假田氏 2017-2-6 19:19:36 想睇石田三成傳記
感謝

:^(

IU男友 2017-2-6 19:24:45 想快D睇我偶像，軍神刀八毘沙門天的傳記

:^(

:^(

:^(

盧洪哲 2017-2-6 20:03:29 其實秀吉同信長好似幾有愛

:^(

:^(

:^(

可唔可以講下

石田佐吉三成 2017-2-6 21:19:01 明朝、天竺、東南亞等地，建立以自己為中心的大國家，更細節一點就係攻打明朝，送天皇到北京，自己響寧波建造一個仿傚大坂城既國家中心。然而，有關「秀吉受信長影響」之類講法史料並冇太多記載，反而最早見於1585年就任關白後，首次響書信中提及征伐明朝既構思，隨後透過國內平定，攻打明朝既計劃亦逐漸浮上水面。

呢部份係「野心論」，而有一派講法係豐臣秀吉，以至整個戰國時代都係以武立國，大家為咫尺之地爭戰不休，豐臣秀吉為鞏固勢力，且解決土地問題，一於建立「外敵」籠絡人心，再將土地平分予各譜代、親近既大名，一可起牽制強勢外樣大名如德川家康，二可豎立軍威。呢個觀點筆者想起昔日蒙古既成吉思汗，成吉思汗同樣以武力屠殺、征服各大部落，由於部落間總為資源及彼此差異爭執，因此成吉思汗利用進攻金、西夏，以至西征花剌子模等團結蒙古人，與豐臣秀吉做法有異曲同工之妙，但當時豐臣秀吉是否低估明朝、朝鮮？就不得而知了。

動機說畢，就提及日本、朝鮮兩國軍備，日本當時以長槍、鐵砲為主，部隊亦有大炮、火矢等，由於日本境內多山林，因此日本軍隊擅於山林、步兵作戰，戰馬只係做「推進器」，而火器普及令日本可以發揮比弓箭更有效既牽制及消耗力，水軍方面以安宅船指揮、高機動既關船作戰為主，船上裝有多個火槍射擊口，但火炮並不普及；

朝鮮軍備方面，由於缺乏接觸西洋商人既機會，對火器認知相對落後，以長槍兵、弓兵為主，但韓國弓既射程比日本弓還要短20米，騎兵方面，由於與女真人作戰，因此具備馬上作戰能力，然而文獻不曾提及韓國人擅長騎射，所以牽制力略遜一籌。不過，朝鮮水軍卻有水準，以龜甲船聞名，亦以板屋船為主，主要以火矢作戰，部份船隻裝有大砲，射程較日本船遠





朝鮮軍士兵、戰船圖

動員力方面，綜觀萬曆朝鮮之役既數據，日本當時最大動員進攻人數約為19萬，而朝鮮正規軍亦可動員19萬人左右，上述動員不包括義勇軍、農民軍等非正規部隊。

好，兩邊背景簡介完畢，現在開始講戰爭過程。

1592年3月，等不到李氏朝鮮既答覆，豐臣秀吉下令動員全國兵力召集名護屋城，以西國、九州、四國兵力為主力進攻，約有14萬人；東日本大名部隊則留守名護屋城援護，約有10萬兵力。豐臣秀吉將進攻軍隊編排成九個軍團，由宇喜多秀家任進攻總大將，石田三成、增田長盛、大谷吉繼擔任奉行，負責糧草運輸及對朝鮮佔地既治理。豐臣秀吉九大軍團如下（第一位為軍團長）：

第一軍團：小西行長、宗義智、松浦鎮信、有馬晴信等（肥前、肥後、對馬國）
第二軍團：加藤清正、鍋島直茂（鍋島信生）、相良賴房（肥前、肥後國）
第三軍團：黑田長政、大友義統（豐前、豐後國）
第四軍團：毛利勝信、島津義弘、島津豐久、高橋元種、伊東祐兵、秋月種長（築前、薩摩、大隅、日向國）
第五軍團：福島正則、長宗我部元親、生駒親正、蜂須賀家政等（四國）
第六軍團：小早川隆景、立花宗茂、小早川秀包、毛利秀元、吉川廣家（築前、築後、西國）
第七軍團：宇喜多秀家、前野長康等（西國與奉行眾）
第八軍團：淺野幸長、中川秀政、南條元清等（西國小勢力）
第九軍團：豐臣秀勝、細川忠興、長谷川秀一、片桐且元等

