻擊環先接觸陀螺盤
跣多小小，基本上買左魔龍朋友都會買埋呢套Set

B-125 死亡冥帝 (RB 12) A- 售價$69
死亡冥帝屬於右回轉平衡型，攻擊環係官方自稱最重
而且配有新T Frame，可以向左/向右裝都可以，Z'底有金彈弓唔容易被Busrt
RB12入面仲有其他有用部件，例如蠑螈面/天弓面/獅王入面既Ds'底
都係熱門部件之一，都算值得抽呀

B-127 超Z武神 B+ 售價$109內
超Z武神屬於右回轉攻擊型，其標誌性既三翼代表武神之外
今次仲有覺醒系統，就係當陀螺手既發射力度去到一定程度時
會展開紅色超Z翼，頂住Lock而給予對手強力一擊又唔會輕易被Burst！
Z鐵係鐵同Frame一體化，有V Frame既外觀之外仲有橡膠
可以削弱對手回轉力，增加你Busrt對手既機會(官方話)
Ev底係會隨住你玩既次數磨蝕而進化覺醒，增加移動力！

B-128 超Z改造Set S 售價$349內
超Z改造Set內有超Z巨神！聖盾，末日及聖槍
而且仲有0鐵及Omega鐵極實用部件！
底盤又有Vl'，真係超抵入
超Z巨神依舊可以切換左右回轉之外仲有覺醒系統！
可以大膽講句係現役Z代最強攻擊環當之無愧！

B-129 超Z勇士 A- 售價$139內
超Z勇士屬於右回轉平衡型，同初代一樣有劍盾既外型
而且搭戴覺醒系統，發動時藍色劍盾位會展開防爆系統
付予對手強力一擊之餘自己亦防Burst！
00鐵亦都係暫時咁多鐵入面最重果粒，但因個體差會有小小重量分別
一般有24-25g已經可以接受！
Dm底係可以調教高度，適用於唔同既對戰方式,有高有低亦有攻擊同平衡轉換
附有長繩版左右旋風發射器，發射勾已修正可放心使用

B-130 飛空騎士(RB 13) B 售價$69
飛空騎士屬於右回轉持久型，係超Z世代直徑最大既攻擊環
三翼扇葉既設計可以減底空氣阻力(好似係)令持久力上昇
E Frame係呢代RB先有既，設計同騎士攻擊環相約
直徑大之餘又係減底空氣阻力
Et底外觀上似始源末日既R底盤，不過今次個兜就用上低摩擦素材
加上係低重心，持久力都唔錯

紅愁 2019-4-11 08:10:26 B131 死亡鳳凰 A+ 售價$74
死亡鳳凰屬於右回轉防禦型，係超Z系列最後一隻
設計同重生鳳凰相同，受到攻擊時有機會外框脫落攻擊對手
有機會"Kick"死對手，但最主要就係似DLC咁將死鳳外框裝上重生鳳凰度
成為完美鳳凰(最重Layer約27g)絕對係主流機之一
0 At唔介紹啦，出左太多次

B-132 銀牙白虎(RB 14) 售價$69
大家無睇錯，RB14既大獎係銀牙白虎0.Xt，絕對係90後既回憶之一
不過睇得唔打得，都係收藏啦~~
Z代最後一代RB，對下開放好多特別版顏色陀螺
例如要買野換既紅蓮血腥聖槍及金色不敗武神
打活動先有既邪神傳說巨神及紅蓮Z勇士
仲有當年要1/72買Starter機率先會中既黑色版鎮魂巨神
最後係電盤特別色既Z代日月神

GT系列
B-133 皇牌神龍 B+ 售價$179
皇牌神龍屬右回轉陀螺，本體含有攻擊型皇牌，防禦型岩守及持久型格蘭
三個攻擊環比你互換，以及有斬鐵
St鐵係含有彈弓既四枚刃，反擊時比對手強力既攻擊
Ch底係一個平腳既底盤，但含有金屬！淨係底盤已有14g
所以係高轉時可以發揮重量優勢擊飛對手
最後係修正版既左右輕便以及當年青龍外觀既拉力條(詳情睇上面)

