《小松奇妙物語!》(6)
上一頁
第 26 頁
下一頁
針撚到就嚟跳樓
2019-3-19 23:25:10
留名等聽晚睇
:^(
:^(
Ads
阿呆
2019-3-19 23:51:54
聽日午餐上返嚟就係時侯
:^(
:^(
痴情兵
2019-3-20 01:56:57
等你等你
小松
2019-3-20 02:34:56
晚安
:^(
墨說
2019-3-20 08:51:14
在經歷美少年和食人魔之王同時出現那數天後,六號倉庫得到了最新的情報。
原來,當晚滅潔達記下了美少年身穿的校服,並將全港校徽進行配對,一番調查後發現,其校服來自一間名為「荃灣仁德中學」。怪異的是,該校早已荒廢十年,沒人就讀。
「同一件衫,著咗成十年!!?」小松在電話裡得知情報時,第一個驚人的反應。
「咳⋯小松,宜個唔係重點。」吳爹在電話另一頭,說:「不過你經過上次學校天台件事之後,仲有冇興趣調查落去?如果上次你有咩損傷,你阿爺應該會殺咗我。」
「緊係有啦,我嘅好奇心係源源不絕嫁!」小松喊話。
「今日幾多號?」吳爹問。
「三月四日。」
「我約你三月六,即係後日一齊去調查下吧。」
「嗯!」
掛線後,小松興奮地為這次靈探作準備。
墨說
2019-3-20 09:01:06
她貼心地準備了暖水、藥水膠布、指南針、電筒、包裝可可粉、零食、飛行棋、樂高模型⋯⋯
小松站在床前,收拾出發物品:「帶唔帶埋即影即有相好呢?」
「點解你啲嘢越執越奇怪⋯⋯」我不禁問。
「咩奇怪啊,每樣嘢都好有用嫁!」她戳戳我的頭,說:「唔帶你啦,你都無用嘅!」
「要不是我上次⋯⋯」
「上次明明就係食人魔之王先生救咗我!你唔洗扮嘢喇,俾人單手叉住條頸咁渣!!」
「赤手空拳,算係咁。」我離開她的視線範圍。
「今次俾你帶埋武器啦。」小松不知從房間哪裡,取出了一根鐵製棒球棍。
墨說
2019-3-20 09:05:23
「你有打開棒球?」
「唔係啊,但我唔知點解自己間房就係咁多古怪嘢,明明我根本無買過。」小松將棒球棍插入背包。
「咁你就唔爭在,帶埋嗰球過去。」我揶揄。
「好注意!」小松又從不知哪裡,拿出棒球放入背包。
難道她有憑空變出想要物件的能力!!?
「帶埋罐頭過去⋯!」我悄悄放話。
「午餐肉呀?」
「貓用罐頭。」
「你節省點啦小葵,食太多唔健康嫁。」小松走向貓咪衣櫃。
黑椒牛丸河
2019-3-20 09:09:37
變左家貓..要食罐罐
:^(
墨說
2019-3-20 09:19:31
咳⋯所謂的「貓咪衣櫃」,就是小松不久前為我設立的更衣點。是個比人類衣櫃,面積細小數倍的迷你版衣櫃。
入面專門存放我的衣服,除了之前的比卡超套裝、海盜套裝、西部牛仔套裝,還有她最喜歡的娃鬼回魂套裝。
「你今日著咩好呢?」她正審視著。
「我崇尚自然。」我跑出房間。
臨出門前,在大廳喝咖啡、看報紙的爺爺問:「小松,今日去邊?」
「小松妙妙屋又出動囉。」她靈巧地直接將腳穿入鞋子。
「嗯。」爺爺摘下老花眼鏡,抿抿一笑。
感性老母(有鳩)
2019-3-20 09:24:54
:^(
墨說
2019-3-20 09:42:43
六號倉庫的三人組與我們相約,在荃灣街頭一間麵店外碰頭。我剛好到達,他們三人就從麵店裡結帳出來。
「小松食咗嘢出嚟喇?」吳爹善意一問。
「食咗塊包囉。」小松答。
「淺粉衛衣、天藍牛仔褲、白色波鞋。」含住牙籤的阿星,上下打量了小松一番:「今日都係咁清純。」
「宜家唔係叫你嚟媾女啊!」吳爹拍拍阿星後腦。
這一拍,拍得阿星口中的牙籤都掉出:「⋯⋯」
「喂,啲食飯錢一陣先問你兩個收番。」滅潔達也出來了:「咦,小松都嚟埋?咁行得喇喎。」
如是者,四人齊齊整整的上小型貨車。
不同上次,上次用來擺放食人魔的貨櫃位置,變成一個密密麻麻、五臟俱全的訊息空間。周邊擺滿各種通訊設備,包括電台收音機、終端機、路由器、數據機、路訊通、小型傳真機、個人電腦,還有阿星手上的平板電腦。
小小空間,內裡無限。
「你哋睇落好專業喎!」小松不敢亂動,生怕撞到一旁的設備。
Ads
墨說
2019-3-20 09:52:06
「係啊~」阿星稍稍望後,略有生硬地回答:「我哋平時都係咁專業嘅,咁話明驅魔啊嘛,就事關已命,當然要專業喇啊哈哈哈哈。」
「賽馬會?」我跳到貨車的棍波位置,觀望阿星所瀏覽的網頁。
「你睇緊馬啊?」小松聽見,便問。
「哦⋯」阿星胡亂地說:「呃⋯聽⋯聽講沙田馬場,有幾隻馬就俾鬼上身,所以我睇緊邊隻最大機會係宿主。」