另外水軍由九鬼嘉隆領軍，包括藤堂高虎、加藤嘉明、堀內氏善、脇坂安治等志摩、紀州、來島、淡路水軍



朝鮮各行政省分佈

石田佐吉三成 2017-2-6 21:25:49 豐臣軍以小西行長、宗義智既第一軍團擔任先鋒，4月12日率先出發，一日後登陸慶尚道重鎮 - 釜山，進攻釜山鎮、多大鎮兩地，豐臣軍以鐵砲、攻城塔大舉進攻城塞，以火器優勢壓倒朝鮮軍，守將鄭撥、尹興信戰死，而隸屬慶尚道既水軍棄船而逃，由朝鮮將領元均破壞百艘船隻，以免被奪後退到昆陽。兩日後，小西行長繼續進軍，攻打東萊城，東萊城係進攻首府漢城既重要道路，依山而建，有天主教背景既小西行長依舊出動僧侶招降，但對方有升級「忠誠信仰」，不易接受招降，守將宋象賢得知對方善使鐵砲，於是用板盾抵擋，然而豐臣軍以排山倒海既氣勢殺入城內，宋象賢死於混戰之中，兩萬朝鮮軍損失五千，主要將領俱戰死，豐臣軍清理釜山周邊既城塞後，暫作休息。

4月17日，加藤清正、黑田長政、毛利勝信等抵達釜山，加藤清正向梁山進軍，而黑田長政由海路前往安骨浦一帶，而小西行長向尚州、密陽一帶進攻，先輕取無人看管既梁山城，然後進入鵲院地區，收到朝鮮有三千人把守附近黃山一帶既要路，於是由山路迂迴前進，偷襲朝鮮軍背後，朝鮮軍敗逃到密陽後火燒倉庫，棄城而去，小西行長隔日輕取密陽城，繼續向尚州出發，由中路攻向漢城；加藤清正則由東路進攻，攻破彥陽城。

黑田長政方面，與朝鮮水軍交戰，後來於4月19日登陸金海城，用稻草填滿護城壕，輕鬆攻陷城池，屠殺數千人。而第五、第六軍團亦登陸釜山。4月20日，加藤清正、鍋島直茂攻陷慶州城，朝鮮史料記載共千五人被屠殺。

朝鮮收到各地接連戰敗既消息，立即召集昔日抗戰女真既名將 - 申砬率領慶尚道、忠清道、全羅道既陸軍出擊，申砬安排戰友李鎰協助，但由於中央準備延誤，李鎰只能先帶60人急行到尚州一帶。李鎰開倉召集難民，加上城兵共籌得六千兵力，並派出斥候偵察環境，但冇一個平安歸來。4月24日中午，遠方冒出濃煙，李鎰派出軍官調查，卻被鐵砲射倒，原來豐臣軍潛伏山林之中，朝鮮軍中伏後大亂，小西行長率領既第一軍團四面夾擊朝鮮軍，捕殺三百人以上，李鎰敗走，重鎮尚州城就此陷落。

申砬收到消息後，由於手下以騎兵為主，而前方以山林為主，不利進攻，因此撤退到漢城最後防線 - 忠州城，於附近既彈琴臺佈陣，打算利用中心平地，充分發揮騎兵實力。然而，見識過鐵砲威力既李鎰勸戒申砬，反被申砬以怠慢軍心貶為士卒。4月28日，豐臣第一軍團抵達彈琴臺，此地三面被地形包圍，西、北兩邊為河川，東邊係斷崖，申砬佈下背水之陣，準備以騎兵既機動性一舉殲敵，豐臣軍見到呢個陣型後，集體哄堂大笑：「不就是我地聞名既長篠之戰嗎？」

