是咁的,照顧過我嘅護士死咗 完
上一頁
第 6 頁
下一頁
做金庸的男人
2019-4-11 16:22:13
去到政總外嘅草地,見到有差唔多成千人,聽講除咗醫護人員亦有一啲家人受醫療系列爆煲影響嘅普通巿民。
有一個小攤位派發水同乾糧,仲有白色長袍同白色口罩。
靜坐活動其實已經開始咗差唔多一個月,有啲人仲會帶埋德仔或者以往自殺嘅醫生護士遺照一齊出席。
每個人都身著白袍捉上口罩靜坐,坊間稱之為「白色運動」。
一眾醫護人員同民眾都希望透過白色運動表達訴求,促使香港政府正視醫療負荷爆煲問題。
運動以德仔嘅自殺為導火線,不過一個月前參與嘅人比依家多。好多人見政府唔理你,都慢慢心淡散水。
不過留喺度依幾百人,全部都係有心堅持落去嘅義士。
有好多醫生護士同林林一樣,都係每一更完咗之後趕嚟坐,為公義發聲而犧牲自己嘅休息時間。
Ads
雪中琳琅
2019-4-11 16:42:37
然後黑警出黎清場
:^(
做金庸的男人
2019-4-11 17:27:24
白色運動嘅主要訴求係進行醫療改革,「醫護人員自殺一個都不能多」,主要係希望減輕前線人員嘅精神壓力。
亦希望解決超時工作有假無得補,賣假制度如同虛設嘅問題。
要求增加醫療開支,無論係用嚟喺私院搶返人手,添購醫療設備,起新醫院增加床位。「不要人工島,只要新醫院」。
停止發放單程證,或者大幅削減單程證數量,減少香港人口非自然增長數目,令醫療負擔唔會再無上限增加。
另外亦要求政府交出良好而長遠嘅醫護人手培育規劃,提升前線醫護人員數量,長遠咁解決醫護人手供不應求嘅情況。
「政府無義氣!護士捱義氣!病人就斷氣!」
我同林林一齊跟住大班示威者每隔十五分鐘就嗌一次。
一批警察喺政府範圍附近戒備,行嚟行去。
「你第一次嚟?」一個著白袍嘅示威者向我搭訕,男人啦當然。
harmonican1234
2019-4-11 17:32:31
live
雪中琳琅
2019-4-11 18:08:20
個場景好真實
:^(
好似睇到未來咁
:^(
:^(
:^(
做金庸的男人
2019-4-11 18:19:14
「啊⋯⋯係呀。」
個男人好似吳啟華,直頭妙手仁心嘅程至美咁,雖然戴咗口罩但都睇得出係個美男子。
佢個樣好易認,正正就係當日阿連急性酒精中毒入院嗰陣嘅負責醫生。
「呃⋯⋯你記唔記得我?」
「你係我以前嘅病人?」
「我朋友係。」
程至美尷尬咁笑笑:「唔好怪我呀,我每日接太多病人喇。」
「唔緊要唔緊要。」
程至美伸出手:「我叫黃𡈼匡。」
「我叫魏牘金。」
林林插嘴:「佢有脆骨症,握手唔好咁大力。」
黃醫生輕柔咁同我握手:「多謝你願意為我地一班前線醫護人員發聲呀。」
雪中琳琅
2019-4-11 18:22:15
黃醫生
:^(
:^(
:^(
做金庸的男人
2019-4-11 18:31:43
我有睇,係好啱用的
:^(
:^(
:^(
雪中琳琅
2019-4-11 21:14:07
黃醫生令我諗起台灣柯p
:^(
可惜既係就算黃醫生打算從政都無用
實比人dq埋
:^(
做金庸的男人
2019-4-11 22:13:40
當晚我當識朋友咁同黃醫生傾計。原來佢就係今次白色運動嘅發起人,份人好友善,講咗好多野我知。
比如佢會做醫生嘅初心同原點。
「救人。」
佢住屯門,細個試過一次肺炎咳到出血,所以送咗入醫院。
「當日,我見到天使。」
一個慈祥過佢自己媽媽嘅女醫生好有心機咁幫佢檢查。
「當年讀緊中學,之前一直渾渾噩噩唔知自己想做乜,直到我遇上嗰個女醫生。」
出院嗰日,年青嘅黃醫生向嗰位女醫生講:「我第日都要做醫生!好似你咁醫返好啲病人。」
