泳池有水 2019-5-17 20:10:13 新讀者留名

:^(

紅塵妹妹 2019-5-18 11:56:19 今日有文

:^(

多謝支持

:^(

紅塵妹妹 2019-5-18 13:44:42 小靈和鮑起雪扶阿朗回到房間。

小靈脫去了阿朗的上衣，鮑起雪這時候羞說:「男女授授不親，你做乜除左佢件衫?」 小靈說:「師姐，阿朗而家傷成咁，冇時間顧慮呢d野啦!」說完，便將消毒藥水塗在阿朗的傷口，然後用紗布封上。鮑起雪看見阿朗的裸身，想起了不久前在山洞裡，她也曾看過阿朗的裸身，不禁感到羞澀。

小靈說:「師姐，你出去先啦，我係到陪阿朗。」鮑起雪心中雖然不想離開，但是梁公已經命令她到作戰會議室，於是便離開了。

不知過了多久，阿朗已經猶猶轉醒，他看見小靈伏在床上，說道:「小靈...」小靈聽見阿朗已經醒了，喜說:「你醒啦?」阿朗微笑說:「我訓左幾耐?」小靈笑說:「訓左半日啦! 你而家覺得點?」阿朗這時候頓覺身上的疼痛感覺已經消去，笑說:「已經冇咩事啦...」

這時候，梁公走了進來，說道:「小靈，你先出去，我有事要同棋公子傾。」小靈答應後，便離開了。

阿朗說:「師傅，我嘅傷冇咩大問題，你唔洗擔心。」梁公說:「唉，棋公子，我呢個大徒弟性格自大，做事魯莽，你唔好同佢計較!」阿朗說:「師兄只係想試下我嘅武功，我唔會放係心上。」梁公看見阿朗的臉色居然沒有慘白，心下頓覺這小子的內功十分奇異，短時間內中了毒龍爪，又中他大徒弟一掌，臉色還異常地正常。於是，梁公便幫阿朗把脈，感到他體內有一股忽陰忽陽的古怪內力，這時候梁公故意說:「棋公子，等老夫用內功幫你療傷。」說完，便把內力輸入阿朗身上，梁公頓覺阿朗內體的內功竟然在抗衡他的內力，將梁公的內力阻擋住。

這時候，阿朗看見梁公滿頭大汗，臉上表情古怪，便急說:「師傅，弟子真係冇事! 唔好浪費你嘅內力! 」梁公慢慢把手收起，調整一下氣息後，便問道:「棋公子，你嘅父親可是武林中人? 」阿朗心想:「老豆只係一個豬肉佬，點會係武林中人?」於是便說:「我老豆早已經死左，佢只係一個老粗，算唔上係武林中人。」梁公聽後，便笑問:「咁你呢一身奇怪嘅上乘內功，究竟係跟邊個學?」 這一下子把阿朗問得啞口無言，阿朗覺得戀不能將林氏武學告訴他吧!?

梁公看見阿朗猶豫不決的樣子，知道他不想說明，於是便說:「哈哈，棋公子唔洗咁緊張，老夫只係問下姐。老夫黎搵你係想話你聽，日本司令部已經打左電話過黎，俄國已經祕密進行破解雷神一號密碼嘅行動。而家你地有一個任務，就係潛入俄國，偷取相關情報。」

阿朗聽後驚訝地說:「吓...要去俄國偷情報?」梁公說:「無錯，最快聽日要出發。我知道你有傷在身，所以前線任務會交俾秀雄佢地，你就負責支援。」阿朗急說:「但...但係我咩都唔識!」梁公這時候嚴正地說:「身為香港特工，唔可以因為一句唔識就推卸負任! 你嘅負責就係完成任務! 」阿朗說:「雖則如此...但係我咩經驗都冇，我驚會連累....」梁公說:「你唔洗擔心，小靈會教你點做。」

