【獵殺惡魔】我係一個驅魔師,專幫人驅散妖魔鬼怪(三)
上一頁
第 3 頁
下一頁
黃阿森
2019-2-19 00:02:45
110
:^(
Ads
落樓下買爽身粉
2019-2-19 00:22:11
BBQ 大團圓
:^(
夏舞
2019-2-19 00:32:24
呢個係加更
:^(
*
雖然無真係瞓一個月咁誇張,不過都被迫留咗院一個禮拜。
「小凌,今日我哋係咪去陳師奶嗰度?」
「嗯。」
我同白寧搭車出發,去到某條屋邨樓宇。
「你好,陳小姐。」我撳一撳門鐘。
「佢唔係陳師奶咩?」白寧疑問。
「你真係夠無禮貌,無論對方幾多歲,都要叫人做小姐。」
「之前又唔見你叫我做官小姐?」
「你唔配……等等。」我一臉狐疑望向白寧,「你姓官?」
「係呀,我全名叫官白寧。」
我一直以為佢姓白名寧,事到如今先無啦啦加條無關痛癢嘅設定。
大門打開,一個肥腫難分嘅中年女人行出嚟。
「你好,係咪陳師奶……陳小姐?」
「……係呀,我係陳小姐。」陳師奶塊臉即刻黑晒。
仆街,最衰都係白癡妹,搞到連我都講錯埋一份。
好彩陳師奶好快回復笑容滿臉,仲沖咗兩杯茶畀我哋,不過通常師奶都好記仇,我都係唔敢飲杯茶。
不過白寧咕咕聲好滋味咁飲,仲太口渴添多杯茶。
夏舞
2019-2-19 00:32:44
「自從我入住呢度之後,夜晚就不時聽到拉凳聲同波子聲,但明明成間屋得我一個人,搞到我晚晚心慌慌,成日疑神疑鬼。」
陳師奶開始講佢單委託。
「我好辛苦先排到入公屋咋,向房署申請搬屋又無人理,都唔知點好……」
白寧聽完之後,轉過頭問我:「小凌唔係話過呢啲聲其實係水壓變動,壓力傳到石屎牆產生嘅震動聲咩?」
「嗯,就係咁。」
「Yeah!我答啱啦!小凌快讚我聰明!」
「聰明你個頭。」我一嘢拍落白寧個頭。
白寧雙手撳住頭,嘟起嘴巴,欲哭無淚咁一臉無辜望住我。
「明明你面前有個婆婆,你仲話係石屎震動聲?」
「有……個婆婆?」陳師奶頓時面色發青,「邊度?邊度有婆婆?」
就企喺我哋面前,有個衣著風格同現代格格不入嘅婆婆。
「嗰啲怪聲大概係佢造成掛。」我拍一拍白寧背脊,「白寧,你搞掂去。」
「我……?」白寧吃驚指住自己。
「上完堂都要考試先有得拎畢業證書㗎。」
「喔。」
白寧行到婆婆面前,以友善嘅語氣向婆婆打招呼。
夏舞
2019-2-19 00:33:20
「婆婆,你好啊。」
婆婆視線緩緩轉向白寧,表情並無太驚訝,亦無咩特別反應。
「五十年,五十年喇。」婆婆以沙啞嘅聲線講咗句。
「五十年?」白寧歪住頭問。
「我喺度等咗老嘢五十年,等到呢度都翻新咗兩次,但都等唔到老嘢返屋企。」
「呢位小姐……喺度做緊咩……?」陳師奶驚恐咁指住問。
「佢同呢間屋入面嘅鬼魂講緊嘢,佢有陰陽眼,可以望到鬼魂。」
婆婆老態龍鐘,臉上滿佈皺紋,睇落無八十都起碼有七十。
「我仲記得嗰日,老嘢話要返上去反抗文革,對抗毛澤東勢力,結果一去無回頭,自此之後就失去聯絡。」
婆婆好平靜訴說往事,臉上表情彷如早已睇破紅塵。
「咩文革,紅衛兵,國家改革……其實關我鬼事咩,我哋咁辛苦經歷二戰同國共內戰,逃亡落嚟香港,都係想咩都唔理,安然咁過埋下半世人。」
短短兩句話,我就感覺到婆婆走過一條好漫長嘅路。
「但係,老嘢始終覺得自己壯志未酬,於是文革發生之後,就決定返上去對抗極權。」
「婆婆你無同佢講緊你嘅諗法咩?」白寧問。
「無。」
婆婆搖頭,卻會心一笑。
「我揀得呢個男人,就一早知佢係個點樣嘅人。」
「所以……婆婆就一直喺度等佢?」
「嗯,我一直咁等,一直咁等,死咗都繼續等。就算佢返到嚟見唔到我,只要我見到佢,我就已經好欣慰。」
然而,直到最後都見唔到佢。
夏舞
2019-2-19 00:35:06
「婆婆你係幾時……過身?」
「我死咗……」婆婆諗咗一陣,「都好似三十年啦,婆婆記憶差,等咗太耐連等咗幾耐都唔記得。」
三十年,如果婆婆嘅伴侶同佢差唔多,就算未死,三十年可能已經唔喺度。
「其實呢一切都係我一廂情願,我知道……等到某一刻我就知道,佢唔會再返嚟,只係我唔甘心,係都要等唔會有結果嘅嘢。」
「婆婆……」白寧邊抹眼淚,邊默默聽婆婆講嘢。
「多謝你,妹妹。我都幾十年無人講嘅嘢,雖然係無結果,但係——」
「有結果㗎。」
「嗯?」婆婆呆咗呆。
「就算今世無得再見,你哋都會再次相遇,因為……」
