是咁的,照顧過我嘅護士死咗 完
上一頁
第 33 頁
下一頁
雷奥·阿帕基
2019-4-28 17:04:44
十八子又向黃泉行近一步
:^(
Ads
周慕雲細佬
2019-4-28 17:06:37
是咁的,照顧過我嘅護士死晒
時任三郎
2019-4-28 18:32:41
此回覆已被刪除
Kimi.Raikkonen
2019-4-28 18:44:20
大雄係一個好男仔
忽然有啲同情佢
:^(
雪中琳琅
2019-4-28 18:48:19
無相干啦
:^(
反正十八子最後都係要死
:^(
邊個都得唔到
:^(
Kimi.Raikkonen
2019-4-28 18:51:31
:^(
:^(
:^(
:^(
我就唔信十八子唔會死
賭乜都得
雪中琳琅
2019-4-28 18:55:15
咁都唔死就真係神作
:^(
得返幾集 仲要已經預告會死多個人
:^(
一掌打殘你
2019-4-28 20:00:10
話撚咗咖啦,全黨死清光
:^(
金仔無撚人性
:^(
:^(
雷奥·阿帕基
2019-4-28 20:08:20
好sweet嘅happy end=主角死埋,落到黃泉起雙飛開後宮
:^(
有人有心沒有人
2019-4-28 21:35:00
是咁的,全港護士都死撚曬。
天滅笨士
2019-4-28 22:28:20
推
金仔準備好屠刀未
:^(
:^(
十八子
:^(
:^(
:^(
Ads
做金庸的男人
2019-4-28 23:13:05
嗰晚,我地向醫生交代有咩事聯絡唔到十八子屋企人的話,就同我地聯絡。
我同媽媽、阿連三個一齊返愛民邨,我懷住沈重嘅心情回程,一路上都無講過野。
我個腦打哂結,根本無辦法有系統咁梳理思緒。
就算十八子醒返之後,真係話佢鍾意嘅係我又點?我無辦法回應佢嘅感情,因為我好清楚自己真心鍾意嗰個係林林。
返到愛民邨,阿連同我地分手返自己屋企,而我同媽媽就相對無言咁行返自己個井。
入到屋,地上放咗大大嘅警告牌,枱上係媽媽整嘅三人份飯菜,三餸一湯、三碗飯、三對筷子。
枱上嘅飯餸都失去應有嘅溫度。
我同媽媽一齊收拾飯枱,之後佢先沖涼,而我就開著電視睇直播新聞。
白色運動已經進入遍地開花嘅階段,香港九龍嘅主要道路好似彌敦道、遮打道同金鐘道,一眼望過去全部一片白色。
場面嘅震撼性令我一時忘記咗自己嘅煩惱,反正就算點煩都無用,倒不如著眼於自己做到嘅事仲好。
時間搭正四月二十八日凌晨零點零分,我拎出顏料繼續為我嘅警告牌上色。
時任三郎
2019-4-28 23:42:13
此回覆已被刪除
做金庸的男人
2019-4-28 23:48:45
媽媽沖完涼出嚟,扶住腰坐咗喺我旁邊,抬頭望住電視,光影喺佢面上閃爍,映照佢落寞嘅神情。
「我成世人都係為咗你而努力,依家再叫我去理解一班為成個香港嘅人努力嘅人,真係好難。」
我順住「骨」字嘅筆畫塗色。
「但見到十八子搞成咁,見到醫院依家咩情況,我相信出面依班人,最根本嘅願望,都係想香港變得更加好。」
媽媽拎起我一枝上色筆,沾上顏料,筆尖按壓喺未有顏色嘅「症」字上面。
「我都想香港好。」
媽媽嘅手臂好似流水咁優雅,柔和舞動,睇到我眼都突埋。
隻色⋯⋯上得好靚⋯⋯
「望咩?琴棋書畫我樣樣都識,係為咗你,先轉咗去學洗碗煮飯做家務架咋。」
我頓時感到鼻頭好酸。
媽媽揑一揑我個鼻:「唔知自己遺傳咗我啲藝術細胞呀呢?」
我索一索鼻水:「⋯⋯真係唔知⋯⋯」
「快手啲油啦,我地聽日一齊參加白色運動。」
雪中琳琅
2019-4-28 23:51:01
老母突然參戰
:^(
有古惑
:^(
肥熊出沒注意
2019-4-28 23:52:16
