Ads
Ads
我穿上那套曾出席謝師宴的名牌西裝與阿興坐港鐵到達會展，阿興得知今天有很多明星到場，嚷著要我帶他來看明星，之前KYLE曾說過，掌天下旗下的員工可以帶一名親屬出席，我跟阿興約法三章，要他乖乖的跟在我身邊、不要多嘴、不要亂走。
這時，我到了會展門口，有人拍著我的肩膀，道：「喂！成皇志！」
我別頭回望，原來是蛇果記者金碧韻。
「咦！妳嚟依到採訪啊？」
「緊係啦！今晚咁多星喺到，聽講連西環嗰個官幹靜間都會嚟！」
「嘩！連北大人都嚟，乜蔣天殺咁有面子嘅咩？」
「之前傳聞９７前，蔣家已經俾上面招安。」金碧韻打量我一眼，道：「咦！你今日著得咁靚嚟依到…你唔會係出席蔣天殺嘅銀婚晚宴啩？」
我搲著頭道：「係啊！其實我係掌天下旗下子公司dream music嘅歌手嚟，今日以員工嘅身份出席銀婚晚宴。」
金碧韻有點詫異道：「乜你原來入咗娛圈發展啊？真係估唔到喎！」
這時有人喊道：「大哥同妹姐嚟咗啊！」
金碧韻聞言立時走向人群聳動的地方，阿興躍躍欲試道：「哥，我都想去睇大哥同妹姐啊！」
我搖了搖頭，道：「我地夠鐘入場喇！佢地都係今晚來賓，到時入場有排你睇啦！」
Ads