吳爹毫不掩飾,將電台及電視都轉去賽馬頻道:「就快開馬⋯⋯你哋唔好嘈住⋯⋯」
「要跟宜班人去驅魔,真係好。」我說。
戴住藍牙耳機的司機滅潔達,忽然大嘆一聲:「哎吔⋯⋯」巧合的是,阿星和吳爹都不約而同地大嘆。
「睇嚟係輸錢嘅節奏。」小松托鄂、點頭。
墨說
2019-3-20 10:06:59
「荃灣仁德中學」偏近山區,屬於人煙稀少之處。到達學校前,需經過一段長長的斜路上去,要是徒步而上肯定費力。
「到。」滅潔達把車停在學校外。
褪色牆壁、破爛窗戶、操場雜草叢生,這些都是學校荒廢已久的共同特色。
「睇落好無生氣。」小松說。
「等陣遇到咩事都記得冷靜。」吳爹推開貨櫃門。
「我琴日踩過點,朝早會有保安。」滅潔達事先提醒。
「你有應付方法?」阿星問。
「嚟,一人一個。」滅潔達即場分發偽造證件。
「我係美術總監!?」小松盯住證件。
「今日扮電影公司啊?」阿星很熟練地戴上證件:「幾好啊⋯⋯我鐘意做戲。」
「喂⋯喂喂,點解我係場記啊。」吳爹顯得不滿意:「咁咪即係派飯盒!」
「叫你扮住先啫,又唔係做一世。」滅潔達無奈地說。
墨說
2019-3-20 10:14:21
「唔要!我要做導演。」吳爹盯住滅潔達的工作證件:「點解嗰個啲職位咁高級,得我係場記,就連阿星都係監制。」
「有時現實係咁嫁啦⋯將就下。」阿星拍拍吳爹肩膊安慰。
「我要做金牌導演!」吳爹不死心。
他們打打鬧鬧的,入到學校才認真下來。
「喂,又話有保安嘅?」吳爹問。
推開校閘,完全沒人。
「肯定喺入面打緊飛機⋯⋯」滅潔達走向關閉著窗戶的保安亭。
「唔該。」滅潔達悄悄拉開窗戶,果見一名老保安褲子脫半,坐在椅子上休息。
「哇!!哇嘩⋯⋯」老保安嚇得跌倒,狼狽地拉起褲子:「咩⋯咩事⋯!?」
「申請咗嚟拍嘢。」滅潔達遞出偽造的申請紙。
墨說
2019-3-20 10:21:45
「拍嘢⋯?」老保安拉好褲子後,才檢閱申請紙:「三月六⋯申請⋯⋯四點至凌晨三點,拍攝⋯《十四天》電影⋯⋯」
「得未啊阿叔?趕時間啊。」滅潔達望望手錶。
「呃⋯」老保安伸出頭,觀望我們數人:「得嘅,之後仲有冇人要入?」
「冇,同埋幫我哋睇一睇住門口,唔好俾外人入嚟阻到我哋拍攝。」
「好,入去啦你哋。」老保安說。
待我們行入操場後,小松不禁說一聲:「原來咁容易。」
「係宜啲廢校保安好呃啫,去到某啲場合就難嫁喇。」滅潔達拍拍手,準備分配崗位:「趁入黑六點前,我哋分一分位置先。」
「我同小松一組。」吳爹直接說。
「咁阿星⋯就同我一組喇。」滅潔達同意。
「吓,但係我想⋯⋯」阿星的目光徘徊在小松身上。
「你想咩啊你,你咩都想,咩都得,就世界大亂喇!行喇,宜個世界係要有你宜啲咩都想,但又得唔到嘅廢人嚟平衡下嫁喇。」滅潔達用力拍打阿星背脊。示意他前進。
墨說
2019-3-20 10:26:59
兩人出發後,環境才沒那麼吵。
「吳爹叔叔,我哋要調查咩啊?既然知道美少年著住宜間學校嘅校服。」小松問。
「可能查下佢係咪曾經嘅學生、讀邊一班,再深入睇下有冇屋企住址之類,慢慢抽絲剝繭。」吳爹說下去:「搵到最後,迷底解開,自然會水落石出。唔知邊個講過,人之所以畏懼,係因為未知。清楚了解事物嘅本質,就會變到無所畏懼!」
「咁我哋去邊先?」小松拿出小電筒,胡亂地照射周圍。
「阿星佢哋去校務處,咁我哋就逐間班房查下。」吳爹亮出腰間的無線電,說:「一陣有咩事呢,佢哋就會通知我哋嫁喇。」
「好!Gogogo!」小松大踏步向前。
阿呆
2019-3-20 10:49:43
樂高模型
踩中就好似踩地雷咁
:^(
:^(
負皮王
2019-3-20 11:33:58
墨巴要配翻副眼鏡
:^(
阿呆
2019-3-20 12:35:05
以免各位冇follow墨巴ig 唔知咩事
:^(
朱千雪雪雪
2019-3-20 12:38:51
係文啊
:^(
:^(
:^(
唐寧瞓教瞓靈堂
2019-3-20 13:46:50
拍十四天電影
:^(
我當墨巴講真架啦
:^(
Ads
老伯鄧肯
2019-3-20 13:47:06
推啊
:^(
文啊
:^(
安妮還好嗎
2019-3-20 16:35:44
睇咗兩日終於live
:^(
我條女好撚正
2019-3-20 19:39:46
星啊星 接力
我係黎睇故
2019-3-20 22:40:04
:^(
:^(
:^(
上一頁
第 26 頁
下一頁