馬林福特 2019-3-4 16:52:03 啲判係咪已經壟斷晒啲job，所以可以撳住嚟吸血

:^(

上善渃水 2019-3-4 17:01:03 正想咁講
我都識個呢d人 日撚日遲到早走
下午茶時間出去買生果返黎俾大家食
根本落地盤係黎玩咁

MySt 2019-3-4 17:03:33 其實你個人一個禮拜可以遲4-5日到
去到邊都唔會做得成事
準時係責任心既問題
講到尾就係你個人太hea
hea無問題但前題係你搵份真係hea到出汁既工先黎hea啦

7sheep 2019-3-4 17:50:09 樓主分分鐘係太子爺

平飯白食家 2019-3-4 17:59:50 好正常 係連仔先會覺得地盤佬
男子漢

:^(

:^(

:^(

蜜蜂先生 2019-3-4 18:06:15 留名食花生

最美的期待 2019-3-4 18:07:25 此回覆已被刪除

深井吳亦煩 2019-3-4 18:11:24 想問下樓主其實每日放工翻到屋企係咪攰到一落床即刻瞓著

咖哩仔 2019-3-4 18:42:25

:^(

一條小抹香鯨 2019-3-4 19:18:04 lm
樓主唔好理班on9
快啲出文

:^(

排山倒海 2019-3-4 20:49:13 今晚晏小小先

出緊街

JAPJ 2019-3-4 21:26:57 幾好睇, 樓豬講多啲

:^(

唔洗理啲人生教練

:^(

排山倒海 2019-3-4 23:12:17 冇啊

:^(

排山倒海 2019-3-4 23:13:53 果時第一份真係日日返工攰到仆街

飛機都冇心機打

:^(

利物浦全隊含家產 2019-3-4 23:15:14 始終係要有判存在，一單大工程幾勁大判幾勁都無可能做得曬所有嘢，依嫁其實好多係判再比啲靚（蛇）搵人搞到壞哂

利物浦全隊含家產 2019-3-4 23:39:59 我仲記得啱啱做裝修學師個日幾開心，一星期6日2000蚊糧，我仲諗住搏啲加人工會快，一日之內同佢起哂全屋啲木地板同啲泥頭傢俬落樓，個到仲要係行1層樓梯，我同另外個仔由拆到清都係2個人做曬，1200呎屋佢仲要拆咗幅牆身，一日就打爆咗個環保斗，收工有人問佢我做成點佢話ok啦

:^(

利物浦全隊含家產 2019-3-4 23:41:08

想問下樓主其實每日放工翻到屋企係咪攰到一落床即刻瞓著

果時第一份真係日日返工攰到仆街

飛機都冇心機打

:^(

我仲記得啱啱做裝修學師個日幾開心，一星期6日2000蚊糧，我仲諗住搏啲加人工會快，一日之內同佢起哂全屋啲木地板同啲泥頭傢俬落樓，個到仲要係行1層樓梯，我同另外個仔由拆到清都係2個人做曬，1200呎屋佢仲要拆咗幅牆身，一日就打爆咗個環保斗，收工有人問佢我做成點佢話ok啦

:^(

深井吳亦煩 2019-3-5 00:19:04 咁之後呢

馬主 2019-3-5 00:22:16 On9 個撚個聖人上身 乜都屌

:^(

:^(

樓豬 我撐你 番工番到奴性咁重做乜 人工又低 緊係hea番啦

:^(

:^(

:^(

排山倒海 2019-3-5 00:25:08 六：人工島雜工900

呢一份工比較特別，原因係呢度係一個好撚大既地盤。需我做果間公司就係負責做渠，即一將一d人咁高既渠安係地下，工序係用挖掘機挖個大窿，之後一節節安上去，而每隔一段就會有個位支撐住咁。

而我既工作做係咩都要做，列如一個區域都挖左個窿，就係上面用用果d膠攔圍住佢，而因為果邊好撚大風，所以成日吹跌，我就執返起佢，因為怕有有d車唔知有人挖左個窿中伏。

另外又會幫手執下d渠，咁當然唔係用手執啦，因為d渠有大有細，石制既渠，好似孖寶兄弟果d咁，咁就正常三個人做，一個司機揸吊車，好似平時見到裝豬既車咁，不過有個吊機，咁工作就係一個係地面，將個吊扣住條渠比佢吊，佢吊返去佢車擺野位，車上條友就解左個吊咁...