B-134 斬擊武神 B+ 售價$89
斬擊武神屬右回轉攻擊型，繼續係標誌性三隻上段刃
可以強力咁擊飛對手，不過個Layer得兩格Lock
為Pw底而出現既攻擊環，以及有烈鐵
Bl鐵含有三隻翼，高回轉時會伸出黎，增強攻擊力
Pw底有平腳之餘有小小鋸齒，能夠咬盤邊暴走
當力度達一定水平時底盤會縮入去頂住彈弓令到Lock變緊(小小似防爆)

B-135 戰神阿修羅 B- 售價$89
戰神阿修羅屬右回轉防禦型，攻擊環上版六把劍組型既12隻連打刃
抵消對手既攻擊，不過Layer比較鬆..
Hr鐵係同神代既翼龍相似，會一部份膠係自由回轉令到可以卸走對手攻擊
Kp底係球狀既自由回轉橡膠軸，無咁容易跌低之餘亦因磨擦力咬住對戰盤
唔容易被打走

只作參考，畢竟大家對每隻陀螺改裝同玩法都唔同

當然大家都可以睇我Youtube Channle SIUBIN88

:^(

https://www.youtube.com/user/siubin88
雖然好唔專業但都希望比到資訊大家
Thanks

:^(

間唔中都有聚會約戰

:^(

片段回顧:
https://www.youtube.com/watch?v=sS0lhq2_kyE
https://www.youtube.com/watch?v=SUhS8LJ8up4
https://www.youtube.com/watch?v=_rserDEhgng
https://www.youtube.com/watch?v=x9x2B-yvqX0
https://www.youtube.com/watch?v=CGo8FQnIysM
https://www.youtube.com/watch?v=09epvnVCkIs
https://www.youtube.com/watch?v=rHAIZZQIudM

費利迪拉賀亞 2019-4-11 10:39:09 留名

:^(

有毒光碟 2019-4-11 16:20:53 唔係應該18咩

:^(

紅愁 2019-4-11 18:30:17 屌唔記得改

:^(

葦名天殘腳 2019-4-11 23:05:00 留名

仮面ライダーW 2019-4-11 23:15:19 橡膠龍冇回轉

:^(

天旋地轉 2019-4-11 23:28:00 點解無新一屆時間，係咪停賽一場

:^(

紅愁 2019-4-12 07:11:37 係

:^(

因爲我過左日本打機
順延一星期

:^(

天旋地轉 2019-4-12 09:00:55 玩得開心d

:^(

有毒光碟 2019-4-12 10:33:43

:^(

好羨慕
btw日本散買陀螺部件係咪平d架?

:^(

紅愁 2019-4-12 10:34:45 一啲啲，有啲地方平小小

夏榮隻公仔 2019-4-12 11:50:20 新人lm

:^(

仮面ライダーW 2019-4-12 12:34:39 唔弗利既魔龍

:^(

有毒光碟 2019-4-12 13:23:52
今次RB算唔算值得一set咁買?

:^(

尤其我抽極都抽唔中哈仔

天旋地轉 2019-4-12 13:40:57 值得

費利迪拉賀亞 2019-4-12 14:03:10 對我黎講可能得簽王有王。但如果你新入坑，咩配件都無咪買一套囉。

:^(

天旋地轉 2019-4-12 14:24:10 隻黑貓幾型

有毒光碟 2019-4-12 14:29:07 隻聖劍都好靚 但好似貴左

:^(

有功夫無懦夫 2019-4-12 19:54:55 天馬

:^(

周董 2019-4-16 21:02:15 樓主有冇telegram 交流下?

利申：新手想入坑

赤刃勇格 2019-4-16 21:12:30 有咩想問係到問都得

:^(

成班巴輪流解答你

:^(

周董 2019-4-16 21:14:18 香港邊度舖貨最齊？
Taobao 係咪任何野都唔掂？
有冇新手片？

赤刃勇格 2019-4-17 12:40:41 買普通款都係去奇趣居多 或者反斗城
限定款就可以去現時點睇
基本上香港burst近代好多野都齊 所以冇乜必要上tb買

:^(

新手片好似冇巴打有拍 不過入坑建議買左b129(超Z阿基里斯,包左右發射器)同b131+b117(死亡鳯凰+重生鳯凰,可以合做一隻)先
如果想買多幾隻玩嘅 可以買埋b128 入面有超Z巨神 暫時係廚機之一
最後送條片比你 到時候開唔到覺醒可以做參考

:^(

:^(