Ads
石田佐吉三成
關東一帶農業發達，當德川家康減少洪水量後，就專注改造沼澤、濕地發展水田，由於關東平原大，單憑雨水係難以灌溉，所以德川家康亦派人測量地形，選擇合適地方引水入田。德川家康響關原之戰前一直改善農業，發展江戶城，同時保護當地既製鹽商人，先打好經濟基礎。
1601年，關原之戰後德川家康接收豐臣家直轄地，包括佐渡金山、石見銀山等，一時間非常有錢，就宣布加人工！德川家康響1月沿關東、東海道、濃尾平原、近畿設立「傳馬制」，中間設置多隻快馬、驛站，加速與京都既訊息往來，既方便物流，又能夠即時接收大阪訊息以防範。
傳馬制，即係我地熟悉既驛站制
1601年3月，德川家康安排板倉勝重擔任京都總奉行，自己到伏見城設置全國行政中心，將豐臣政權架空。5月，於伏見城設置官方「鑄銀市場」，集中所有白銀並訂立統一物價。
外交貿易方面，德川家康6月安排對馬大名宗義智聯絡朝鮮，希望收復兩國關係，重啟貿易網。同時做兩手準備，去年德川家康任用兩位飄泊日本既歐洲人做外交顧問，與東南亞國家建立外交關係。
1602年3月，雖然德川家康勢力大，但日本仍然由豐臣家最大，所以德川依然與各大名參見豐臣秀賴，甚至8月向秀賴進貢由越南送贈既大象。但德川家康只係表面恭順，實際另有謀算，想要改變豐臣既寡頭統治。
1603年2月，德川家康正式透過一直打住既「清和源氏」旗號，響江戶城正式開設幕府，並透過與朝廷一直打通關係，等到天皇賜官為征夷大將軍、右大臣，將京都行政中心轉到改建既二條城。3月，德川家康命令一眾大名到江戶整備，設置大名宅邸，以及命令藤堂高虎擴建江戶城。
設立幕府，遠離豐臣家，仲獲得天皇授權，德川家康已經成功令日本進入二元統治。當然仍留幾分情面俾豐臣家，例如奏請升豐臣秀賴為內大臣，並於1603年7月安排豐臣秀賴娶德川秀忠長女 - 德川千姬 。但明眼人便知，德川家康已凌駕豐臣。
由天皇勅命所見，已將德川家稱為「源朝臣」 而不是豐臣時代既「豐臣朝臣」
次回
繼續談論德川改革
1601年，關原之戰後德川家康接收豐臣家直轄地，包括佐渡金山、石見銀山等，一時間非常有錢，就宣布加人工！德川家康響1月沿關東、東海道、濃尾平原、近畿設立「傳馬制」，中間設置多隻快馬、驛站，加速與京都既訊息往來，既方便物流，又能夠即時接收大阪訊息以防範。
:^(
傳馬制，即係我地熟悉既驛站制
1601年3月，德川家康安排板倉勝重擔任京都總奉行，自己到伏見城設置全國行政中心，將豐臣政權架空。5月，於伏見城設置官方「鑄銀市場」，集中所有白銀並訂立統一物價。
外交貿易方面，德川家康6月安排對馬大名宗義智聯絡朝鮮，希望收復兩國關係，重啟貿易網。同時做兩手準備，去年德川家康任用兩位飄泊日本既歐洲人做外交顧問，與東南亞國家建立外交關係。
1602年3月，雖然德川家康勢力大，但日本仍然由豐臣家最大，所以德川依然與各大名參見豐臣秀賴，甚至8月向秀賴進貢由越南送贈既大象。但德川家康只係表面恭順，實際另有謀算，想要改變豐臣既寡頭統治。
1603年2月，德川家康正式透過一直打住既「清和源氏」旗號，響江戶城正式開設幕府，並透過與朝廷一直打通關係，等到天皇賜官為征夷大將軍、右大臣，將京都行政中心轉到改建既二條城。3月，德川家康命令一眾大名到江戶整備，設置大名宅邸，以及命令藤堂高虎擴建江戶城。
設立幕府，遠離豐臣家，仲獲得天皇授權，德川家康已經成功令日本進入二元統治。當然仍留幾分情面俾豐臣家，例如奏請升豐臣秀賴為內大臣，並於1603年7月安排豐臣秀賴娶德川秀忠長女 - 德川千姬 。但明眼人便知，德川家康已凌駕豐臣。
