排山倒海 2019-3-3 00:07:18 我估到會有人話我垃圾分分做唔長

:^(

我認我係廢，而我果時做地盤有特別原因
原因唔講，我怕自爆

:^(

最近見到好多講地盤制度既問題，D判頭幾仆街果D，今日又見到觀塘地盤出事，有人講起果D問題。我想分享下我果一年既經歷，大大話話轉左10份以上，真係學到好多野，但唔係講緊D地盤技術，而係學到呢個社會既世途險惡，同工作態度...

因為都好多年前，可能唔太記得好清晰，我以每一份工咁講下個工種同體驗

:^(

一：地基雜工 日薪700$

果時初初搵，就咁係勞工處搵，我就是但搵左一間，呢個係大判公司，亦都係同我以往對地盤既印象最接近...

呢間大判公司，非常好，無論福利工人，管工，都係好好，雖一既缺點係人工低，因為果時我唔知咩價，又諗住新仔都算係咁啦

:^(

先講下有咩福利，佢地會有埋手套，制服，護眼，口罩，只要你諗到既安全用品佢地都會無限量比你用,可能你地會覺得呢d好基本，但之前就唔會咁諗...

再講下我果時既日常工作，可以講係寫意，可能我新仔，所以一開始都唔會比d好複雜既野我做，好少重野搬，r多過做。

最重點要講班師父，講起真係有d掛住佢地

:^(

我平時返工8點，講常大家都係係架步(員工休息
室）吹水吹到差唔多9點先出去，我地通常出到去，就係等管工分配工作，而通常一早都冇咩野做，就係睇住d外判師父係度屌哂鬼咁做，而我地就食住煙吹水。

有時d師父十點幾就會出去買料，唔係建築材料，而係火鍋配料，到十一點幾左右就成班一齊入去食，係個師父比錢，唔係夾錢。而有陣時就會出去食，佢地每日都會輪流賣單，我有時想賣單，佢地就會話：洗撚你賣咩，留返d錢溝女啦。所以我係呢返工基本上每日食飯都係免費.......

通常食完飯，就每開始賭錢，我通常就訓下教，打下機。講起訓覺，因為架步係由一個舊鋪改造出黎，所以每個師父都會自己手工做張床訓教，果時我返左幾日，有幾個師父見我成日係地下坐係度訓，夾手夾腳整左張木床比我訓，真係好撚感動

:^(

基本上到十二點幾大概一點就出返去做野，做到三點就會飲茶，即係下午茶。呢個時候管工會比幾百蚊我，叫我買d包，飯品比大家。大家休息大概9個字，做開始做野，做到5點開始沖涼，等打卡...

呢個場十幾個師父，個個都對我好撚好，雖然佢地大我好多，但我地完全冇代溝，佢地有時仲聽我講溝女，幫我分析

:^(

教我好多人生大道理

:^(

我做左兩個月左右，因為經常遲到，比人炒左

:^(

但係炒我果個工程師其實都好好人，佢親自打比我問我係咪唔慣，好辛苦咁樣，但我一星期遲4-5日，佢都係迫於無奈先炒我

:^(

最後管工仲話比多七日人工我

:^(

可能係大判，大家都冇咩壓力，而且冇利益衝突，個個都好和善，完全係我印象中應有既地盤佬

唔計較

:^(

好吹得

:^(

大方

:^(

真性情

:^(

真漢子

:^(

當我比人炒左之後，就係惡夢既開始

:^(

:^(

:^(

排山倒海 2019-3-3 00:34:13 之後講既唔會太作，因為做既時間太短，主要係講下當中既仆街野

:^(

二：外判雜工 人工750

呢份工我都係勞工處搵到，主要係做新樓盤外面d挖掘，裝電線......

我既工作係負責用風炮打穿個地，之後用剷剷個窿，比人地安電線...

同之前果份既分別就係，不停做，同埋對住幾個女工...

包括我有5個人，4個女工，大概30-40歲，我每日既工作就係一路係最前挖，挖左泥就用個兜裝起佢，遞比我後面個女工，佢地就係一個傳一個，到地面就推去清左架雞頭車既泥。

而5個人既工作，最辛苦就係我果個位，第二就係推雞頭車去清黎果個，佢地4個女工會輪流上去做推車果個位，而我就一直都係做最前果個位...

做左幾日，我就忍唔住問，點解你地冇人頂我個位既？佢地答我，辛苦野緊係男人做啦...

我心諗：屌你老母，大家一樣人工，點解辛苦既一定要我做？

個判頭係阿叔，佢有時會走過黎同佢地幾個吹水，聽得出佢地係同鄉，都好熟果種...

如是者，我做左大概10日

到最後果日我同判頭唔撚撈...

