是咁的,照顧過我嘅護士死咗 完
上一頁
第 8 頁
下一頁
雪中琳琅
2019-4-13 12:57:21
係時候表白喇
:^(
Ads
海上的瑩
2019-4-13 13:18:39
就黎攻略到林林等於林林就黎死
:^(
做金庸的男人
2019-4-13 13:22:34
參加白色運動嘅醫護人員會根據每一更嘅完結時間過嚟參與靜坐,所以示威人士好多都輪更咁嚟政總。
平均坐幾個鐘頭,佢地就會返去休息,第二日返完工再嚟。
「咁我地走先喇。」我同林林一齊離開,向黃醫師交代一聲。
「好,多謝你地嚟聲援呀。柳護士,你記得注意自己身體,唔好去得咁盡。」
「我知架喇。拜拜。」
我同林林一齊坐十一點幾嘅地鐵返去。
見列車駛入月台,我鼓起勇氣問佢:「不如⋯⋯我我我我我我我送埋你返去吖?」
林林點點頭:「好呀。」
好野!得咗!成功喇!
我同林林一齊上車,並排坐。
睇嚟我啲勇氣有啲用,食住個勢上⋯⋯可能表表表表表表表白都會成功都唔定。
林林望住我,好似有啲唔好意思咁問:「我⋯⋯可唔可以借你膊頭瞓?」
「得得得得得!」
林林由我左邊起身,坐去我右邊:「咁就算你一陣托住我額頭,都唔會整傷隻右手喇。」
「你⋯⋯好體貼⋯⋯」
「梗係啦,我都唔想你隻手又有咩事架嘛。」講完,佢就伏咗喺我右邊膊頭。
「你連兩個膊頭都被我破埋喇。」林林好似惡作劇成功嘅小朋友咁笑一笑,合埋雙眼。
藍寶衝衝衝
2019-4-13 13:23:51
柳護士好邪惡
:^(
:^(
:^(
雪中琳琅
2019-4-13 13:35:42
好sweet
:^(
做金庸的男人
2019-4-13 13:49:37
我嘅心跳因為林林嘅表情行為同說話瘋狂加速,依家咁睇起嚟佢唔通真係對我有意思?
咁我真係表白的話,可能真係會唔使再同五姑娘共渡餘生喎。
會唔會呢?有無可能呢?唔知點解我好似覺得今次表白有機會成功。
或者我又係毒撚自作多情,但我⋯⋯我真係好想知個答案。
「林⋯⋯」
我本身真係有衝動即刻表白,但見林林已經挨住我膊頭瞓著咗,我唔忍心叫醒佢。
於是嗰陣衝動就慢慢淡出咗。
我喺對面嘅玻璃窗上見到我同林林嘅鏡像。
窗上面,林林伏喺我膊頭瞓著咗。倒影之中,我地兩個就好似情侶一樣。
我雖然心甜,但亦夾雜咗心痛。
因為林林嘅倒影,膚色之慘白,如同一個就死嘅病人。
雪中琳琅
2019-4-13 14:04:10
molamola
:^(
感性老母(有鳩)
2019-4-13 14:06:47
至少都要幫金仔破埋處先好死呀林林
:^(
Prince_Torres
2019-4-13 14:12:52
洗咩表白
:^(
一野拖/攬落去啦痴線
:^(
:^(
:^(
做金庸的男人
2019-4-13 14:35:58
佢聽朝返早更,七點,但聽講今晚會溫書溫到兩三點先瞓。
如果可以,我都想為佢分擔一半工作量。不過我知道就算係分擔一成我都會頂唔順,好難想像佢一路以嚟係點捱過每一日。
就到站前,林林嘅手機響起,嘈醒咗佢。
「喂⋯⋯嗯⋯⋯拎咗喇,你得閒就嚟攞返啦⋯⋯嗯⋯⋯拜拜。」
林林掛斷手機,又繼續瞓。
「就到喇。」
「唔⋯⋯畀我瞓多陣⋯⋯」林林好似懶床嘅小學生咁,仲攬住我右手,面珠登喺我膊頭磨咗兩下,好似貓咁。
「下一站石硤尾,左邊嘅車門將會打開。」
林林聽到「石硤尾」三隻字,即刻擘大眼,頭先個眼瞓樣好似從來無存在過咁。
「哇,你真係話醒就醒。」
「無辦法,慣咗。行啦我地。」
列車埋站,我同林林一齊落車。
程琛心雨朦朧
2019-4-13 14:40:29
Live咗
Support!!
