《香港傭兵》(18)

飛揚 2019-2-21 16:15:51

:^(

抽濕機 2019-2-21 16:33:06

:^(

飛揚 2019-2-21 16:39:20

:^(

飛揚 2019-2-21 16:50:23 US$1,980一部摺得嘅電話真係好撚合理囉

:^(

我都係真係摺得喇用返3310罷啦

:^(

問妹何所肉 2019-2-21 17:24:29

:^(

飛揚 2019-2-21 18:03:19

:^(

飛揚 2019-2-21 19:00:24

上回講到原來係Owner咁啱遇到西貢獻命捉小妹妹，所以撞架車埋去。
個小妹妹就走得甩，但Owner就俾西貢獻命捉咗囉。
飛揚問Owner唔係話要活在當下㗎咩？做乜要咁多事去幫人搞著自己呢？
Owner話跟住劇本行又未必好，刻意改變又未必好，只有隨心而行先係活在當下。
令飛揚諗返起梓翹講過Sad End可能有千千萬萬個...但Happy End可能只係得一個...
原來呢句話，Owner有個老朋友成日掛喺嘴邊～
之不過所謂嘅Happy End...又係唔係人人心中嘅Happy End？
飛揚又諗返起有次月月寫故，寫到去Ending都有咁嘅疑問～
到最後月月都係寫咗個大家認為係Happy End但事實係Sad End嘅Ending～
嘩...好高深吖...扮到...
講多兩句，飛揚就問起西貢獻命～
Owner話家嘅西貢獻命已經唔係以前嘅西貢獻命～仲講起英雄成魔之路～
又Diablo？！
跟住既劇情發展又會係點呢？

:^(

準備出文

:^(

飛揚 2019-2-21 19:00:57 [Day 10－西貢獻命] PART 04

Owner深深一扯，一呼，彈走手上支煙頭...

再喺包煙裡面拎多支...

「西貢獻命...」Owner擔住支煙，點著一扯，一呼，「以前係激進嘅革命軍，對政府做過好多好多嘢...」

激進嘅革命軍...對政府做過好多嘢？

「汽車襲擊...炸彈襲擊...暗殺官員...好多好多針對政府嘅行動...政府直頭話佢哋係恐怖份子。」Owner點點頭。

玩到咁大？

不過都似吖...西貢獻命嘅作風...

飛揚 2019-2-21 19:02:37 「之但係...」Owner再扯一啖煙，「自從解放軍攻打完西貢，用毒氣滅城之後，嚟到屯門就已經變晒。」

解放軍攻打完西貢...係西貢攻防戰！

之但係...原來係用毒氣滅城...

呢一點喺綽姿嘅情報之中冇提及過...

『咁而家嘅西貢變成點吖？』呢一點喺綽姿嘅情報之中亦都冇提及過...

「而家嘅西貢吖？」Owner諗咗一諗，「因為毒氣而封鎖咗。」

『封鎖咗？即係入唔到去？』我深深一扯手上支煙後，彈走手上支煙頭...

飛揚 2019-2-21 19:03:25 「嗯...被解放軍封鎖咗...禁止出入...」Owner再隊包煙俾我...

Owner幫我再點煙後，我扯多啖：『咁睇嚟...好嚴重...』

「毒氣喎～滅城喎～點會唔嚴重？」Owner打量住我。

『真係有...必要咩？』雖然我唔知係用咩毒氣...威力又有幾大...

之但係...又使唔使...

又唔係打仗...

「世上冇唔流血嘅革命～」Owner諗咗諗，「只係睇吓係流自己定人哋。」

的確唔係打仗...係革命...

飛揚 2019-2-21 19:04:03 冇錯...世上真係冇唔流血嘅革命...

而又要流幾多先成功？

那怕血流成河，最終都係失敗收場...

「我自己呢...」Owner再深深扯一口，噴出濃濃灰煙，「就選擇逃避。」

選擇逃避？

看似消極...但係唔係唯一解決方法？

我唔知...真係唔知...

連英雄都變惡魔，拯救世界仲可以靠邊個？

飛揚 2019-2-21 19:04:54 “颼～颼～”抵住寒風喺荒涼嘅公園仔同Owner吞雲吐霧。

又食咗好幾飛煙之後...

「好喇～抖夠都係時候返去喇～」Owner彈走手上支煙頭後，起身鬆一鬆，「唔係又俾雨姐鬧㗎喇～」

『嗯...都過咗好耐...再唔返去就要雨姐擔心。』我都彈走手上支煙頭。

其實此地都不宜久留...最好都係快啲返咖啡店。

『Owner...你行到㗎嘛？』

「你睇小我吖？」

做好心得惡報 2019-2-21 19:05:01 實驗機好似本身都唔平

:^(

飛揚 2019-2-21 19:05:44 陪住Owner行返咖啡店，雖然仲係成面傷痕...但睇佢嘅步伐又真係好穩陣！

完全唔似俾人打咗鑊甘！

呢個老鬼又真係幾硬淨咁喎...

