【獵殺惡魔】我係一個驅魔師,專幫人驅散妖魔鬼怪(三)
上一頁
第 9 頁
下一頁
夏舞
2019-2-25 12:39:44
無睇過get out
:^(
Ads
愛蜜莉雅
2019-2-25 14:44:12
此回覆已被刪除
夏舞
2019-2-25 17:38:47
子彈並無預期般向我飛嚟,因為槍聲並非由嗰個男警手上發出。
「霍靜!」
霍靜從後開槍打中男警隻手,令佢手槍跌落地。
「凌寧壹!」
怨靈撳住被子彈打中嘅手,打算再執起手槍!
我即刻拎出太陽燈電筒向怨靈照去,怨靈被強光刺得合埋雙眼發出慘叫,我再趁機拎出驅鬼符咒貼落男警額頭。
黑霧漸漸從男警眼耳口鼻釋出,化成一道人形……
呢道人形,竟然係身穿白袍嘅撒旦教教徒!
怨靈並無戴住尖帽,佢嘅容貌同其中一個瞓喺地下嘅白衣教徒屍體一模一樣,而且嗰個教徒唔係俾其他人殺死,而係自刎而死!
佢專登自殺,用咗某種禁忌術式令自己亡魂瞬間化身為怨靈!
被逐出男警身軀嘅怨靈轉過身,向霍靜飛過去!
佢今次想附身喺霍靜身上!
「小心!」我大叫一聲。
下一秒,怨靈忽然痛苦哀嚎,身上冒出一連串藍白電光!
霍靜拎住一把頭端由一連串鐵線圈組成嘅長槍,藍白電流沿住線圈交錯釋出,形成磁場將怨靈緊緊束縛住!
夏舞
2019-2-25 17:39:02
如果無估錯,係專門對付鬼魂,能夠產生小型磁場嘅軌道槍。
霍靜眼神向我示意,我馬上畫出能夠驅散瘴氣嘅曼陀羅法陣,不過怨靈嘅怨念程度極深,混濁黑霧瞬間充斥成個小堂!
每個撒旦教教徒,都非常狂熱地崇拜撒旦教。
不過怨靈被霍靜束緊緊縛,無法反抗,幾分鐘後瘴氣終於完全消散。
「睇嚟,兩位並唔係神嘅走狗。」
一道高瘦嘅身影出現喺我同霍靜背後,連我哋都無察覺到。
「救命……上帝救救我……啊……」男警嘅聲音從背後傳出。
當我回頭一望,只見血花四濺。
男警被嗰道突如其來出現嘅身影,用匕首割開咽喉。
「你係咩人……」
我未問完,霍靜已經舉起手槍,然後開槍。
喀嚓——
霍靜訝異望住手上把槍,槍內再無子彈可以射出。
「你嗰把係Glock 17,彈匣總共十七發,啱啱你已經開咗最後一槍。」
一個黑衫黑褲,外搭深紅色絲質外套,頸項同手腕戴住多款倒五芒星同山羊款式嘅銀色飾物,身型高瘦,輪廓深邃,年約四十嘅短髮男人緩緩行過嚟,從容對住霍靜講。
「國際通緝犯,撒旦教古老密派——太陽神殿嘅現任教宗,亞納扎‧艾奎諾,精通多國語言,擁有不亞於軍人間諜嘅知識同戰鬥能力。」
霍靜講出對方來頭。
「一句話,宗教狂熱嘅恐怖分子。」
「你哋對我哋似乎有誤解,我哋唔係咩恐怖分子。」亞納扎表情平靜地澄清。
「將教堂整到咁嘅罪魁禍首竟然講得出咁嘅話。」霍靜反諷。
「呢個係逼不得已嘅犧牲,佢哋被信奉假神嘅宗教荼毒太深,為咗糾正佢哋,我哋亦失去咗好多信徒。」
「你哋都係被惡魔荼毒太深嘅一份子。」我握住銀刀,警戒住佢。
夏舞
2019-2-25 17:39:12
「非也。」亞納扎舉起食指搖兩搖,「我哋雖然係撒旦教,但我哋從來唔崇拜惡魔。我哋信奉真實,探索真理,從來唔依靠虛無飄渺嘅神,同相信科學嘅你哋一樣。」
「我哋至少唔會好似你咁殘忍。」我講。
「你只係仲未理解到我嘅諗法,當人類從虛偽中解放時,你就會感激我今日做嘅一切。」
「咁係我太正常,同大腦有病嘅人溝通唔到。」我邊回答亞納扎嘅話,邊睄望霍靜。
霍靜輕輕合埋雙眼,我即刻拎起太陽燈電筒照向亞納扎雙眼,封鎖佢視線。霍靜舉起啱啱偷換好彈匣嘅手槍,向亞納扎開槍!
亞納扎心口連中四槍,臉部後仰,但無倒下……?