Nitamada 2019-5-19 02:09:26 得一篇

:^(

底線傳底震五湖 2019-5-20 19:40:45 新讀者留名

周瑜 2019-5-21 01:38:55 文呢

紅塵妹妹 2019-5-22 18:38:30

《第六章: 第一次任務》

梁公說完後，便唸唸有詞地離開了。

阿朗暗自心想:「死啦..今次會唔會有去無回?」想著想著，阿朗就不知不覺睡了。

到了翌日，阿朗醒來的時候，感覺身體已經有了氣力，身上的傷好像已經回復了八成。這時候，鮑起雪拍拍房口，便走了過來。

只見鮑起雪又穿起了黑衣，站在門口，她把一套新的黑衣拋到阿朗的臉上，說道:「5分鐘後出發。」

「5分鐘? 」阿朗剛起床，沒有梳洗便穿起黑衣，衝了出去。

到了大廳，只見大家都已經準備好出發。

張秀雄這時候怒視你，然後卻奸笑說:「又係你最遲。嬌生貴養，連頭髮都唔識梳? 」

阿朗匆忙之下，未來得及梳頭，這時候的他滿頭散髮，臉容憔悴，尷尬得苦笑。

小靈笑說:「阿朗，你套衫幾襯你啵。」
阿朗笑說:「哈哈..多謝」

阿心看見小靈已經和阿朗混熟了，便向張秀雄輕聲說:「哼，任務都未執行就咁輕鬆!?」張秀雄這時候也附和:「心妹，一陣睇就下呢條撚樣點柒。」

大家收拾行裝後，便登上了一架軍用飛機。

Nitamada 2019-5-22 21:02:02 加速

:^(

Nitamada 2019-5-24 21:06:52 幾時有文啊

最喜歡不是你 2019-5-28 19:36:30 此回覆已被刪除

Nitamada 2019-5-31 19:05:24 棄左故

:^(

？

即是咁 2019-5-31 20:08:54 架飛機飛左9日都未到目的地

:^(

紅塵妹妹 2019-5-31 20:56:06 登上飛機後，這次任務正式展開。

小靈坐在阿朗旁邊，見他悶悶不樂，一臉心事，便溫柔地問:「阿朗，做咩唔開心呀? 」

阿朗嘆了一口氣，說:「我真係咩都唔識，我驚害左你地!」

小靈微笑說:「你點會害左我地? 唔好亂諗! 」

然後，小靈便告訴阿朗一些執行任務要注意的地方。


過了十多個小時，飛機終於到了俄國的西伯利亞地區。

飛機的門打開，阿朗頓覺一陣極寒，只見外面全是白茫茫的雪地高山。
他看見小靈等人竟然全無寒意，頓覺驚奇，於是問:「你...你地唔凍咩?」

張秀雄看見阿朗凍得全身振抖的樣子，哈哈大笑，心中笑他是「傻子」，說道:「怕凍咪唔好跟黎囉!」

鮑起雪這時候反了一下白眼，在阿朗的背脊按了一下，阿朗頓覺全身有一陣暖流，寒意大減，原來那件黑衣背面有一個小型按鈕，區有保暖的功能。

鮑起雪這時候嚴正地說:「呢次任務係要偷取俄國嘅機密文件，雖然執行地方唔係俄國首都或者軍事重地，危險性低，但係我地都要提高警覺! 根據情報，機密文件就收埋係西伯利亞以東嘅一個地下軍事機地，位置隱蔽，而且有大約一千個士兵駐守。」

這次任務，小靈是負責在外圍的信號干擾，小肥負責爆破，阿心負責假裝士兵潛入內部，而鮑起雪和張秀雄則是前線負責偷取機密的重要任務。

大家到達目的地後，立即準備好開始任務。

這時候，阿朗忍不住問:「...阿雪...師姐! 我...我負責d乜? 」
鮑起雪考慮到阿朗雖然身懷高強內功，但是外功和招式卻全然不懂，而且他沒有任務經驗，於是說:「你留係呢到睇實存飛機，我地幾日內會聯絡你!」