:^(
由天皇勅命所見，已將德川家稱為「源朝臣」 而不是豐臣時代既「豐臣朝臣」
次回
繼續談論德川改革
石田佐吉三成
四大邊將，本多、榊原、井伊都係德川家康一手裁培，仲有個親生仔結城秀康，點計都唔會反，而江戶附近一堆松平氏親族，以1萬石打散分封，當然可冇可能反
德川家轉封關東係未都改易左好多譜代？三河班舊臣除左將佢地封邊之外仲有咩因素令到佢地咁忠心無反德川？
四大邊將，本多、榊原、井伊都係德川家康一手裁培，仲有個親生仔結城秀康，點計都唔會反，而江戶附近一堆松平氏親族，以1萬石打散分封，當然可冇可能反
石田佐吉三成
因為德川家康理想係中央集權，到左江戶初期明顯見到強幹弱枝，然而佢吸收豐臣中央勢力過大，而產生既一連串問題，所以江戶時代實力、財力最大既反而係「御三家」
仲有一點，德川家康響關原後有400萬石，但家臣經加封、重配後，人工佔總石高相對只係加左5%左右，各位打工仔今日一定接受唔到喇
好耐之前睇過唔知乜書講，德川家康話唔可以比自己d家臣大富大貴，咁先可以控制佢地唔好謀反
因為德川家康理想係中央集權，到左江戶初期明顯見到強幹弱枝，然而佢吸收豐臣中央勢力過大，而產生既一連串問題，所以江戶時代實力、財力最大既反而係「御三家」
Ads
Hog_Rider
有無多d同心得
[img]https://na.cx/i/Wq94ur9.jpg[/i mg]
[img]https://na.cx/i/Zc6o7Rn.jpg[/i mg]
關原實地旅遊相片
由名古屋站坐火車可到
第一件事去旅遊中心租單車
如果想去晒旅遊中心傳單入面既地點，都要三粒鐘以上
主要係陣地同墓碑之類
有d地點睇地圖都搵唔到，自
P.S. 由於係郊區，係完全冇餐廳冇飯食，不過有間 Lawson 所以冇問題
有無多d同心得
:^(
伊勢新九郎盛時
大名黎講基本上有地既冇權自然好難反（外樣）
有權既冇地自然都冇必要反（譜代）
有地又有權既都係姓德川松平又點會仲去反
仲有一點，德川家康響關原後有400萬石，但家臣經加封、重配後，人工佔總石高相對只係加左5%左右，各位打工仔今日一定接受唔到喇
好耐之前睇過唔知乜書講，德川家康話唔可以比自己d家臣大富大貴，咁先可以控制佢地唔好謀反
大名黎講基本上有地既冇權自然好難反（外樣）
有權既冇地自然都冇必要反（譜代）
有地又有權既都係姓德川松平又點會仲去反
石田佐吉三成
戰國大名普遍係五公五民、六公四民制
甚至甲斐武田信虎收八公二民制，所以四公六民算低稅，係北條早雲初到關東籠絡百姓既手段，當然前提係關東糧食收入豐富先支撐得住
順帶一提，織田信長時代稅收係33%，亦係相對地少
點解四公六民都叫低稅
戰國大名普遍係五公五民、六公四民制
甚至甲斐武田信虎收八公二民制，所以四公六民算低稅，係北條早雲初到關東籠絡百姓既手段，當然前提係關東糧食收入豐富先支撐得住
順帶一提，織田信長時代稅收係33%，亦係相對地少
潘朵拉（沙迦）
咁平民嘅生活咪好差？
商業發展會唔會有影響，因為平民冇咩多餘錢買嘢
點解四公六民都叫低稅
戰國大名普遍係五公五民、六公四民制
甚至甲斐武田信虎收八公二民制，所以四公六民算低稅，係北條早雲初到關東籠絡百姓既手段，當然前提係關東糧食收入豐富先支撐得住
順帶一提，織田信長時代稅收係33%，亦係相對地少
咁平民嘅生活咪好差？
商業發展會唔會有影響，因為平民冇咩多餘錢買嘢