「喂...你望乜鬼嘢吖？」Owner冷眼打量住我。

『我？冇冇～我見你好似都幾健壯咋嘛...』喺公園坐一陣，食幾飛煙就冇晒事咁...

唔通食煙真係能醫百病？！

飛揚 2019-2-21 19:06:34 「係你弱姐～大風少少又縮埋一舊～行幾步路又扯晒大氣咁～」Owner仲要半帶恥笑。

屌...又要俾人話弱...

仲要係俾個老鬼話...

乜我真係咁弱咩？！

“颼！”抵住寒風同Owner行到返嚟咖啡店...

“叮叮”Owner拉開木門行入咖啡店...

「返嚟喇？你有冇事吖？」雨姐就好緊張咁衝到嚟Owner面前！

飛揚 2019-2-21 19:07:39 望一望...原來輝哥都返咗嚟！

「返嚟就好喇...」輝哥撳住隻左手，標晒冷汗咁由張木凳起身，行到嚟Owner面前。

「我冇事～我冇事～」Owner帶住微笑擰擰頭。

「仲話冇事？！」雨姐仲係好緊張咁打量住Owner！「成面都傷晒！個身呢？仲有邊度傷？」

「唔使咁緊張～」Owner一面從容不迫，「真係唔使咁緊張喎～」

輝哥皺晒眉：「唔緊張就假喇...佢吖...差啲就想衝過去救你呀...」

雨姐一手拍落輝哥隻左手：「佢呀！冇鬼用㗎！淨係識得拉住我！」

「好彩有輝哥拉住你咋～」Owner搭一搭輝哥膊頭，「如果唔係就麻煩～」

飛揚 2019-2-21 19:08:18 輝哥拉住雨姐？

真係拉得住咩？

我見輝哥隻左手真係好似郁唔到咁喎...

唔單止咁...仲越標越多冷汗...面容越嚟越痛苦...

舊患復發？

或者係啦～

而家都算叫返緊風嘛～

睇嚟輝哥嘅風濕都幾嚴重～

飛揚 2019-2-21 19:09:32 「你睇我而家咪又係冇穿冇爛～好彩多得飛揚咋～佢真係好靠得住～」Owner拍拍我膊頭。

『O...OK咁啦...』老老柒柒，唔係話諗住走去調查西貢獻命...我都唔會揦屎上身...

「辛苦你喇飛揚...」雨姐雙手捉實我對手，向我鞠個躬。

『唔...唔辛苦...唔辛苦...舉手之勞姐...』雨姐對手...好滑...

「好彩有飛揚咋！」輝哥苦笑住咁拍一拍我膊頭。

「你仲好講！」雨姐立即向輝哥大發雷霆！「唔係你成日舊患復發，就唔使搞到飛揚身陷險境啦！你呀！你真係冇鬼用㗎！！！」

「輝哥都係因為你先...」Owner都仲未講完...

「你仲好講？！」雨姐火力轉移到Owner身上！「做乜咁唔小心撞到人架車呀？！我哋又唔見咗十萬喇！！！仲有架車呢？唔使講實被人哋搶埋啦！！！」

飛揚 2019-2-21 19:10:28 「呃...呀！輝仔你手痛嘛？我同你返去啦～」Owner立即扶住輝哥！

「好吖好吖...我就快頂唔順㗎喇...」輝哥手軟腳軟咁...

Owner扶住輝哥轉身：「啱喇啱喇～我都有啲唔舒服...要喺輝仔屋企抖抖...今日唔返嚟㗎喇～」

「喂！」雨姐跟住Owner同輝哥尾，「你哋返晒去抖，咁呢度點呀？！」

「有你同飛揚吖嘛～得㗎喇～我哋放心交俾你哋㗎喇～」Owner同輝哥就行出門口...

「喂！喂！！！」雨姐大嗌多兩聲...

“叮叮”Owner同輝哥就急急腳咁走咗去...

呢招係唔係傳說中嘅...金蟬脫殼？

飛揚 2019-2-21 19:10:59

:^(

今晚出完

:^(

三句預告

「唉！呢個兩個男人真係靠唔住㗎！一有機會就閃咗去偷懶！」雨姐雙手一翹，成對豐乳谷起晒！

件恤衫就快被雨姐對豐乳谷爆...

『呃...唔緊要啦...我都...OK嘅...』雨姐真係...好好身材...

飛揚 2019-2-21 19:13:37 然後蘋果見到又覺得有加價空間

:^(

今年嗰部又有藉口加價

:^(

唉望就望我部電話可以用多十年

:^(

再唔係用到我死嗰日都夠㗎喇

:^(

唔係嘅話翻新機都買唔起

:^(

做好心得惡報 2019-2-21 19:22:04 我買左部二手8仔用了

:^(

蘋果今年好明顯俾人爬曬頭，唔會夠膽仲加掛

:^(

幸運小灰鳩 2019-2-21 19:29:57 鞠躬咪有奶奶睇囉

:^(

飛揚 2019-2-21 19:35:26 好難講

:^(

話唔埋佢又唔知有乜“One more thing”喺部iPhone又有藉口加價

:^(

飛揚 2019-2-21 19:36:06 制服吖

:^(