其他都係執頭執尾咁啦，呢份工其實幾高分，環境好正，就好似我上面成日講果種冒險feel,人工都唔差，同埋做既野都唔辛苦

講下d人物先，呢間野應該係三判之類既公司，正正係果d你慢少少就屌到你仆街既公司。老細有兩個仔，都係一齊做，而有一班師父應該係親信

因為佢地呢d每到某d位安個支撐果時，係要紮鐵釘板落石屎，而果班親信就係呢三類工種既師父（提外話，除大判公司，我發現間間老細都係大陸佬，佢d親信就係同鄉，所以話好多香港人唔肯做呢行，比d大陸人搵哂本地既資金，唔怪得人），當中老細只會行行企企，大仔就搞下文書野，外交部。要細仔就負責屌我地

:^(

因為頭先講左呢度地方好撚大，你地想像下，一望無際既地盤係咁。真係好正，但當然都危機四伏啦

咁大個地盤，好多地方都有我地既人做緊野，所以細仔就會揸架四周圍去睇，去到邊屌到邊。但我覺得佢係天生衰格果種，唔係因為係佢係老細個仔。平時佢講任何野都係語氣好差，好似死左老細咁。

正因為佢四圍去，每當有咩要我做佢就會過黎車我去果邊，之後就走，而我去到就會有d師父係度，我就幫佢手

基本上每個師父我都會同佢搞好關係，咁大家都happy,做三個字，hea半個鐘，我通常就係果d渠入面訓教，真係好舒服，夏天果邊都唔會辛苦，因為好撚大海風，唯一缺點係d飛機好撚嘈，訓訓下細仔黎左唔見我，就會打比我，通常我都話去痾尿。之後出返黎就上去佢去第二個工作點

其實整體呢邊唔錯，但係最撚on9既野係，由地盤門口打完卡行到去佢地個架步，需要半個鐘。而一開始老細每日都會揸車係門口車我地入去，但之後又係d濕鳩理由要我地行入去（我地係指除左親信以外既雜工師父），咁正常8點打卡，好準時，但行到入去8:30會比人屌。

我知道實有d奴死忠話應該要7:30打卡，行入去岩岩好8點

:^(

但係佢地自己既親信，係會每日接返工，放工就上車送返屋企

:^(

而我知道又會有班死忠覺得好合理

:^(

咁我就識左個外判師父，佢住我果邊，仲要有渣車返工，咁我就每日比少少錢佢佢車埋我返去囉。（諗返個師父都幾縮骨，收我既錢仲貴過自己坐車，但送又唔係送到我樓下，而係我要坐多程車

:^(

）不過為左慳果半個鐘路程，就惟有就範啦。

但係個細仔唔知點解好唔鐘意我跟佢車，可能佢覺得我諷刺佢冇車班工人返去

:^(

自此佢就開始成日用d on9理由屌尻我，有次食飯時間，細仔係度話架步出面果d英泥要執走去，之後有個刷鞋狗放低盒飯衝左去搬，果時我打緊機，個仆街竟然叫我幫手，我目測果度大概二十幾包，我就話，依家食飯時間wo...

之後細仔就屌鳩我話....

:^(

佢

:^(

我

:^(

：d師父叫你做就做啦咁撚多野講！

:^(

：咁依家食飯時間點解要做啊？

:^(

：你打撚緊機姐，食撚完就做啦！

（我開始起火）

:^(

：做你老母咩，使唔撚使我問下勞工處食飯時間係咪要做野啊？

:^(

：你老屌你呢d廢柴，你聽日唔撚洗返啦！

:^(

：如果你老豆唔撚你老細，你識乜撚野啊？鄉下耕田你都唔撚掂啦，日屌晚屌，係咪細個日撚日比人恰啊，依家係度拎返d自尊啊？

之後佢lag左一陣，我望到四圍既師兄有d扮聽唔到，有d陰陰咀笑

:^(

：我依家就唔撚做啦，你記得計撚返半人糧比我，如果唔係我實去勞工處

之後我換衫走人

出糧果日，個仆街玩野，叫我行入架步搵佢，入撚左去佢叫我搵佢老豆拎，而佢老豆又係打卡位附近

本來都好唔順氣，但見到佢張票，唔知計錯定點，多左三日糧

:^(

排山倒海 2019-3-5 00:27:15 唔識人好難發到圍

:^(

:^(

:^(

我有個朋友係紮鐵判頭個仔d朋友，日日跟住個仔hea

排山倒海 2019-3-5 00:27:32 冇啦 都係做一年姐

企唔番起身 2019-3-5 00:32:48 我都係返地盤, 你講D野好真實, 十足十地盤佬會講

:^(

排山倒海 2019-3-5 00:35:15 咁我真係返左一年地盤啊ma

:^(

:^(

:^(

企唔番起身 2019-3-5 00:37:11 做左一年? 轉左咁多行既?