:^(
石田佐吉三成
先補漏一件事，德川家康在1601年論功行賞後，開始對關東地區大肆檢地，成為全日本 幾乎最後檢地既地方。因為德川初到關東時驚得罪地方勢力，落得像佐佐成政既下場，所以等到勢力穩定才檢地。
1603年德川家康開幕後，發佈「天下普請令」要求全日本大名派人力物力到江戶築城開發，並且修建大名宅邸，目標令江戶成為日本中心。另外，德川家康亦下將江戶城與江戶前島之間既日比谷入江填海，以擴大江戶城既城市範圍，呢項工程一邊發展，一邊修建城下町，直到1620年才完成。
日比谷入江。填海前
填海後
同年，因為關原之戰被沒收領地既丹羽長重恢復大名身份，分封地係常陸國古渡城。而立花宗茂兩年前飄泊各地，拒絕加藤清正及前田利長既邀請，抵達江戶城後受本多忠勝推薦，在德川家康手下仕官。而潛逃薩摩既宇喜多秀家亦被幕府發現，島津忠恆及前田利長為佢求情，所以暫時響駿河國軟禁。
1604年，既然叫全天下做自己幫工，跟住落黎當然要加強集權，所以仿效豐臣秀吉要求所有大名向江戶送交人質，以示效忠，連豐臣家本身既人質集權政策都取締。
5月，話說東方國家對絲綢需求較大，當時日本土產絲質較差，明朝既"made in China"係有品質保證，但係朝鮮之役後，日本與明朝斷絕貿易，咁日本就只能透過葡萄牙殖民地 - 澳門進口生絲，然需獨市令葡萄牙操控出口價格。所以，德川幕府安排御用商人 - 歷代「茶屋四郎次郎」在堺、京都、長崎等地發佈「絲割符」，指定三所日本商人決定進口及國內轉賣既生絲價格，壟斷日本生絲買賣。
絲割符
1604年7月，未來第三代將軍德川家光出世，由明智光秀舊臣齋藤利三之女 - 阿福擔任奶媽，點解要提阿福？佢後來人稱「春日局」，即係江戶聞名既後宮「大奧」既創始人呀。
除此之外，日本一直有維持與外國貿易，由豐臣秀吉向堺港、博多、長崎港商人發朱印狀，批准有朱印狀既船出國貿易，德川家康承襲秀吉既體制，1605年規定只有獲發朱印狀既商人、大名可以出國貿易，將長崎納入直轄地並規定只能透過長崎港出入，變相令堺港地位式微，而總共有百幾名日本、外國商人及大名獲發朱印狀，主要到越南、泰國、馬來西亞、印尼、菲律賓等東南亞地區貿易，進口砂糖、鯊魚皮、鹿皮等特產。
而日本由於石見銀山產量豐富、火山地熱多，以及日本刀鍛造精緻，所以主要出口白銀、硫黃、刀具、銅錢等物。順帶一提，明朝由於正實行「一條鞭法」需要大量白銀，但礙於明日禁貿，所以就同朱印船商人約定某個地點進口白銀-生絲交易，各取所需。
日本朱印船貿易圈
1605年，德川家康上洛，德川秀忠率領東國大名共16萬兵力參見，壯大聲勢。4月，豐臣秀賴晉升右大臣，同時德川家康向朝廷上奏，將征夷大將軍讓給德川秀忠，自己擔任大御所（即退隱既將軍）開始江戶時代初期既德川雙頭統治，家康負責對西國統治、秀忠負責東國。
然後德川家康要求豐臣秀賴上京祝賀，淀君極力反對，因為豐臣親自上京，將代表自己淪為臣下，德川家康亦認為豐臣系大名尚在，自己亦未穩固，故讓步派松平忠輝到大阪祝賀。之後，德川家康眼見由於貿易興旺，國內天主教傳教士急劇增加，崇尚傳統既佢當然不悅，就禁止天主教於江戶傳教
1606年3月，德川家康任命藤堂高虎正式擴建江戶城天守，並繼續發動普請要全體大名提供物料，打算疲勞轟炸佢地。4月，軟禁之身宇喜多秀家被流放到日本以南既八丈島，昔日響豐臣家顯赫一時既大名在此了渡餘生。