朝鮮軍正面突擊，以弓矢作戰，豐臣軍以鐵砲擊退第一波攻擊，朝鮮軍收拾部隊後再度突擊，然而宗義智、松浦鎮信從兩邊夾攻，朝鮮軍潰散，爭相逃到漢江，豐臣軍享受一場追殺盛宴，並分兵攻打忠州城，申砬眼見兵敗如山倒，自知無顏見朝鮮百姓，響漢江上自刎，朝鮮史料《宣祖修正實錄》記載忠州之戰，朝鮮軍全軍被漢江淹沒，亦有僅餘三人既記載。



彈琴台戰役

漢城方面，朝鮮王李昖剛剛才收到尚州敗陣既消息，計劃放棄漢城，柳成龍等大臣迫使李昖決定繼承人，於是立光海君為世子。4月28日小西行長派熟悉日語既俘虜 - 景德舜到漢城提出議和，朝鮮於是安排景德舜做代表講和，點知半路被捕殺，真兇不明。當晚朝鮮收到忠州慘敗既消息，李昖於4月29日立即逃到平壤，陷入無政府狀態既漢城百姓遷怒於王室，集體衝入王宮，先搶掠景福宮，再焚燒昌德宮、弘文館、春秋館等主要建築，大量古書卷籍慘被燒燬。而朝鮮王室抵達平壤後，以引日寇入侵為理由，先驅逐重臣李山海，再彈劾柳成龍。

5月2日，小西行長、加藤清正抵達漢城，令豐臣軍意外既係漢城百姓「喜迎日軍入城」(《宣祖實錄》記載)，而《佛洛伊斯日本史》更描述漢城百姓親善地向豐臣軍派發食物，由釜山登陸至今只用左21日就攻破首都，豐臣軍下令駐紮在漢城郊外，隨後毛利勝信既第四軍團抵達，豐臣軍根據奉行指示，在釜山至漢城路上修築多個狼煙台，以便通報信號，宇喜多秀家及奉行眾亦開始著手朝鮮南部既治理，以及增築漢城。



豐臣軍僅用21日攻破漢城

同一時間，朝鮮西南省全羅道水軍出擊，由名將李舜臣、李億祺、元均等人帶領，朝鮮水軍5月7日駛至釜山附近，偵察船通報豐臣軍運輸船正在玉浦泊岸，李舜臣見機不可失，立即到玉浦攻擊，被襲擊既藤堂高虎、堀內氏善

急忙迎擊，但因被偷襲而船陣大亂，李舜臣保持距離，利用火砲及火矢燒燬豐臣軍戰船，揚長而去。隔日，又響赤珍浦、合浦擊破豐臣水軍，閒時擾亂豐臣軍水路，重奪釜山一帶既制海權。



玉浦海戰

石田佐吉三成 2017-2-6 21:27:21 呢場勝利傳到李昖耳中，李氏朝鮮立即徵集京畿道、黃海道兵力共13000人，由金命元、申硈、李陽元等領兵，於5月12日到通往平壤既要道 - 臨津江防守，京畿道巡察史權徵認為日軍疲憊可破，李昖急於收復漢城，重展軍威，下令金命元於5月14日渡過臨津江進攻，兩日後再派親信韓應寅督促，韓應寅抵達後宣達王命，申硈見豐臣軍數量日益減少，認為是秘密撤退，同意追擊；然而劉克良提出異議，申硈與劉克良發生爭執，當晚劉克良憤而離席，逕自渡江，金命元只好下令全軍渡江攻擊。

5月18日早上，朝鮮軍大舉進攻加藤清正既前哨高地，正前往坡州既加藤清正收到消息，立即黎個回馬槍，追擊既朝鮮軍響坡州一帶被加藤清正伏擊，迅速返回臨津江夾擊朝鮮軍，朝鮮軍陣型崩潰，劉克良、申硈力戰而死，數千名驚惶既朝鮮軍在臨津江溺死，成場戰爭只有在楊州既李陽元擊破少量部隊，但收到本隊戰敗後都退到平壤。5月27日，小西行長、加藤清正會合，輕鬆攻破京畿道北部既開城，隨後加藤清正前往東北部咸鏡道，小西行長、黑田長政進軍平壤。