金仔阿媽不要老
:^(
珠珍茶奶
2019-4-28 23:59:20
十八子都死埋就成個2019一直都負皮追擊佢
黑椒牛丸河
2019-4-29 00:13:14
支旗突然舉到好高
伯母 下世做你個仔嘅仔啦
:^(
:^(
:^(
:^(
:^(
:^(
雪中琳琅
2019-4-29 00:15:33
不過十八子股依然最高
:^(
做金庸的男人
2019-4-29 00:21:17
嗰晚,我同媽媽都做到好晏,差唔多凌晨三點幾先完成。
佢幫我塊警告牌上完色,仲喺牌嘅旁邊畫咗好多得意嘅自創公仔,隻隻都嬲爆爆咁話:「你小心我個仔呀!」
我將自己畫好嘅畫交畀媽媽,係三朵百合花。
「如果十八子醒返,拜託你幫我送依三朵百合花畀佢吖。」
由等一朵開始,我已經遲咗八年。
一朵賀佢中學畢業、一朵賀佢大學畢業,最後一朵賀佢大步𨈇過。
「仔呀。」
「唔?」
「如果⋯⋯如果十八子醒返,佢會唔會係我新抱呀?」
我微微低頭,緊閉雙唇。
「媽⋯⋯如果佢醒返,唔好話佢知,明眼人睇到乜野。」
媽媽明白我言下之意,但仍然盡力嘗試最後一次說服我:「但你鍾意嗰個女仔已經唔喺度⋯⋯總有一日你要向前行。」
我向媽媽一笑。
「我知,只係,唔係依家。」
或者有一日,未來嘅某一日,我會放低林林,愛上十八子都唔定。
但,唔係依家。
趕老婆出廳
2019-4-29 00:33:48
但結局會唔會係而家
Ads
雪中琳琅
2019-4-29 00:35:15
唔係依加
係天堂
:^(
做金庸的男人
2019-4-29 00:47:56
瞓醒之後,大概係下午兩點左右,媽媽為我準備咗午餐,食完我就出去。
今日嘅午餐,係餐蛋飯。我食返細個食過嘅味道,媽媽最拿手就係整餐蛋飯。
不過後來話午餐肉無益會致癌,食得多蛋又會膽固醇過高,所以愈嚟愈少煮,估唔到今日食得返。
食完飯梳洗好,就收到醫院嘅電話。媽媽聽完,面色凝重,我睇佢個樣已經知道佢收到咩消息。
「⋯⋯佢⋯⋯情況⋯⋯惡化咗⋯⋯」
我極力抑壓自己嘅情緒:「仲有希望⋯⋯只要佢捱得過惡化依幾個鐘⋯⋯肺炎病毒就會急速衰退⋯⋯仲有機會⋯⋯」
媽媽拎咗外套同袋,戴上安全眼鏡同口罩,準備出門。
臨行前,我將幅畫交畀媽媽。
「希望佢收得到⋯⋯」
「靠你喇。」
「仔,一陣萬事小心。」
「你去到醫院都係,唔好惹到菌。」
我地互相摟實,媽媽喺我額頭錫咗一啖,代表住祝福。
媽媽起程趕去醫院,而我就喺屋入面收拾細軟,電視新聞播住示威者同防暴警察對峙嘅畫面,又轉播班高官嘅發言,話唔會出動解放軍。
我將警告牌掛上心口,熄電視,離開屋企。
我去到阿連屋企個井,拍傳佢屋企門,連媽開門。
「唔好意思呀,阿連呢?」
「個衰仔話去示威吖嘛。琴晚返嚟沖完涼就話咩忍唔住,之後就出咗去喇。唉,好學唔學,學埋班搞屎棍。」又一個有待啟蒙嘅香港人,但聽到阿連走咗去示威,我覺得好欣慰。
或者我改變唔到其他唔出嚟發聲嘅香港人,但至少,我改變咗阿連。
而我知道,阿連之後一定可以改變連媽,又再多一個,多一個,再多一個,就會愈嚟愈多人,世界就會改變。
「知唔知佢去咗邊個地點?」
「無眼睇佢,無問呀。你又去呀?唔驚危險呀?你阿媽無叫你唔好去咩?」佢指一指我心口塊警告牌。
我向連媽有禮貌咁微笑:「無,佢支持我去。」
連媽聽到呆咗,或者佢依家仲未了解,但我相信,好快,佢就會明白。
我向連媽道別,就出發去參加白色運動。
感性老母(有鳩)
2019-4-29 00:51:12
已經預視到金仔會比人撞到散哂
:^(
Kimi.Raikkonen
2019-4-29 01:00:18
頂 笑左
:^(
:^(
我要落地獄了
上一頁
第 33 頁
下一頁