同年，德川家康認為市面貨幣複雜，所以發放「慶長通寶」，統一由中央鑄幣發行，嚴禁使用昔日流通既惡錢及永樂通寶，打算打擊大阪沿用既永樂通寶，但係當時大阪係最大經濟市場，習慣使用永樂通寶，而慶長通寶品貿更差，反而令更多惡錢流入，所以呢場對豐臣家既貨幣戰，德川幕府係輸左既。
慶長通寶
1606年9月，江戶天守改建完畢，正式擴大規模，而德川家康亦命人改建駿府城，準備將來到當地辦事，留低江戶城俾秀忠。
次回
慶長琉球戰爭
日葡貿易糾紛 - 慈悲聖母號事件
1603年德川家康開幕後，發佈「天下普請令」要求全日本大名派人力物力到江戶築城開發，並且修建大名宅邸，目標令江戶成為日本中心。另外，德川家康亦下將江戶城與江戶前島之間既日比谷入江填海，以擴大江戶城既城市範圍，呢項工程一邊發展，一邊修建城下町，直到1620年才完成。
:^(
日比谷入江。填海前
:^(
填海後
同年，因為關原之戰被沒收領地既丹羽長重恢復大名身份，分封地係常陸國古渡城。而立花宗茂兩年前飄泊各地，拒絕加藤清正及前田利長既邀請，抵達江戶城後受本多忠勝推薦，在德川家康手下仕官。而潛逃薩摩既宇喜多秀家亦被幕府發現，島津忠恆及前田利長為佢求情，所以暫時響駿河國軟禁。
1604年，既然叫全天下做自己幫工，跟住落黎當然要加強集權，所以仿效豐臣秀吉要求所有大名向江戶送交人質，以示效忠，連豐臣家本身既人質集權政策都取締。
5月，話說東方國家對絲綢需求較大，當時日本土產絲質較差，明朝既"made in China"係有品質保證，但係朝鮮之役後，日本與明朝斷絕貿易，咁日本就只能透過葡萄牙殖民地 - 澳門進口生絲，然需獨市令葡萄牙操控出口價格。所以，德川幕府安排御用商人 - 歷代「茶屋四郎次郎」在堺、京都、長崎等地發佈「絲割符」，指定三所日本商人決定進口及國內轉賣既生絲價格，壟斷日本生絲買賣。
:^(
絲割符
1604年7月，未來第三代將軍德川家光出世，由明智光秀舊臣齋藤利三之女 - 阿福擔任奶媽，點解要提阿福？佢後來人稱「春日局」，即係江戶聞名既後宮「大奧」既創始人呀。
除此之外，日本一直有維持與外國貿易，由豐臣秀吉向堺港、博多、長崎港商人發朱印狀，批准有朱印狀既船出國貿易，德川家康承襲秀吉既體制，1605年規定只有獲發朱印狀既商人、大名可以出國貿易，將長崎納入直轄地並規定只能透過長崎港出入，變相令堺港地位式微，而總共有百幾名日本、外國商人及大名獲發朱印狀，主要到越南、泰國、馬來西亞、印尼、菲律賓等東南亞地區貿易，進口砂糖、鯊魚皮、鹿皮等特產。
而日本由於石見銀山產量豐富、火山地熱多，以及日本刀鍛造精緻，所以主要出口白銀、硫黃、刀具、銅錢等物。順帶一提，明朝由於正實行「一條鞭法」需要大量白銀，但礙於明日禁貿，所以就同朱印船商人約定某個地點進口白銀-生絲交易，各取所需。
:^(
日本朱印船貿易圈
1605年，德川家康上洛，德川秀忠率領東國大名共16萬兵力參見，壯大聲勢。4月，豐臣秀賴晉升右大臣，同時德川家康向朝廷上奏，將征夷大將軍讓給德川秀忠，自己擔任大御所（即退隱既將軍）開始江戶時代初期既德川雙頭統治，家康負責對西國統治、秀忠負責東國。
然後德川家康要求豐臣秀賴上京祝賀，淀君極力反對，因為豐臣親自上京，將代表自己淪為臣下，德川家康亦認為豐臣系大名尚在，自己亦未穩固，故讓步派松平忠輝到大阪祝賀。之後，德川家康眼見由於貿易興旺，國內天主教傳教士急劇增加，崇尚傳統既佢當然不悅，就禁止天主教於江戶傳教
1606年3月，德川家康任命藤堂高虎正式擴建江戶城天守，並繼續發動普請要全體大名提供物料，打算疲勞轟炸佢地。4月，軟禁之身宇喜多秀家被流放到日本以南既八丈島，昔日響豐臣家顯赫一時既大名在此了渡餘生。