白寧抹去臉上淚痕,向婆婆露出笑容,如同雨後彩虹。
「佢一早喺下個輪迴等緊你,等你過嚟,握住手再一次踏上旅途。」
婆婆一臉訝異望住白寧,大概無諗到白寧會講番咁嘅話。
「多謝你,妹妹。」
婆婆和藹可親一笑,身軀漸漸化作光點。
「咁樣,我要趕過去搵佢先得。」
夏舞
2019-2-19 00:35:16
雖然唔知道婆婆同佢另一半嘅故事,但光點背後,我望到無數思念編織而成嘅片段。
呢啲片段,下一世依然會繼續。
「嗚……雖然我唔知你哋講緊咩,但好似好感人咁!」陳師奶唔知點解莫名奇妙喊埋一份。
「婆婆,佢會再見到係咪?」白寧依然企喺原地,眼前已經空無一物。
「唔係再,而係一早。」
鬼魂係靈魂嘅主人殘留現實嘅能量體,而靈魂本人,早已奔向下個輪迴尋找佢最愛嘅人。
但殘留現實嘅鬼魂並非無意義。
因為佢將靈魂嘅思念之情,訴說畀仍然充滿希望嘅生者。
就好似若兒對我做過嘅一樣。
夏舞
2019-2-19 00:35:53
欠更數:0
200正皮再見加更
:^(
海上的瑩
2019-2-19 00:36:47
聽晚準備加更
:^(
落樓下買爽身粉
2019-2-19 00:38:15
出咁快會不會好快完
:^(
夏舞
2019-2-19 01:12:52
都差唔多
:^(
我預呢個po完
:^(
Ads
夏舞
2019-2-19 01:18:33
順便出埋示意圖
小凌(樣自行FF)
https://na.cx/i/HWFS9NA.jpg
白寧
https://na.cx/i/H1y5LkV.jpg
若兒
https://na.cx/i/1TDtH7B.jpg
霍靜
https://na.cx/i/ZPg3w0W.jpg
穆樞機
https://na.cx/i/QbtQWtY.jpg
仲有一個角色示意圖會放,不過遲啲先放
:^(
戚家上下十三口
2019-2-19 01:20:05
正,好多文
轉圈轉圈哈姆共你
2019-2-19 09:28:20
白寧出師,就完
:^(
艾利安努
2019-2-19 09:51:36
白寧同霍靜好正,我心目中嘅若兒唔係咁㗎😭
穆樞機都好型😂
黃阿森
2019-2-19 11:35:25
Pushhhhh
夏舞
2019-2-19 12:28:08
係點
:^(
有無示意圖
我發覺要搵岩嘅示意圖都唔易
Protector
2019-2-19 13:24:21
穆樞機好型
:^(
霍靜好靚女
愛蜜莉雅
2019-2-19 14:42:36
此回覆已被刪除
艾利安努
2019-2-19 16:07:30
我心目中嘅若兒係好「姑姑」feel㗎
:^(
竹木一人
2019-2-19 16:16:51
hugh jackman
:^(
Ads
夏舞
2019-2-19 16:53:32
姑姑我淨係識佢
:^(
定佢
:^(
:^(
:^(
:^(
:^(
夏舞
2019-2-19 16:56:40
:^(
:^(
:^(
:^(
:^(
:^(
:^(
夏舞
2019-2-19 18:34:26
「唔……肚好痛!」
白寧邊喺街行,邊痛苦撳住個肚。
「抵死,鬼叫你直接叫人陳師奶。」
「我要痾屎!」白寧忽然大嗌。
然後,我行埋一邊,扮到唔識佢咁。
白寧爆完石之後,一臉容光煥發,猶如變咗另一個人咁。
「舒服晒!」
「拎住。」我遞咗張支票畀佢。
「嗯?」白寧疑惑接過支票,「做咩畀我嘅?」
「唔計上次海洋公園撞到野鬼,今次係你第一次獨自解決委託,所以呢啲係你應份。」
「喔……」白寧好似無咩反應。
「收到錢都唔開心,你係咪搞事?」
「唔係啊,當然開心啦,只係……對我嚟講錢係其次,最緊要係幫到人,無論係在生嘅人,定係逝去嘅鬼魂。」
係喎,我都唔記得……
呢個傻妹係因為想幫人,所以先去做驅魔師。
並無其他雜念,只有天真而純粹嘅心。
「真係傻,但我鍾意。」
「你……鍾意?」白寧表情凝滯落嚟。
「既然咁開心,咁張支票畀返我。」我一手搶返白寧手上張支票。
「喂吔!唔得!我要張支票,畀返我!」白寧不停扯住我隻手。
應該差唔多啦掛。
當傻妹可以獨當一面時,我就會正常放低驅魔師呢個身份。
雖然未有打算之後做咩好,但係……就俾自己見步行步,重新出發。
愛蜜莉雅
2019-2-19 18:57:26
此回覆已被刪除
上一頁
第 3 頁
下一頁