原因係，果日我挖挖下泥有舊大石，我就叫其中一個女工拎支風比我炮打碎去，點知佢地當中有一個應該係大家姐黎，話我咁廢，用鋤頭挖咪得囉。我就話；咁你挖比我睇，佢就就去挖，挖左幾個字都未搞掂，呢個時候我就點支煙睇佢表演，之後個判頭走左過黎，問我點解坐係度食煙。我講左單野佢聽，之後話就話，咁鍾意坐不如返屋企坐啦，我就即刻起身換衫走人

:^(

之後隔左幾日，個撚樣挖黎話加我50蚊一日叫我返黎，我就話：你叫你d女工做埋我果份啦

:^(

呢間工司未算最西，起碼個判頭冇爆粗屌過我，唯一可取之處，果幾個女工唔知係咪做左好耐地盤，身材都好撚fit,仲要好大波，日日烏地身比大半個波我睇

:^(

當中佢地個大家姐仲要個樣唔差，有d似梁琤

:^(

排山倒海 2019-3-3 00:35:33 有人睇我再講

:^(

我是腸 2019-3-3 00:35:42

:^(

:^(

:^(

:^(

:^(

各位都係垃圾 2019-3-3 00:38:13 樓主好撚重口味

醉愛豬囝 2019-3-3 00:38:20 有

排山倒海 2019-3-3 00:40:22

似梁琤wo?仲要大波，露比你睇

有幾重口味啊

:^(

:^(

:^(

各位都係垃圾 2019-3-3 00:41:13 但點都一定好撚臭

:^(

利申同一行

排山倒海 2019-3-3 00:41:36 本來諗住訓

:^(

我打多一份 聽日再打

排山倒海 2019-3-3 00:42:09 又唔係去聞，睇姐

:^(

RX-93 2019-3-3 00:42:30 有人睇，你講啦

黑色的酒 2019-3-3 00:42:34 老雜得700，800搵鬼到人做咩，門口洗泥車個女雜都高人工過你，冇車仲可以坐下

各位都係垃圾 2019-3-3 00:43:31 打啦

Dry過雜餅 2019-3-3 00:44:30 lm
想繼續聽

南山邨駱天佑 2019-3-3 00:46:00 有圖有真相 唔好同我講你無偷影

Pokemon大師 2019-3-3 00:49:17 留名

UAlwaysWalkAlone 2019-3-3 00:49:31 留名

Ric0 2019-3-3 00:50:22 留名
利申：水喉佬

:^(

大氣環流 2019-3-3 00:50:39 想睇

:^(

天胸之城 2019-3-3 00:59:53 一星期遲4-5 日你都冇撚用既啦

:^(

:^(

排山倒海 2019-3-3 01:01:37 三.

墨斗 人工750$

呢一個係返過咁多份最舒服，沒有之一

每日返9點...但十點前到就ok,通常我地都係架步果度hae,因為要下面管工有事先會打比師父叫我地落下就野，而每次落去唔會超過30分鐘。每日3-4次左右，其餘時間都係度hea,到大概3點半就換衫，4點收工...

事關墨斗呢一類比較舒服，所以一般起薪點都係好低，而我點解會咁高人工呢？就係因為個判頭係我親戚d朋友....

正正因為呢個原因，我每日同佢兩個吹水果時，透露左我既人工，一般新仔聽佢地講係只有550-600，而我既人工就比呢兩個仆街眼紅

:^(

當中果個中工，做左3-4年都係得800$，而個師父就1100左右。亦自從佢地知我人工之後，就開始般料...


平時每日冇野做我地都會訓教，而果時開始佢兩個就會冇野做既時候練點彈墨（即係好似殭屍先生錢小豪彈d血落棺材果度咁），但明明佢教我果d我都識彈，加上平時出去做野開始都比我彈，根本唔洗練。所以我冇理佢地，照訓教

之後出到去做野我彈得ok,佢地就會叫我做d我唔識既野，我唔識佢地就會鬼食泥咁講話我拎咁高人工，但乜都唔識。

過左幾日，判頭就打比我話唔洗我返，原因係個師父話同我夾唔到

:^(

但好老實講，新人黎講返左二個星期，做既野應該都係拎下工具，點會話有得夾唔夾，而我亦因爲知道擺明佢兩個眼紅，所以我最後都不留餘地咁踢爆佢地會日返工時間

:^(

（因為果度唔使打卡，平時係準時9到5返工，判頭唔知佢地返咁短時間）

排山倒海 2019-3-3 01:02:03 講緊4，5年前

:^(

排山倒海 2019-3-3 01:03:13 大佬，我緊係有影比d fd睇開心share啦

但係4，5年前，邊會仲有啊？

排山倒海 2019-3-3 01:04:58 我又唔係靠佢份工開飯

:^(

我最多係唔捨得班師父姐