同年，德川家康認為市面貨幣複雜，所以發放「慶長通寶」，統一由中央鑄幣發行，嚴禁使用昔日流通既惡錢及永樂通寶，打算打擊大阪沿用既永樂通寶，但係當時大阪係最大經濟市場，習慣使用永樂通寶，而慶長通寶品貿更差，反而令更多惡錢流入，所以呢場對豐臣家既貨幣戰，德川幕府係輸左既。
:^(
慶長通寶
1606年9月，江戶天守改建完畢，正式擴大規模，而德川家康亦命人改建駿府城，準備將來到當地辦事，留低江戶城俾秀忠。
次回
慶長琉球戰爭
日葡貿易糾紛 - 慈悲聖母號事件
石田佐吉三成
動員力因為兵農分離，有人專心生產
有錢因為信長主要收入來自樂市樂座、自由貿易既商業收益，以及對堺港、其他商人徵稅為主。
信長33%稅但佢咁大量既軍隊同咁大量既鐵炮係點有咁多軍費
睇落信長好似最有錢個個 成日發動戰爭 動員力又比其他大名多 又成日起城
仲可以分封四大軍團 俾好多石俸明智光秀
動員力因為兵農分離，有人專心生產
有錢因為信長主要收入來自樂市樂座、自由貿易既商業收益，以及對堺港、其他商人徵稅為主。
Ads
德川家康雖然帳面石高數增加，但關東剛逢戰事，甚有荒廢，比起已有經貿基礎、水陸航路暢通既東海道，關東河川及沖積平原太多，意味經常受洪水侵犯，呢點已經令德川家康頭痛。
既然要移民，當然係要搵個新居，小田原城堅固，德川家康就申請入住，點知豐臣秀吉就話：「江戶城有無敵大海景，四通八達，好適合你呀，我已經幫你準備好了。」德川家康只能到江戶立據，點知抵達後自知上當，江戶城四周係平原沼地，鄰近河川出海口，而且發展不足，難聽講句係一塊爛地。
一眾家臣痛哭流涕，表示想返去三河，德川家康就講：「要返都要自己打返去。」然後，德川家康翻查關東稅收紀錄，又令佢頭痛了，因為北條家行「四公六民」（即農民收穫僅四成上繳領主），稅率極低，比起三河簡直係收入大縮水。
但新黎報到冇理由向百姓落手，佐佐成政已經係前車之鑑，於是德川家康召集家臣開會：「我宣布全體家臣減薪，共體時艱，就連親族都無情講。」
酒井忠次之子 - 家次怒吼：「我地盡忠多時，點解要剋扣人工！」德川家康冷靜回應：「既然酒井家忠心耿耿，應該做個榜樣，將你人工打三折。」頃刻，家臣全體沉默。
然後，德川家康將本多忠勝、井伊直政、榊原康政等重臣猛將分配到邊境地區，將親族分配到關東要道，以及江戶城周邊，並將地方石高分散，盡量細分到無法叛亂起事既程度。呢種佈置既可防衛邊境，又可防止領內叛亂，雖然德川家康縮減報酬，但亦撥出百萬石讓地方發展。
解決地方分配，就輪到江戶城，呢座城位於平原、丘陵地形，一遇洪水就難搞。《德川實記》記載德川家康初到江戶時，當地幾近廢馳，但近年有史學家搵出北條家既記錄，指德川入主江戶城時，已有交通建設基礎，此爭議目前仍有待發掘。
道三堀
不理怎樣，江戶城當時唔算有規模，德川家康請京都陰陽師睇風水，認為人傑地靈，於是著手發展。首先德川家康修建道三堀連接江戶灣及天守，確保小田原物資輕易運入，同時發展城下町，先打好江戶城基礎。
大家玩過遊戲，一定知道內政首先要治水，江戶城位於利根川、荒川、渡良瀨川、江戶川等主要河流出海口，每當有暴雨都會被洪水泛濫，所以1594年德川家康安排伊奈忠次、榊原康政進行一項大工程 - 利根川東遷工程，響上游各河川築堤防洪，再將利根川引流到鬼怒川，將江戶五川合流注入江戶灣，呢個工程為期至少二十年。
利根川工程前
利根川初期大致改動