對方微微一笑,拍拍佢嘅膊頭。
「加油呀,你實得架。」
黃醫生一直,一直記住女醫生心口前嘅名牌嗰三個字——謝婉雯。
再次見到依三個字,係喺二零零三年嘅報紙上面,第一位因為沙士而殉職嘅公立醫院醫生。
夢已化煙
2019-4-11 22:19:43
依家無論點靜坐,點示威
政府都懶理
就算點抗爭都冇可能得到結果
係咪要好似《十年》咁要有人自焚先可以令社會有回響、反思
我唔想香港變成咁既地方
:^(
:^(
Sorry for 1999
Ads
做金庸的男人
2019-4-11 23:00:49
Dead end
:^(
雪中琳琅
2019-4-11 23:10:55
謝醫生
:^(
做金庸的男人
2019-4-11 23:26:38
沙士爆發嗰年,黃醫生已經係醫科實習生,親眼見證過醫護界最艱難嘅歲月。
「當時係成個香港都頹哂,個個醫護人員嘅士氣都好差,但點都好過今日嘅情況。所以我先會企出嚟。」
為咗令我可以喺面對阿連嘅偉論嗰陣有得反駁,我就繼續問黃醫生:「係咩驅使你企出嚟?你知啦好多人話你地嫌辛苦架嘛。」
「入得行預咗辛苦架喇。企出嚟發聲係因為見到制度唔公平。啲阿公阿婆心臟病要通波仔都畀唔起錢,政府又畀唔起錢、或者唔肯畀錢醫。寧願拎六千億去起人工島,幾億起個噴水池。我地今日唔出聲,禍及嘅係之後幾世嘅老老少少。」
「你點睇走咗嗰班人呢?」
黃醫生重重咁嘆咗口氣:「作為醫護人員每日見咁多唔公義嘅事發生,係會越做越灰心,好氣餒,挫敗感好重。當你做到飯都無時間食,尿都唔得閒屙,然後見到上面啲人派魚蛋燒賣,拍片叫啲明星唱歌畀你聽,點會唔想走?」
「但你仲做緊醫生喎。」
大佬震波
2019-4-11 23:32:43
屌 睇撚到好灰
雪中琳琅
2019-4-11 23:43:19
:^(
好想口爆呀DLLM
2019-4-11 23:56:09
仲有幾耐完?想儲埋一次過睇
:^(
白紙半張
2019-4-11 23:58:07
Agger
:^(
黑椒牛丸河
2019-4-12 00:10:36
又差啲眼濕
:^(
BeautifulWorld
2019-4-12 00:28:16
lm
問妹何所肉
2019-4-12 02:11:17
返工忙到冇時間睇文
:^(
依家一次過追十幾日文
:^(
終於live到
:^(
Ads
大佬震波
2019-4-12 03:53:06
深夜推推佢
唔撚係吾囉
2019-4-12 04:40:37
唱歌打氣嗰班真係離地到呢...
轉圈轉圈哈姆共你
2019-4-12 09:07:14
有時睇到政府啲高官咁無腦咁唔為香港人諗真係灰到
:^(
仲要有時見到起碼有啲人出嚟爭取正確嘅嘢又俾人話政治show,先不論爭取嗰班人係咪政治目的,起碼人哋肯扮下嘢吖,點都好過瞓喺度好似豬咁等俾人「摚」(唔識寫)
貓西
2019-4-12 10:12:58
謝婉雯
一睇到依個名個心停咗一下
金仔你好野
:^(
:^(
:^(
上一頁
第 6 頁
下一頁
有一個小攤位派發水同乾糧,仲有白色長袍同白色口罩。
靜坐活動其實已經開始咗差唔多一個月,有啲人仲會帶埋德仔或者以往自殺嘅醫生護士遺照一齊出席。
每個人都身著白袍捉上口罩靜坐,坊間稱之為「白色運動」。
一眾醫護人員同民眾都希望透過白色運動表達訴求,促使香港政府正視醫療負荷爆煲問題。
運動以德仔嘅自殺為導火線,不過一個月前參與嘅人比依家多。好多人見政府唔理你,都慢慢心淡散水。
不過留喺度依幾百人,全部都係有心堅持落去嘅義士。
有好多醫生護士同林林一樣,都係每一更完咗之後趕嚟坐,為公義發聲而犧牲自己嘅休息時間。