6月4日，位於西南部全羅道既李洸率領五萬大軍，企圖收復漢城，派部將白光彥、李之詩進攻附近既龍仁城，脇坂安治奮力死守，白光彥、李之詩日夜進攻失敗，反被脇坂安治乘夜反擊，一舉擊破疲憊既朝鮮軍，白光彥、李之詩戰死。6月9日，小西行長、黑田長政抵達平壤附近既大同江，再度提出「假道入明」被拒絕，此時大同江水位暴漲，豐臣軍於是延遲進攻。6月15日晚，朝鮮軍高彥伯、柳璟令夜襲豐臣軍，宗義智奮勇殺破朝鮮軍，黑田長政手肘中箭，弟弟黑田正好戰死，宗義智營救黑田、小西兩軍，追斬朝鮮軍，趁勢攻陷平壤。而在朝鮮既八大豐臣軍團分散各地，進攻朝鮮八大省。



各大軍團進軍路線

而朝鮮王李昖呢？首先在6月11日退守平壤，表示「寧願死於天子之國」，決定逃到明朝，但明朝不爽李昖毫無膽量，就安排遼東一帶讓李昖暫居，等佢去女真族隔離壯膽，李昖知道前往遼東等同自殺，只好低頭回到義州等候消息，同時向明朝請求援軍。



各大軍團分佈

石田三成 2017-2-6 21:32:00 留名留名

:^(

:^(

石田佐吉三成 2017-2-6 22:01:03 「梅北一揆」島津歲久身死

呢個時候我地將鏡頭返到日本，話說梅北國兼反抗豐臣秀吉既統治，趁加藤清正遠征朝鮮，於6月15日在肥後國策動一揆並佔據佐敷城，梅北一揆人數增加至二千人，然後6月17日被加藤清正家臣用詐降計斬殺，留守肥後既加藤清正家臣、相良家鎮壓叛亂。

由於「梅北一揆」爆發，令島津義弘延遲出征朝鮮，豐臣秀吉趁機清算島津家部份舊恨，首當其衝係昔日謀劃暗殺自己既島津歲久，由於是次叛亂有300名島津歲久既家臣參與，豐臣秀吉藉口島津歲久謀反，先誅殺與歲久關係密切既阿蘇惟光、江上家種。然後，豐臣秀吉想到一條絕計 - 兄弟相殘，下令島津義久親自討伐島津歲久。

島津義久不忍心骨肉相殘，但出於命令只能引誘歲久到薩摩，島津歲久抵達薩摩後終於察覺不妥，逃到櫻島，被島津義久派出既部隊追擊，島津歲久寡不敵眾，退到龍水一帶。島津義久、島津義弘抵達現場，三人對峙，雖然島津歲久近年中風，身體不如往昔，但堅毅既眼神依然不變。

「三弟，如果向太閤請罪，一切還來得及。」縱使島津義久相勸，島津歲久堅決不從，道：「我當年暗殺失敗，早有舊恨，今日死猴子既命令已決，我必需要死。」

島津義久無奈之下，下令家臣：「全軍聽令...斬殺逆賊島津歲久！」然而，薩摩男兒都有志氣，無一個想得到是次戰功，島津歲久只好拔出脇差道：「你地不敢殺我，就等我自行了斷！」

島津歲久一刀插入小腹，但因為中風行動不便，未能完全切盡，痛苦地喊叫：「今日方知婦人生產之苦！」然後向島津家咆哮：「你地仲未明白嗎？只要我一死，島津家就可以永保安泰！」

家臣原田甚次挺身而出，一邊哭泣，一邊舉刀，淒厲地大叫：「薩摩男兒 - 原田甚次，今日送英雄島津歲久上路！」接著一聲「示現流鼓舞」，島津歲久身首分離，在場所有島津家人士無不哭泣，島津義弘跪倒在地上大喊：「三弟呀！！！！！！！！！！！！」

島津歲久無奈地說：「繼四弟家久，今日輪到三弟，想當年我地四兄弟橫掃九州，建立南九州霸業，今日卻落得如此下場...」

島津義弘眼神凌厲，心生不忿地說：「一切，並不會就此結束！」

島津歲久死後，由於對島津家不信任，豐臣秀吉下令細川藤孝、淺野長政到薩摩、大隅、日向三國進行大規模檢地，打破5年前訂立「不準對九州檢地」既命令，結果令三國土豪因石高重置而沒落，不過相對島津家既大名地位提高。島津歲久死後，首級被懸掛在京都曝曬，最終由島津忠長盜去首級，在京都淨福寺安置。昔日島津四兄弟團結，今日卻落寞如此，實在令人惋惜。

