是咁的，照顧過我嘅護士死咗完

趕老婆出廳 2019-4-21 23:53:44 唔係講笑，返工都真係見唔少

做金庸的男人 2019-4-22 00:24:06 第二日，林林考完最後一科，如常去到醫院睇嫲嫲。

嗰日醫院依舊好多病人，但護士嘅人手就少咗，因為有一個姑娘請咗假。除此之外，喺病房內嘅走廊亦開多咗幾張床。

「我考哂試喇！」

嫲嫲已經痛到咩音節都發唔出，雙眼就算張開都只係得一條線。

但就算對眼只係得返一條線都好，仍然喺聽到孫女話考完試嘅同時微微彎成一道弧。

相隔幾張床嘅位置，一個病人因為情況惡化，護士圍咗埋去同佢做心肺復甦。

有護士放緊飯，仲有病房姐姐為病人逐一送餐。

醫生到場，檢查咗嗰個病人嘅情況之後，即刻話送佢入手術室。

在場嘅幾個姑娘即刻將病人抬起，一群人就衝咗出去病房外面。

病房內淨係留低咗一個派緊飯嘅姐姐，同另一個護士。

派飯姐姐叫護士幫佢頂一頂，因為太急屎就爆，於是護士就幫佢派一陣餐。

做金庸的男人 2019-4-22 00:27:34 才沒有

:^(

唔撚係吾囉 2019-4-22 00:31:49 好仁慈啊金仔

:^(

巴流葦名弦一郎 2019-4-22 00:39:56 因為少人手所以嫲嫲死左，所以林林yap尿片，確保唔會去廁所而救唔到人？

:^(

做金庸的男人 2019-4-22 01:05:05 病房又回歸寂靜，但好快就被一個聲大夾惡嘅病人搞到嘈冤巴閉。

「我唔要依個碗裝粥呀！我自己帶咗飯壺嚟，你幫我去裝落個壼度。」

「阿太太，依個碗同你個飯壼有咩唔同呀？我幫你去裝，依碗又唔要得，仲要行多轉落廚房架。我唔係淨係睇你一個病人，依家唔夠人咪咁多要求好無？」

做到燥哂底嘅姑娘都已經忍唔住話個女人，本身依對護士病人組合就係火星撞地球，不過今日正面交鋒，對病房嘅影響就比平日大好多。

「我唔理！你地醫院啲碗洗得唔乾淨架嘛，我要用我個飯壼裝！有咩細菌感染到我點算呀？」

「我要喺度睇住其他病人，唔得閒同你癲。等一陣姐姐嚟同你去換啦。」

「吖！人做姑娘你做姑娘，你家陣咩態度呀？」

「你咩態度對我，我咪咩態度對你囉。」

「醫生話我依家夠鐘食野，你快啲幫我裝過！」

「等姐姐嚟同你搞啦。」護士想行開繼續派飯，個女人就一手捉住佢。

「我依家要食野食藥呀！唔食藥我會死架，嗱我依家死喇，我死喇，唞唔到氣呀我，死喇我！」

最後姑娘都係投降，拎咗個飯壼急急腳出咗去，幫個女人裝粥。

病房罕見咁，呈現短暫嘅真空狀態。

大佬震波 2019-4-22 01:09:45 屌最憎見到啲人話自己病人就大撚晒咁
無腦㗎佢地

:^(

牙賢 2019-4-22 01:13:46 病人都咁中氣十足咁款

:^(

我好怕凍 2019-4-22 01:16:36 要死了

:^(

大之魔法師 2019-4-22 01:45:35 點解獲獲都設計到每一個死亡都係咁束手無策

做金庸的男人 2019-4-22 01:50:50 「咳咳咳！」緊接落嚟，係嫲嫲嘅咳嗽聲。

「嫲嫲！你點呀？做咩事？」

嫲嫲咳到成個人好似條被丟上岸嘅魚咁，血將氧氣罩染成紅色。

「點⋯⋯點會咁架？」林林完全慌哂手腳，幾秒後先有反應，即刻伸手去㩒鐘通知姑娘。

一下、兩下、三下、四下、五下、六七八九十十一十二十三十四⋯⋯

「快啲呀⋯⋯快啲搵人嚟！」

林林㩒咗好多下鐘都無反應，佢見嫲嫲用力咳咗一下，就無再咳，睇嚟係血水卡住咗喺喉嚨。

膚色慢慢因缺氧而泛紫。

林林即刻起身大叫：「救命呀！有無人呀！醫生！姑娘！」佢一路叫一路想衝出病房，但走廊嘅病床同病人令佢要左避右避無得直線跑出去。

「救命呀！有無姑娘呀！」

終於去到走廊，見到前面唔遠有護士，林林大聲求救。

護士轉身，一聽到就馬上跑入病房，喺加開嘅病床左穿右插，唔使三十秒就趕到全身發紫嘅嫲嫲身邊，即時同佢急救。

前前後後，其實只係唔到五分鐘時間。

只係唔到五分鐘，對一個患癌嘅虛弱老人家嚟講，窒息咁短時間已經足以致命。

護士對紫黑色嘅嫲嫲進行心肺復甦，無幾耐另一個啱啱做完手術嘅醫師亦趕到病房。

醫生同護士嘅神情，宣告咗林林唔想接受嘅壞消息。

嗰一刻嘅林林，腦入面重播返第一次見到嫲嫲嘅情景。

「乖呀下乖孫⋯無事架喇。」

我唔乖呀⋯⋯我有事呀⋯⋯咁你係咪就會再好似嗰日咁，摟實我？

薯仔三號 2019-4-22 02:05:58 嫲嫲

:^(

相聚離開都有時候 2019-4-22 02:13:51

:^(

芝士豬柳漢堡 2019-4-22 02:19:46

:^(

夢已化煙 2019-4-22 02:36:00 之前有番過醫院派飯既part time
好在我派嗰啲病房都冇煩膠家屬

harmonican1234 2019-4-22 04:01:16 嫲嫲呀

:^(

大佬震波 2019-4-22 04:43:24 越睇越心噏
係呀我哋係睇緊故
但其實個故就係base on現今醫院所面對嘅人手問題
睇故可以逃避下現實一陣
但所有嘢原來都喺身邊發生緊
真係好無力就算我哋點發聲都無用
講講下都有啲想喊

感性老母(有鳩) 2019-4-22 05:15:11 又係呢啲仆街病人屌你老母

:^(

幹細胞 2019-4-22 07:40:17 唉 ...

唔撚係吾囉 2019-4-22 10:24:16 優質港人
唉

井上そのこ 2019-4-22 12:37:53

:^(

程琛心雨朦朧 2019-4-22 14:32:02

:^(

雪中琳琅 2019-4-22 17:02:40

:^(

Prince_Torres 2019-4-22 17:04:18

:^(

盡在不言中 2019-4-22 21:44:58 此回覆已被刪除