Ads
做金庸的男人
2019-4-13 15:22:22
我地向林林屋企漫步,佢兩手放喺身後,膊頭不時掂到我膊頭。
「啱啱個電話係⋯⋯呃⋯⋯邊個打嚟?」
「大家姐之嘛,我幫佢拎咗個包裹,叫佢遲啲嚟攞返。」
「喔。」我點點頭,好彩唔係男性朋友,唔係我估我應該唔夠人爭。
「係喎,幾時送份禮物畀我先?」估唔到林林主動開話題。
「啊!有架,我搞掂哂,估唔到今日會咁樣見到你吖嘛,咪無帶出嚟囉。」
林林反一反白眼:「應該日日都帶住,隨時準備送畀我吖嘛。」
「哈哈,咁吖,我聽日去醫院搵你,送畀你好無?」
「係咪架?」
「勾手指尾?」
我伸出左手尾指,林林亦舉起尾指,同我嘅指頭輕輕掂埋一齊:「你話架。」
感性老母(有鳩)
2019-4-13 15:27:17
Flag
:^(
感性老母(有鳩)
2019-4-13 15:39:35
大家姐個包裹就係嗰啲冰壼針筒,然後林林就比人老屈
:^(
:^(
:^(
雪中琳琅
2019-4-13 15:49:19
迴光返照
:^(
做金庸的男人
2019-4-13 16:20:06
雖然啱啱表白嘅衝動已經被理性壓制咗,但我已經決定咗聽日送幅畫畀林林嗰陣要表埋白。
成功又好失敗又好,無論咩結果我都會接受。
時間大約係十一點九,已經就到林林屋企。
我好想喺表白之前同佢講我知道佢係咩人。
等佢明白,就算佢係大陸落嚟,我都鍾意佢。
「林林呀。」
「嗯?」
「其實⋯⋯我知道你係大陸落嚟。」
佢微微耷低頭:「你點知架?」
「係十八子⋯⋯李姑娘佢問過關於你嘅事。因為我地由細玩到大,佢無見過我同女仔可以有正常嘅互動同溝通⋯⋯所以就好奇想打聽下你係咩人。」
我梗係唔會將十八子嘅說話,即係「驚你呃我」直接講啦,當我傻的嗎。
林林淡然一笑:「無錯。我係呀。」
佢望一望手機,之後話:「仲未夠鐘,你⋯⋯聽唔聽下我講故仔?」
我點頭:「聽。」
感性老母(有鳩)
2019-4-13 16:52:05
究竟係金仔係講故佬定林林先係講故佬
:^(
海上的瑩
2019-4-13 17:05:03
林林準備死啦
:^(
雪中琳琅
2019-4-13 17:12:24
:^(
做金庸的男人
2019-4-13 17:35:38
我送到林林去屋企門口,佢無入屋,只係挨喺走廊嘅欄杆上,望住個天。
「今日都係無星星。」佢有啲失望。
我學佢咁挨喺欄杆上,睇住林林憔悴嘅側面。
「⋯⋯其實,我就正正係依家香港人最憎嗰班單程證。」
林林以前住喺大陸,聽講係福建人。
大概六七歲嘅時候,佢父母喺返工嘅時候出咗意外,不過當時仲未斷氣,係送咗入醫院之後先出事。
大陸醫院同香港唔同,係收咗錢先會做手術,如果病人畀唔起錢,或者無人幫佢畀錢,醫生係唔會救人。
所以雖然喺香港有個小智慧係手機聯絡人唔會入家人嘅名,以免騙徒執到電話會打畀屋企人話你個仔入咗醫院嚟呃錢,但大陸人係一定要入哂可以聯絡嘅親戚朋友電話。
目的係有咩事入醫院,都可以即刻打比相關人士嚟醫院畀錢做手術。
林林嘅爸爸本身係香港人,而媽媽亦係外省人,大家嚟福建做野,無依無靠。
唯一可以通知嘅家人,只有林林一個。
林林屋企本身就無乜錢,加上佢只係個小朋友,就算有可以動用嘅資金,佢都無可能知道拎錢嘅手續。
「無論我點求班醫生都無用,未畀錢就無得做手術。我係睇住佢兩個慢慢失血到斷氣。」
林林嘅面上重現當日喺差館見到大籮嘅神情,雙手緊握成拳頭。
「所以一開始,我係好撚憎醫生同護士,真係好撚憎。」
轉圈轉圈哈姆共你
2019-4-13 17:36:51
:^(
:^(
:^(
Ads
立志做仆街
2019-4-13 17:37:16
我是來正皮的
有人有心沒有人
2019-4-13 17:38:20
又見到你
:^(
轉圈轉圈哈姆共你
2019-4-13 17:41:34
推哂所有追緊嘅故係每日必做嘅嘢
:^(
雪中琳琅
2019-4-13 18:04:58
睇到呢個位心情好矛盾
:^(
上一頁
第 8 頁
下一頁