次回

「萬曆朝鮮之役」－明朝來援、女真人侵擾

安骨浦海戰 - 海上提督 李舜臣
平壤城之戰 - 明朝戰將 李如松

石田佐吉三成 2017-2-6 22:02:53 我盡量寫到出黎了, 歡迎各位一齊交流意見
我亦趁機學習下萬曆朝鮮之役既歷史

By the way, 睇返朝鮮王李昖, 佢又廢又膽怯, 仲要為人武斷, 豐臣軍都未打到附近就諗住走, 難怪明朝及重臣們都頂佢唔順

Sheryl☆Nome 2017-2-6 22:27:46 新 post 留名

:^(

伊勢新九郎盛時 2017-2-6 22:55:06 有個講法係話佢係堆"倭寇"得知明朝既戰鬥力係好撚廢
所以覺得有得打
問題係堆倭寇打既係東南沿海既衛所兵
而明朝入朝既係邊軍

:^(

:^(

石田佐吉三成 2017-2-6 23:23:33

有個講法係話佢係堆"倭寇"得知明朝既戰鬥力係好撚廢
所以覺得有得打
問題係堆倭寇打既係東南沿海既衛所兵
而明朝入朝既係邊軍

:^(

:^(

明明倭寇百幾年前先被戚繼光打巢

:^(

石田佐吉三成 2017-2-6 23:25:37

有個講法係話佢係堆"倭寇"得知明朝既戰鬥力係好撚廢
所以覺得有得打
問題係堆倭寇打既係東南沿海既衛所兵
而明朝入朝既係邊軍

:^(

:^(

明明倭寇幾十年前先被戚繼光打巢

:^(

伊勢新九郎盛時 2017-2-6 23:29:32

有個講法係話佢係堆"倭寇"得知明朝既戰鬥力係好撚廢
所以覺得有得打
問題係堆倭寇打既係東南沿海既衛所兵
而明朝入朝既係邊軍

:^(

:^(

明明倭寇百幾年前先被戚繼光打巢

:^(

嘉靖年間既事咪只係十幾二十年前到邊有百幾年咁耐
而且倭寇收皮話關戚繼光事不如話關隆慶開關事仲啱
不過可以肯定既係豐臣秀吉對明朝既認識應該就唔多
所以先夠膽咁撚大想頭

石田佐吉三成 2017-2-7 07:33:33 小發現：立花道雪、高橋紹運、立花宗茂、立花誾千代，應該講成個立花家既Wiki 中文版都係由一個專門研究立花家既台灣人寫，鉅細靡遺，但當中都有刷鞋同主觀意見，例如過份歸功立花家

:^(

石田佐吉三成 2017-2-7 07:36:34

有個講法係話佢係堆"倭寇"得知明朝既戰鬥力係好撚廢
所以覺得有得打
問題係堆倭寇打既係東南沿海既衛所兵
而明朝入朝既係邊軍

:^(

:^(

明明倭寇百幾年前先被戚繼光打巢

:^(

嘉靖年間既事咪只係十幾二十年前到邊有百幾年咁耐
而且倭寇收皮話關戚繼光事不如話關隆慶開關事仲啱
不過可以肯定既係豐臣秀吉對明朝既認識應該就唔多
所以先夠膽咁撚大想頭

呢部份同今日政客鍾意做假太空、大白象既構思一樣
明史不熟，據聞要不是小冰河時期，明朝仲可以抵抗外敵，維持國勢，但事實又係唔係咁？

指原莉乃旦那樣 2017-2-7 09:30:50 反而我想知豐臣軍點樣統治到朝鮮？當時既語言應該都有幾大既隔閡。

:^(

仲有我有一樣驚訝係漢城歡迎日軍呢點

:^(

真係可以睇到朝鮮政府幾咁有問題

:^(

指原莉乃旦那樣 2017-2-7 09:33:42

有個講法係話佢係堆"倭寇"得知明朝既戰鬥力係好撚廢
所以覺得有得打
問題係堆倭寇打既係東南沿海既衛所兵
而明朝入朝既係邊軍

:^(

:^(

明明倭寇百幾年前先被戚繼光打巢

:^(

嘉靖年間既事咪只係十幾二十年前到邊有百幾年咁耐
而且倭寇收皮話關戚繼光事不如話關隆慶開關事仲啱
不過可以肯定既係豐臣秀吉對明朝既認識應該就唔多
所以先夠膽咁撚大想頭