「你哋會明,因為我哋係同類。」
突然,一道身影突入,閃到亞納扎背後!
我要做個好人
2019-2-25 17:45:07
推
夏舞
2019-2-25 18:39:00
係穆爾泰!
全身血痕,只睜右眼嘅穆爾泰舉起半身長銀劍,向亞納扎斬過去!
但亞納扎轉過身,將穆爾泰隻手箍住,再將過肩摔將穆爾泰撻落地下,再拔出銀刀向穆爾泰咽喉劃去!
砰!砰!
霍靜向亞納扎頭部連開兩槍,但今次亞納扎向側邊避開,無正面硬食子彈。
係避彈衣,所以啱啱亞納扎俾子彈打中先無事!
「我哋會再見。」
亞納扎從外套暗格掉出一個圓柱,白色煙霧頓時從圓柱釋出,將身影遮蔽於白煙之中!
我拎起銀刀衝過去追擊,氣管忽然感到灼熱感,不停咳同打乞嚏,而且眼淚同鼻水不自覺咁流出嚟。
「係催淚彈!」霍靜將我撲落地下。
片刻之後白煙散去,小堂只剩返我、霍靜同穆爾泰三個。
霍靜向住對講機大叫:「Over,over!目標逃離緊教堂,全速守住教堂每個出口,唔好俾任何人出入!」
但之後,守喺教堂外嘅警員並無發現有任何人出入,搜索教堂後亦唔見亞納扎蹤影。
夏舞
2019-2-25 18:39:10
呢次教堂救援行動中,四名警員死亡,六十六位神職人員死亡,十三位太陽神殿教徒被擊斃。
我只受輕傷,霍靜同被怨靈附身嘅男警對峙期間被打中左肩,穆爾泰傷勢最嚴重,再遲一步嘅話可能就有生命危險。
太陽神殿今次光明正大挑戰教會,目的未明。
但從亞納扎嘅話之中,感受到當中蘊含巨大陰謀。
四日之後,我收到穆爾泰嘅電話。
「凌寧壹,我有嘢同你講,我搵到亞納扎潛入教堂層殺嘅目的。」
「係咩?」我唔明穆爾泰點解會同我講,但故且問一問原因。
「佢拎走咗同龐亮案件有關嘅所有資料。」
「龐亮……?」
「一個天魔,另一個係拜惡魔嘅人,佢哋可能暗地裡有聯繫都唔定。」
「咁又點?」我大惑不解。
「天魔當時有兩個目的,第一係佈置地區性法陣,但俾霍靜搗破,而另一個……係捉走白寧。」
「……白寧?」
「天魔捉走白寧似乎唔係無原因,好可能——」
穆爾泰未講完,忽然收到矮肥瘦嘅電話。
「喂?」
「凌大哥,你快啲嚟醫院!師父……師父佢重傷命危,有嘢要同你講!」
轉圈轉圈哈姆共你
2019-2-25 18:48:47
白寧個體質好啱上身?
:^(
夏舞
2019-2-25 19:10:56
「凌寧壹,我有嘢同你講,我搵到亞納扎潛入教堂
屠
層
殺嘅目的。」
錯字
大頭
2019-2-25 19:32:40
之前以為已經埋尾,原來仲有貨
:^(
Ads
夏舞
2019-2-25 19:44:46
下篇開估
:^(
夏舞
2019-2-25 19:45:10
大家以為大結局晒 無人再睇
:^(
愛麗絲Alice
2019-2-25 19:55:23
仲係到
:^(
海上的瑩
2019-2-25 20:18:39
釘書機有無一次無比人打低?
:^(
啱啱出場好似好勁好型咁 但次次都比人打到on9仔咁
夏舞
2019-2-25 20:44:46
我發覺有句打得唔好
:^(
但亞納扎轉過身,將穆爾泰隻手箍住,再將過肩摔將穆爾泰撻落地下,再拔出銀刀
準備
向穆爾泰咽喉劃去!
穆樞機係無被人斬中
海上的瑩
2019-2-25 20:47:19
無霍靜釘書機都釘啦
:^(
搵次比佢型下得唔得
夏舞
2019-2-25 21:10:35
佢有份驅除瑪雅古神
:^(
愛蜜莉雅
2019-2-25 22:24:23
此回覆已被刪除
夏舞
2019-2-25 23:47:35
明明有型過
:^(
病態小妹
2019-2-26 00:25:18
穆爾泰加油好嗎
:^(
:^(
Ads
海上的瑩
2019-2-26 00:41:26
型個頭 柒到尾
:^(
:^(
奇洛斯
2019-2-26 01:37:17
穆爾泰打得d人都係好鬼勁果d,柒都無計
:^(
我要做個好人
2019-2-26 05:26:03
推
艾利安努
2019-2-26 08:52:05
我都覺
:^(
但係示意圖明明係好睇得㗎嘛
:^(
:^(
上一頁
第 9 頁
下一頁