阿朗聽後驚說:「下? 你地留我一個係呢到? 」

張秀雄冷笑說:「哼! 你乜柒都唔識，只會拖累我地! 你都係留係到睇實存飛機啦! 」

阿朗這時心想:「呢存飛機係自動導航，冇機師操控，姐係話我要自己一個留係飛機幾日? 」 但是一方面又想:「佢講得岩，我咩都唔識，留係到睇飛機真係最好嘅辦法...」

阿朗無奈之下便答應。

Nitamada 2019-6-1 21:28:15 樓主加油

:^(

紅塵妹妹 2019-6-6 21:30:08 14/6 會再update

小弟呢段時間唔喺香港

Nitamada 2019-6-6 23:39:48 Ok

算死草公會 2019-6-18 12:27:45 ok

細胃低離地 2019-6-18 15:57:02 文呢

幾好睇wo

:^(

:^(

紅塵妹妹 2019-6-27 22:57:28 明天開始繼續!

泳池有水 2019-6-27 23:00:17 等你好耐

:^(

肥婆唔食肉 2019-6-28 19:47:10 文？

紅塵妹妹 2019-7-10 15:57:28 一陣暴風雪又過去，阿朗看見一片雪景，心中突然回想起這數月來的種種奇怪經歷，他自言自語地說:「呢個世界原來真係咁奇妙...」然後便傻笑起來。

阿朗獨自在飛機上，無聊得很，於是便坐在地上練功。

過了數小時，阿朗漸漸打開雙眼，緩緩吐出一口氣，全身舒暢無比，身上的傷已經基本痊癒。

天漸黑，阿朗已經一整天沒有吃過東西，於是便到飛機裡的物資倉庫找食物。阿朗把門打開，驚見裡面的食物竟不翼而飛? 阿朗心想:「屌，連水都冇? 」

阿朗這時候，把機倉的門打開，一陣寒氣吹到飛機內，阿朗雖穿了保暖的衣服，但入夜後的雪山，實在是寒上加寒。

他只見這雪山上遍草不生，只有一些已經枯死的樹幹，這樣的環境，根本不可能找到食物。

阿朗又急又驚，狠狠地說:「仆你個街，扔底我一個係呢到等死?」他突然回想起張秀雄臨走前，曾經拿著一個大袋，又想到張秀雄提議將他留到飛機內，原來一切都是張秀雄的計謀，阿朗對住雪山上大喝:「屌你老母張秀雄，你不得好死!」

外面的風雪又突然加強，把阿朗吹得快倒下，他全身冷得發抖，馬上跑回飛機，把門緊緊閉上。

阿朗回到飛機後，打開衛星通訊電話救求。

「接啦...接啦...」阿朗緊張地說。

過了片刻，終於接通。

「喂....^%*&%*&%」

「喂! 係咪小靈? 喂? 喂?」阿朗喜說。

電話另一頭卻沒有回音，只有一陣又一陣的沙沙聲。

阿朗這時候心灰意冷，狠狠地把電話扔在地上。

即是咁 2019-7-10 16:06:33 樓豬 出多d文啦

:^(

紅塵妹妹 2019-7-10 16:09:45 電話落在地上，零件散滿地上。

阿朗這時候在驚覺自己把唯一的通訊器材也破壞，他憤然地大喝:「點解我咁撚蠢?」

阿朗這時候靈機一動，走到飛機的無人駕駛室，他看見機師座位上全是按鈕，便亂按一通，飛機突然啟通引擎，機翼的信號燈也打開。突然，飛機的人工智能系統突然說起話:「你好，請輸入指紋認證。」然後，機師座位旁便彈出一個指紋認證裝備，阿朗想也不想，便把手指按了下去。

「指紋配對失敗，未能確定你是隊長。系統將會自動封鎖7天。」

阿朗這才發現原來飛機啟動是需要隊長的指紋，他聽到系統要被封鎖7天，這意味著他會被封鎖在飛機7天。 阿朗見到飛機引擎和信號燈被關閉，他馬上跑去飛機的倉門，只見門也被鎖上，這個時候，他已經嚇得腳軟，心中也絕望起來。

「呢次死撚硬...」阿朗知道這個人跡罕至的地方，根本不可能有人來救他，他只能希望鮑起雪和小靈她們完成任務後，回來救自己。

紅塵妹妹 2019-7-10 16:09:58 今晚出多d。