呢部份同今日政客鍾意做假太空、大白象既構思一樣
明史不熟，據聞要不是小冰河時期，明朝仲可以抵抗外敵，維持國勢，但事實又係唔係咁？

仲有，打低倭寇戚繼光有份，援朝的明邊軍戚繼光都有份建立，佢真係可以算係日軍剋星

:^(

三頭肌 2017-2-7 09:47:36

流鳴學野

:^(

流嗚星輝

:^(

:^(

小小太陽花 2017-2-7 09:51:50 Lm 好正

:^(

書桓 2017-2-7 10:36:29

有個講法係話佢係堆"倭寇"得知明朝既戰鬥力係好撚廢
所以覺得有得打
問題係堆倭寇打既係東南沿海既衛所兵
而明朝入朝既係邊軍

:^(

:^(

明明倭寇百幾年前先被戚繼光打巢

:^(

嘉靖年間既事咪只係十幾二十年前到邊有百幾年咁耐
而且倭寇收皮話關戚繼光事不如話關隆慶開關事仲啱
不過可以肯定既係豐臣秀吉對明朝既認識應該就唔多
所以先夠膽咁撚大想頭

呢部份同今日政客鍾意做假太空、大白象既構思一樣
明史不熟，據聞要不是小冰河時期，明朝仲可以抵抗外敵，維持國勢，但事實又係唔係咁？

仲有，打低倭寇戚繼光有份，援朝的明邊軍戚繼光都有份建立，佢真係可以算係日軍剋星

:^(

倭寇大部份漢人嚟

書桓 2017-2-7 10:42:58

有個講法係話佢係堆"倭寇"得知明朝既戰鬥力係好撚廢
所以覺得有得打
問題係堆倭寇打既係東南沿海既衛所兵
而明朝入朝既係邊軍

:^(

:^(

明明倭寇百幾年前先被戚繼光打巢

:^(

嘉靖年間既事咪只係十幾二十年前到邊有百幾年咁耐
而且倭寇收皮話關戚繼光事不如話關隆慶開關事仲啱
不過可以肯定既係豐臣秀吉對明朝既認識應該就唔多
所以先夠膽咁撚大想頭

呢部份同今日政客鍾意做假太空、大白象既構思一樣
明史不熟，據聞要不是小冰河時期，明朝仲可以抵抗外敵，維持國勢，但事實又係唔係咁？

明的確係窮, 但對蒙古同滿清大敗最主要都係戰略失誤

money4me 2017-2-7 10:48:06 此回覆已被刪除

money4me 2017-2-7 10:51:28 此回覆已被刪除

伊勢新九郎盛時 2017-2-7 11:51:04

有個講法係話佢係堆"倭寇"得知明朝既戰鬥力係好撚廢
所以覺得有得打
問題係堆倭寇打既係東南沿海既衛所兵
而明朝入朝既係邊軍

:^(

:^(

明明倭寇百幾年前先被戚繼光打巢

:^(

嘉靖年間既事咪只係十幾二十年前到邊有百幾年咁耐
而且倭寇收皮話關戚繼光事不如話關隆慶開關事仲啱
不過可以肯定既係豐臣秀吉對明朝既認識應該就唔多
所以先夠膽咁撚大想頭

只係佢一個人智障
黑田第一個反對出兵，關東基本無人支持
關西係忠誠問題，所有盲目聽命
嚴格來講，真心覺得有得打，可能只有「木下秀吉」一人

咁又唔係喎
唔少大名好似加藤清正鍋島直茂個堆係一心想係朝鮮同"大唐"攞番十幾二十國封賞架喎
要知道呢個吸引力係好大下